橫綱

營業中

休息中

今日2pm 和同事一同去橫岡拉麵，我點了味玉走蔥同事點了2 號拉麵大約十分鐘之後，（中年女性）侍應拎了一碟餃子放在枱面，擰轉頭和洗碗姐姐傾計，我叫了她三次才應我，我話碟餃子不是我們的。之後一直等到2:20 pm 都未見拉麵，我望向淥麵位唔見有師傅，我問侍應（都係要大聲叫三四次）是否漏了單？佢竟然話：咁你地份餃子到咗未？我答：我地都話冇落餃子囉！因為趕時間，所以我哋走了，空住肚返工😤😤😤其實個場咁細，只得幾張枱都可以漏單、錯order 🤦‍♂️真係過份了吧。

醬油元祖拉麵 ($79)食落好有東京醬油拉麵嘅味道。加埋紫菜同埋啲メンマ真係絕配。湯底咸香得黎有少少回甘, 食得出係用鰹魚乾淆出嚟, 好有層次感。 但主角係個麵, 今日呢個麵真係冇得彈。食得出佢係新鮮自己做, 而唔係買返嚟。 其實香港真係冇幾多地方可以食到咁新鮮而又正宗嘅拉麵。淨係輪個麵底,佢真係好過好多所謂正宗過江龍用嘅麵。呢個麵有拉麵應有嘅彈性而唔係鹼水麵嗰種橡筋麵。仲食得出小小蛋香, 簡單係神作。🤯🤯豆醬元祖拉麵 ($79)其實即係麵豉湯底。依碗有好濃厚既豆香味道, 而湯底都啱啱好, 濃得黎唔會太咸。 佢個麵真係好神奇, 換咗湯底又有另一番風味 😳 軟硬適中又有麵豉既咸香。明白到店長係想每一碗麵做到最好但如果有更多拉麵選擇又真係一流。👍👍 雖然呢兩個麵嘅配料係一樣, 但係因為湯底唔同, 食落嚟嘅感覺係完全唔一樣，唔係一樣嘅係佢嘅日本嘅風味。 有時有啲野真係 "Less is More" 😋 Lunch Set 配迷你照燒雞肉丼/和風牛肉飯 （+$28）依個飯係跟餐嘅。感覺無乜特別, 飯有少少太多水。有啲似連鎖店嘅雞/牛肉飯。下次應該又留番個肚, 叫替玉仲好 (即係加麵底+$10)

Yokozuna由十幾年前我老公係咁同我講話呢間拉麵超好食，終於十幾年之後有機會食到佢喇😂真係多謝哂元祖拉麵我揀左辣湯，黎到時唔好睇佢個色咁淺，原來食食下都幾辣😂我太弱，但佢辣得黎又唔會遮哂啲味，配料都算多櫻花蝦拉麵老公點左呢個拉麵湯底係濃蝦湯，夠哂入味又夠香，早知我都點佢呢個啦😂而且佢一啲都唔孤寒，加左好多櫻花蝦落黎煎餃子餡料係我最愛嘅韭菜豬肉😍入口多汁又脆口，不過再多啲韭菜我會食得仲開心😂雞串小食呢個小食好出色呀，雞肉容易入口，肉嫩多汁，配埋醬汁一流呀😁平時經開都好多人排隊，真係咁啱今次行過冇乜人排隊咋，期待下次再去食先🤩

紅 雨 時 的 拉 麵 ⛈⛈⛈ 想 試 好 耐。次 次 見 一 堆 人 排 隊 吾 知 係 咪 太 大 雨 無 咩 人 等 😍 代 價 係 成 對 波 鞋 入 哂 水 😐 ✨✨✨✨✨✨✨✨✨✨✨ 魚 豚 骨 拉 麵 湯 底 同 麵 質 一 流。豚 骨 鯉 魚 湯 底 份 量 夠 哂 大 🍜🍜🍜🍜🍜 一 向 對 拉 麵 的 叉 燒 無 咩 評 價 旦 呢 到 絕 對 大 讚 👍🏻表 面 已 望 到 烤 過 食 落 不 段 話 好 食。好 香 的 烤 味 😋😋 肥 膏 同 肉 分 佈 得 好 好（叉 燒 小 食 ） 👧🏻👦🏻 一 齊 表 示 可 以 再 來 ❤️❤️❤️❤️❤️❤️❤️❤️❤️❤️❤️ 店鋪：橫綱 (油麻地) 地址：油麻地彌敦道466-472號恩佳大廈地下

