歌德(美式)餐廳酒吧

營業中

休息中

老實說，這餐廳食物質素是有差異浮動的。今次叫了西冷扒併炸蝦。先是餐飽，一食味道就知不新鮮，但許多店都是不新鮮了。但微暖及軟軟，食落去也不算差。羅宋湯，有多的菜蔬，但相信沒有下肉去煮。飲落很清，蔬菜味而矣，不過清清地，味道不過鹹，帶點辣，可以的。主菜送來，第一感覺是，塊扒咁大塊😋，幾香，而且不薄薄的，差不多有1.5cm厚。看已大滿足。拿起刀一切，略靭，許多小根，很有咬感😅⋯⋯不過我寧願這個，都不要那些被鬆肉粉嗱的牛扒。的確，切到手軟，食到一半要抖抖。配菜也算不錯吖，有翠肉瓜、蘿蔔及南瓜粒👍。凍飲要加$3。由於不是即磨咖啡☕️，所以選擇了凍鴛鴦。味道👌。這餐$58、加$3凍飲，再加一。舒舒服服的午餐都抵吖！但若對牛扒很有要求的，就不要考慮這了。或者可以考它其他菜式。我上次叫T骨也不錯。

以前看到coco duck的招牌，總以為只是舞廳或雀館，今次在友人的推介下才首次光臨。酒吧餐廳的設計像一個車廂，頗有特色。餐牌不像一般酒吧，只有簡單小食，當中包括前菜、主菜及小食等。我們點了份牛扒三文治和啤酒薯條。牛扒三文治認真juicy, 加上蕃茄和生菜，十分清新。啤酒薯條熱辣辣，香脆惹味。這裡的店員也很友善，下次有聚會，不妨試試！

平時聽到Co Co Duck 都係又煙又酒既地方，所以我從來不踏足！今天又下著大雨，經過這裡，朋友話這裡的午餐不錯， 又經濟實惠，所以順應民意地上來一試！一入到來，環境寧靜， 我們坐在一卡卡的火車頭中享用午餐！ 午餐的種類很多，而且價錢便宜！ 最後，我叫了一客我至愛的鰻魚蛋包飯配蘿宋湯及餐包！ 鰻魚蛋包飯份量很大！ 蛋有蛋汁，鰻魚味道燒得不錯！ 值得回味！總括來說： 環境不俗，價錢超值，食物質素水準之上，值得再次光顧！

前幾日約咗人食晚飯 ，朋友提議呢間餐廳 ，我未試過 ， 即管試下啦。 餐廳位置好方便， 喺市中心 。佢位於一樓， 行樓梯上一層。 佢d餐 真係唔貴， 唔使一百蚊已經開始有選擇。 我叫咗一個 黑椒脆皮咸豬手拼吉列石斑， 先上餐包套餐湯。 餐包軟熟 、熱辣辣、 牛油已經解凍咗 ，好容易搽， 唔錯。 忌廉湯冇乜特別 。個脆皮咸豬手好大隻， 都幾多肉， 啲肉唔鞋。吉列石斑冇乜特別。 石班同豬手拼埋一碟 ，其實唔係好match， 不過一個價錢有兩樣嘢食， 感覺都幾抵啦。餐飲叫咗凍奶茶 ，都幾香滑，ok 。冇揸車可以飲酒嘅朋友， 呢間餐廳就好適合 ， 佢哋有酒精類飲品可以選擇， 仲有飛鏢機玩添。

今晚約咗人食飯 ，我諗起呢間餐廳， 佢位於市中心 ，交通方便 ，而且容易搵位 ，價錢平， 食物選擇多， 仲有酒精類飲品 。餐廳在間樓梯上一層 ，係好典型嘅酒吧裝修style 。燈光暗暗嘅，好有氣氛、好relax。店員帶咗我哋去餐廳卡位嗰個section坐低。晚餐選擇多。 由於我好鍾意食田螺， 我揀咗鐵板餐 。 包括 :餐包 ~ 熱辣辣、好軟熟 ，我好鍾意食餐湯 (我揀咗羅宋湯) ~ 好多菜、 少少辣、好開胃焗田螺 / 焗青口 ( 我當然揀焗田螺)~ 好好食我嘅主菜係牛仔柳~ 好軟熟、冇筋、冇骨， 啱曬我呢啲懶人餐飲~ 咖啡， ok咁啦美中不足係有一小小奇怪氣味

