樂湖刀削麵

營業中

休息中

之前成日黎。岩岩開張時。d姐姐態度好好。我都周圍同人講好食。後來見蘋果報導都替你地開心。不過湯好咸。一直叫走汁唔好甘咸都照做到。今次黎照舊甘講。姐姐好大聲話無汁走咩汁啊。牛骨湯黎。一係清湯。我話d湯好咸。一直都甘講。之前你地都照做到。點知佢個樣臭到。驚死人唔知發生咩事甘。好大聲再重複。搞到成店客人係甘望住。我話你新黎架? 之前都知點做。依家話無汁?佢就繼續大聲甘頂你講既野（自己當時竟然無諗到走。好傻豬）麵到左。個色水好深。我問呢個清湯?定金錢肚本身d汁黎? 老細話清湯係甘。唔信入黎廚房睇。清湯同清水唔同。我唔識你地廚房野。點解之前你知點做。依家唔知點做。之前我甘講。你又識比清水湯底我既?唔止一次喎。其實我講錯或唔明我講乜。洗唔洗甘大聲甘惡。個樣甘臭。我知你地依家生意好。唔憂做。洗唔洗甘趕客。以前就笑口噬噬。做起左個頭就甘既態度。明既。無謂比幾十蚊買難受。而你地為左賺幾十蚊又甘臭串啦。以後都唔會再黎。最後搞到頂住食唔落。

今早去完產檢，接著又要出尖沙咀做結構。隨便到新北江吃個午餐就出去會合老公。找到了這間小餐廳。記得曾經和老公來過一次，味道忘記了。叫了個豬手刀削麵餐，包豆漿。白色單寫上$46，我望下餐牌，單拼$42。心想是否加了價，望一望牆上，並無價錢牌。只有一幅九宮格的pre-wedding photos，是sweet的，可是放在刀削麵館感覺怪怪的。再望一望隔離枱，人家張單有寫$42。所以在侍應姐姐端上豆漿時問她是否寫錯價錢？侍應雖不是寫錯的那位，有說不好意思，有禮貌的換過一張價錢單。豆漿 - 不會太甜，size和味道都ok的。👌豬手刀削麵 - 出事了！😓豬手和湯底我都選小辣，不過問題不在辣度，是味道。湯底有很濃藥味，完全不討喜，豬手亦一樣，不是平常豬手醃制的味道，我真的不懂欣賞。雖然豬手是淋的，亦有咬口。而麵底就太粉，有些硬，口感一般（我是喜歡麵硬些、有咬口，不太淋的，但這兒的不是有口感哪種）。

時間觀念好差。好希望改善營業時間。食物係真係好好食旦每次去到得d姐姐係度老闆永遠都係吾知幾點反到黎 希望可以改善呢樣野如果吾係，無論食物有幾好都會不停流失客人。我就係每次專程去到都係冇人反黎煮麵。連d開檔姐姐都好吾好意思甘講：我真係吾知道佢地幾時反黎。你不如去第二度食啦。令到我每次都覺得好失望一次又係甘兩次又係甘呢樣野起碼重覆左十幾次希望可以改善好令更多人食到你地好味既出品。我只係一個好鐘意食野既人你地既食物出品我係比100分

今次係第一次響天水圍試食刀削麵，之前麵係經常食元朗果幾間，但通常都唔會叫刀削麵，覺得切得太厚，好似食麵粉咁，所以食親都係叫手拉麵🍜上open rice睇下有咩好介紹，睇睇下就見到依間好似幾多好評咁，間餐廳都幾細咁，所以座位都會比較迫，不過唔緊要，最緊要好食一黎就揀個雙併刀削麵一早已經睇定左食咩，揀左魚腐同埋菜肉雲吞刀削麵，個菜肉雲吞餡料係白菜🥬豬肉友人就叫左牛腩同豬大腸米線🍜我果碗一上檯，就見到唔錯，湯頭幾鮮，而且魚腐食得出係新鮮炸起，食起上黎幾香口，同埋都幾足料，兩款餸分別有4件到個麵啦，欣賞廚師切得唔會太厚，最怕好似食緊成舊麵粉咁...值得嘉許，配埋杯熱檸水就岩岩好啦

