櫻羽花

營業中

休息中

突然肚餓想叫外賣，正睇緊日式餐廳嘅時候，就發現到呢間舖頭，佢哋嘅嘢食啲相吸引到我，令我情不自禁想order 試下呢間嘢。Order 左個魚生丼飯，仲叫左啲壽司同串燒同朋友share ，不過個味道真係令我地驚喜☺️☺️☺️，啲魚生又大舊又新鮮，啲壽司飯壽司師傅握嘅手勢都好好。最正嘅係啲外賣都裝得夠正，基本上都冇倒瀉到。我地平時都好鍾意食日式嘢食，突然見到呢間嘢，好似係開左冇幾耐，之前都冇見過，抱住試一試嘅心態，諗住叫啲普通嘢試下，點不知個味道竟然都令人驚喜，就算係最普通嘅丼飯，味道都咁好。原來呢間嘢咁深藏不露，我同朋友都覺得好滿意，諗住下次再試埋其他嘢，或者直情去鋪頭試下堂食，外賣都咁唔錯，相信堂食都唔會差到去邊。

自從上次發現呢間鋪頭之後，今日再次同fd 一齊黎，今次試左下夜晚嘅set ，真係完全符合我同fd 嘅期待，冇令到我地失望，夜晚嘅set價錢合理，仲要好豐富，試左個雜錦海鮮丼飯，啲魚生好新鮮又大舊，真係超級滿足。仲同朋友試左啲其他時令海鮮，有蠔、海膽，試一啖，真係食過返尋味，仲試埋啲串燒同壽司，一試壽司再次發現驚喜，呢間鋪嘅壽司師傅手勢非常好，壽司飯好食，舊飯都鏈得好好，鬆弛有度，食得出係做左好多年嘅師傅所整嘅。呢間鋪已經入左我嘅收藏名單入面啦。對於呢間鋪頭，我真係絕對比好評👍🏻👍🏻👍🏻我絕對要推薦比身邊嘅fd ，唔應該埋沒左呢間好店。

放假同朋友經過，見到一間新開嘅日式餐廳（平時好少會行到呢邊），諗住同朋友試吓，發現佢哋啲嘢食真係幾唔錯，態度又好好，擺盤都好俾心機，仲要好抵食，我同朋友都覺得可以再黎食過，下次再帶朋友嚟

星期五晚上去到我地三位，問咗話有位要等一等，之後有位女人行出黎話要等多10幾分鐘，我就奇怪問有位點解唔可以坐，佢話啲客人要擺嘢，所以唔可以坐嗰個位！有位唔俾客人！真係唔知乜嘢生意手法！

堂食開返第一日，想同朋友傾下計食餐飯，就搵下附近有冇居酒屋又book到位。咁啱呢間有位，睇menu見價錢同食物都ok就去啦!叫左刺身定食同壽司定食，兩樣都好好味串燒叫咗柚子胡椒雞柳同牛舌，以為都係普通野，點知都有驚喜!下次會再同朋友去

廣華街尾新開的居酒屋，一行八人被富特色的日本裝修吸引，Glico 跑跑人！終於再次合照！久しぶり， お元気ですか🥺剛好坐滿並排的兩張枱，欣賞著師傅在Open kitchen準備料理，店員友善送上剛從啤酒機倒出的日本啤酒，久違的一片鬧哄哄場面🍻 かんぱい紅葉 櫻花 跑跑人 鱈魚片，我都忘記追加幾多份了❤️超香口燒雞泡魚乾池魚BB😍鮑魚🥳鯛魚刺生🤩少不了串燒，推介雞軟骨、雞心喜歡居酒屋的氣氛，酒酣耳熱，杯酒言歡😚

疫情對大家都好大影響，好多人都要乖乖地留喺屋企，除咗食飯行街睇戲受到限制，最慘慘豬嘅就係去唔到旅行特別係去唔到日本！店長今次嘅和風設計，非常特別，沿用日本大阪心齋橋、固力果跑跑人做背景，等大家食嘢嘅同時，可以一路打卡，一路吹吓水，一路懷緬一下日本嘅氣氛！壽司師傅，亦非常體貼，可以因應食客嘅口味，推介新鮮嘅食材！每日都有時令飛機貨空運到港，即叫即做，非常新鮮！雖然價錢，唔算非常便宜，但係物超所值，值得！仲有大量日本清酒，可以三五知己品嚐一番！

路過旺角唔知食咩好，正想揾啲有卡位既店就見到呢間，有長梳化。暫時只收現金，估唔到星期日都有午餐，包前菜，蒸蛋，湯，甜品。我自己叫咗個極上刺身餐。門口未見招牌名，原來試業中，有9折免加一好抵，再仔細睇夜晚menu原來“omakase"，仲見到人食十壽司，賣相好吸引。4個人叫咗3個餐加一個炸雞，埋單唔駛＄400

朋友介紹試業試菜，地點廣華街方便聚會。裝修令人極度懷念家鄉大阪心齋橋🙂老闆親自招呼，推介酒試左梅酒，好味有酸有甜夠香。前菜十分出色，漬物牛蒡冇得輸，醬油鮑魚一隻肯定唔夠喉。食物推介小食炸物，雞泡魚干尤其掂噹。魚生油甘魚正，拖羅油脂含量足夠。壽司必食就係吞拿魚溶軍艦，帶子都出色，口感豐富。要彈既係未夠火喉既和牛炒飯，反而海膽炒飯比教好味。湯烏冬麵質ok穩陣出色。最後想講就係要諗諗加甜品，必定吸引女孩們。支持😘