檳榔島敍

營業中

休息中

係鰂魚涌開完會，路過呢間好有旅行feel名的鋪頭，同埋裝修好似幾靚，一於入去試下先😆鋪頭以海藍色為主色，裝潢帶有小島風情style，比人一種好舒服放鬆的感覺🤠，為繁忙急促的生活緩一緩～茄醬大樹菠蘿海鮮薄餅8吋pizza，分成4件剛剛好，下單時店員亦有善意提醒需時15分鐘。食住等，無所謂啦，黎到果然熱辣辣，即叫即整👍 食落十分足料，有大蝦及魷魚圈等材料，味道不會好酸，水準之作✅香烤薄餅 配 茄醬雞件初頭點餐一廂情願以為茄醬係茄汁紅色，點知原來呢到係指混有茄醬的微辣黃色沙嗲醬才對🤔 薄餅4件香軟鬆脆，入口不太油膩💥雞件則肉質嫩滑，啖啖肉，份量十足！濃香喇沙蘑菇煙肉長通粉呢碟長通粉請你不要看輕它！因為它用料足、份量多以及可以自己即時配上鮮雞蛋蛋汁，勁Creamy🤤檳城焦糖咖啡☕焦糖的甜味與咖啡的苦味合二為一，對怕苦的人來說，是一件好事，配合上現場chill環境，相當益彰🌟是日娘惹糕點雖然餐牌無明言是日糕點是什麼，但是叫此菜式可以有抽獎的感覺，好刺激🤭上菜時，發現竟是綠白雙層香蘭糕，可以品嚐斑蘭葉的香甜味，又可以有椰奶的咸香，咸中帶甜，令人滿足！參考餐牌：

令人非常滿意既一餐！濃香喇沙蘑菇煙肉長通粉 $108超級超級惹味！喇沙醬非常香濃，帶少少微辣，中間有個蛋黃，撈埋一齊食個通粉就更加滑身😋。菜式嘅口感都非常之豐富，雖然材料唔算名貴，但明顯食到呢個菜式既配搭上有心思，每一啖都好滿足，好好食，食落係超值同埋係Encore之選❤️馬來咖喱雞肉薄餅 $138一個八吋嘅Pizza上面有住厚厚既咖喱雞肉😆！有啲似平時食芝士咖喱薄餅咁，但令味道再昇華嘅係啲椒，可以平衡到個食濟感！啲雞肉都好好食，外面有少少脆身，裏面啲肉幾滑！😋自家製班蘭咖央多士 $42好好食呀！個多士好香脆，但係跪得黎又唔會有一種熱氣既感覺！咖啡既味道都好香😋 另一Encore之選！班蘭龍眼冰滿滿的龍眼😍

好耐冇出國，好想享受一下異國風情。見到有馬來西亞風餐廳，即刻好有feel 。🌟青檸金柚椰香大蝦沙律🌟唔似一般泰式沙律咁辣，呢個沙律酸酸甜甜認真開胃，有蘋果粒、蝦肉、柚子同埋香炸花生粒。蘋果粒新鮮爽口，柚子多汁略帶少少酸味，加上切粒嘅蝦肉，配埋脆卜卜嘅炸花生，口感一流😋🌟喬治城小食拼盤🌟炸物份量都算多，有魷魚圈、蝦多士、串燒雞、蝦醬雞翼、咖喱角。炸物即炸上枱脆口唔油膩，特別係串燒雞串上嘅沙嗲味濃郁，好香嘅花生味。🌟檳城福建蝦摻摻🌟用蝦殼及辣椒熬煮而成的湯底蝦香四溢，雖然個湯底望落紅卜卜，但係一啲都唔辣。湯麵大大碗，摻摻係用油麵同埋米粉兩溝。配上鮮蝦仁、肉片。成件事好有檳城地道嘅風味。🌟馬來拉茶🌟拉茶甜味恰當，香滑茶味比較重。🌟檸檬薏米水🌟滋潤消暑配上檸檬味道清新。🌟追加斑蘭龍眼冰🌟輕輕嘅斑蘭香，再加上龍眼自身嘅果香味道，好match , 清幽香甜，好飲👍。

餐廳裝潢有簡約渡假風為主，牆上有一大片海洋，充滿熱帶風情的感覺，餐廳環境舒適闊落。餐牌食物款式多，前菜、小食、主菜、特式飲品及甜品很受推介。點了濃香喇沙蘑菇煙肉長通粉份量大碟，配料很足，足料蘑菇煙肉再配生蛋，長通粉非常煙韌，更掛上了滿滿的喇沙汁，非常滋味，少少辣味剛好。斑蘭架央多士平時吃斑蘭架央是綠色，原來店舖用了海南麵包，本身已是啡色，多士好脆身，咖央醬與牛油比例接近1比1，好邪惡但好有滿足感！必試！美祿山賣相非常吸引，整杯都是美祿，香滑美祿再配花奶，解油膩感整體來說，這間高質的新派馬拉菜，店員有禮，食物高質素，賣相打卡一流，色香味俱全，調味很有馬拉地道風味，環境舒適，下次會再想品嚐其他馬拉美食！

