橋香園雲南過橋小鍋米線

營業中

休息中

除了是一名米線控，更是粗身薯粉迷的我，每次見到薯粉加錢先有得轉，有些更是有紋的薯粉都覺得有少少灰。這間轉薯粉不用加錢而且粗身薯粉！橋香園在中上環有兩間分店，一在上環，一在中環，兩間都食過，但覺得中環湯底好似好食少少。今次在上環這間要了海鮮魚卷薯粉小辣店舖好細心分開湯和麵，遲咗去拎外賣都唔洗擔心浸耐左！海鮮魚卷魚肉質感都算厚實，外皮外貌和口感好少少似腐皮，雖然知道炸過但感覺上不會過油膩健康少少。湯底要了小辣因之前去中環分店食中辣覺得辣咗少少，小辣剛剛好。不過今次在上環這間食小辣覺得唔太夠香、湯底亦唔夠中環那間濃味。

其實我最愛嘅都係紅薯粉，但經外賣平台冇得揀薯粉，Remark咗轉薯粉但都送左米線，咁我諗外賣都真係冇得揀薯粉了(?)唔緊要，米線我都OK。😌金獎腩肉無錫骨蘿白米線 - 中辣 （$69 連運費）湯底之前去堂食都係叫開小辣，今日想挑戰下中辣，佢何湯底算係有層次嘅湯底，似雲貴香湯底，不過老實全盛時期嘅雲貴香更好食（而家嘅雲貴香就差咗了⋯）金獎腩肉身為肥肉愛好者嘅我我基本上食任何一間麻辣米線都會叫腩肉，一間小鍋米線嘅腩肉做得好唔好係佢係咪好米線嘅關鍵。呢間叫得自己金獎腩肉真係唔試唔得啦。 有啲人鐘意食瘦嘅，我就鐘意食肥嘅，呢間夠肥，但又唔會真係成夠肥膏，讚！調味都做得唔錯。無錫骨同事介紹嘅，其實係豬軟骨，甜甜地帶丁點酸味，炆得幾好，夠軟冧，白蘿蔔通常食親都係甜的，唔似浸咗糖水，係蘿蔔本身嘅甜。米線 - 呢間米線偏彈牙，唔錯。

超鐘意食雲南小鍋米線, 因為就算唔要餸菜料都有芽菜, 韭菜, 酸菜, 芫茜, 蔥, 肉碎, 花生. .. 配料, 撈一撈已經好惹味😋今日去左上環港鐵站出口 - 橋香園雲南過橋米線🍜 叫左碗4餸小鍋米線🍜餸料揀左金獎腩肉 + 豬大腸 + 豬紅 + 香甜蘿白! 份量超級多, 仲有滿滿既芫茜🥬 湯底味道濃郁👍🏻 👍🏻金獎腩肉 - 切到薄薄一片, 肥瘦適中, 口感非常好😋👍🏻香甜蘿白 - 超級腍, 無渣, 好清甜😋👍🏻小鍋米線 - 配菜非常多, 米線仲好滑😋

做完facial已經差不多九點 快快脆趕及十點前食個晚餐誤打誤撞去左呢間位於上環地鐵站出口對面既「橋香園」 老實講店外完全不起眼只不過突然心思思想食雲南米線 於是就膽粗粗試一試啦-三餸米線：配料選了（1）豬大腸（2）豬頸肉（3）魚腐 最正係豬大腸 滷得非常入味 肉質軟稔 完全無豬騷臭味 好好食😋👍🏻其餘兩餸則普普通通 不過不失 米線口感滑而少許煙韌 不錯 湯底選了清湯就無咩特別-豬耳🐷🐷：口感夠爽脆 正 微辣夠刺激但又唔會辣到脷都麻木 我呢個唔食得辣既人都食到好過癮啊😂😂 將豬耳放入湯裡熱一熱仲好味 辣味融入清湯中 令湯變得好開胃 微微啦很暖胃 ❤️-蒸餃（忘記影相）：鍾意皮薄薄地唔會太厚 裡面滿滿既韭菜豬肉餡 味道不錯 但也不是很驚喜