週末喺附近做完嘢搵食，見間間都排晒長龍，又唔想迫，朋友提議去歌德。最初見門面咁up dup 好似麻雀會咁，都唔方正常，但又唔願等位，唯有試下。抱住無期待嘅心去一試，反而喜出望外！三個人叫咗三個main course + 小食。分別有帶子黑松露五谷飯，半份rib, 一個rib eyes 配前菜(要咗焗蝸牛) 再加個炸洋蒽圈。先上焗蝸牛，擺碟就認真麻麻，但食落又出奇地好味喎！再嚟洋蒽圈就知出事喇！！！好-大-碟！！！！見洋蒽圈只係$48 小食掛....誰知上枱一大份...好驚.... 味道唔錯，入面嘅洋蒽係粗砌，唔會好似其他咁入面得一條絲。但炸醬就普通，熱食還好，涷左就好粉唔脆，要陣熱食！送啤酒應該不錯！之後啲main course 嚟喇，不負眾望，係超大份！以咁嘅價錢咁嘅份量好抵食，味道亦唔差。排ribs 好好味，肉夠淋身，啖啖都有醬汁好均勻。個帶子飯喜出望外！出面食嘅飯我多數都唔鍾意，十居其九係一灘汁，但個帶子飯唔會太乾亦唔會一灘水，上碟個樣仲幾唔錯。(可惜朋友太肚飯一嘢分晒....影唔到) 帶子2大粒都煎得好香，飯好好食好creamy夠味。唯一最差係無黑松露味，一滴都無，好懷疑佢無落

咁岩經過荃灣 為左睇波第一次光顧 點知就中晒伏第一次嬲到覺得被騙到要寫食評來提提大家呢間餐廳首先打電話預約講話每人最低消費$150/1 我覺得合理所以照去去到企係門口報：姓陳接待問：姓陳既，電話係咪9xxx xxxx我：唔係 係6xxx xxxx呢個時候後面有位男士突然衝上前：我係呀然後個接待就即刻帶果位男士位 完全漠視左我連基本服務禮貌都唔識都知之後唔駛期望太多坐低揭menu 晚餐得一張menu雞扒$118 西冷扒$138 雜扒$168勁奸咋 貴果d餐嗌乜無乜所有$168set都話賣晒 逼住你揀平d既餐當時只係8.30pm 打開門做生意嗌左雞扒 西冷扒落完單都知流流地完全唔問咩汁跟飯定意粉果d上碟後就見真章牛扒係痴線 勁黑勁難勁硬勁難食薯條 凍既無味既汁就直頭乞衣睇張相都知佢幾垃圾勁難食然後問佢有無其他snacks menu佢答無之後轉第二個黎踢單時就話欠$40幾蚊先滿最低消費 再問佢甘有咩食 佢就話有薯條呀雞翼呀問佢甘幾錢佢竟然答：應該夠掛！離晒大譜 要湯人都專業d幾多錢都答唔到亂甘黎架喎！然後上左碟翻炸再翻炸既薯條極度不知所謂 成碟油 好過份（嬲到唔記得影相）結果小妹同朋友比左成

午市找食，不是人多排隊，就是坐得逼逼。經過有人派傳單還推介🤔⋯⋯就一試。上了一層樓梯，店內黑黑，坐下，看看餐牌，很多選擇。有焗飯類、炒類、扒類等。我選擇了牛仔骨拼豬肋骨😋。先來餐包同羅宋湯，飽是暖暖軟軟的，湯味道不會過鹹，還有點辣，這就是羅宋湯的特式。我覺得頭輪已合格。主菜來了，很香，扒燒得適中，不會過火而收縮或靱。而且份量算大份哩！兩片算大的牛仔骨，不會過薄，亦不會只有骨。豬肋有三條算大的，兩樣食物骨肉適中😋。飯粒也適中，配上此扒，正呀。還有杯凍檸茶，茶色很靚。放至食完飯都不會變色，有些茶餐廳，久放便會變喼和濁濁的茶色。這店是我的午餐好地方了。

今日咁岩我兩小口子大家都病，要出去睇醫生，順便食埋個飯，我地大家真係唔知食咩好，道道地方食個午餐都好貴，又唔係話太好食，又坐得唔舒服，我老婆一諗不如去返CO CO DUCK啦，又可以坐得耐又舒服，唔會有人吹我地走。其實CO CO DUCK都多選擇，又有扒又有中西日式既飯麵食，又有炸既小食，同朋友吹水係唔錯既選擇。【即燒水牛城汁雞扒飯】餐包湯連飲品碟飯來到都算大碟又抵，但個汁係差少少，似平時燒汁既味道，我以為水牛城汁係辣辣地橙橙地色，又唔係，雞扒都好大塊又厚肉，裡面都仲好有肉汁鮮嫩。【碳燒松板牛柳蛋包飯】餐包湯連飲品碳燒牛柳冇乜碳燒味,不過塊牛柳都算厚身而好淋又唔會煎得好硬，軟硬度都控制得好好，個蛋包飯都好考師父，蛋煮得唔會乾煎仲有少少蛋汁流出再包住個炒飯，唔錯唔錯。註:日日午餐下午茶都唔同，第二日就未必有我地食開既午餐喇。