一直都知道有依間麵店直至睇到網上介紹 先去試 點知一試就上癮捨棄左之前成日食嘅米線 改左做依間fans食過五次 都覺得超正小店係夫妻檔經營 見到兩位都好落力 更令我覺得值得幫襯湯底好夠味無叫辣湯底 因為原味都已經好好食！刀削麵可以按個人喜好 要求厚薄老闆收到order就會即做刀削麵 好厲害（仲可以加錢轉拉麵 但暫時未試過）配料非常足料 大腸超好食 煮得好好 唔會難咬 又夠味 豬頸肉好香口 係麻辣（麻辣小食有好多款 不過小心小辣都好辣）

今日沒約朋友逛街，家中又沒有糭可吃，唯有去樓下找吃的，不過我家附近食店選擇多，不愁沒東西吃。今次我就試了媽媽推介的樂湖刀削麵，她說這裡刀削麵足料好吃，價錢合理，媽媽介紹的通常都是很不錯。打開餐牌第一頁，經已看到雙拼刀削麵套餐，46元刀削麵連凍豆漿一杯，頗實惠的。雖然續頁後還有更多餐牌選擇，但個人覺得第一頁的已能滿足我的口腹。我點了五香牛肉拼菜肉雲吞刀削麵，熱騰騰的刀削麵來到我面前，香氣撲鼻，湯頭牛味濃厚，刀削麵厚度剛好，嚼起來滿有咬勁，而且刀削麵均是即場製作，非常新鮮。配料正如媽媽所言豐盛，五片五香牛肉，三顆菜肉雲吞，五香牛肉絲絲五香風味，肉質軟嫩帶筋的彈性嚼勁，好不可口。菜肉雲吞皮相當薄透，卻不軟爛，餡料顯而易見，肉餡口感細緻，菜味鮮甜，我超喜歡這有水準的菜肉雲吞。

新北江精選如果要去天水圍新北江商場食午餐，樂湖刀削麵一定係我top3既選擇之一。餐廳提供多種刀削麵選擇，有清湯、麻辣、熱伴、涼伴...我個人最鍾意食清湯刀削麵配麻辣豬頸肉。豬頸肉烤得好好，最緊要既皮係夠脆，雖然望落細細碟，但份量絕對足夠。另外，我非常欣賞佢既麻辣醬，加左好多蒜蓉，入口非常香口，辣得相當有後勁。主角刀削麵都好有嚼勁，配合濃郁既清湯，十分滿足。後記：一路食重可以一路欣賞老闆既削麵刀工，勁！

新北江又一推介 - 樂湖刀削面1) 麻辣手撕雞味道剛好, 麻速得平衡, 雞肉嫩滑, 但係可惜有少少雪味 🤔🤔2) 麻辣刀削面大辣🔥🔥🔥🔥🔥 刀削面煙軔有咬口, 湯底夠麻夠辣, 令人一啖接一啖 🤤🤤🤤3) 配料叫左蒜蓉豬頸肉, 麻辣牛, 麻辣豬扒, 全部都醃得入味! 唯獨豬扒煎得太乾天水圍黎講價錢未算平, 但性價比高, 同埋好大碗 🍜🍜 建議兩個人可以叫一碗面加小食share 👍👍👍

即叫即削好好味刀削麵 （樂湖刀削麵）同同事去新北江人山人海唔知食咩好～ 見到樂湖刀削麵咁岩有位 即刻坐低 唔諗！佢既刀削麵是自選的 價錢非常相宜 而且麵好多選擇 我揀左牛踺蘿白刀削麵係等候既過程中見到佢啲麵原來真係即刻削出黎😍 呢樣野即加左分！碗麵好足料 超多麵 啲送仲要鋪滿成個碗架😍好開心 佢既牛踺好入味 又夠厚 好味 蘿白林林的 好入味 湯底清甜 不錯👍🏻 飲左會啲湯都唔會好口渴 讚雖然係有少少逼 但佢既味道真係值得一逼🤙🏻🤙🏻推薦

麻辣朱扒刀削麵（中辣）包豆漿或熱飲一杯46元麻辣味道做的很好很出色，配上生蒜茸，色香味俱全，這蒜香麻辣的味道是我喜歡的味道豬扒一件，醃製入味，肉質軟硬適中廚師手切刀削麵，很好味

