樂意點心

營業中

休息中

員工服務不知所謂！我自己一個人來等位，等了大半個鐘，遲過我到的其他（兩位)食客 可以先入，原因係得二人枱！入2位用一張枱，入1位又係用一張枱，兩位食客可以賺多啲，那麼如果一個人來食，就要等到無人才可入！！！向職員投訴，沒有理會、沒有道謙！如果餐廳係不招待一人，門口應該貼出告示😡另外，餐廳地上周地垃圾。

行過呢間點心店幾次，見到佢每一次都好多人排隊，今日都唔例外，已經算係早，大概6:00嘅時間已經嚟到，但係都要等一兩張枱先可以入得。入到去見到有好多唔同國籍嘅旅客，大家都叫咗佢個籠仔飯，原來佢有一個套餐可以選擇，入邊包一款飯，可以叫最普通嘅菜式，亦都可以加錢配海鮮，我哋就叫咗加$20嘅嗰一個帶子飯，面頭鋪滿咗厚厚嘅蒜蓉，每一啖飯都好香，而且帶子嘅份量都好多。而佢個套餐都包埋生菜、一份點心、同埋一份小食。我哋就叫咗牛肉球同鮮竹卷，正正常常，都係熱辣辣嘅。而佢哋最特別嘅就係佢哋嘅茶有好多選擇，我哋今日嗌咗玫瑰花茶，非常之香。最後仲嗌咗個杏汁燉蛋，大滿足。

食飯時間走到位於尖沙咀漢口道一間點心舖..門口已經人頭湧湧,等了十分鐘入到店內齋看裝修十分有誠意,茶具都好有feel! 食物也相當精美又好食,雖然價錢平民化,但一啲都唔吝嗇!兩個人叫咗一個（絕配套餐!）最印象深刻1.鮑汁花膠鮑魚鵝掌 :真係落足料...鮑魚又夠淋又有咬口,花膠入味又唔腥..食得出真材實料！2.芝麻蝦多士:吐司包夾著超厚的蝦肉餡，裹滿白芝麻粒下鍋油炸，雖然略顯油膩，但入口有蝦肉的彈牙與鮮美，也有芝麻的香，十分過癮引！3. 越式米網炸兩腸腸粉香滑,米網香脆可口,蝦粒爽或彈牙.....正!4.鮮花甲粉絲湯花甲清清鮮甜味,加上粉絲簡直絕配,湯也十分鮮甜！仲有太多好食！不能盡錄！ 平時酒樓食點心會覺得好油膩,但呢度一啲都冇呢個感覺..兩人食到舐舐脷...以尖沙咀呢個地段,平民化嘅價錢,真係太抵食了！物超所值...值得一試！

🔸樂意🔸🔆又同朋友仔係尖沙咀食飯，今次依間，我同朋友仔都一致覺得CP勁勁勁高，又好食，所以要介紹比大家。🔆我地係星期六around 5:45pm去到，都要排大概半個鐘先有得入去，周圍都係東南亞地區嘅旅客，唔通依間點心係東南亞地區推薦必食嘅(?)🔆茶介正常就$8位，如果跟佢個籠仔飯餐就有一位食客茶介係收$5。普通茶佢都有嘅，特別啲就有玫瑰同菊花茶。我地今次就叫左菊花茶，唔好睇佢咁鬼淡色，菊花味都好香。餐廳因為都真係幾多人等位，所以就有限時食嘅，位置比較逼，但總算坐得舒服嘅。🔆絕配套餐 $68 (另加2款點心 每款加$10)👍籠仔蒜蓉海蝦飯 另加$10一上到枱，好大籠飯呀！仲好香蒜蓉味，一共有3隻都幾大隻嘅海蝦，睇到我地心心眼。籠仔飯食落軟香，滲透住淡淡蝦味，同好勁嘅蒜味。海蝦新鮮爽口，鮮甜，好滿足！👍椰子燉烏雞湯好清甜椰子味，唔係味精味。盅湯好足料架，有啲烏雞，瘦肉，比你一路飲一路食，烏雞仲非常之滑呀！👍鮮竹牛肉球嘩.....真係好大粒，好彈口，食口都係肉嘅感覺真係好爽！👍白灼菜心無咩特別評價，我地就純粹想食條菜😂👍越式米網炸兩腸粉 $33皮夠滑，入層炸兩香脆，唔係個啲腍哂好韌個隻炸兩。

