歌德餐廳酒吧

營業中

休息中

同事介紹一間超抵食既西餐廳👍🏻環境好大，幾舒服，岩哂我地幾個想靜靜地食個lunch佢個menu 都會不時轉， 今次叫左我最鐘意食既明太子意粉😂意粉偏硬身既， 但味道好濃烈，好岩我口味。跟餐仲配埋餐包同飲品，真係超抵啊👍🏻

同男朋友訂咗枱嚟到歌德餐廳酒吧食飯。一入到嚟就發現好大煙味😵。食物方面叫咗蜆肉周打湯（$40）、磨菇牛肉漢堡（$128），同埋迷迭香燒羊架（$168）。蜆肉周打湯好creamy好重蜆味，又有好多蔬菜。本身未叫以為係金寶湯，結果又唔似。好有驚喜😻！磨菇牛肉漢堡就普通啲🍔，唔係好食到磨菇，不過牛肉都juicy嘅。沙律菜新鮮，配芝麻醬。最好味係美式啤酒薯條🍟，脆得嚟又有薯味，係我喺香港食過最好食嘅薯條，沒有之一😋。迷迭香燒羊架我地嗌咗七成熟，結果熟咗少少，而且唔夠熱。反而啲配菜熱辣辣，只係用鹽同胡椒調味都好好味🥰。食物嚟講比想像中好，食得出有心思！餐廳資料：歌德餐廳酒吧旺角西洋菜南街80號旺角城市中心6樓

失望！今日去食呢間coco duck, 向職員要茄汁，佢行埋來時，自己都望左望支汁再比我。平時我點會特別留意，點知見到支茄汁入面變左色，有些黃黃地，又似發霉，之後同職員講茄汁有問題，叫佢換過支，佢唔再比一支我，倒落個碟比我。我問佢可唔可以比支野來，我擔心都係發霉變左個支倒出來，佢話，唔係就走左去。茄汁係一間餐廳最基本的醬汁，如職員一開始發現有問題，唔應該比我。另外，客人擔心同一支，佢地唔理，走開左。食薯條無茄汁，完全影響成餐心情！😡😡之後既凍檸茶，無啦啦仲有d 黑色一點點，開開心心放假，食得都唔安樂，衛生唔得！！唔想肚痛，大家要小心呢間分店！

平時放工，朋友間總會有飲酒的時候，旺角更加是朋友間聚會的好地區，因為朋友介紹，在旺角有上樓的COCODUCK，可以飲酒,又可以食飯，不過是愈左會有少少煙味~~上到去,大部份的位都是SOFA位，可以自成一角，同朋友談天真的好CLOSE，食物方面，我們點了番茄意粉，意式飯，兩款啤酒同埋薯條，番茄意粉同埋意式飯水準都唔錯，不過份量方面可以再多一點點就會更好，番茄意粉味道唔錯，熱度足夠，意式飯就飯可以再熟少少會更好,因為食下是都有點硬過度的感覺，因為飲酒的關係，點了小食啤酒炸法的薯條，都味道唔錯，一路食一路飲酒真的好過癮，整體來說，食物都有一定的水準，一人都是大約200蚊多點點，在晚餐加飲酒來說，價錢都好相宜，所以都有機會，都會再來COCODUCK飲酒食飯了~

今晚同朋友一齊食翻，訂左旺角呢間餐廳，一上到去好大陣煙味，我地唔知道佢係bar，但既然book左台，所以就試一試！佢大部分座位都係沙發位，一邊有桌球台，另一邊係飛鏢機！ 牛肉磨菇漢堡 ＄128當晚由於有訂台，所以食物有8折，呢個牛肉磨菇漢堡，牛肉非常juicy 同埋 厚肉！麵包有略略煎過，幾香，番茄好多汁，配菜既薯條亦都非常香脆！唯獨蘑菇比較少，蘑菇汁亦都無咩味道！侍應都非常殷勤，不斷幫我地倒水，態度值得一讚！

