樂聚廊

營業中

休息中

嗰塊朱古力金幣我冇食到送咗俾小朋友好hea 最側邊嘅係腰果酥跟住係檸檬撻我覺得第二層係最好食嘅因為佢個鵝肝麵包好出之後係黑松露蘑菇嘅漢堡包最尾係一個蟹肉嘅批呢一層嘅食材係最矜貴㗎燕窩蛋撻基本上係食唔到燕窩㗎只係佢牛油個底幾香然之後鮑魚撻嘅批底同蛋撻嘅唔同鮑魚批嘅比較趣同硬鮑魚唔會韌最尾嘅係一個叉燒酥Scone 一向都係我嘅至愛上枱嘅時候暖暖地Strawberry jam and clotted cream 正常冇特別驚喜嘅感覺

人生第一次食港女tea!! 由於疫情關係， 冇得同朋友好好慶祝， 唯有揀間靚靚high tea打下卡。因為本人好大食又無肉不歡， 所以好少揀呢種港女tea (絕無貶義 純粹係對呢種tea set嘅一個統稱)😛。 今次因為朋友生日所以就揀咗conrad呢到獻出我嘅第一次。絕少嚟港島嘅我 ，一開始已經有少少蕩失路😂😂 入到酒店覺得環境都幾開揚坐得都舒服。唔需要諗太多就order 2個sets~~上枱一刻覺得好靚, 影相燈光都好靚。 我覺得鹹食都ok， 不過討厭麵包同餅乾嘅我基本上都冇食過甜點， set上面所有甜點都係好實個種cupcake蛋糕， 甜味亦都比較無層次。除左個層架， 個set仲有個橙味朱古力布甸， 覺得好似食緊橙味蓮蓉🥲 仲有每人2個muffins, 一個有莓乾一個無， 味道都算唔錯， 不過有d夾硬塞飽你既感覺。總括黎講， 環境舒服，侍應加茶都快手， 不過tea set 內容物可以改善下就更好啦～🥰🥰

Book for their afternoon tea 2 weeks ago, with discount, hence, paying less than $500 for a set of afternoon tea. From now to end of Feb, they’re partnering with local teahouse MingCha to present tea-inspired delicacies. Aside from the goji berries scones, I enjoyed the abalone tart, Alaskan king crab salad with salmon roe sandwich, barbeque pork puff pastry and osmanthus cheesecake. Good environment with comfortable seats; service is mostly pronto.

呢幾個月嚟唔少酒店都出咗外賣tea set, 我做咗一輪research之後，訂咗Conrad嚟試吓😆一嚟我未食過，二嚟佢個盒幾靚，又會送熊仔🐻大部分茶點都係傳統款式，都okay唔會太甜👌🏻有幾款比較特別，融入咗酒店其他餐廳嘅特色☺️包括Nicholini’s嘅truffle arancini🍘好少會喺食tea嗰時食到炸飯球，口感香脆，松露味道都平衡得幾好😆不過外賣食物始終無堂食咁好食，部分茶點變硬咗乾身咗，尤其係啲scones😭(其實我蠢咗，應該叮返熱🥲).🐻30th Anniversary Afternoon Tea ($558 for 2)finger sandwiches•gourmet savouries•iconic confections•scones•tea bags

High tea lover 定期就要tea 一tea。30週年主題tea set，鹹甜點以至scone都很滿意。酒店雖已有一定歷史，但相信經過翻新，未留有歲月痕跡，透過深木色的傢具反映出當年的喜好。原來tea set 包含了酒店三間餐廳的食品，可以一次過品賞都不錯：-金葉庭-蛋撻仔-意寧谷-意式松露野菌炸飯球-懷歐敘-法式迷你蘑菇酥盒甜點主要以朱古力為主，有迷你黑森林蛋糕、覆盆子開心果撻等。另有印有小熊及鴨子的牛油曲奇，cute。$558 for 2

為咗慶祝2021年嘅第一日，當然要食返個港女afternoon tea賀一賀佢啦💓今年目標係可以食到12次😛環境: 8/10第一次去Conrad，見到之前afternoon tea會有熊仔送🧸好似係要加香檳先會有，不過Lobby Lounge都坐得舒服同埋個景都幾靚💕食物: 7/101️⃣Waltz of festive joy afternoon tea $588 for 2依然係聖誕為主題嘅下午茶🎅🏻甜點個人比較喜歡法式栗子撻同埋一個黑朱古力慕絲，想讚一讚嘅係個鬆餅，拍得住文華好食😋，鹹點不過不失，最鍾意係松露香菇酥 ，酥皮好脆同鬆化😜另外，我飲咗Earl grey tea媽咪就揀咗Jasmine tea🥰呢個1月1日嘅下午過得很愉快💕💰性價比 :7.5/10 ($320/人)，1月1號紅日按平時收費，可以接受，員工細心有禮貌，因為佢見我唔食鵝肝主動問我要唔要換其他食物🥰super nice

