歡喜

營業中

休息中

平時lunch超多人食，同事都好鐘意係呢度食飯，今日就食下佢嘅晚餐，一樣咁出色！.鋪頭外面嘅霓虹燈招牌打卡好靚，點知鋪頭入面嘅裝修仲更加靚！仲有唔少懷舊擺設同打卡位，彷電影院嘅corner 好靚呀晚餐有好抵食嘅2人餐，OpenRice 訂坐仲有8折架，折完都係2xx， 唔止價錢抵連份量都好大！頭盤嘅凱薩沙律，完全估唔到佢咁大份，而且仲好足料，有乾果、杏仁，仲有雞肉，調味仲啱啱好！美式厚切豬扒配蘋果醬擺盤靚到不得了，蘋果醬好清新，配豬扒食真係好夾，配菜唔洗多，份量啱啱好而且整得好好味！厚到咁仲好嫩，咬落去會爆汁！鹹蛋黃卡邦尼意粉估唔到咁都好好味，咸蛋黃嘅沙沙同卡邦尼嘅滑溜互相衝擊下真係有新火花，大推！二人餐甜品墨西哥雞肉沙律；因為估唔到跟餐份沙律大到咁，唔小心再多點左一份一模一樣咁大嘅沙律，仲都要再講多次，啲沙律真係好好味，無論調味定配搭都好用心，真係好推薦！仲加多左份炸魚薯條，薯條係超脆皮有調味嘅薯條，連魚炸得啱啱好，一啖接一啖真係停唔到！

外面下着傾盆大雨，坐喺餐廳窗邊望住街景另一番風味！餐廳樓底非常高，充滿空間感！在北角很少餐廳會有咁舒服嘅空間⋯⋯非常享受📍📍歡喜📍📍Happy Hour 🍻 生啤配小食金+黑金裝香氣芳香，黑啤味道濃郁！加起來相當絕配⋯⋯炸魚薯條🍟炸魚非常香脆，配以鬆脆的粗薯條🍟送啤酒一流⋯⋯蜜瓜風乾火腿串蜜瓜甜美多汁，配以風乾火腿超夾！餐湯忌廉湯非常濃郁又香滑⋯⋯凱撒雞肉沙律🥗雞肉份量非常多，肉質多汁！沙律菜非常爽脆！每一片沙律菜都沾上凱撒沙律醬汁！超正⋯⋯美國厚切豬扒豬扒超厚而且勁多肉汁，烹調得啱啱好，非常鮮嫩，配以蘋果醬汁能夠帶出豬扒嘅香氣😋鹹蛋黃卡邦尼煙肉意大利粉見到已經好想食🥰賣相好靚！每一條意粉都沾上鹹蛋黃卡邦尼醬汁，非常濃郁😋惹味！朱古力Oreo冰沙賣相超級靚仔！而且朱古力味好濃郁！雜莓乳酪冰沙酸酸地帶有雜莓香氣！應該用唔少新鮮嘅雜莓製成！睇得出每一菜式都用心製作！甜品作為一餐美滿的句號⋯⋯🥰📍歡喜這間餐廳無論食物質素和服務質素都相當高⋯⋯氣氛一流⋯⋯

