影片
食家推介
Chef Ecy’s Dining Experience:🥰 Food | Service | Price | Easy Access | Easy Parking | Wheelchair Friendly🙂 Restroom Cleanliness😠 Pet Friendly | Corkage Fee | Cake Cutting Fee | Ambience【北角街坊隱藏版】渣華道「權記雲吞麵」$28鮮蝦雲吞抵食到笑！交通超方便- 位置：渣華道地舖（北角站A1出口1分鐘直達），輪椅可直接推入。 - 點去： - 地鐵：北角站A1出口轉右即見 - 巴士/電車：2A、8H、49M等線「城市花園」站落車 - 駕車：北角匯停車場 或渣華道路邊咪錶位 食咗咩？逐樣評1. 招牌鮮蝦雲吞麵（$28）｜必食！ - 雲吞：皮薄到透光，咬開爆出成隻蝦！蝦肉爽甜無雪藏味，豬肉餡比例剛好。 - 麵：幼細彈牙，鹼水味輕微（加啲紅醋更完美）。 - 湯：濃淡適中，唔會口渴，但冇落韮黃少咗傳統風味。 2. 牛丸/貢丸｜可以一試 - 牛丸有肉汁，貢丸彈牙但偏淡（自己加魚露更惹味）。 - 墨魚丸：可以不試，直接skip！ 3. 其他選擇 - 鯪魚球（街坊推薦）、炸魚皮（+$10配湯超正） - 樽裝汽水+$9支環境服務- 座位：窄身摺枱，冷氣夠但午市要搭枱（12點前到較舒服）。 - 服務：阿姐手腳快，但忙起嚟可能漏單（建議落單後再確認）。 - 只收現金！無八達通/支付寶外賣貼士一定要叫「湯底分開裝」，否則麵會浸淋！ $28仲想點？呢間係打工仔同學生哥嘅飯堂，雲吞水準拍得住$50+名店，其他配料就當bonus啦！
繼續閱讀
今日趕時間要快食lunch所以去咗權記食左個黑椒牛丸雲吞米粉佢個湯底正常雲吞亦不錯不過個黑椒牛丸味太過濃黑椒味過重不過講緊一碗麵都只係$28呢一個價錢嚟講都OK嘅
繼續閱讀
1月15日揾食肥華下午4點鍾，要到港島北角，接做完公事啲靚媽，到西環食蛇羹，肥華刻意到此區一間，標榜賣$26碗麵食啲，街坊好評粉麵店，食雲吞麵，睇吓質素如何。雲吞麵一上枱，眼見麵嘅係大湧份量，但入口有鹼水味，肥華要用高份量大紅浙醋分解，嗰朕鹼水味才能入口，而個銀絲幼麵，質感真係爽彈，係好食嗰隻。而雲吞則有四大粒，蝦算新鮮，味道則比上不足，比下有餘。至於此碗麵嗰湯底，飲唔到有大地魚味，亦未見有韮王，味道清淡，唔似係正常雲吞麵湯底。總結以今時今日在香港，用$26蚊食到呢碗雲吞麵，都算👌
繼續閱讀
同事極力推介權記！ 平得黎唔差架！今日涼返少少天氣舒服就行過黎北角，叫左碗牛丸河，好食呀，唔係平時街市普通凍肉舖個啲質素，$24 有驚喜~可以食得豐富啲，仲可以加炸魚/加菜/加嘢飲， 都唔肉赤。
繼續閱讀
離開附近做嘢想快快趣趣食嘢唔想等位又唔使等得耐呢度係一個好選擇正正常常雲吞麵嘅味道大地魚湯底雲吞麵頂到幾個鐘有力量去做嘢唔攰又唔係話坐得好舒服唔係話特別乾淨正常老字號雲吞嘅味道同埋想快食可以一試而家買個華禦結都十八蚊啦佢二十幾蚊其實好抵食
繼續閱讀
您可能會有興趣的...