權記粉麵茶餐廳

營業中

休息中

第一次寫食評第一次到這家餐廳用餐，真是讓人失望，極之垃圾！首先，服務態度極差，呀姐唔覺得自己有問題，仲同個客嘈交，完全冇悔意。唔該，唔好意思，麻煩晒，一句都冇。其次，食物質素完全唔掂。勁咸，個口咸足成日，勁口渴，飲水飲野飲都係咸！食完每一口都讓我懷疑這筆錢是否花得值得。最後，地方十分細，不建議孭背囊、書包及行李篋去，因為會指責返係食客既問題！可以說，我一定不會再光顧這間餐廳，因為花錢買來的只是失望和不快。比錢買難受！認真 同真心 附近都有好多野食，唔需要食佢！真係好垃圾

今日我去到食嘅時候，有個短頭髮呀姐好似食咗朱古力咁個口勁臭，我問佢嘢嘅時候服務態度太差，勁串咁同我講嘢。食嘢嘅時候，啲嘢食又鹹，又唔好味，飲咗一支水個口都好鹹。衛生環境勁差，我見到廚房有幾隻老鼠走來走去，個短頭髮阿姐仲郁我張凳，我問佢做咩，佢話俾人過先得㗎，但係我仲食緊嘢，嗰吓我真係好嬲。其實側邊仲有好多嘢食，可以唔使食呢間，本身好期待個牛腩河，最後變成失望，呢間嘢又貴又唔好味，浪費錢，食到想嘔，等又等得耐。啲嘢食真係好垃圾最重要係個短頭髮阿姐態度唔好，個呀姐比個西面比人睇，我係嚟食嘢，唔係嚟受氣

短髮阿姐果然出名，點了豬潤面加腩汁上枱時漏了已經講左聲唔該加番，即時大叫『唔係漏左係你冇叫』，之後同佢講落單有叫的，再比佢噴到一面，生意多左就惡了，比起舊店味道差不多，價錢唔平但態度真係改變得好快，剛裝修完仲笑住口開門，到宜家經常客滿就全店變面，價錢唔平正常味道

呢晚同朋友一齊嚟咗呢間粉麵店食個簡單嘅港式晚餐🤣$52「鮮蝦雲吞 拼 片頭 麵 加紫菜（+$6）」：鮮蝦雲吞 / 片頭 兩樣都幾好味🤣，麵條係幼麵，夠彈牙🤣$44「淨權記水餃🥟」：大大隻水餃🥟，裏邊 有豬肉、鮮蝦仁、脆脆哋嘅木耳，落足材料，好味😋跟麵加 $16「各款時蔬」：叫咗2碟，一碟係菜心一碟係生菜，2碟菜都夠新鮮😋$16「清湯蘿蔔」：白蘿蔔清甜，煮得好腍🤩跟麵/餐 送熱飲，叫咗「熱奶茶」同「熱檸水」，「熱奶茶」香滑「熱檸水」熱辣辣 👍$48「淨南乳豬手」：有3件，豬手炆煮得非常軟熟🤩$30「炸鯪魚球」：鯪魚球爽滑又炸得香口🤩

今天中午，我和家人在太子的權記粉麵茶餐廳享用午餐。一進門，餐廳的氣氛就讓人感到溫馨，街坊美食在眼前出現，讓人更加期待。我們點了幾道招牌菜，包括冬菇鯪魚球撈麵、唐生菜、崩沙幼面、特色拼盤、淨雲吞和菜心。首先上桌的是冬菇鯪魚球撈麵，湯底清甜，鯪魚球鮮嫩可口，讓人一口接一口。接下來的唐生菜新鮮脆口，搭配特製的醬汁，讓人胃口大開。崩沙幼面則是我最喜歡的一道，麵條滑順，搭配香濃的醬汁，味道非常出色。特色拼盤上有多種小吃，每一樣都讓人驚喜，外脆內嫩，口感絕佳。淨雲吞的皮薄餡多，湯頭鮮美，讓人回味無窮。最後的菜心也很清脆，為這頓豐盛的午餐畫上完美的句號。整體來說，這次用餐體驗非常愉快，菜品新鮮美味，服務態度也很好，讓我們都感到滿意。下次還會再來！

