橋底雞煲

營業中

休息中

眼見三個樓面 圍內不停講野 我黎呢間食都係因為麻辣好味同樓面唔會起我旁邊大叫同嘈今日個雞煲落枱後 叫左份冬瓜 等左半個鐘都未見 要追之後叫野飲又要追order先有唔會定期加湯 咩服務

接完朋友收工佢推薦呢間雞煲話好食🤓可以叫半隻/一隻雞！我地叫左一隻雞加小辣🐓隻雞太多肥膏😣個人唔太鍾意食肥利嘢！湯底一開始偏淡！但愈煮會愈濃同辣😆愈煮愈好味ah👍🏼食到咁上下就可以加湯打邊爐🍲菜同丸類都係正常味道啦！呢間店最值得讚係有新鮮淮山食！!其他地方好似少見🤔口感有d似煮薯仔，煮熟之後會吸收左湯底嘅味道，yummy !!😋😋我地食左一碟之後都忍唔住叫多碟😍好味又有益👍🏼

冬天都係離不開打邊爐，雞煲同bbq天氣凍凍地，最啱食d重口味麻辣野暖下個人環境方面，坐嘅椅子係無得挨嘅，就無咁舒服啦。叫咗小辣雞煲，可以揀全隻/一隻雞。視乎人數啦。我覺得小辣辣度適中 ，啱d鐘意食辣又食唔到太辣嘅朋友個汁重口味得黎又幾惹味食到咁上下就開始加湯打邊爐。揀咗貴d呢個肥牛，又幾好食喎！唔會太肥 脂肪分佈平均丸、菜、芋絲，粟米呢d都係打邊爐必食。但雞煲烚菜真係有小小油得濟不得不提係 原來鮮淮山打邊爐好好食架口感係似爽嘅薯仔仲好有益添

外賣份量奇少,兩盒外賣，其實可裝埋一盒，價錢278，份量少，超不值。味道雖然ok,但這樣做生意，極不老實。堂食份量是可以我口，但外賣就不敢相信地少。買兩次的經驗也相同。

自從天氣轉涼左之後，木嘴就好似d大肚婆成日想食酸野咁一直心思思想食辣野。今次既然去開屯門，就決定去食有D知名度嘅既橋底雞煲。夜晚7點左右去到，咁岩唔使洗等就有位，見之後黎嘅人都要等一陣先有位。有留意我之前既食評既人應該都會發現，我每次去餐廳都唔知點解唔洗等位，呢樣野木嘴真係解釋唔到，如果閣下去既時候要等位只能夠慨歎自己唔係木嘴，哈哈。一坐底侍應姐姐就好快過黎同我地落左隻雞先，除左問要半隻/一隻同幾辣，仲問個煲要唔要加鴨舌，木嘴我見識少，雞煲加鴨舌真係第一次聽，由於唔想同隻鴨打車輪，所以就話唔使加喇。雞要左半隻，中辣，個姐姐一開始阻止我叫中辣，話個辣會辣過出面，食唔到辣既話叫返小辣會好D喎。木嘴身為一個小學雞係唔會容忍俾人睇死既，區區中辣木嘴又點會驚呢？食落，個汁都幾惹味，辣中帶點甜，辣得好香口好正，中辣完全係輕鬆KO。不過為左令大家有個參考，其實木嘴對面果位好快已經食到變孖潤腸，所以大家唔好睇完我講就以為D辣唔勁，到時閣下變孖潤腸千祈唔好搵我算帳。而D雞都幾嫰滑，不過份量就唔算多囉，感覺係第二度食半隻好似多D咁。食完D雞就叫左少少配料，有墨魚滑、韮菜餃、芝士丸、同紅薯粉。除左紅薯粉，以

早上個星期去左屯門嘅鋪食野，竟然見到有燒烤，咁緊係嗌左個燒菠籮同海鮮食啦，唔知係五係換左師傅，今次嘅菠籮係濕身的，好多汁，食落口五系太酸帶有蜜糖味，非常正。前後仲要叫左兩份黎食，之後再叫左份扇貝，一份得3隻，好彩都算大隻，食落沒有雪藏味，蒜味濃厚，勁正，反而丸類就好似平平無期，燒肉類就還可以。茄子勁多蔥花，我本人比較鍾意多蔥，食落口五油有好勁嘅蒜味，真係同出邊嘅風格唔同，但如果價錢再平d就好啦，but下次會再幫親

