欅 居酒屋

營業中

休息中

坐低咗15分鐘後要我開聲先俾兩杯就，18:55開始點餐，我兩個人點左8樣嘢，到20:01先嚟齊所有嘢食，食物質素平平無奇，對唔住個價錢，叫兩個燒飯團，華御結都好食過佢，喺OpenRice我從來未試過㗎唔會再幫襯，另外值得一提嘅係，佢有個$188日本酒用自助機斟酒任飲嘅plan，我就無參加，但係我見啲人唔識用，係咁叫啲職員幫手，所以都要檢討吓部機嘅易用性同實用性，咁先可以減少人手同令到客戶樂意使用服務。

朋友生日，為屯馬綫嘅朋友仔去megabox 補祝遲左半年生日飯，因為疫情關係個個都中招，所以遲咗半年冬天始終想食暖笠笠嘅食物，呢間串燒店除咗即燒之外，仲去用日本和歌山備長炭，唔知係咪日本炭，串燒感覺上好似特別有風味星期三MegaBox好少人，所以有優惠，星期一至五買三串送一串，真係好抵，生日朋友鍾意飲酒，佢自己一個人飲清酒，佢開心晒我哋一致認同燒菠蘿係最好食，個面有層薄薄嘅焦糖又脆又甜，菠蘿本身都好甜又多汁另外，我自己最鍾意食豚肉韭菜卷，韭菜唔會太濕太乾，有少少濕潤明太子雞翼無骨，裏面有大量明太子，雞皮燒到有外皮微微焦燶，外表金黃，好有技巧牛小排又淋又多汁，白鱔彈牙厚肉飯團好脆，好似飯焦咁脆，裏面熱辣辣我叫咗份鵝肝飯團，鵝肝厚身肥美多油脂，俾飯團吸收晒鵝肝油份，好好味我哋五個女仔，總共食咗$1465 ，個個都飽到唔郁得，都真係好抵食

老公個個星期都會去megabox 打波，所以佢成日會係megabox 食野，今個星期我去左睇佢打波，之後去左間新開日式串燒店有清酒放題$188 任飲18款清酒，好特別，每一款都有介紹，再自選清酒杯，之後就撳個掣就有一杯清酒飲😝因為人多，所以點左好多串燒，原來串燒係用和歌山備長炭，食材全部都係日本直送，連個爐都係日本訂製，真係好認真我最鍾意食幾樣係，日本生蠔，爽口有海水味白鱔皮脆肉厚牛舌，爽彈香口菠蘿超甜多汁番薯香甜軟身雞翼釀有好多蟹籽鵝肝飯團，飯團吸收咗鵝肝油香其他都燒得好靚，乾身少油微微焦香已經心思思想去多次