二人分享 ($328)*openrice 訂座$263二人餐前菜包咗餐湯同凱撒雞肉沙律🥗餐湯係牛肉蕃茄雜菜湯🥫，非常之真材實料，飲到好多雜菜粒外，亦都有牛肉粒，酸酸甜甜非常開胃🤰🏻而凱撒雞肉沙律更加係臥虎藏龍🐉，就咁睇就feel到佢好大盤，但原來底下面全部都係雞肉，而且煮得好滑嫩，配埋小蕃茄、沙律菜同芝士🧀真係100分💯主食方面就係三選一，有澳洲牛肉眼扒、蘋果醬厚豬扒🍎同香煎𩶘魚柳🐟我哋就揀咗肉眼扒加5成熟🥩，不得了肉眼油脂感好重，juicy得黎夠軟腍，而且好重牛味，真係會食唔停口，完全唔覺得heavy🤤💕 另外仲有三選一嘅意大利粉/飯🍝，包括辣雞意大利粉、鹹蛋黃卡邦尼煙肉意大利粉、同埋肉丸闊麵，我哋就揀咗鹹蛋煙肉意大利粉，煙肉份量幾多🥓，而意大利份同鹹蛋醬出奇地夾，整體幾特別亦都易入口✅而是日甜品就係芝士蛋糕同咖啡蛋糕☕️，芝士蛋糕偏實身，都好重芝士同忌廉味🍰而咖啡蛋糕本身唔算好濕潤，配埋cream同朱古力醬食，味道就更加豐富🍫飲品本身包茶/咖啡，而叫無酒精飲品有半價，所以我哋叫咗朱古力Oreo沙冰同雜莓乳酪沙冰 (各+$17) 🍧兩杯都份量好足，Oreo沙冰真係冇得輸，仲有兩枝朱古力

喺附近Staycation 近近哋唔知食乜好之際就見到呢間餐廳見到menu都ok所以就入咗去食喇其實二人晚餐真係幾抵食 不過因為我地食左lunch buffet 無好餓 所以就叫左一人晚餐再加小食喇chill 一 chill先金＋黑啤 兩者加埋又有麥味又唔會太苦紐西蘭肉眼扒(五成熟)個牛扒煎得啱啱好又唔韌 最令我回味嘅係個醬汁 喺bbq醬味黎架！薯條好新鮮香脆🍟小食：雞翼配牛油果醬雞翼本身已經有啲醬汁酸酸甜甜好醒胃再加埋牛油果醬又係另一種風味摩洛哥雞肉沙律個人認為全晚最精彩就係呢盤沙律顏色豐富之外 材料都好多元化 有牛油果乾果 紅莓乾小蕃茄南瓜雞肉等等 口感豐富又有營養價值 大推👍🏻👍🏻👍🏻菠菜瑞可達芝士雲吞伴哥根蘇拿忌廉汁呢度有位女職員都非常殷勤 時刻留意住每一枱有咩需要 值得一讚

今日搵食來到北角 搵到呢間有多國菜式的西餐廳 佢都算坐得舒服😌 而且選擇都幾多😆 真係歡喜啦！ 我哋叫咗二人餐$328 南瓜湯🥣 啲湯好Creamy, 甜甜地😋 凱撒雞肉沙律🥗啲沙律菜好新鮮 撈埋沙律醬及芝士粉一齊食 又好食又健康🤗 美式厚切豬扒配蘋果醬個扒勁厚 勁大塊 真係分量十足😄 香辣雞肉欖油意大利粉🍜少少辣 夠晒野味 雞肉好入味 意粉軟腍適中 有水準👍 再加咗兩個小食😋😋 🍴高興雞中翼配牛油果醬$49 算啦係正常發揮嘅小食🤗 🍴哈密瓜風乾火腿串$49哈密瓜配火腿係最佳嘅組合 味道超級夾 我想食咗好耐㗎😋😋 假期前夕 我叫咗杯特飲 獎勵吓自己😆😍😍我朋友就叫咗生啤🍺 慢慢嘆🤗🤗 🍹士多啤梨益力多奶昔 改餐飲加$17 🍺Suntory 生啤$38 最後再嚟多個甜品 🍮 完美的一餐！ 🍰甜品有芝士蛋糕 🎈歡喜 (北角)北角琴行街21-23號港濤軒地下1-2號舖kfoodie #hkfood #hkfoodblogger #hkfoodlover #香港美食 #香港必食 #hkfoodpic #hkig #food #foodie #foodstagram #foodblogger