本來餐廳午餐不貴的！價錢都幾合理同幾好食！但一去到餐茶呢度就勞氣啦！杏霜、菜蜜！你话當我係特飲都算數！但好立克都话當特飲！收我三十幾蚊杯计我正價！就真係非常勞氣啦！未必人人都鐘意飲奶茶、咖啡加嘛！

This place was a great disappointment. Vastly overpriced, and the decor is more like a pub than a restaurant. Very dark with noise games machines all over the place. The food looked nothing like the pictures on the menu. The onion rings were extremely oily and not particularly tasty.

未見過態度如此差的餐廳侍應，叫左個燒春雞同個飯，食完隻雞飯都未來，催左幾次都冇用，他們話去跟下，之後叫他們取消個飯，他們說個飯根本冇落單，搞到我投訴都不敢，俾錢仲受氣，

上星期日有車路士對阿仙奴的足球直播，但因為是有線直播的關係，未有太多餐廳播映，難得在荃灣區找到一間會直播的餐廳，所以就去嘗試一下餐廳樓高兩層，一層是麻雀房加桌球室，一層是酒吧加西餐廳，睇波的我當然是選擇酒吧啦！地方不算很大，但裝修都算有點佈置，而且還有吧枱，扔飛鏢的地方給食客消閒！可能餐廳是主打足球直播的關係吧，電視有很多部而且是足夠的，所以不用擔心座位會被遮掩而看不清楚！另外因為足球直播的關係，場內設有最低消費，但其實點一個晚餐已經夠錢走人（當然你可以點啤酒+小食湊夠數吧！）晚餐肚餓就點了鐵板雜扒餐，意外的是鐵板餐竟有前菜附送，可選田螺或青口，個人點了田螺焗薯蓉，田螺的味道調節得剛好，味道不太咸配薯蓉吃還不錯！反而主菜的鐵板餐就令人失望，牛扒豬扒薄切也就算了，連所謂的「法蘭克福腸」竟然是一條廚師腸，真的令人不知好嬲定好笑鐵板餐還可以選擇飯或意粉，個人點了意粉，尚算大碟不致無野落肚吧！至於餐廳餐飲也是包括在晚餐內的，沒有特別就不多說了！如果下次不是有線直播，還是去其他餐廳好了，硬要選擇的話，可能啤酒小食會比晚餐好，不會令人太失望吧？

有晚餐推薦，呢度幾個睇落都ok，另外再有餐牌，入面就有圖，方便d揀。香蒜汁T骨牛扒，地叫左6成熟，上到來應該有7 /8 成。anyway，但舊牛扒整體都係好味既，同埋都好大舊。軟硬度都控制得okay，只系香蒜汁淡左少少。牛扒餐，配既係原隻馬鈴薯。本身應該幾好味既，但係唔知佢上面落左d咩沙律醬，甜得制，完全唔夾馬鈴薯。我地兩個最後一齊share左肋骨餐個薯蓉，無掂過就原隻馬鈴薯。加左$18跟酥皮龍蝦湯，入面有好多隻原隻蝦，D湯都夠濃。酥皮好大舊，焗得幾香，同埋都幾脆。整爛佢擺落去湯度一齊食，好好味。我覺得，碗湯，仲好味過牛扒，下次叫餐可以試下跟，坻食既，

今日放假所以同屋企人出去食lunch，歌德餐廳都唔係第一次食，質素一直都唔錯，亦成為我地係荃灣例牌會食既餐廳☺️lunch價錢都唔算貴，3個餐加埋一$200有找👍跟餐忌廉湯，稀左d，味道唔差，有d粟米粒同雞絲，仲有餐包但無影有得揀飯，意粉或薯菜，我揀左薯菜，好開心係薯角而唔係波浪紋粗薯條，雖然好多餐廳都會犯一個錯誤就係叫塊扒5成熟但上到黎就會變7成，但呢到無，入面d肉仲係紅色，讚👍味道就正常，不過不失呢個係屋企人叫既，不過佢地都無彈，都有食哂所以應該都唔錯唯一係餐廳設計成d座位好似包箱咁，所以有d難叫待應，除左呢樣其他都唔錯