今日中午突然間想食拉麵 我第一時間就想起呢間老店 我對上一次食已經係2018年咁上下 坐低我叫元祖拉面醬油湯底 老闆叫玉子拉麵 一客餃子 可能真係冇乜客人所以食物好快到 我先來一口醬油湯 感覺上3，4年前好飲d 叉燒合格 不過以前有2個師傅整拉麵 一個比較年長 今日眼見果位比較young ，而老闆那個玉子拉面d湯有啲似出前一丁黑蒜味😳😳🤔整體來講 尚算合格 而侍應一個年約40多歲的姐姐好有禮貌地介紹老闆食乜食物⋯⋯⋯好細心

老實講, 真係好多年無來呢度食拉麵, 記得以前讀書時期, 放左學間中都會過來食碗拉麵當晚餐, 果時食到同服務員同埋煮麵既日本師傅都熟哂, 依家來到真係有 D 陌生, 加上每次都好多人等位, 又無左日本師傅了, 而且 menu 上既食物係多左, 但自己都係鍾情係傳統既拉麵同埋日式餃子今次都要等左成 20分鐘先有位, 好彩有吧枱坐, 記得以前放左學一個人走來食, 一定係坐吧枱, 食到日本仔師傅都認得, 佢既廣東話都講得好好, 所以係可以同佢溝通到 ! 之前一向都會叫九州拉麵或者叉燒拉麵, 不過呢日唔係太肚餓, 所以就叫左櫻花蝦拉麵, 魚豚骨拉麵, 同埋日式煎餃子 ! 坐吧枱睇住師傅煮拉麵時, 就當係自己置身日本既拉麵店, 師傅煮完會直接遞過來, 就會有種無形既開心感覺 ! 櫻花蝦拉麵只有一塊叉燒, 半隻溫泉蛋, 同埋櫻花蝦, 如果肚餓既時候我一定唔會揀呢個, 因為食我唔飽, 櫻花蝦好香, 叉燒係日本麵既靈魂, 再加埋豬骨湯底同埋軟硬適中既拉麵, 當然有埋溫泉蛋咁先係正宗日式拉麵, 可能太耐無來食, 覺得以前既豬骨湯底係好味好多, 果時仲會起碼飲半碗先停口, 而另一個魚豚骨拉麵, 豚肉岩岩好

今次同老公食這間的日式拉麵，平時好多客人排哂長龍，今日午餐黎食都要等候20-30分鐘，厲害👍🏻地方唔係好大，都幾迫下；不同醬料放在枱上讓客人自行加減；我哋點了每人一個麵及一個小食（煎餃子）幾脆卜卜，內面都juicy, 不錯👌🏻（牛肉拉麵）老公點了牛肉拉麵，份量都幾多，牛肉唔錯，湯底也不會太咸，配有粟米粒、紫菜、鳴門卷、韮菜（叉燒拉麵）叉燒幾香，份量好大，湯底不錯唔會太咸，有筍片、韮菜等，食完好飽

首先湯底唔夠熱，配料凍冰冰，叫咗九洲拉麵(硬麵)，湯底浸味似平時屋企煮出錢一丁三分鐘味精豬骨拉麵，麵煮嘅硬到ok但係個麵本身唔好食，之後舊叉燒鞋到有肥膏都無用，同食緊瘦肉一樣。另外一碗，蝦米扮櫻花蝦，冰鮮粟米，啲茶冇味似飲水，食完好口渴，鹹到飛起，咁嘅價錢我返去買一箱拉麵食好過⋯⋯真狗也不x，56十蚊都接受到

九州拉麵湯底係豬骨湯底，湯底都尚算濃郁！我覺得九州拉麵全部Menu中最好樣既😂😂實物出到嚟同Menu差唔多！拉麵嘅軟硬度適中！個人都幾中意，餸既話都OK，可以一試！因為果陣太肚餓，所以未夠11:30就已經去到門口，店員都話已經可以入去，覺得感覺良好😂😂嘢食都係10分鐘內就已經有，都好快。成間舖頭比我嘅感覺好日本！真係好似去咗日本咁🤣價錢唔算太貴，可以一試😚