呢間餐廳好近地鐵站，又近北角碼頭附近，環境都好信，地點好好。價錢都非常便宜，唔收加一，店員嘅態度都好友善，服務態度好好。我哋叫咗個二人餐，再加其他小食，就已經夠。呢個係芝麻豆腐沙律，沙律非常新鮮，加上芝麻醬，成個感覺好友田園嘅清爽，好適合夏天食用。士多啤梨益力多沙冰，都好好味，酸得來但有好香濃嘅士多啤梨味。蟹肉忌廉餐湯，非常之美味，好多蟹肉喺入邊。哈密瓜風乾火腿，食落去好清甜，啖啖肉，好有青新嘅田園感覺。海鮮意大利飯賣相靚，亦都用料豐富，味道都好香，海鮮都好新鮮。Oreo沙冰都好好飲，賣相都好靚。黑松露薯條香脆，同埋有好香濃嘅黑松露醬。好好食。好友墨西哥風味嘅雞翼，配上牛油果醬，味道好特別。有少少辣，又有少少好清新嘅水果香味。澳洲肉眼扒，好香勁牛味，入口即溶，煎得好香脆。香濃朱古力蛋糕，好好味

放工同朋友黎北角搵食，呢到好近北角碼頭。店舖裝修感覺幾舒適，職員態度都唔錯。餐牌上有好多選擇，亦有標示唔同辣度。首先黎左兩杯野飲。朋友飲藍莓乳酸梳打，我就飲無花果檸檬梳打，酸酸甜甜咁幾好飲。松露雜菌意大利飯。松露味好香，意大利飯既熟度岩岩好，飯唔會太生亦唔會太淋，而且口感好creamy。雞中翼配牛油果醬。雞翼有點juicy，唔會乾身，食落有點酸辣味，配牛油果醬有少少中和味道。冬蔭公大蝦扁意粉。呢個有啲偏辣，濃濃冬蔭公味配酸酸甜甜既車厘茄，另外大蝦肉質都算厚實。美國厚切有骨豬扒配蘋果汁。原本餐牌上寫可以揀黑椒或蒜蓉汁，但職員話只有蘋果汁（蘋果蓉？），豬扒肉質比平時食既豬肉軟淋，配甜甜既蘋果汁味道幾特別😋流心蛋焗啡菇。啡菇好有水份，流心蛋上面放左芝士，十分惹味。

環境5分：港式西餐廳格局，地舖好大，樓面好高，啲位分得好開，啲歌勁啱聽，可以畀滿分。衛生5分：地方非常之乾淨，衛生一樣畀滿分。服務5分： 兩個女服務員都好friendly，落單爽，上餸快，又會自動添水，都係滿分。味道4分：1)      日本京都Suntory生啤全部同價，新潮金加黑好清爽。2)      是日餐湯係煙肉白豆湯，熱辣辣，豆味好濃。3)      日本芝麻汁豆腐沙律比較特別，沙律好爽好新鮮，個麻醬甜，兩個人share食都足夠有餘。4)      鹹蛋黃卡邦尼煙肉意大利粉要撈埋鹹蛋黃一齊食，個意粉醬汁好食，意粉煮到煙煙靭靭，煙肉粒份量都多。5)      十安士澳洲牛肉眼扒一上枱以為煮得好熟，但切開一半見到啱啱好medium，份量大大塊，伴碟嘅蕃茄蒜頭薯仔都非常嘢味。6)      甜品芝士蛋糕唔太甜，好light。抵食5分：二人套餐有湯，有沙律，有牛扒，有意大利粉，有甜品，$308唔使加一，抵食一定畀滿分。