晚飯時間跟同事想吃什麼 然後在網上看到這家餐廳6點有半價優惠 就訂位過來試一試 餐廳分為兩個部分 一邊是飛鏢區 有多部飛鏢機 另一邊是餐廳 有電視 桌球 beer ping pong 設備非常齊全 坊間不少酒吧只有桌球或飛鏢其中一樣 餐廳面績挺大的 人手不太夠 等了很久也沒人來下單 最後要自己出去找待應 而待應亦不太清楚優惠詳情 一開始說套餐也可以用 但原來只有單點可以用我點的是西班牙海鮮飯 半價後$74 另按原價收取加一服務費 份量只夠一個人吃 海鮮如圖所見有一隻蝦 兩隻青口和一隻墨魚仔海鮮有微微煎香 味道不錯 飯略嫌濕了點 如果按原價算只有這點份量的話感覺就不化算了

是日例湯 — 南瓜湯配香草法式蒜蓉麵包西式南瓜湯， 飲落口仲有啲南瓜絲口感，味道方面不錯👍🏻👍🏻黑松露大蝦忌廉意粉意粉軟硬度適中，但大蝦明顯係雪藏蝦， 拆殻既時候好難將佢地分離🤦🏻‍♀️🤦🏻‍♀️醬汁方面， 松露咪味好香， 忌廉味都唔會太膩...份量唔係多， 大食既人可能要加其他小食或者點多個主菜🤷🏻‍♀️*地方係好方便，但始終都係屬於酒吧。雖然有室內禁煙條例，但係佢亦都有劃分吸煙區，同非吸煙區😟而呢個劃分，係沒有任何門或廉...所以唔通人士真係要好好考慮清楚先好去！**總結，食物唔差，但係款式好少！

上星期五去食生日反，我叫左晚餐，另外好多主菜share食，嘩嘩嘩，幾有水準喎我地成班都幾like , 例如豬手、燒鳮、羊架、西班牙海鮮反必叫。價錢又唔貴，坐都幾舒服，裝修都好有格調，所以要堆介下比大家老友📣 位置又幾方便係旺角地鐵口，我朋友仲走去掟鏢，輸到飲死，又食又飲又傾計，咁又玩左四個幾鈡，嘻嘻哈哈開開心心又一晩，我仲見到餐牌都有好多選擇，下次再試下其他菜式，午餐仲有紅咖哩鴨比餐啊下個月女朋友生日都可以去

今日同班同事去左歌德餐廳食嘢，平時夜晚去飲酒就多，估唔到而家做埋lunch。唔好以為係酒吧就靜係飲酒，原來啲食物都幾有水準。我叫咗紅咖哩鴨肶飯，咖哩配鴨肶真係未試過，對我來講啲咖哩偏印度口味，唔算好辣，鴨肶都夠林，夠入味，整體來講呢個價錢算好抵食。同事A叫左鱈魚柳配芒果莎莎醬，佢話個醬甜甜地，有果香，成件事好清新，好好味。另外同事D就叫左個燒春雞，出來個樣都好靚，唔講都唔記得自己只係食緊lunch，以為係嘆緊晚餐～～我見個餐牌仲有紐西蘭肉眼，都係七十蚊，好似幾抵食～下次再去試下而家旺角區食嘢都唔平，食來食去都係果啲冇乜新意，呢間嘢用餐環境都舒服嘅，服務又唔錯，舒舒服服食完個lunch，先有心情繼續返工捱騾仔架嘛

餐廳在旺角行人專用區、一幢商業大廈的6樓、裝修很時尚、食物質素高、價錢大眾化；服務員雖然明顯不足，這都是現今香港飲食的普遍問題，但表現仍很細心、很周到，難得旺角有這類型餐廳、以後一定再來。

終於搵到間有食 同飛鏢嘅餐廳。好食，服務好。我係星期一11點30去。9部飛鏢機，冷氣足夠，又有足球睇早上開11點30同朋友一齊去食中午飯，菜式好快到。我會介紹比班朋友黎！一定！🗣😍