以前經過好多次，從來都系排曬隊，今日12點去到，大把位，本來以為系因為無遊客，但食完就覺得另有原因。裡面只有4-5張臺加10和左右bar 檯位，一個廚師一個侍應。優點- 有40幾年歷史，另一種味道- 拉麵底幾好- 基本防疫有改善點- 問侍應元組同叉燒拉麵有乜分別，佢叫個客人自己睇。- 地方比較細-湯低好鹹，食完口乾到爆。元祖拉麵 醬油湯（$79）2分- 得兩件叉燒，其他都系每種小小的筍，菜，洋蔥等，男仔食應該吾夠食嘍，（叉燒一陣至講）, 配菜系做得幾好味，醬油湯底都OK。 拉麵靭度幾好有咬口。叉燒拉麵 豆醬湯 （$85）1分- 叉燒同以前食過真系吾同，系特別。。差嘍，睇落肥瘦比例都OK，但筷子都未夾起成塊都散曬，食落又鞋又無味，好似煲完湯咁。 豆醬湯第一口幾特別，但食耐D會覺得好鹹，甚至”拿”脷。

昨天9月23日下午約五時，我與囡在油麻地地鐵站附近想食拉麵，我突然記起有一間每次經過都見店外有人籠，未曾入內光顧過的小店。正當在門外面睇餐牌時，突然下橫風橫雨，即時推趟門入內。店舖好有日式風格，由於下午茶時段，店內只有一名顧客，我們被安排坐在背向近門，廚師的旁邊。由於我們戒牛，詢問店員哪一些是豬肉選擇，以縮短揀選時間。店員推介受歡迎嘅幾款拉麵，我們再從中揀，最後我囡選1）九州拉麵；我選2）味玉拉麵。我第一啖先試湯，好好味的豬骨湯，再試麵條，非常有咬感爽身麵條，啱晒我口味；流心蛋又滑又正，將半隻蛋分享給我囡；她又分回粟米及芽葉給我。大家吃畢一碗湯都未有飲完，都已經飽飽了。離開前結帳才知平時一至五下午三點至六點，有八拆優惠，感覺更加滿足抵食！

未入餐廳已經感受到個份懷舊嘅情懷，而坐吧枱望住師傅準備一碗又一碗嘅拉麵，更加係感覺到日本傳統拉麵店嘅氣氛😌九州拉麵$85🍜櫻花蝦拉麵$85🦐拉麵爽彈有筋道，而且份量比想像中多。湯底濃郁，加左櫻花蝦個碗味道係更有層次同鮮味🦐叉燒差不多入口即溶，而溏心蛋更加係成碗拉麵嘅精華，中間蛋黃仲係流心🥚煎餃子$38/6隻🥟咬入去充滿油香，仲好juicy添~

晚餐去这家店解决了一下，其实之前就收藏过这家店，大概了解一些情况，也大概猜到了拉面不是很便宜，做好了心理准备，可是想想其实这边拉面普遍都是这个价格，也算是正常了，但是个人觉得这家店的拉面味道比较一般，就没有说吃一口就让我很惊艳的感觉，汤底味道倒是还行，但是感觉跟其他家的拉面大同小异。

年紀比我還大的老牌拉麵店🥰原來係1987年已經開業啦😱聽聞佢長期排長龍🙊唔知係米受疫情影響，當日平日晚上唔需要等位就直入🔆櫻花蝦拉麵$𝟠𝟝食拉麵要先飲啖湯，係濃烈又清晰的蝦味!呢度嘅拉麵係配料上都幾花心思，每款麵都會配唔同的配菜。我呢款係無荀，但男朋友碗叉燒拉麵有，夾走哂黎食🤣幾欣賞佢嘅溏心蛋，個心靚之餘仲醃得非常入味。惟一就係佢用嘅蝦乾仔比櫻花蝦大少少，浸左湯會淋，口感打左折扣🔆煎餃子$𝟛𝟠豬肉韭菜餡，普通的餃子🤣結帳時店舖送左薄荷糖同許留山龜苓膏?比我地🤣唔知點解🤣

星期日中午，經過油麻地橫綱，見到平日排隊的橫綱竟然不用排隊，便入去試試。坐下不久，發現沒有冷氣，只用風扇吹，在炎熱的天氣下，我們仍決定吃。我們叫了三個套餐，包括豚肉飯、鰻魚飯和滑蛋雞肉飯。豚肉飯汁太多太甜，肉汁ok。鰻魚飯皮脆肉軟，有汁，好味。滑蛋雞肉飯的蛋夠滑，但稍為不足，多些更好。麵豉湯不錯。薯蓉粟米沙律好吃，我們都很喜歡。但由於店內沒有冷氣，我們覺得很熱，邊吃邊流汗。我們只好盡快吃完離開，才發現在店外比店內涼快。