呢間「權記牛腩粉麵」可以話係我嘅心頭好，我同佢有唔少嘅回憶。好多年前，我就已經開始光顧呢間老字號嘅牛腩專門店，佢哋嘅牛腩飯可以話係我喺香港食過數一數二嘅好味道！不過，中間有一段時間，佢哋嘅師傅離開咗，我就冇再特登去食。直到最近，我先至發現佢哋裝修咗，個店面煥然一新，地方乾淨整潔，比以前吸引好多！最令我驚喜嘅係，佢哋嘅牛腩依然保持住以前嘅超高水準！個牛腩嘅肥瘦比例剛剛好，一啖落口，香濃嘅味道即刻喺口腔入面蔓延開嚟，加上牛腩嫩滑多汁，一啲都唔會韌，簡直係食極都唔會厭！除咗牛腩，連蘿蔔都好有驚喜，煮到非常滑口，帶住蘿蔔嘅清甜，同濃郁嘅牛腩形成咗完美嘅味道組合。我真心希望「權記牛腩粉麵」可以繼續保持呢個優秀嘅食物質素，因為喺香港，要搵到咁出色嘅牛腩真係唔易。如果你係一個牛腩控，咁你一定要嚟呢度朝聖，相信佢哋嘅牛腩一定會令你回味無窮！

❇️午膳時間，分秒必爭，今次我選擇了旺角太子的權記粉麵茶餐廳，這裡以其豐富的粉麵選擇和地道的小吃聞名。這次的午膳，我選擇了牛三寶湯麵和特色拼盤，搭配一杯凍檸檬利賓律梳打。🌟首先，牛三寶湯麵~$56，湯底濃郁，牛腩、牛筋和牛肚的搭配得宜。牛腩軟嫩，肉質鮮美，令人一口接一口；牛筋則是彈牙有嚼勁，完美吸收了湯汁的精華。✳️接著是特色拼盤~$48，共有四種小吃：炸雲吞、炸水餃、炸墨魚丸和炸牛筋丸。每種小吃都保持了外脆內嫩的口感，特別是炸雲吞，外皮金黃酥脆，內餡鮮美；而炸墨魚丸則口感鮮香，彈性十足。這些小吃作為午餐的配角，卻能讓人感受到地道的港式風味，令人印象深刻。🌟最後，我選擇加$8升級餐特飲-凍檸檬利賓律梳打🥤，酸甜可口，為整餐增添了清新的感覺，搭配湯麵和小吃非常合適。

簡簡單單食一餐，通常都會食碗魚蛋粉，餐廳系老牌子，最近新裝修坐得更舒服，快靚正之選，食完又可以繼續行街街🛍️🎈淨紫菜魚四寶紫菜、魚蛋、墨丸、魚皮餃及魚片配菜底🥬魚蛋好滑好彈牙，魚皮餃外皮爽口，內餡有油香墨丸彈牙之余有魚肉香，仲食到粒粒墨魚最驚喜系魚片，厚切嘅特別有嚼勁，口感爽彈味道正宗🥢憑食材質素食得出好有誠意👍🏾🎈淨時菜冬菇呢個雙拼好抵食，冬菇厚肉多汁，煮得好入味生菜索曬冬菇香，幾時都話小店有驚喜🎈熱奶茶跟粉面特價加$8就有飲品，奶茶香濃順滑，水準唔錯☕️

時間秒秒都珍貴，在急促的生活節奏下，今晚來到這粉麵店用膳。這店位於太子地鐵站附近，十分方便。而且落單後不久，很快便有店員送上食物🥘如果吃粉面，還可以優惠價加配飲品（$10）、油菜（$16）、炸魚皮（$16）。而份量也十分充足，兩個人share也可。招牌崩沙腩（$56）這店的食客有很多都吃崩沙腩，我也跟風叫碗崩沙腩河。這店的崩沙腩切得比較薄，容易入口，而且肉質軟稔。炸魚皮（$16）炸魚皮很香口，而且大塊又薄身，咬下去時發出清脆的聲音。店內環境也十分舒適。