疫情期間，經外賣app已經叫過好多次！今日終於唔懶寫下食評！橋香園有兩間舖，一間中環威靈頓街，一間上環！我個人覺得上環嗰間服務好好所以一直支持！先講食物後講服務叫過好多次，長話短說，墨丸一般！以下係我精挑細選既配搭紫菜蘿蔔豬紅豬頸肉牛肝菌冬菇薯粉呢幾個餸都好出色，所以我一直都係甘嗌，唯獨要特別講既係。。。佢地有撈粉同湯粉，第一次我唔小心揀佐撈粉，黎到無湯，當時心唸無湯既喂。。不過都幾惹味，之後某天reorder先見previous record 係揀佐撈粉，甘緊係無湯啦(我誤會了), 不過都好好食的！今次揀湯粉！都好好食！啲餸一流！薯粉入味好正！額外要讚既係，大家經app未必揀到想食既餸，我試過一次，平時佢有豬紅但app無，我就試下喺app order ,但notes話轉豬紅，結果黎到，真係有豬紅！🥰🥰🥰😭😭感動！令我一直幫襯！

閑話唔多講，直接入主題。你間舖頭嘅牛肝菌你一定要事，係一定要試。如果你本身係一個鍾意食菇嘅朋友，牛肝菌絕對啱你食，佢嘅牛肝菌充滿陣陣既菇味，而且口感亦都非常特別，絕對唔能夠紙上談兵，就話到俾你知有幾咁好食佢嘅牛肝菌，一定要親身去食先知道有幾好食。我本身都係鍾意食辣嘅，呢間舖頭嘅米線當然有唔同嘅辣到可以選擇，不過佢嘅辣超級香，亦都充滿麻嘅味道，令人齒頰留香，足以繞梁三日。佢既辣除咗值得稱讚之外，佢嘅辣豬肉碎，亦都好出色，充滿陣陣嘅肉香味，如果未食過嘅朋友仔相信第一次食，就已經諗定下一次幾時會去食啦。今次你去開，老闆亦都極力推薦試吓佢嘅汁撈魷魚，話係新菜式喎。食落去發覺佢嘅特製醬汁同魷魚嘅味道10分融合，可以帶出魷魚嘅鮮味，再配合埋魷魚嘅口感，呢啲菜式可以話係完美傑作。總結，如果你係未食過嘅朋友，第一次去食嘅話，一定要試佢嘅牛肝菌，如果你係去過嘅朋友，又未食過牛肝菌嘅話，一定要係去食佢嘅牛肝菌。利申：牛肝菌打手。

話說最近本人被公司調到中環上班, 因為太耐冇響中環返工嘅關係所以就跟同事order 呢間橋香園, 咁呢間橋香園都算係老字號呢嘅, 因為都知道呢間餐廳好耐了因為本人比較肚餓咁就叫左一個腩肉小辣加底再外賣返公司食, 一去到就發現湯同米線唔係分開裝就覺得有d 弊傢伙, 點知一返到公司開黎睇就發現米線浸到脹哂, 但都未糊, 而湯底雖然叫左小辣但好淡好淡, 連清湯都比不上, 腩肉就水平之內, 都ok 好食, 而且份量不少, 不過個加底就唔多值, 因為我見其他同事唔加底都係同我果碗差不多到最後我果碗就要45蚊, 覺得去南記食個酸辣小鍋米線會冇咁嬲

係附近番工，平時都好鐘意食呢間米線。鐘意食到係依家天氣咁熱都要去食佢。好可惜，同同事兩個人食咗兩三口，佢碗米線竟然有隻健康完整有弧度嘅指甲。我都唔敢相信，話係軟骨黎架姐，之後叫左老闆黎，老闆拎起左個隻'疑似指甲'，望左一望，就收起左同事碗面，話換過碗俾佢。係好有禮貌嘅，但我地仲點食得落，然後佢地話我碗面要俾錢因為逐碗逐碗整，我個碗冇問題。同事好嬲，好大聲話:"下你碗米綠有指甲，點食得落..."我廢事搞大年事，俾左錢就拉住同事走左(佢地最後係FREE左我杯檸樂)但個日我成個LUNCH都冇再食過野。佢地係一間好食嘅餐廳，但我覺得有指甲係入面真係有問題同埋有D唔識做。D員工態度都好好嘅，不過我唔會再幫襯。同事話佢仲好記得個隻指甲拮到佢上顎嘅感覺...