尋日同朋友們去咗天水圍體育館打羽毛球，一直都聽聞天水圍有個新北江商場有啲似葵涌廣場，好多小店同小食， 所以打之前就去咗覓食啦！😅本身都諗住想食麵 ，Openrice左一陣， 見到呢間餐廳名寫住刀削麵就鎖定左佢想試啦😂我地十二點幾去到， 人客唔太多， 店員好積極地問咗兩三次我哋食咩，好似係咁催我哋咁🙈🙈最後男朋友揀咗單併嘅金錢肚刀削麵， 我就叫咗豬耳鴨腎刀削麵， 都係唔辣嘅， 兩樣都包飲品， 但係男朋友話佢杯豆漿好難飲，啲味怪怪地😅😅由落單開始我諗都等咗起碼十五分鐘， 見到疑似老闆嘅後生男人喺度搓麵團同埋捧住一大嚿麵糰逐條逐條削落去個鍋度煮， 睇見都覺得重同埋辛苦🙈🙈 不過就好新鮮，因為即叫即煮👍👍個麵底好煙韌， 趙到一半個口好攰😂 分量都唔少，我聽到好多人都會叫少面， 個豬耳顏色好淡唔吸引，但係配埋個湯底浸一陣食落都ok既，鴨腎就幾厚身同夠味， 而個金錢肚就好似用咗八角果啲醃過黎咁，都not bad,但個湯底都算偏咸中意食麵既人可以一試👍

久違嘅食勻新北江系列又嚟喇，之前經過呢間刀削麵餐廳已經想試，但咁啱冇開門，今日終於有機會試喇。同普遍新北江嘅餐廳一樣，舖面面積較細，坐得唔係特別舒服。單拼套餐要42蚊，跟豆漿或熱飲一杯，除咗刀削麵之外，亦可以選擇轉薯粉或米線，但既然一場嚟到，就梗係要食刀削麵啦。今日叫咗豬大腸刀削麵，雖然只係單餸， 但份量都幾多，刀削麵夠彈牙，入口煙煙韌韌咁，湯頭微甜，味道夠濃，幾適合粗身嘅刀削麵，豬大腸煮得夠淋及入味，整體配合唔錯。

今日在天水圍新北江商場，發現刀削麵的蹤影，店面比鄰舖為大，星期日下午2點多，舖內入座率近8成……👍👍👍👍熱拌豬軟骨刀削麵熱拌意思係用肉燥醬撈熱刀削麵(無湯)，肉燥味道有點似廣式炸醬，醬帶肉末味道有點點甜和小辣(不吃辣者當心)，刀削麵質感煙韌彈牙，個人十分喜歡。豬軟骨食落有點乾，有少部分柴，但有4舊，味道濃淡適宜，味道同份量搭夠。👍👍👍雲吞雲吞係白菜豬肉餡，菜多肉少內有薑絲同微微薑味，對不喜歡白菜草腥味的我，薑味就將草腥味中和，唯煮食時間過長，雲吞上枱時表皮微穿，希望下次有改善。期望下次再試其他

曾幾何時，食過一次之後念念不忘，但近呢幾次食都覺得湯底很咸，食了兩次什菜豬手麵，什菜是過熟及黃，豬手也變細及有"蘇"味，希望佢地會有所改進，不要再退步了，令人失望呀。

昨天點了一碗炸醬水餃刀削麵加一杯豆漿，刀削麵的質素還可以，算彈牙，純粹麵條算中上，但餸就唔多吸引，炸醬的肉粒較少，醬的味道普通，講唔上好食，至於水餃比較奇特，用乾葱加肉碎做，食乾蔥都可算第一次，隻餃夾上手都散散地，煮到過曬龍。服務普普通通，成日趕住收走我個碗，未食曬都想收，又未滿客，唔洗咁趕呀...... 杯豆漿都可以，至於價錢就偏貴少少，兩餸麵加杯豆漿都$46。淨一碗無餸刀削麵加幾條菜，無飲品要$28元,如果要由豆漿轉汽水要加$3元，單餸麵加豆漿都就$42元。