今日放工去同事屋企附近覓食，見呢間餐廳有個晚市二人餐($338)，性價比好似幾高咁，就冇乜點諗入咗去食。餐廳裝修帶少少休閒風，感覺幾chill.前菜沙律沙律通常都冇乜特別，不過呢間餐廳嘅沙律竟然落咗少少大樹菠蘿喺上邊，成個感覺即刻變咗東南亞風味。之後我同朋友各自點左兩杯嘢飲, 其中俾多$28升級叫嘅餐酒 House white (Perrin Luberon Blanc 2020) 入口帶少少果香，唔會好苦澀另外叫做一個特色飲品: 美祿山杯嘢飲都好有驚喜，係滿滿嘅美祿味，上邊仲落咗朱古力粉同朱古力醬，味道Double up😂小食拼盤可以揀三款小食，我哋分別揀咗馬拉盞魷魚圈、沙嗲雞脾肉串、同埋手打馬來蝦餅(+$28)。比較出色嘅係雞脾肉串，沙嗲醬入邊仲食到啲花生粒，口感豐富。魷魚圈同埋蝦餅都好惹味。另外叫咗個fushion嘅濃香喇沙煙肉長通粉。有少少似食carbonara，入邊有流心蛋、煙肉同菇菌。長通粉吸收晒啲汁嘅味道，fusion菜得嚟出奇地夾。檳城福建蝦摻摻不嬲都好鍾意食摻摻嘅口感，見呢度有得食就二話不說點左。佢有一隻辣椒但係比想像中更辣。入邊嘅配料有蝦同肉片，另外仲有啲蔥同芽菜嘅

⬘ 馬拉盞一口蝦多士 ⬙⬘ 椰漿飯配馬來生炸雞髀 ⬙⬘ 甘香醬手作蘿蔔糕配大蝦 ⬙⬘ 焦香榴槤芝士蛋糕配榴槤醬 ⬙⬘ 咖央西多士配椰糖及鮮果 ⬙⬘ 凍檳城焦糖咖啡 ⬙⬘ 美祿山 ⬙估唔到甜品比主食更有驚喜😋 咖央西多士同平時食開嘅西多士好唔同，似法式西多士多啲，中間好軟好似食緊布甸麵包咁，咖央醬唔會好甜，但又好夠味，配埋椰糖及鮮果，好食😋 榴槤芝士蛋糕榴槤味香濃帶點焦香，面頭仲有榴槤醬，好食😋 手作蘿蔔糕份量都幾多，幾足料，甘香醬有啲似XO醬，辣辣地好惹味，仲有幾隻爽口大蝦😋

超好味超值馬拉菜今日嚟到鰂魚涌站的檳榔島敍吃晚飯，朋友一直向我推薦這間馬來西亞菜式，但一直未有機會到鰂魚涌站來，今日有空到太古城行街街，便順道到這裏吃晚餐。這間餐廳除了馬拉菜外，還有西餐可供選擇，款式真是包羅萬有。這兒的二人套餐有多款選擇，今天因為是星期六的關係，所以$368二位，平日一至五$338，就更加相宜。小食方面，我們點了串燒及雞鎚。串燒所用的髀肉十分嫩滑，配以花生粒醬料， 十分好味。主菜方面，我選了檳城福建蝦摻摻。這個湯麵用的是蝦湯底，幾好味，湯麵是鴛鴦湯麵，有米粉及少許油麵，麵的份量很多，蝦很鮮甜，肉片很大件，不錯哦。另一款是咖喱喇沙海鮮湯米，這個湯米有多隻大蝦，還有青口，蜆肉等⋯⋯甜品方面，我點了榴槤芝士蛋糕，這個芝士蛋糕真是超級值得推介，榴槤味很濃，質地恰到好處，又香又滑，充滿榴槤香味。飲品方面，點了阿參冰茶，這是我第一次嘗到阿參茶，是酸酸甜的，非常好喝，未試過的朋友，一定要來這裏試一試哦！

