樓下火鍋飯店

「樓下火鍋飯店」在銅鑼灣已經相當人氣，而且晚晚爆場，最近更加在尖沙咀金巴利道插旗，新店繼續向老香港設計致敬，霓虹燈飾懷舊裝飾，播放住香港老歌，氣氛超正🫰🫰打邊爐食材，一向高質毋庸置疑，而且好多特色食材坊間少有，超多款手切靚牛、海鮮刺身、潮州生醃類、手打丸類、自家製火鍋餃子、刁鑽食材，例如新鮮豬腳筋、新鮮魚標、新鮮雞腸、花雕獅頭鵝肝、花雕豬腦，其他火鍋店真係食唔到🫰▪️石橄欖椰子湯配走地鬍鬚雞半隻 $ 188最新推出嘅湯底，用上石橄欖做火鍋湯底，配上椰子湯味道清甜甘香，而且更有潤肺化痰、清熱解毒等功效，打邊爐咁熱氣就最啱，配上走地鬍鬚雞，雞肉有彈性好有雞味，雞熟咗之後飲返碗湯就最正😋😋▪️手切本地肥牛 $ 398店員推介這款牛肉，牛肉雪花均勻，只需要滾5至6秒就可以食，入口滿滿牛油脂香氣，口感軟腍牛肉味夠晒濃郁，超推薦非常好食▪️生醃甜蝦 $ 148最驚喜呢度連生醃海鮮都有得食，生醃汁超好味，味道是開胃的酸辣帶甜香，而且滿滿的辣椒、蒜頭和芫荽等夠晒惹味，主角甜蝦夠晒大隻，新鮮鮮味好彈牙，呢個生醃超好食▪️三拼餃 $ 138三大王牌餃子，每日新鮮，黑松露蟹肉餃、雙籽鮮蝦雲吞、韭菜餃，餡料豐富足料鮮味，必食推介▪️招牌五寶丸 $ 108全部手打製作，梅菜豬肉丸、鮮牛筋丸、鮮墨魚丸、鮮蝦丸、鯪魚丸，細細粒口感恰到好處，食得出超級新鮮，特別喜歡梅菜豬肉丸，好似食緊蒸肉餅咁，肉味香濃質感軟腍，超級正▪️鬼馬蝦膠 $ 80香脆油炸鬼包住彈牙蝦餃和蟹籽，滾完之後吸收晒湯汁，更香口好味▪️油麥菜 $ 42連菜都擺得咁靚，石橄欖椰子湯令蔬菜更加清甜▪️手打檸檬茶 $ 76用上大熱鴨屎香茶底，配上新鮮青檸，獨特味道清甜解渴…Read More

係油尖旺打邊爐就打得多，原來樓下火鍋飯店係尖沙咀開咗分店打邊爐食來食去都係果幾款配料，想食得刁鑽啲就要去試下店內環境以港式懷舊裝潢為主，設有大量座位，座位寬敞舒適仲設有獨立廳房，約會小聚、一家大細聚餐的好選擇除咗多款日常打邊爐牛肉、海鮮等配料，仲有生醃廣島蠔，罕見稀少嘅豬腳根及大跣雞石橄欖椰子湯都一定要試食物方面 :石橄欖椰子湯（配去骨大跣雞）: 湯底清熱下火潤肺，特別適合近排濕熱天氣飲用，配搭250日去骨大跣雞，雞肉充滿鮮味，皮爽肉彈，再蘸上靈魂醬汁，真係好味到你唔信生醃廣島蠔 : 生醃海鮮食得多，生醃廣島蠔就第一次試，生醃後保留廣島蠔的鮮味和滑嫩口感，同時又增添鹹香和酒香的味道豬腳根 : 第一次食豬腳根，坊間罕見稀少，要碌夠 40 分鐘先食，口感爽脆彈牙，肉質軟淋入味，真係食過番尋味手切肥牛 : 本地手切肥牛口感較有嚼勁爽口，油香滿溢，牛肉味較重招牌五寶丸 : 有牛筋丸，墨魚丸、梅葉豬肉、蝦丸及鯪魚丸，手打丸夠曬彈牙鮮味三拼餃 : 招牌黑松露蟹肉餃、雙籽鮮蝦雲吞及韭菜餃，餡料十足，隻隻都脤卜卜，當中黑松露蟹肉餃入便係一絲絲蟹肉，超足料手打檸檬茶 : 用上鴨屎香檸檬，酸爽解膩，茶底香濃，夠曬冰凍，打邊爐最啱飲…Read More

同朋友去尖沙咀食左一間幾有feel既火鍋店人到中年都會想食啲質素好少少既肉呢間價錢唔算特別平 但啲雞同丸係都高質既😆✨特色火鍋料推介✨1️⃣豬腳根唔係好多地方有新鮮豬腳根食食完超滿足 有滿滿骨膠原啲肉又滑又香豬肉味2️⃣梅菜豬肉丸梅菜完全冇沙 豬肉丸爽彈好食欣賞佢唔會太大粒 仲可以有quota食其他野3️⃣250日大騸雞雞肉完全唔嚡 唔小心淥耐左都仲好有咬口🌟其他推介🌟🔸手打檸檬茶-大大杯好抵飲🔸特級本地手切肥牛-肉味濃唔太油膩🔸鬼馬蝦膠-油炸鬼脆脆配蟹籽蝦膠🔸潮式生醃三文魚-係前菜既惹味之選…Read More

同朋友平日夜晚嚟食 唔算太多人空間闊落 環境舒適 裝修帶有懷舊香港風嘅味道叫咗個椰子雞湯底 入面嘅雞件係另上 職員都有話啲雞臨食先淥 跟足指示黎食 果然係好滑👍🏻👍🏻個湯底都越煲越濃郁 好飲另外仲叫咗滑牛同其他配料 例如魚皮餃 蝦滑 雞髀菇 脆肉鯇等 個個餸都好食!! 😋略嫌脆肉鯇細塊左少少🥲不過特別推薦皇帝菜 配埋個湯底 好甜 10分推介…Read More

餐廳係70-80年代既懷舊裝修 一入去就聽到播住經典既廣東歌 係呢個環境下打港式邊爐好岩feel!石橄欖椰子湯（配去骨大騸雞）: 湯底清熱下火鮮甜 雞肉烚2分鐘左右肉質紮實得黎唔乾柴 本地手切肥牛 : 手切肥牛牛味特別濃郁 每片都有d厚度有咬口 脂肪比例唔算高但都嫩滑 五寶丸 (牛筋丸 墨魚丸 梅葉豬肉丸 蝦丸 鯪魚丸) : 非常彈牙 每隻味都好出 梅葉豬肉丸特別出色鬼馬蝦膠 : 蝦滑釀油炸鬼 烚完之後油炸鬼仍然少少脆口黑松露蟹肉餃 : 足料飽滿 入面有一絲絲蟹肉 好有鮮味鴨屎香檸檬茶 : 茶底夠濃 酸爽解膩尖沙咀分店仲有生醃海鮮 生醃廣島蠔鮮味肥美 …Read More