是日晚上10時,在屯門藍地下班,在同事介紹下, 3人前往屯門這家著名的橋底雞煲吃宵夜!在屯門市中心廣場步行約10分鐘,便找到這家店鋪. 不過,店子小, 需時輪候.等了約15鐘, 終於可以入座.在朋友的果斷處理下, 迅速下了單, Asahi啤酒也迅速上桌, 不過,主角雞煲 ($148, 半份)也差不多等了15分鐘才上桌.推薦指數: 5/5雞煲煮至沸滾後, 醬香旋即飄來, 香得緊要! 不客氣, 使開動雙筷試一試雞件.斬件的雞塊相當惹味,骨肉分離, 最好吃的部份似乎是雞翼和翼尖!入味的雞塊帶著濃濃蠔油醬油的咸香、酒的香甜, 非常惹味!甚少吃雞煲的我也覺得非常喜歡!另外,也點了響鈴和茼蒿去吸一吸煲中美味的醬汁!推薦指數: 5/5推薦指數:4/5不過,肥牛質素有點普通,牛味不濃,所以最後安哥了一碟響鈴!除此以外, 也點了新鮮的脆鯇! 魚肉單看顏色已知新鮮!泡在醬汁中仍然脆嫩,值得推介!推薦指數: 5/5綜觀餐廳食物味道好,也算新鮮, 價錢尚可接受. 不過,鋪面是有點細,得有心理準備輪候.吃到零晨1點,店家也沒有因打烊而催趕我們離開,非常有人情味!如果天氣回冷的話,可再來吃這裡的雞煲!

叫左桂花蚌，惺既！咁梗係同佢地講啦！老闆娘第一次聽完入廚房問，之後都唔理我地，我咪再問佢囉，佢叫我滾耐啲，又同我講海鮮係有啲惺！我心諗，我次次打邊邊最鍾意食就係桂花蚌，從來都未食過惺既！！之後側側搏又唔理我，我再問個侍應，叫佢食一舊試下，佢梗係又搵老闆娘啦！佢又係同我講海鮮係會惺-_-#之後我咪問佢咁點呀？惺架喎！你試下啦！之後面都變哂一句聲都冇出就咁收左入廚房！之後埋單係冇收到果碟錢！但係真係好唔鍾意佢既態度囉！最重要最重要！我食完肚痛左3次痾左3次！我好想同你地講，海鮮唔新鮮就梗係惺架啦！係滾完都係惺喎！唉……

朋友話屯門有間雞煲吾錯，所以今次一行3人6點鐘過左去食，大約食左2小時都已經有不少人來排隊了！～我地叫左雞煲加串燒每人一枝野飲，每位＄180價錢都合理，但下次再來時應該只吃雞煲，因為串燒好麻麻，怪不知周邊冇咩人食啦。佢有分開2張紙，一張火鍋和串燒野食都多選擇！～飲品方面都係以鴻褔堂同汽水為主，啤酒好似有2款。小辣雞煲一隻＄218，沒有加鴨舌，大約15分鐘黎到啦！～辣度吾叫好多，但好香口同濃味，加多水都吾會淡晒而吾咸，但之後就覺得偏油，雞肉都夠嫩同份量適中，配料超入味好味道～娃娃菜份量多，最好就係仲有汁時放入去超入味同好味道！～魚皮餃好味道，推介好味～午餐肉失望吾好味，冇咩午餐肉碎但要三十幾蚊偏貴，墨汁花枝丸墨汁味吾多但花枝夠多，烏冬偏淋但味道夠入味。叫了串燒四味但偏硬同吾太入味，有點失望，菜類吾太乾身都不錯，但粉偏多但冇咩味道。三文魚扒味道夠同香口，以＄48黎講都抵食！～