放假又出嚟覓食，同屋企人都好掛住馬來西亞嘅味道，於是再次嚟到位於鰂魚涌嘅檳榔島敍。食物款式多，今次都想試多啲唔同嘅菜式馬來沙嗲雞髀肉串雞髀肉燒得幾香口，沙嗲醬味道濃郁，有好多花生碎，咬落更有層次感。鄰家手作蔬菜春卷蔬菜切得好幼細，新鮮爽口，調味適中素菜咖喱角咖喱角炸得好香脆，餡料食到馬來西亞香料嘅味道，調味香濃，點埋旁邊酸酸甜甜嘅醬，味道幾夾幾豐富，食落唔油膩。甘香醬手作蘿蔔糕蘿蔔糕質感較為軟身，臘味幾足料，蝦肉爽彈，甘香醬鮮中帶辣，配蘿蔔糕幾襯，香濃惹味馬來咖哩滑蛋雞肉蓋飯份量都幾多，雞肉邊位焦香，飯偏軟身，個人幾中意，蛋味濃郁而且嫩滑，質地岩岩好，重點係個馬來咖喱汁，味道香辣濃郁，撈飯一流。焦香榴槤芝士蛋糕榴槤同芝士嘅味道都好濃郁，配搭得岩岩好，唔會搶咗對方嘅味道，而且蛋糕質感好滑身，非常推介！馬來白咖啡白咖啡入口香醇，餘韻不酸不澀回甘，齒頰留香。桔仔冰茶茶底幾出色，酸甜開胃

好耐都冇食一啲馬拉嘢好掛住嗰種香料重，而且又惹味嘅感覺今晚晚飯時間行過鰂魚涌見到呢間小店俾阿門口嘅姐姐熱情咁樣推介，所以就入咗去試一試呢度好好就係有二人餐，所以就已經可以食到好多嘢首先小食就叫咗三款包括有沙嗲雞肉串同埋加錢嘅手打蝦餅而且仲有魷魚圈分量都非常之充足蝦餅嘅味道係鹹香而且食得出真係有淡淡的蝦肉魷魚圈沾過酸甜醬趣卜卜，非常之咁開胃如果沙嗲雞肉串，可以再多些少花生醬就會更加嘢未主菜叫咗生炸雞皮配嘅椰漿飯雞髀有成隻手掌咁大隻，而且啖啖肉肉質仲非常之咁多外表重要，非常之咁趣不過個人覺得個椰漿飯就濕左啲但係淡淡的椰漿，你就非常之咁充足而且仲有少少嘅斑斕香味另外一個主菜就叫檳城褔建蝦摻掺蝦湯嘅味道都非常之似馬來西亞嘅味道入面就有說豬肉同埋蝦肉都非常之咁地道而參參就係右面，加上米粉兩種唔同，口感嘅棉質加埋一齊非常之咁讚最後甜品叫咗焦香榴槤芝士蛋糕超級濃郁嘅計時，再加上榴槤簡直係榴槤賣不可以錯過嘅甜品最後餐飲叫咗雜果賓治同埋美祿山都非常之咁不錯

📍 檳榔島敍 Penang toujours📍 鰂魚涌 𝗤𝘂𝗮𝗿𝗿𝘆 𝗕𝗮𝘆 • 海堤街濱海大廈地下D-1號舖〔 follow me on instagram @sikbaobaola ! ^^ 〕-A new Malaysian restaurant < Penang Toujours > in Quarry Bay!They serve Malay fusion dishes in a relaxing and almost "tropical" vibe. They call themselves a beach by the street! 🏖️🌴-They have dinner sets featuring snacks, mains, desserts and drinks, so you could save some time choosing among the plethora of dishes available.The fusion dish [ Penne w/ mushroom & bacon in laksa paste ] that w

上星期日下午去完太古城之後去左「檳榔島敍」午餐✨，餐廳裝修藍白色為主調，散發出輕鬆小島風情🏖，令人放鬆自在，而食物已馬來西亞菜式為主，有叻沙、咖央多士、薄餅🍕等等不同美食，十分多選擇。👏🏻咖哩叻沙海鮮🦞米粉十分豐富，帶點輕微辣既咖哩叻沙湯底開胃好味，配搭米粉一流🍜，米粉掛湯味道濃郁👍🏻，海鮮配料有蝦🦐、青口、蜆等等，真正大滿足。而馬來咖哩滑蛋雞肉蓋飯既滑蛋非常滑溜😋，馬來咖哩辣度剛好，帶點椰汁香味，非常好味。另一必食推介馬來甘香醬炒蘿蔔糕配大蝦🍤，馬來甘香醬同XO醬差唔多，非常濃郁好味，炒蘿蔔糕表面微香，內裡綿滑，口感相當好✨，再配上多隻大蝦，爽口彈牙，抵食又好味。而甜品必食斑斕咖央多士，多士鬆膽無比👏🏻，厚厚既牛油🧈，再夾埋斑斕咖央醬，食過返尋味😋。