放咗工同事話要帶我去食好西，入到嚟好似去咗一間懷舊餐廳咁，裝修好有復古風，睇裝修我仲以為係一間中式茶餐廳，睇Menu時先發覺原來唔係😆見到有二人餐而且價錢都幾抵，所以我哋就揀咗！是日餐湯：蕃茄雜菜湯酸甜度適中，材料都幾豐富🥣日式芝麻汁豆腐沙律：分量都幾多，豆腐滑捋捋同埋豆味好濃，沙律菜好爽脆鮮甜，平時食沙律最驚唔夠醬，呢度就係絕對冇呢個問題， 胡麻醬酸咪咪非常開胃🥗澳洲牛肉眼扒(10oz)：牛扒肉味濃，五成熟切開見到帶有粉紅色，入口肉質唔會韌！ 配料竟然有烤過嘅原隻蒜頭，蒜頭烤過後帶有辣味又唔會嗆喉，一啖牛扒一啖蒜頭😆對於鍾意食蒜頭嘅我非常有驚喜🧄蕃茄菠菜芝士雲吞：菠菜蓉混入芝士餡，芝士味好濃郁，但仍然保留到菠菜嘅味道！配上酸甜嘅蕃茄醬，配搭一流！望落去份量好似唔係好多，但其實非常飽肚！洋蔥煙肉流心蛋焗啡菇：表層微焦嘅芝士搭配上洋蔥、煙肉仲有流心蛋，啡菇厚身菇味濃而且好juicy❤️Suntory生啤(金+黑)：集合咗金啤嘅清爽同黑啤嘅濃厚香醇，飲落層次更加提升🍻士多啤梨益力多奶昔：同事話汽水無益！士多啤梨含有豐富維他命C配埋乳酸菌豐富嘅益力多當然係健康之選！酸酸甜甜，開胃又美味！食物味

Bad Weather•Good Vibe 套餐 $308 包兩個主菜, 一個沙律, 兩碗湯, 兩杯嘢飲, 甜品沙律係豆腐+芝麻醬，好大份，勁多碗湯普通，有啲濃郁主菜選左- Salty Egg Carbonara🍝 鹹蛋黃味好重，好大份，食完都幾漏架- AUS Rib Eye Steak🥩 又係大大件，我嗌咗五成熟，啱啱好- 另外加左 Chicken Wings🥘總共有五隻炸雞翼，好香口性價比高•簡單西餐•方便就腳·適合傾偈聊天服務周到

There have been many good restaurants in North Point recently. And we want to have a chill dinner so we select a café. The restaurant is big and chill, it is an excellent place to chat with friends during a lazy holiday. We order set dinner Pan fried daily fillet with Tom Yum style sauce, some side dishes honeydew with Parma ham, Truffle fries, main dish Crispy honey orange glazed salmon and a special drink chocolate. All the food is made per order, the fries are perfectly fried, and we keep on

今日嚟到北角呢間叫做歡喜嘅Cafe呢間Cafe個透明感好高，用咗好多玻璃樓底高一啲都唔壓迫空間感非常之大，另外用咗胡桃木色嘅傢俬同埋一啲高位吊燈營造出復古嘅感覺價錢方面係相當之佛心仲要唔需要+1服務費摩洛哥雞肉沙律嘅配搭好新鮮入邊加咗啲果仁芒果同埋杏脯超大碟加埋雞肉喺入邊非常之健康墨西哥脆片配牛油果醬上枱嘅時候仲係熱辣辣非常之脆口洋蔥煙肉流心蛋焗啡菇做得非常之濕潤喺中間切開嘅時候蛋黃融合埋啲芝士啡菇亦都好厚身辣肉腸煙肉pizza個辣肉腸睇得出係用人手切手工感好重，芝士亦都好厚身非常之邪惡整個味道係會偏濃啱晒啲重口味嘅人美式厚切豬扒配蘋果醬賣相一流豬扒烹調後仍然保持肉汁鎖死喺入邊配上蘋果醬食落感覺頗為清新Tiramisu蛋糕作為飯後甜品非常之圓滿質感就偏挺身朱古力Oreo沙冰同雜莓乳酪沙冰都唔會太甜亦都唔會有太多碎冰整體來講呢間Cafe嘅CP值極高，菜式份量多得來味道相當之唔錯價錢仲相當之合理店員亦都好有禮貌