$68 的 set menu 全日供應，性價比很高！茶芥也算便宜～🍀🍽️ 鮑汁花膠鮑魚鵝掌 +$20鵝掌很大隻，而且挺肥的，再加上花膠，吃完有膠原滿滿的感覺😚🍀🍽️ 鮮竹牛肉球 +$10超大份的牛肉球！兩球等於平時的三球🤣🍀🍽️ 鮮無花果雪耳沙參玉燉排骨 (跟餐)超熱的燉湯，冬天喝肯定超暖身💪🏻 湯裡放了很多雪耳，是平民燕窩🥰🍀🍽️ 荷葉藤椒蒜蓉粉絲蒸北寄貝 $78芫荽、蒜蓉、洋蔥、藤椒😎 全部都是我的最愛！北寄貝很彈牙！粉絲硬了一點，如果再蒸久一點會更好！🍀🍽️ 芝麻蝦多士 $30超脆的多士👍🏻 比起其他菜，性價比不算高，但卻是今餐最愛😍🍀🍽️ 碧綠叉燒腸粉 $26叉燒不算多，但很滑的腸粉～🍀

晚飯想吃點心，第一時間想起去尖沙咀的樂意點心。餐廳面積雖然不大，但環境雅致企理。😋絕配套餐～套餐是籠仔飯加燉湯的組合，加$50可選籠仔蒜蓉龍蝦🦞配帶子飯。籠仔飯十分足料，半隻龍蝦多肉鮮甜，配搭帶子、蒜蓉，芫荽及香葱，令每顆飯粒也充滿鮮味。🥣鮮無花果雪耳沙蔘玉竹燉排骨湯～湯頭清甜滋潤，沒有額外添加味精，潤肺補身。💥薑葱牛柏葉🐮～牛柏葉爽口，不會太韌。🥠生煎菜肉包～菜肉包外皮煎得金黃香脆，餡料新鮮。🥢沙律蟹柳春卷～春卷熱辣辣，炸得香脆可口卻沒有油膩感。🍮玫瑰桂花糕～淡淡的玫瑰及桂花香味，清香解膩。🫖吃點心當然不少得一壼靚茶。這裡除了可選擇大路的烏龍，菊花外，今晚更有玫瑰茘枝茶～既有荔枝的甜，又有玫瑰的香，可說是花茶與果茶的完美配搭。呻一口清香的花果茶，再配美味點心，一樂也！不想處身於嘈吵的酒樓環境，但又想喝到具質素的茶及吃到精美點心，樂意會是你的一個好選擇。

早幾日同屋企人系尖沙咀地鐵站附近試左間好抵食既人氣高質點心，埋單只係2百零就已經可以食到好多好西，飽到上心口🤣我地叫左：👉🏻🌟絕配套餐🌟 $68位✨籠仔豉汁帶子飯✨ + $20✨臘腸一份✨ +＄10用荷葉做底既籠仔飯荷香四溢，份量唔少；面頭既帶子鮮味十足又夠嫩，切片臘腸仲油香滿滿爆哂油，加埋大量超香既蒜蓉一齊食，惹味得梨好滿足❣️✨鮮無花果雪耳沙蔘玉燉排骨湯✨個燉湯入面d湯料好多，好足料！味道清甜，好重無花果嘅香味，感覺好滋潤，絕對係養顏之選👍🏻✨鮮竹牛肉球2件✨ + $10呢到d牛肉球比平時食開嗰啲大粒，口感軟滑彈牙，完全唔會輸比大酒樓既出品！✨荷葉藤椒蒜蓉粉絲蒸北寄貝✨$78 2隻呢2隻北寄貝比我想像中大隻同多肉，入口鮮甜爽口冇腥味👍🏻👍🏻整體藤椒味唔算好突出，蒜蓉嘅香味會比較出，食完隻貝再食埋嗦滿哂北寄貝精華既粉絲底，真心正👍🏻✨沙律蟹柳春卷3件✨ $30外皮炸到好薄脆既沙律蟹柳春卷入面d餡好多，香口到不得了🤟🏻✨樂意水果茶✨ $23水果茶入面有好多水果，甜甜既果香同甘香既茶味完美交融，解膩－流！！呢間人氣點心店d出品高質又唔貴，唔怪得門口成日有人排隊喇🤣🔴樂意點心📍尖沙咀漢口道1