之前一直都好想推介呢間餐廳，因為之前喺炮台山返part-time嘅時候食過覺得幾好食😋所以今次再試下！🍜閒日晚市二人套餐 $338套餐真係好多嘢食，有沙律🥗、三個小食、兩個主食、一個甜品🍮兩杯嘢飲🧃會唔會太癲！小食有馬拉盞一口蝦多士、蝦醬風味炸雞翼、參巴水牛城雞鎚🍗樣樣都好好食，炸得香脆， 唯一冇諗到係蝦多士原來真係一口咁細件，未食過一口蝦多士，覺得細細件好得意😎可以encore🤩主食係咖喱雞胸牛油果沙律 （素食）&椰漿飯配立美參巴魷魚🦑第一次食咖喱嘅沙律，好似發現咗新大陸咁，真係幾特別😳不過我都係鍾意食傳統嘅沙律醬多啲🤣我覺得嗰個參巴魷魚真係好食，咬口彈牙，而且辣到啱啱好，食得辣嘅人先可以叫呀😏甜品係斑蘭架央多士，呢個真係冇得彈！佢個牛油厚度有1️⃣cm咁厚，而且鋪滿成塊架央多士，佢呢個多士嘅顏色好特別，所以我就問咗店員呢個係咩多士嚟嘅，原來佢係海南麵包🥯本身已經係啡色嘅，咁樣嘅配搭真係好好食😍大愛！我覺得要寫千字文讚頌佢，每日早餐可以食呢個就好幸福😚雖然會肥到癲咗！但係有呢個食我就唔介意😙🥘喇沙蘑菇煙肉長通粉 $108我仲叫咗個外賣🥡做第二日嘅lunch，因為呢間嘢真係幾好食，呢個長通

鰂魚涌又有新餐廳，真係乜嘢菜式都有，仲多左好多外賣店，好多野食今次試下呢間馬來西亞餐廳，平日午市嚟到都要等一陣位，上網睇已經好想試佢嗰個喇沙長通粉，點知嚟到冇晒長通粒，好彩可以將長通粉轉做扁意粉，如果唔係真係超失望囉🍝濃香喇沙蘑菇煙肉扁意粉個汁真係好濃好香，有少少辣，食落唔似係喇沙味，似係淡淡地嘅咖喱味，幾好食，不過食食吓就覺得漏咗啲，食剩左四份一都食唔晒啦，我諗同人share食會好啲唔知係咪因為新開所以預唔到份量，同事想叫咖喱滑蛋雞肉飯又賣晒，我想食長通粉又賣晒，整體食物環境都幾好，下次我都會想試吓喇沙同埋椰漿飯嘅

好人無去開太古呢頭, 見呢間小店都幾多人食, 就試一試!二人餐只係$338, 岩晒懶人唔洗揀~首先可以揀小食拼盤, 本身以為揀2款, 點知原來係3款! 真係超大碟!我地揀左蝦餅, 蝦多士同埋雞鎚, 個蝦餅雖然薄薄地, 不過好彈牙, 好好食!蝦多士都好鬆化, 雞鎚好辣不過好惹味!沙律係餐包埋既, 有大樹波羅, 好少係沙律上面出現, 好SURPRISE, 個沙律汁酸酸甜甜好開胃!主菜方面我地揀左炸雞脾配椰漿飯, 個炸雞脾超大隻, 炸得好香脆, 入面仲有汁既, 椰漿飯除左好香椰漿味, 仲有一陣班蘭味, 所以比平時既好食!另1款我地揀左沙律, 其實食完個拼盤已經好飽, 呢個沙律都係好清新, 雞胸亦都好大件!!飲品我地試左FRUIT PUNCH同埋呀參梳打, 飲落好似山渣, 酸酸味味~甜品本身想試咖央多士不過賣晒 試到最後一份糕點, 好香班蘭味, 都好好食!

成日覺得港島區食飯好貴，今日比我搵到呢間係鰂魚涌既東南亞菜檳榔島敍，佢地晚市會有二人套餐，有前菜、小食拼盤、兩款主食、甜品同兩杯無酒精飲品，好豐富小食拼盤可以自選三款，我地揀左:馬來沙嗲雞髀肉串馬拉盞一口蝦多士 (四件)馬拉盞魷魚圈雞髀肉預先用沙嗲醃過好入味，肉質嫩滑，一口蝦多士香脆可口，而且好多蝦膠夠彈牙，最推介係魷魚圈，炸漿唔算好厚主食就每人一款馬來生炸雞髀配椰漿飯朋友揀左個生炸雞髀，炸到金黃香脆，超巨型既雞髀好juicy，椰漿飯都好出色芝味咖喱海鮮焗飯我就揀左個咖喱海鮮焗飯，新鮮焗起熱辣辣，上面加左好多芝士做到拉絲既效果，海鮮都好足料，超飽肚甜品: 自家製斑蘭咖央多士最後甜品揀左個咖央多士，超滿足的一餐