個日去北角搵朋友食飯，見到呢間餐廳走懷舊風，環境唔錯，就入咗去食。我地點左二人分享餐，以及經典炸魚薯條同牛油果大蝦薄餅。經典炸魚薯條炸魚薯條火候控制得唔錯，炸得外脆內軟，兩樣嘢食落都係熱辣辣，薯條有加七味粉，仲有沙律醬以及茄汁任軍選擇。牛油果大蝦薄餅薄餅個底夠脆，表面蕃茄芝士醬同蝦都正常發揮，可惜牛油果好鹹。餐湯南瓜湯正常發揮，算香濃又唔會好咸。日式芝麻汁豆腐沙律沙律比想像中大份，蔬菜都好新鮮，厚切嘅豆腐好滑，配埋芝麻汁一齊食好開胃。美式厚切豬扒（蘋果醬）豬扒好厚切又大件，咬落去仲係好淋，肉質鮮嫩，配合蘋果醬食一流。蕃茄菠菜芝士雲吞菠菜芝士雲吞味道唔錯，可惜嘅係表面蕃茄汁有啲鹹。士多啤梨益力多奶昔飲落去唔會好甜，三樣嘢估唔到咁夾。青瓜青檸梳打呢杯飲品好清淡，青瓜味唔算好濃，比較似青檸梳打。甜品兩件蛋糕都唔會好甜，紐約芝士蛋糕芝士味濃又夠滑，藍莓乳酪慕絲蛋糕帶住藍莓清香，慕絲質感亦都夠軟身又唔會散，整體唔錯。整體而言，食物性價比算高，想食懷舊風餐廳嘅朋友可以去。

朋友晚飯去了北角琴行街21-23號港濤軒地下1-2號鋪 歡喜-主打港式西餐。室內光猛，座位舒適，食店款式很多，有港式也有西式，供客人選擇。1. 辣肉腸煙肉薄餅$91香脆薄餅批，肉腸煙肉鋪滿薄餅，加上香濃芝士，非常惹味。2. 澳洲肉眼扒(10安士)$198肉質鮮嫩多汁，厚薄適中，配上特製醬汁，更覺美味。追加是日南瓜餐湯$12(每位)餐前香濃南瓜蓉湯，幼滑美味。3. 套餐追加飲品~雜莓乳酪沙冰$17外型吸引，顏色奪目，酸甜合宜，味道極佳。4. 套餐追加飲品~士多啤梨益力多奶昔$17士多啤梨和益力多混合非常夾，提升飲品的味道。

開返堂食當然要快啲出去食晚餐啦，呢間位於北角店就非常適合收完工之後慢慢去食，現場入去唔會好多人，所以唔使去旺區同人迫非常好。我哋見到二人餐都係三百幾蚊非常之抵食所以就叫左。前菜方面有羅宋湯同埋日式芝麻汁沙律。羅宋湯入面都幾足料同埋有少少牛肉碎，唔會太酸，幾開胃。日式芝麻汁沙律，上面豆腐非常之足料，有4大件。下面沙律菜份量都幾多冇諗過係呢個份量，兩個人食完已經半飽。澳洲牛肉眼𤴓，5成熟，上枱果陣熟嘅程度啱啱好，牛肉表面有少少黑椒同埋鹽調味已經非常之足夠，牛肉味非常之香，表面有少少香脆，入面肉汁封曬喺入面，所以入口非常之香。牛肉脂肪比例唔算太多，所以唔會成舊脂肪咁樣食落肚，啖啖肉非常美味。海鮮意大利飯，非常推薦食呢個意大利飯。意大利飯入口比較軟身唔係太硬，入面嘅海鮮非常之多，上面有一隻大蝦元貝，入面嘅意大利粉充分融入海鮮嘅味道，淡淡都有海鮮味道。意大利飯份量唔算太多兩個人食啱啱好。巧克力Oreo沙冰，Oreo味道唔多，但朱古力味道比較濃郁。沙冰都幾大杯食完餐飯都仲有七成喺度。甜度方面就比較甜。藍苺乳酸梳打，藍莓味道十足，呢個嘅甜度唔算太勁，清清地好適合配埋濃味嘅意大利飯同牛扒一齊食。整體而