近日造訪了太子權記茶餐廳，發現餐廳經過全新裝修，環境明亮而舒適，讓人覺得很有食慾。光線充足的空間搭配簡約的裝潢，為用餐體驗增添了不少分數。₊☆ .・°‧˚₊☆ .・°‧˚₊☆ .・°‧˚₊☆ .・°‧˚₊☆ .・°🤍招牌牛三寶米粉我點的招牌牛三寶米粉讓我印象深刻。米粉的質地滑順，吸附了豐富的湯底，讓每一口都充滿味道。牛三寶中，牛腩的肉質鮮嫩，脂肪與瘦肉的比例剛好，咬下去時口感醇厚；牛肚則脆嫩可口，搭配湯底的香氣，令人食指大動；而牛筋則軟糯，咀嚼之間能感受到它獨特的彈性，增添了整體的層次感。🤍招牌淨水餃水餃的皮薄而有彈性，餡料新鮮，恰到好處的調味讓人非常滿意。每一口都能感受到肉汁的流出，搭配特製的醬油，風味更是加分不少。🤍腐乳通菜份量十足很抵食。🤍生菜魚片湯湯底清澈，魚片鮮嫩。📍權記粉麵茶餐廳 (太子)太子通菜街193號地舖

今天中午,我和太太來到了太子通菜街權記粉麵茶餐廳用餐。我們選擇了一系列的經典粉麵及小菜。首先是分量十足的"雲吞幼面",面條Q彈有勁,搭配鮮甜可口的雲吞,讓人回味無窮。接下來是"淨水餃",皮薄餡美,裡頭包著肉餡和香菜,吃起來清爽可口。另一道主菜是"炸醬捞幼面",醬汁濃郁醇厚,與彈牙的麵條完美融合。作為配菜,我們點了脆嫩可口的"通菜"。飲品方面,我們選擇了濃郁香甜的"杏仁霜",為整頓午餐增添了特色。好好飲。

通常夜晚唔想食咁Heavy，又想食少啲飯無咁多carbs，就會收工去食碗米粉，簡簡單單又一餐。今次去咗附近一間粉面店，叫咗個紫菜四寶米粉。可能時間尚早，周圍都冇乜人，不過咁樣坐得仲舒適。雖然叫佢加咗腩汁，但係都好似好淡口，不過唔緊要，當係清下腸胃，唔使下下食咁重口味。墨丸、魚皮餃同魚蛋係正常，唔覺得特別彈牙。魚腐係最好食，好有味，而且好彈牙。應該係家族小店，都冇乜要求，下次可以嚟試吓啲水餃同雲吞。

上星期見朋友post咗一張這間舖的崩沙腩米線，真係睇到流口水，於是今天決定要去幫襯一下，去到叫了一碟崩沙腩撈麵，很快食品就上到我面前，這碟崩沙撈麵不是令我驚喜而是令我崩潰，看看附圖，與我朋友post的簡直是兩碼子的事，好令我失望，沒辦法吧已經上枱了，只好食掉它，怎知牛腩超鹹，如果喜愛吃鹹的可以幫襯試一下，整體來講，今日是一個失敗的嘗試。

睇 youtuber 介紹 在金魚街原來有這間粉麵店，第時來花園街行街，可以在這裡用餐了。入座覺得坐位不太迫，感覺店內比較寧靜。點了崩沙腩水餃河，家人點了牛腩粉，但忘記拍照。崩沙牛腩夠淋，水餃大隻，好味。普通牛腩，份量更多，炆得鬆化，cp 值更高，讚👍👍另外，最近試了油麻地正九，感覺質素十分差，坐位十分迫，牛腩唔淋，十分硬實，但網上一面倒讚的食評，完全被騙了。相反這間，沒有太多吹捧，質素反而有驚喜，cp值很高，值得為他寫編食評，可以列為飯堂了。

我唔會期望一間粉麵茶餐廳嘅侍應有禮貌，但都唔係可以比氣你受，個短髮阿姐唔熟餐牌，聽一半唔聽一半，買個外賣落單又落錯自己慢仲要比佢呼喝我，嫌我買外賣阻佢收其他人嘅錢，抵唔頸都駁左佢一句，唔係我同事大住個肚費事嚇親佢嘅話，我一定小佢，喺附近返工但以後都唔會幫襯，又唔係得佢一間粉麵，痴痴哋講番嘢食，我嘅冬菇麵冬菇大大隻味道可以，另外幾個同事嗌普通牛腩河，牛腩又鞋又靭，無論食物質素同阿姐d面口都西到爆，未去到九記牛腩水準又要學人呼喝d客，好耐未試過咁嬲！The restaurant lady gave us shit face and very very rude attitude, highly not recommended! Don't waste your time and money and space of your stomach here for such common food in Hong Kong!