某日好想食米線嘅情況下又唔想去南記排隊然後搵到呢一間米線因應疫情好多人都買外賣而店內都有位置唔使等位👉🏼三拼撈薯粉薯粉份量比較多好抵食，送酸菜同肉碎撈起上嚟超級惹味。豬頸肉切得比較細條可以一口食完牛𦟌係凍嘅亦都好彈牙海鮮條好大條好有車仔麵嘅感覺👉🏼熱豆漿因為店家做緊推廣所以食米線送豆漿，我以為出邊嘅豆漿都會好甜但呢一杯唔會好甜而且都好有豆味上菜速度快而且坐得都幾舒服喺港島黎講算係唔錯又平民嘅米線選擇大家可以考慮黎試吓

橋香園的小鍋米線真的一試難忘，然後不經不覺成為橋香園的忠實fans已有五六年。以前lunch time和同事間中會去吃，現在很多時候都在自己位吃lunch，叫過無數次外賣，成為了熟客。今天叫的是雙拼，雞翼豬頸肉小鍋米線，$46。和南記一樣，橋香園的小鍋米線湯底真的很特別，又unique，不過味道不同。橋香園應該是西川味道，香、辣、酸，配合得很好，有少許牛肝菌的獨牡香味，讚到不得了！❤️雞翼有兩隻，很入味，不會過咸。豬頸肉切小條，入味又好吃。無論湯底、麵線、配料、配菜，都配合得很好，又好吃！😍必食！

😋 ins：eatwithsirui🔹是上环很适合快速解决午饭的地方啦，空间还算比较大，有两层🔸酸汤牛肉米线：汤超好喝的，加一点醋鲜鲜的，但是不建议加肥牛，不够细嫩，比较肥。🔹人均50，環境6/10，口味7/10，服務7/10

一個人落到上環食午餐，星期五唔想等咁耐位，就揀左呢間餐廳。呢間餐廳有雲南過橋米線，仲有飯麵。因為唔太肚餓，就揀左個兩餸麵，五香肉丁加炸菜米線，加$9有凍檸茶，正正常常咁。

放完幾日公眾假期，又是仍然要在上環區返工。 不過暫時返這區好處，就係上環有較多餐廳小店，而且食物價錢也不太貴。 今次去了在上環站A2出口斜對面，走走看看有什麼好食。 見到有間餐廳叫雲南道橋小鍋米缐， 從玻璃門看到店不太大，但環境也幾乾浄。 雖然餐廳專售米缐，但也有提供其他餐食。 入到去叫咗$32麵餐，選了煎雙蛋牛肉麵。 牛肉食落有有肉質感，也食得出有牛肉味道鮮味。 個湯底也不太鹹，飲落感覺少味精。 熱奶茶也算合格，茶味也香濃。

識我嘅朋友都知我鍾意食辣及米線，而最新搭咗兩次地鐵去上環，一行出地鐵站口就見到有間米線舖頭，終於忍唔住要去試吓。其實我都怕去咗唔好食嘅舖頭浪費咗我嘅食野Quota，所以入去之前都企喺門口望咗一陣先決定入去。入到去其實都算多吉位，應該都有一半，喺我諗緊食咩嘅時候，個負責樓面嘅姐姐同另一枱嘅一班女士講佢地嘅米線有幾好食，然後指住另一張枱嘅外藉男士話佢一個星期黎兩、三次，講到佢地嘅米線好勁咁款，但我心諗，咁好食點解夜晚七點都有一半吉位。其實我坐低後有一刻真係想拎袋走人，自己開頭估計係可能因為早兩日發燒關係而影響食慾啦，點知原來我第六感係無錯架！我叫咗個三餸米線，包括炸醬、雞翼及腐皮，而湯底就叫咗麻辣大辣先講一下湯底，坦白說，湯底係成碗米線嘅靈魂，一碗湯米線好唔好食，湯底佔嘅比例係一半！我叫麻辣大辣，唔麻又唔麻，只係得一個「咸」字可以形容！餸菜：炸醬好咸雞翼：好咸腐皮：好似橡筋咁埋單$48

今日去開上環做野，下午茶時間路過地鐵站見到呢一間舖。想食碗酸辣米線開下胃，就入左去。舖頭細，坐位迫，唔緊要，最緊要啲野好食。叫左碗金牌腩肉，豬大腸，冬菇酸辣米線，46蚊加凍檸茶要加9蚊。食任何湯粉面，我覺得個湯底係最緊要。點知。。。。無味嘅。。真係接受唔到酸辣米線個湯底咁淡茂茂囉。至於啲餸。。。Ok la,正正常常但又唔覺特別好咪囉。最後，食左啲餸，成碗米線冇食過，下午茶埋單$55走人，唔會有下次囉。