今次要去尖沙咀一間特色點心，食一盅兩件。呢間餐廳好好多遊客捧場。地點方便之餘，價錢都好經濟實惠。我哋食左：🌟必食推薦：花雕蛋白紅腸紅花蟹飯💰68我最鐘意佢個蛋白，索左啲蟹同花雕油配飯好惹味。老公就最鐘意食蟹，紫洋蔥🧅同芫荽撈埋蟹飯好香。🌟椰子燉烏雞湯💰55椰子烏雞係絕配，好滋補，岩晒女士。🌟沙律蟹柳春卷3件💰30春卷好脆口，入面啲沙律醬配蟹柳好滋味，春卷大人小朋友都岩食。🌟越式米網炸兩腸💰33腸粉好滑，入面炸兩新鮮炸起好脆，腸粉包住炸兩一齊食好飽肚。🌟芝麻蝦多士3件💰30蝦多士好脆口，面頭好多芝麻好酥香。🌟川味麻辣青瓜🥒💰10青瓜好抵食先10蚊，真係幾辣，不過鐘意食川菜一定鐘意。🌟玫瑰桂花糕3件💰20桂花糕唔算好甜，玫瑰多,味偏淡。茶位5/一個人📍樂意點心尖沙咀漢口道19-21號漢宜大廈地下C號鋪2人總數💰259 人均💰129.510分滿分味道：7.5/10環境：7/10價格：7.5/10

最近經常見到樂意點心門外有人排隊，所以就想去試一下。餐廳裝修特別，牆身佈滿鳥語花香的壁畫，感覺上有點像咖啡室。點了絕配套餐，份量足夠兩位用。花雕蛋白臘腸蒸紅花蟹飯有一整隻紅花蟹，蛋白吸收了蟹的鮮味；鮮花甲粉絲湯也挺足料，味道咸鮮；鮮竹牛肉球很稔，入口軟滑。碧綠叉燒腸粉裡面有翠肉瓜和叉燒粒，腸粉皮帶點煙韌，醬油不會太咸。蟹柳棉花雞的雞腿肉醃得剛好，非常嫰滑，冬菇片和魚肚也很入味。甜點選了一熱一冷，熱騰騰的杏汁燉蛋白入口即溶，杏汁香濃，玫瑰桂花糕內有很多桂花和玫瑰碎，味道清甜。尖沙咀來說價格非常相宜，而且蒸點有一籠兩件的選擇，方便人少也可以試到多款點心。

尖沙咀返工嘅朋友介紹呢間新式嘅點心店，點心都幾高質同性價比幾高，個日平日dinner時間去食都幾多人等位同買外賣🤣餐廳裝修有別於傳統酒樓，環境幾光猛同新淨，設有多張卡位👍🏻1️⃣絕對套餐 呢個招牌絕對套餐，好抵食!! 包咗一款招牌籠仔蒸飯、同滋潤燉湯/湯餃，另加$10仲可以追加2款精美點心/小吃飲品，份量都幾大，大個日同frd兩個人先食得哂🤣我哋點咗龍仔豉汁帶子飯 、鮮無花果雪耳沙參玉燉排骨同鮮竹牛肉球/2件 🥰4️⃣荷葉藤椒赫蓉粉絲蒸北寄貝（2隻） 呢一個菜式以北寄貝配上藤椒赫蓉同粉絲，北寄貝鮮甜，一啲都唔韌，粉絲份量好多，而且吸晒肉汁👍🏻5️⃣芝麻蝦多士/3件估唔到連炸物都做得幾好～外皮炸得酥脆香口，面頭鋪滿芝麻，蝦亦都幾彈牙😆6️⃣碧綠叉燒腸粉 平時好鍾意食腸，今次叫咗個叉燒腸粉試下，腸粉比平時厚身，食落彈牙配上叉燒👍🏻📍Address📍樂意點心尖沙咀漢口道19-21號漢宜大廈地下C號舖