首先，我食過其他酒店afternoontea ，呢間真係難食。佢嘅甜點太甜了，我地3個女仔食開甜野都頂唔順，特別係聖誕pudding，3個都試一口便不吃了，至於聖誕樹、聖誕老人都係過份甜。而咸點（最底一層）係算好食的。鬆餅不過不失，但朋友話其他酒店較好。最好係wedding tea，係幾好飲。三人除開，每人$329，個環境就靚（棵聖誕樹），但侍應服務其實好慢，要叫幾次先送到鬆餅。小心選位，有台偏暗。

第一次聽Takeaway都要service charge? 諗住疫情下少人啲，不過都fully booked 。咁好啦，食外賣，原來都要service charge。。。

朋友屋企人有Coupon, 所以我哋一齊去食high tea🤣🥰, 其實我哋兩個從來都唔係high tea嘅fans, overall覺得2人份量多到食唔晒😌✨Afternoon Tea Set 💰338 / 1 or 💰558 / 2 💫評分: 7.2/10📝用傳統英式3層架, 由頂層食到底層, 甜到鹹, 包6款鹹點6款甜點, 2件鬆餅, scone呢排好似好Hit🤣好多人喺屋企整不過我自己就冇咩特別研究, 因為真係覺得普普通通加可能未食過真係好好味嘅scone啦, 但係Conrad呢個麻麻地又唔夠熱, 咖啡☕️就好好咁俾我哋extra refill 咗1次, 相中偷飲咗🤣訂嘅時候我個friend仲幫我reserve咗happy birthday🎂牌, high tea整體賣相精緻但味道一般, 最鍾意係分開上嘅Peach Melba Cup with vanilla cream, 有冰陣住幾refreshing, 中和返啲好滯嘅感覺咁🤣𝕃𝕠𝕓𝕓𝕪 𝕃𝕠𝕦𝕟𝕘𝕖, ℂ𝕠𝕟𝕣𝕒𝕕 ℍ𝕠𝕟𝕘 𝕂𝕠𝕟𝕘📍金鐘金鐘道88號太古廣場港麗酒店大堂(金鐘🚇F出口)💫評分: 7.3/10💬可能係遇唔到

🎶又到聖誕！又到聖誕！聖誕最岩係食咩啊？對港女一族來講就梗係high tea啦！今次熊妹就揀咗《Conrad Hotel》大堂嘅聖誕冬日下午茶同貓妹感受下節日氣氛，迎接聖誕啦！📌喺「Pacific Place」3樓LV附近嘅升降機大堂搭lift就可以上到去《Conrad Hotel》嘅lobby lounge。📌Lobby lounge 環境都幾闊落，有梳化位、二人枱同四人枱，燈光暗暗地💡，以古典優雅風為主。📌聖誕就到，周圍環境都佈置上聖誕裝飾，紅紅綠綠勁有聖誕氣氛🌺。📌睇吓呢個節日下午茶Menu先，都幾多嘢食喎！有三文治、鹹點、甜點、鬆餅同飲品，$558兩位，五星級酒店🏨出品，價錢絕對🈴理啦！📌英式下午茶以傳統的三層圓架呈上，非常切合酒店嘅古典歐式風味。上層-甜點層上層多數為甜點層。Christmas Cookies（左一）聖誕主題就梗係唔少得聖誕曲奇啦，圖案就由聖誕經典標誌-聖誕老人同聖誕樹擔當代表。牛油曲奇🍪幾脆口，唔係鬆化嗰種，牛油味都重㗎，面頭嘅糖霜就預咗甜啲啦，主要都係用嚟畫出聖誕樹🎄同聖誕老人🎅。Mince Pie （左二）呢款Mince Pie 🥧唔好以為係肉餡，係甜點

原價$558/兩位，而家做緊外賣下午茶9折，折完$502/兩位，平均每人$250真係幾抵食！用上薑餅屋設計外賣盒，仲另送聖誕限量港麗小熊玩偶同埋TeaWG茶包！甜點方面：聖誕曲奇、英式聖誕甜餡餅、法國柑桔果醬配合黑朱古力慕斯、法式栗子蛋糕、意式聖誕果子蛋糕、傳統英式鬆餅併果醬聖誕果子蛋糕好有份量感，有Raisin/糖漬櫻桃/蜜餞果皮/Cinnamon/Nuts。英式鬆餅配Strawberry Jam同Clotted Cream，鬆餅外香內軟，唔會太乾太碎。法式栗子蛋糕上面的栗子蓉好香好幼滑，下面有d似financier。鹹食方面：青瓜忌廉芝士三文治、煙三文魚沙律三文治、慢烤火雞三文治伴紅桑莓忌廉醬、自家製酥皮腸卷、鴨肝醬球伴開心果碎、松露香菇酥盒鴨肝醬球伴開心果碎相當有驚喜，質感幼滑，味道濃郁富脂香。其次亦很喜歡松露香菇酥盒，Pastry酥脆，香菇散發出香濃的松露及菌味。

