權發小廚

營業中

休息中

@權發小廚今日經過佐敦,路過見到呢間權發,知道黑醋骨係招牌,反正又未食午餐,可以堂食就入去試試揀咗個開胃之選的兩餸飯,番茄蛋牛肉和招牌黑醋骨,共$43(吾包飲品)#番茄蛋,除咗酸甜外,食到少少鹹味,牛肉都算有d咬口不是死淋,不過就冇乜牛味,有三大嚿蕃茄和dd蛋碎#招牌黑醋骨果然係招牌,有滿滿的醋香,酸中帶甜,好開胃,豬肉肥瘦適中唔會過瘦或過肥,好入味,美中不足外皮淋左,可能擺得耐咗掛#飯,冇乜米香,夠熟透,不過吾吸引總結,整體嚟講今次都好滿意,咁嘅價錢都冇乜挑剔,希望下次食到脆皮嘅黑醋骨啦

通菜炒牛肉，菠蘿雞球和滑蛋蝦仁到權發小廚點了通菜炒牛肉，菠蘿雞球和滑蛋蝦仁，價錢只50元，算是性價比很高，很超值，而且每款餸菜所搯的量都頗多，個人覺得很超值，五十元便可足夠二人食到飽飽，而且味道很好，吃得出蛋的鮮味，味道剛剛好，不會太濃味或太咸，調味調得如此精準的話是難度很高的，而且蛋裡不是腥味，好吃。蛋真的做到很嫩滑，入日即化同時沒有出水，這是難度最高的。果然是極緻好吃的炒滑蛋。跟爽口的蝦仁是完美的。牛肉炒通菜同樣出色，因為菜很綿，並沒有發黑，牛肉也很新鮮，肉質肥瘦均勻，很嫩滑，牛肉和通菜完美結合，實在出色又好吃。而菠蘿雞球則是咕嚕肉以外的另一選擇。雞皮很香很好吃，不會覺得脂肪太多，雞肉又juicy又嫩，很綿，像慢煮般的效果，很不錯，雞球吃起來很飽滿，大小適中，又juicy， 跟這個咕嚕汁配搭得天衣無縫。

又點了權發的黑醋骨，都不是第一次點了，但每次去都忍不住要點它，因為實在太好食了，果然是名物兼鎮店之寶，結果論，仍是那麼好吃, 很難得可以保持水準。首先，絕對少數店可以點到黑醋骨，可能因為製作費工兼成本高, 所以更顯難能可貴。而且味道很好, 酸甜開胃, 而且味道平衡得剛剛好, 吃到醋香, 又不會過酸, 甜味又有出來, 會越吃越開胃, 有酒樓的專業水準, 雖然表皮不那麼脆, 但是還是別有一番風味, 有燴過的感覺, 會更易入口, 而且感覺沒那麼熱氣。而肉質方面亦做得很好, 首先, 用的豬肉質素好, 不嚡, 是嫩的﹑滑的, 有點筋位更有咬口, 好吃, 而且大廚亦煮得相當好, 有炸完再炆的感覺, 煮出來相當之入味, 令人十分回味, 拌飯和佐酒都是一流之選。

兩餸飯嘅Standard越來越高當中都唔少人盛讚呢間餐廳嘅兩餸飯不過我一路都未試過～就咁經過見到門面裝修得咁靚，估唔到原來係兩餸飯嘅餐廳 雖然都好想坐低用餐想啲嘢食再熱辣辣啲不過嗰日有嘢要講俾老細，所以都係買完急急腳拎返公司食當日選擇好多～不過要留意有啲餸係要補差價我就揀咗泰式豬扒同埋菠蘿雞球兩個餸嘅調味都好好 分量好多 真係大大份見住姐姐裝完啲餸都仲會再裝多少少吸住個蓋壓到實一實～以$40兩餸飯嚟講性價比都算係好高👍下次趕deadline都會再買呢個返Office食🤺PS 唔收八達通/Apple Pay 臨近秋冬已經有糯米飯叫 😍

佐敦搵食系列，第一☝️次食權發，門口收錢先可攞飯，收錢已排5人，攞飯又排5人，叫咗兩餸飯（$40），椒鹽骨有d韌，鵝腸少少🤏辣 🌶️ 送飯一流，想食魷魚🦑鬚但話要加錢，同事請咗椒鹽蝦我食，覺得一般，但有個權發女就推薦。加$6有即磨咖啡☕️ 。

