影片
港鐵油麻地站 A2 出口, 步行約4分鐘
繼續閱讀
電話號碼
96083105
營業時間
今日營業
11:00 - 22:30
星期一至日
11:00 - 22:30
以上資料只供參考, 請與餐廳確認詳情
眾所_知，旺角係手打檸檬茶嘅戰場，有好多唔同嘅內地品牌進駐，小編今日經過肥姐，見到一間手打檸檬茶店，同平時青BB嘅內地茶飲店好唔同，查一查原來係香港嘅本土品牌 @cha_cha_lemon ，仲有唔少特別嘅茶底選擇，仲有馬田推介😂，於是就試試佢。荔枝玫妹 $35蜜桃少女 $35呢度嘅茶底除咗基本嘅紅茶綠茶、鴨屎香烏龍茶之外，仲有其他嘅果味茶底，例如係荔枝玫瑰紅茶，會有淡淡荔枝味，亦都會配上唔少嘅玫瑰花花瓣，味道比較少女。另外亦都有蜜桃烏龍嘅茶底，同樣係淡淡的果香，茶味亦都比較清香，係幾消暑。香水檸檬嘅香茅味反而唔算太突出，同平時嘅黃檸檬差唔多。整體嘅感覺似特別茶底嘅港式檸檬茶，鍾情香水檸檬嗰種特別香氣嘅朋友就未必適合啦。另外小編覺得呢度嘅飲品名都幾尷尬，搞到小編紅都面晒。味道：7/10抵食：6.5/10環境：6/10檬茶茶手打檸檬茶 (旺角)旺角登打士街58號地下4B號舖
繼續閱讀
眾所周知手打檸檬茶係由大陸傳入嚟香港 。單單係大陸嘅品牌都已經開到好多地方都有， 咁岩行過旺角發現呢間皇咁咁嘅手打檸檬茶本身以為係大陸牌子但原來係屬於本土香港人開， 上網看到係一個香港無線嘅演員開嘅。 見幾得意就決定試吓依間香港本土自家品牌。 可能係新開關係店內嘅飲品選擇其實相對比較少 。 同埋開門時間比較遲 。最後揀咗超級渣男檸檬茶（$31） ， 值得嘉許嘅係眾所周知手打檸檬茶自稱為咗保持口感味道都唔俾走冰或者少冰， 通常你飲完杯野就會發現杯野仲有成大半杯都係冰 ；實質上飲嘅三分之一都唔知有冇 。依間嘅好處就係店長會默認係少冰 ， 咁就唔會覺得有時又飲唔夠喉啦飲品口感方面比起外間嘅渣男檸檬茶相對淡味。 本身以為佢所講嘅超級渣男檸檬茶會係激濃嘅茶底🤔 但飲落去味道都相對淡，跟住見到有其他人講超級渣男檸檬茶 除咗係泰式綠茶之外仲加咗香茅等嘅濃味香料落去， 所以唔知係咪因為加咗除咗泰式綠茶外嘅嘢所以就叫做超級渣男檸檬茶🤔🤔🤔 不過整體來講都係唔錯嘅
繼續閱讀
檬茶茶手打檸檬茶 Cha Cha Lemon Tea📍旺角登打士街53號4B號舖唔知大家有無發現近排旺區都開多咗飲品店呢？既唔係賣珍珠鮮奶，又唔係賣芋泥乜乜，而係賣手打檸檬茶。呢啲飲品店同以往好興嘅台式手搖店唔同，佢哋主打係人手製作嘅鮮檸檬茶，開到成行成市，好似旺角呢啲年輕人聚腳店，更加係行十分鐘左右就見一間。今次我帶住我家長老同阿妹，喺周六傍晚行街，未係好肚餓但又想食下輕食飲下嘢，於是就行去時常排長龍嘅肥姐小食店睇下有咩好嘢。屋企人喺等嘅途中，被呢間全間黃色裝修嘅手打檸檬茶店吸引，仲一氣揀咗三杯飲品添！估唔到就係咁，我就被動地跟咗風，試到依家人氣爆燈嘅手打檸檬茶。店員介紹，話有獅子頭公仔嘅就係較受歡迎嘅飲品，所以我哋都喺手打檸檬茶系列內揀咗三款推介飲品，每杯都各有特色，相信能迎合大眾唔同嘅口味。 💰$31四季春手打檸檬茶 🍋第一杯要分享嘅就係以四季春為茶底沖嘅手打檸檬茶，四季春茶味清香不帶苦澀，同清新嘅鮮檸檬味道好夾，選擇半糖就剛剛好可以中和返微酸嘅檸檬，係一refreshing之選！ 💰$31鴨屎香手打檸檬茶 🍋如果鍾意茶味較濃嘅朋友，不妨試下呢杯以鴨屎香為茶底沖嘅手打檸檬茶。鴨屎香係經半發酵嘅烏龍茶，比一般嘅烏龍茶較淡，但仍散發烏龍嘅茶香。早喺2018年喺中國大陸就有人以鴨屎香沖手打檸檬茶，因為咁而令呢種茶變得非常受歡迎。三杯入面我最喜歡呢杯，唔單止能夠食新鮮檸檬嘅果肉，亦飲到較香醇嘅茶味，合晒我呢啲愛茶之人嘅口味。 💰$31超級渣男檸檬茶 🍋最後一杯就係無論顏色定名稱都咁奇特嘅飲品—超級渣男檸檬茶！佢嘅顏色呈青檸綠色，味道非常特別，入口會有少少薄荷清涼感，後勁會有檸檬香味。見到杯咁搞鬼嘅飲品，我都忍唔住問下店員到底呢杯係咩傢夥。原來佢嘅特色係在於用咗泰式茶葉同香料沖調，包括有香茅等嘅濃味香料，令佢顏色同味道都變得特別，唔會只有茶味同檸檬味咁單一。如果鍾意獨一無二，同想試下泰式手打檸檬茶嘅朋友，就定必要試下呢杯叫超級渣男嘅檸檬茶啦！總括嚟講，我認為手打檸檬茶比港式茶記檸檬茶來得清新健康，即使飲晒整杯，口中亦無半點苦澀，甜度適中更加唔會令你飲完要飲返啲水𠺘口。加上可以即場睇住店員賣力手打檸檬沖調飲品，難怪近排會得到眾人青睞啦！
繼續閱讀
您可能會有興趣的...