對於熊仔，本能上已難以抗拒，仲要係聖誕T-Set，唔Book對自己唔住！🤤​最近同好友去港麗酒店樂聚廊試「Waltz of Festive Joys」節慶下午茶！今個Set匯集咗多款傳統嘅英式鹹甜品，加錢點Perrier-Jouët 香檳，仲會贈送埋限量版聖誕小熊！食物靚，環境正，又有禮品收，成件事分明為港女而設，正正子！🐻😍​▲餐廳環境好靚，當然要影相打卡！▲「Waltz of Festive Joys」節慶下午茶真係好靚！😍✦甜點​包括：聖誕老人＆聖誕樹曲奇、英式聖誕甜餡餅、聖誕果子蛋糕、黑朱古力慕斯、法式栗子蛋糕、英式聖誕布甸伴蛋酒​▲聖誕老人＆聖誕樹曲奇好可愛，真心唔捨得食！▲法式栗子蛋糕上面有小鈴鐺裝飾！好Cute Cute！▲英式聖誕甜餡餅加雲哩拿忌廉，甜而不膩。▲另加錢可以得到法國Perrier-Jouët 香檳1杯及限量聖誕小熊公仔1隻。整體甜品都係英國啲Party常備嘅甜品款式！好似果子蛋糕、朱古力慕斯及布甸，經典又傳統！個人最愛黑朱古力慕斯！上面舖咗法國柑桔果醬，酸酸甜甜，食上口清新，一啲都唔膩！另外，法式栗子蛋糕都幾討好，用時令栗子製成，栗香濃郁，上面仲有小鈴鐺裝

今朝第一次試吓在 Conrad Lobby Lounge 食早餐，環境真係幾好，枱與枱都有一定距離，但啲小圓枱建議最多座2人，因為座三人會好窄，無位放嘢食，如果座長方形枱就會大少少，但會頂腳，座得有少少辛苦，但係呢度食早餐傾計係一流，嘢食都唔多講，都係嗰啲嘢食，但相比LL層garden cafe ，Lobby Lounge 會少啲嘢食 ，如果兩個環境，我會鍾意 garden cafe多啲😍😍😍，這裡早餐通常係星期六、先有。

有ccb理財客戶coupon 的客人請留意，呢度係溫馨提示，今年呢個贈送的所謂二人下午茶，縮水到得一人一杯飲品(只有茶和咖啡選）另加一件cake咋，並非三層架的酒店high tea,5分鐘時間搞定，美其名曰對貴賓客戶的禮遇，查實被人當乞兒，真係唔送好過送，大家無謂浪費時間，我送銀行兩個字：肉酸！

🇭🇰Lobby Lounge·我哋又試外賣tea set啦😈😈今次見到conrad呢個tea set做緊75折 就買左返黎試下 佢折完之後$418兩個人 都唔錯😏佢個包裝真係好靚 而且仲有一隻熊啤啤送比你 都幾有心思🐻但係因為我屋企下午茶嘅時間個窗背光 所以啲嘢食影出嚟有少少濛 我哋又趕住食喎 所以就唯有濛住咁樣照post啦🙊🙊·Finger Sandwiches佢啲三文治都幾好食 佢首先係有一個煙三文魚嘅三文治 個煙三文魚鹹度好適中 而且佢上面好似有少少魚蓉咁樣 口感唔錯😎之後就係青瓜cream cheese既配搭 呢個清清地 夾係中間都唔錯🥒最後就係ham & cheese佢個ham好夠鹹香 而且個cheese都好濃🧀·Savouries首先佢就有一個黑松露嘅炸米波 佢呢一個我哋就覺得麻麻地啦 因為佢係炸既 所以攞到返屋企其實佢已經凍哂 有少少出油 而且佢個餡好實 麻麻哋🙊之後仲有佢好出名嘅蛋撻 佢個曲奇皮好香嘅 個蛋都幾滑 不過就冇好特別🤭最後就係一個蘑菇酥皮塔 呢一個就唔錯啦 佢個酥皮仲係好脆嘅 雖然有少少un左 但係佢中間嗰個蘑菇調味做得好好 好似蘑菇濃湯咁🍄佢仲有配一塊曲奇