權發小廚係香港較知名既兩餸飯小店🍽️，香港油麻地同佐敦都有分店📍，而家仲有新開喺觀塘嘅分店🆕，方便咗唔同地區嘅食客👣，我今次就嚟咗佐敦依間嚟叫外賣🥡。佢哋嘅裝修簡約而有特色🏠🍽️，燈光柔和💡，整體感覺舒適😌。權發小廚主打嘅係二餸飯既酒樓小菜👨‍🍳🍚，每日都有30款以上嘅選擇🌈，而且會根據季節更換菜式🌞，保證食物嘅新鮮同美味。佢哋嘅招牌菜包括炒鵝腸🔥、生炒骨🍖同埋多款海鮮🦐，每一樣都做得好有心思。我今次揀咗鵝腸同黑醋骨🍽️。鵝腸權發小廚嘅鵝腸做得真係好出色👍，口感爽口彈牙🦷，而且炒得啱啱好，唔會過火🔥。調味方面，鹹香適中🧂，帶啲少少辣味🌶️，提升咗整體嘅味道層次。最值得一提嘅係佢哋嘅鵝腸冇咗腥味🙅‍♂️，食落去清新可口😋，令人回味無窮。黑醋骨呢道黑醋骨真係令人印象深刻😲，排骨外皮炸得金黃酥脆🍖，一咬落去就聽到「卡嚓」一聲🤤，非常滿足。黑醋嘅酸甜味道控制得啱啱好🍯，唔會過酸或者過甜，同排骨嘅肉質完美結合🥩，食落去肉汁四溢，令人一食難忘。價錢真係好抵食💰，特別係佢哋嘅$40兩餸飯，性價比極高💸，對於打工仔嚟講真係一個唔錯嘅選擇。份量更加係多到食唔晒🍽️📈。服務員態度親切🙂，夾餸速度快🏃‍♂️，仲會裝到好滿

家庭式經營嘅兩餸飯店，所以佢哋嘅菜式真係好有住家飯feel，絕對可以成為旺角返工朋友嘅飯堂。必點招牌生煎咸香肉餅，肉餅煎到脆脆地，充滿肉汁帶鹹香，配飯真係無得輸！香茅雞翼都一定要食，炸得香脆又唔油膩，另外仲有椰汁芋頭炆排骨、黑椒蜜糖薯仔雞翼同節瓜粉絲蝦米呢啲家常菜。

兩餸飯（$40）凍檸茶（+$6）揀咗黑醋骨同豉椒鵝腸。黑醋骨有五舊，舊舊都有番咁上下size，味道酸酸甜甜，而且仲食到微脆嘅炸粉，排骨多肉唔會淨係得骨。豉椒鵝腸惹味，彈牙唔韌，有啲仲冇些少膏痴住（正），份量足。白飯底軟熟乾身唔會濕淋淋。一餸糯米飯（$58）揀咗臘味炒菜芯，有臘肉、臘腸、潤腸，份量可以。菜芯夠嫩唔老無渣。糯米飯有臘肉、臘腸、花生，炒得幾乾身但丁丁油（可接受）。椒鹽魷魚鬚（$68）之前經過幾次門口玻璃窗望到都好吸引，今次必定要食。雖然唔係即炸，但都微溫，最緊要仍然係脆口，無回油。調味剛剛好，些少咸。魷魚鬚炸得唔過火所以唔韌。份量足塞滿一整盒。

三餸飯演變到現在咁嘅情況，真係估唔到喺門口外邊見到，以為什餐廳裝修真係好有心機，$40都可以坐到咁舒服食物種類真係好多你睇吓竟然有鵝腸，臘味炒蔬菜當然唔少得仲有好多基本菜式，例如炒蛋，咕嚕肉，蒸雞等其中煎炸食物，有燈照住，睇落有酒店級數除此之外，還有好多特別食物包括黑草羊煲椒鹽魷魚鬚生炒糯米飯豉汁蒸䱽魚豉汁蒸鱔仲有我鍾意嘅乾燒伊麵，見到已經好想食兩餸飯$40三餸飯$50仲要裝修咁靚好大空間感，好舒服

前晚收工去買兩餸飯食，從玻璃窗外見到有糯米飯，於是就行去收銀台前話想要糯米飯同一餸，由於收銀員女仕嘅龐大身軀遮住咗個餐牌所以唔知道係$58，佢就用一個好差嘅語氣同我講「糯米飯要$58喎，再加淨兩餸$50」亞姐！你個身遮住咗我又點知餐牌有寫呢？做得兩餸飯好多都係平民百姓幫襯，態度可以好少少，睇見佢問啲老人家堂食定外賣就火滾，老人家答遲半秒佢都表現好唔耐煩；加上未幫襯過嘅人唔會知道要先買飛後叫餸，只要你唔識規矩佢就會大大聲呼喝，唔會再幫襯