其實喺屯門真係又係好似旺角咁，食到爛，好難諗食咩(其實我知屯門好多野食，但係……一係太遠、一係我唔岩食)，本來OR搵到間食齋，但係上到去……大家見到都好似無乜興趣，所以最後我地去咗搵雞煲食~因為太多人，所以去咗另一邊坐~~平時我地自己打邊爐、食飯都好少叫酒飲，今日因為個啤酒妹妹行到埋嚟，我地都唔好意思，咁就要一支，但係……唔知點解嘉士伯味道變咗好似百威咁淡……微辣雞煲 - 一嚟到就已經好香，一食……個汁應該可以話係我食咁多間雞煲入面，第二好味，第一好味係煌極(可惜……執咗)，辣呢就真係唔辣喇，因為大少唔係好食得辣，我就佢叫微辣，味道香濃，唔會過咸，而且個汁係好杰身，呢間最特別係，可以有得揀要麻辣煲定係齋辣煲，我地當然揀齋辣喇，因為我地兩個都唔好麻辣~脆鯇腩 - 我屋企打邊爐其實就唔鍾意食脆肉鯇，我地比較鍾意食普通鯇腩，但係大少屋企係鍾意食脆鯇，所以成碟幾乎佢食晒，我都食咗少少，的確係幾爽口龍蝦沙拉丸 - 我地完全唔知呢個係咩，所以只係點半份，點知……一食，原來超正，佢都係包心丸系列，入面有沙律醬、蟹柳粒，用嚟打邊爐，外面咸咸地，入面甜甜酸酸，好好味~日式年糕丸 - 無諗過原來呢個麻吉燒

收工差不多12點，專登同朋友去食呢間雞煲。去到已經差不多收舖，員工吃緊。我同朋友只叫了$198既個份中辣既雞。其餘無話好似其他食家咁俾人sell其他野食。一來到其實已經聞到小小辣雞既香味，份量足夠，而且香料頗多。講到雞肉、其實中規中矩，有d位有d梅梅地，可能佢預先整之前將d雞煮得熟得制。去到最尾，汁其實都唔多夠，而且越食越辣。比我地想象中辣得多，感覺係大辣既程度。其實眼見店舖入面d人比較具粗獷、「飛仔」既形象，不過態度還可以，可能因為得番我同其餘一張桌既人。總括而言，個人會俾6.5分。

天氣涼涼地，我同朋友三個人坐入室內，環境有啲逼，仲要啲侍應行黎行去勁撞到我fd 咁都算啦！三個人叫左一隻雞既份量($198)，但係得好少，仲諗住唔會食得晒！佢另外可以加$38有鴨舌，侍應幫我地落單問要唔要，我話唔洗，佢仲要講多句無得後加，咁我地都無人食，就答佢知點知雞煲黎到，我地就食啦，每人食左一舊，搞下個煲底發現有鴨舌，即刻問個侍應啦，佢聽完去問其他侍應，但過左勁耐都無覆返我係點！😡我就想問佢係可以點啦，佢態度極差又大聲咁話返我：你地都食左，無得換架喇，咁幫你取消返佢囉！本身我都無乜野，佢講完呢句搞到我勁嬲，佢可以態度好啲，我條氣都會順啲 另外仲叫$78肥牛(過多肥膏，好韌)份量好少！！！本身個煲已經無乜汁，食晒啲雞想放啲肥牛都唔夠湯，叫左人加湯，完全無味 呢間野唔會再食第二次！！！

入屯門搵朋友，當然仲想食屯門既好野啦！除了泰國菜多，還有雞煲！已經係第二次食了，好正，無得頂！上次兩個人，今次三個人。由於朋友。。。所以食微辣！個雞煲味濃，雞滑，唔口乾！雞件好入味，又好滑！可惜今次因為怕痴底，好早就落湯，一落咗湯，雞上唔到禁多汁，無禁好食！打邊爐配料方面：肥牛細碟，等咗成個鐘都唔來！來到仲俾我地見到有少少熟咗！ 雞腸係超特別，肥膏超多，朋友話新鮮先會禁，詳細就唔知了！我試咗少少，爽，肥！無其他評語了！其他菜和響玲無咩太特別。食然煲中發現有果皮，柚皮的東西，估計是這個雞煲的秘密！飲料方面, 最終係陪朋友飲水, 飲水量唔多, 因為雞煲唔口渴!

本來想食隔離的泰國野，點知冇開門，而個晚又凍左好多，所以同友人一起試呢間的雞煲。呢道真的名副其實係"橋底"， 係個行人 / 行車的橋底，旁邊就係屯門公路。其實我本來想叫打邊爐，不過佢地極力推介佢地個雞煲，冇理由唔試試。佢地話先食雞，留個汁，佢地幫我們加湯，就可以再加料打邊爐，慳晒湯底。用錫紙板圍住擋風，真細心味道: 都好味，味濃，雞好滑，都有雞味，不過煲大，份量小。份量甘小，2個人都唔係好飽，所以當然叫佢加湯加料打邊爐啦!!!!係味見到好多油呢!!! 但味道好味，唔理啦。加左幾豐富的料^^。味道: D丸都好好味，其他野一般。