樹屋酒吧餐廳

等LIFT真係等太耐,搞到遲左小小到間房D登太高唔算太好坐, 同埋有小小焗叫左18人餐因為諗住CAFE D野好細份,要揀9款,我地就點左晚餐除左沙津個個都要哂不過D野黎到都幾大份下, 18人餐應該預20個人食會好D味道OK, 抵食又好味~ 不過食唔哂有小小浪費飲野主要係叫梳打,太甜,撈極都撈唔暈.....但服務真係唔錯,我地狂叫人入黎都仲係幾NICE,又冇漏單仲玩左掟標~ 本來想試下D酒精飲品同甜品但最後都冇試到, 下次再試…查看更多

一大班人gathering首選一定係揀café架啦.對於我地呢班由中學起就不停搵card game玩既人黎講,狼人三國殺風聲….絕對唔陌生自從畢左業之後都冇乜機會玩既我地一黎到café梗係唔放過重拾舊日回憶既機會啦.係the tree house入面有好多唔同既card game比我地揀.有好多唔同既玩法.而且呢到既野食都真係唔錯.份量幾大.爭少少就食唔哂.到最後佢地仲送甜品同薯條比我地食tim.下次有機會一定要再黎玩先得…查看更多

約左旺角，又想搵個地方可以坐耐D傾下計，cafe應該係不二之選。喺登打士廣場求其揀左一層，就黎左8樓既樹屋。一行4人比左間房我地！入面有一大一細既枱，燈光嚴重不足，稱不上有情調，只係好暗。加上後來有一班人坐左大枱，就變左好嘈。結果轉返坐出面。D櫈好配合到樹屋既主題，係D戶外既滕椅，不過唔好坐，坐得都幾辛苦。menu不太吸引烏冬賣相不討好。不能說難食，就係芝麻醬既味道。友人叫的兩款餐，賣相同質素都麻麻。樓上cafe普遍的質素都不敢恭維，樹屋也不例外。但值得一讚係侍應們好友善，服務好好。…查看更多

一行七人，諗住搵間CAFE HAE下飲杯COFFEE玩下BOARD GAMES。有房，但勁污糟，張台同個地都痴林林，擺明上一手倒瀉野乾哂冇人理。叫人抹完都一樣咁痴！搞到成日一趴上台就賴野！一坐低已經見到有兩隻蚊滋飛過…每人叫左一杯野飲，各49蚊左右不等。朱古力得個甜字，LATTE只有淡奶味無咖啡味，杯CAPPACINO更加淡過水，CARAMEL CHOCOLATE又係得個甜字。四十九蚊，我寧願買十包三合一即沖咖啡都好過佢！下次請我都唔會再黎！…查看更多

見到個名幾吸引而且有優惠券免加一就入去食，點知中咗伏，一入去坐低無幾耐就被迫食二手煙食足全程，冷氣通風等又唔夠，令空氣又差又焗促，食二手煙仲多過食佢啲嘢。嘢食味道尚算可以，普普通通，沙津只有少量千島醬，好少菜，以大量生果沙津擇底...  本來叫個六人餐話包甜品，點知叫上甜品時個店員俾咗餐牌我哋叫，叫完埋單先發現甜品要收錢，個餐包嘅特色甜品原來只係幾粒迷你泡芙  咁就又無多幾廿蚊... 堅有啲失望。識食一定唔會食二手煙樹屋...…查看更多