因為電視上見到大廚好好人，亦都聽聞餸菜好好味，好奇試吓，因為第一次實在唔清楚點買，看見$50兩個小菜便買了，後來才知道原來鱔是不包括的要$68，我也沒說什麼，再加錢收銀員說已告知鱔是不包括在內，我心諗我都冇同你講食咩，你又點會同我講咁多嘢，我又冇話唔肯加，她態度實在太差，說真話我是來消費並不是來受氣，簡直不知所謂，唔想做就應該唔好做，不是這樣對客人的，我在場見她跟很多客人也不客氣，完😞

新開的分店，幫襯過一次後絕無下次。很多菜都是當兩餸計，要靠客人在收銀處看一串細字說明！提出問題後得到的回應是你唔鐘意就唔好買！！職員態度惡劣，簡直離嗮大譜👿👿👿同樣的兩餸飯店佐敦和油麻地到處都有，從未遇過如此差劣的店鋪，奉勸大家無謂浪費時間排隊，花錢卻得到咁嘅服務！！👿👿👿👿👿👿👿👿👿👿👿👿👿👿👿👿👿👿👿😤😤😤😤😤😤😤😤😤😤😤😤😤😤😤

裝潢文青，街坊堂食居多，也吸引到自由行內地客。自助斟水器系無水的，不過大多數的人都系加錢買凍飲，畢竟天氣太熱了。我系試中式餐湯：粉葛豬肉湯，也算合格，但稍細碗。外賣常有人排，不過唔跨張。選擇多，有炸物，家常炒菜，燜豬手，蕃茄炒蛋，蒸肉餅等，也有蒸魚套餐。今次試佐多人推薦的黑醋骨，西蘭花海蝦，2淨餸$50，骨是可以的，但西蘭花過熟了，也稍咸。總論是：可做更換口味的後備店。註：現只收現金。

油麻地權發經過親都排隊，知道佐敦新店有堂食，行過見到有位，眯做地試下。要比較，當然系差不多價錢的兩餸飯或者大XX, 美心等。門面好寬，廚房佔了一半，座位間都幾寬，都坐比較舒服。筷子紙巾牙籤一套入系膠袋，同快餐店一樣優點- 餸種類都幾多，姐姐話有4樣餸當兩個- 鱔，牛仔骨，聖子等。- 改善點- 12點半左右食，其實都睇吾到餸有煙，亦吾覺得下面有蒸櫃，食落系吾夠熱，如果再遲D食眯凍曬？荃灣李X比他熱多啦！食物味道低分都系哩個原因。鼓汁蒸大鱔（3分）- 如果去大XX,美X一定無得食- 如果去茶餐廳食，肯定無咁多- 鱔魚皮肉彈口，非常難得啊，有新鮮魚味，如果喜歡濃味，哩度應該吾適合。咕魯肉(2分）- 份量十足- 味道吾會死酸- 肥瘦合適，吾鞋西蘭花炒蝦仁（2分）- 西蘭花比較爽口，可能老人家吾一定喜歡- 蝦仁夠曬大又爽口會吾會食下次？下次行過食物溫度無改善應該吾會囉！！！

. 佐敦新分店 | 雙餸飯都有位坐? 📍#權發小廚高質商務飯盒 (兩餸飯 $40 / 三餸飯 $50)飯盒好高級😂😂😂真係成個飛機餐盒咁😇間格分明👏🏻唔似發泡膠飯盒會幾個餸撈埋一齊、有時啲味道撈埋一齊都變得唔好食🤐而且蓋得好實唔怕漏汁👍🏻買完已經有位坐低食😃環境都算闊落光猛👻整體感覺好乾淨舒適👌🏻🥢魚香茄子茄子🍆唔會炆到淋哂、肉碎唔多無咩魚香味🥢咸蛋蒸肉餅一餸已經有半粒咸蛋👍🏻肉餅半肥瘦豬肉好食🥢豉椒豬腸幾驚喜😄好惹味、豬腸無怪味👍🏻唔錯🥢雜菌時菜新鮮蔬菜🥬正正常常🥢蝦仁蒸水蛋算幾多蝦仁、有啲太多水、啖口啲😅——————————————-總結 : 算係幾高質同好多選擇嘅雙餸飯🤔用料唔敢講話係新鮮、但唔係霉菜😬同行黎講價錢就偏貴、不過都抵過出去食個飯👍🏻特別想食菜同中式餸菜嘅時候我先會買👀——————————————-📍 權發小廚🏠 佐敦彌敦道317號金漢大廈地舖📆星期一至日 : 10:30-22:00#hkfoodstep#hkfoodstep佐敦#hkfoodstep兩餸飯#佐敦美食#兩餸飯 #hkfood #hkfoodie #hkcouple