尖沙咀一向多餐廳食肆， 今日同朋友喺尖沙咀行街， 突然見到呢間點心店外面有好多人排隊， 我哋又湊個熱鬧決定喺呢間點心點食飯。呢間舖頭點心抵食，價錢相宜，難怪吸引咁多食客。 店舖裏有好多唔同遊客，坐我哋隔離嗰台係韓國遊客。我哋叫咗好多食物但掛住食唔記得影相， 其中 鮮竹牛肉球大大粒， 芝麻蝦多士夠脆，如果無落咁多油黎煎口感更佳～

食物———————————————⭐️春卷，勁脆，對於超鍾意食春卷嘅我真係啱晒😍⭐️元貝海鮮蒸籠飯，份量好夠，三個人食都冇問題，而且海鮮味滲左落飯度，真係啖啖肉淡淡飯都好食🥰⭐️叉燒腸，食點心又點少得食腸粉？ 腸粉好薄，入面肉質好新鮮，加埋菜肉瓜，又有肉又有菜嘅感覺好fresh 😍⭐️薑蔥牛柏葉，牛柏葉好林，老人家小朋友都會食到，而且好入味，正😍⭐️紅棗杞子榚，榚質好彈牙，甜度適中，食飽飽再食就啱晒店舖位於尖沙咀地舖，地點超方便，價錢都只係$2x /碟左右，勁抵食，推介大家過去試下😃

喺尖沙咀搵食實在太花多眼亂，今次想食中式野，誤打誤撞搵到依間。佢的套餐價錢合理，有茶有飯有湯。食左兩個飯餐，籠仔鳳爪排骨飯杯椰子燉雞湯，另來係籠仔金針雲耳蒸雞花甲粉絲湯。個籠仔飯一啲都唔細，真係可以食到好滿足。湯同埋點心都做得唔錯👍🏻

地方雖小但裝修骨子,雖過午市時間,但仍然人滿為患,後來發現3點下午茶時段有88折.菜式選擇多亦新潮,估唔到這地段食物有質素之餘,價格更親民!一籠籠新鮮荷葉飯非常熱賣,但今次已叫得滿枱都是,唯有下次再品嚐品嚐~🔸絕配套餐:籠仔蒸飯+燉湯+2個點心只需$68 !!•鮮花甲粉絲湯(+$10)•鮑汁花膠鮑魚鵝掌配白飯(+$20)濃郁鮑汁浸住花膠及非常軟熟鵝掌,加上一隻鮑魚,擺盤豐富.鵝掌入口即化,味道香濃,另外花甲新鮮無沙,份量多.粉絲吸收清甜湯汁,整體CP值高!🔸芝麻蝦多士($30)🔸薑蔥牛柏葉($28)🔸鵪鶉蛋燒賣($22)🔸越式米網炸兩腸($33)🔸樂意水果茶($23)點心100%手工製作,即叫即蒸.芝麻蝦多士啖啖蝦肉,脆口不油膩.牛柏葉爽口,鵪鶉蛋燒賣足料.而米網炸腸外軟內脆卜卜,再配上潮流水果茶,非常適合多元雜錦嘅我~

水果茶好好、不太甜、水果味十足、仲有特色的點心、咖哩魷魚好有街邊風味、鴨腳炆得好出色、入口即化、不用花太多時間即可脫皮、肉骨分離不錯的點心店、其他野食都十分出色