樂天皇朝 (青衣城1)

❣️青衣城特色東北菜館樂天皇朝❣️今次同爸爸去咗樂天皇朝食晚飯，佢哋嘅小籠包號稱「世界第一」🌟仲有好多改良版中菜！ 果然名不虛傳，尤其小籠包真係無得彈，其他菜式亦高水準，將傳統中菜改良得精緻得嚟唔失風味😋💜軟糯滷栗子花生一坐低就送咗碟滷栗子花生，暖笠笠幾開胃！栗子煮到淋哂，滷水味甜甜哋，唔會死鹹，食到停唔到口！ 💜鎮店之寶🌟原味黑豚肉小籠包主角登場！一籠6粒！皮薄到透光，夾起嚟仲見到入面啲湯汁喺度搖下搖下，輕輕咬開個小口，啲湯「吱」出嚟，鮮甜到不得了，黑豚肉餡又香又滑，完全冇豬騷味。老實講，食過咁多間小籠包，呢度真係數一數二，難怪咁多人話佢「世界級」！ 💜上海黑豚肉生煎包生煎包底煎到金黃脆口，咬落去「咔嚓」一聲，上層皮鬆軟，黑豚肉餡同小籠包一樣咁正！💜糖醋魚片魚片炸得外脆內嫩，醬汁酸甜適中，唔會太嗆喉，仲有啲菠蘿粒增加口感💜成都口水雞雞肉嫩滑，麻辣醬汁香得嚟唔會死辣，仲有啲花生碎同蔥花提香，食到嘴脣痺痺哋好過癮，夠晒川味！ …查看更多

🍚✨【青衣城樂天皇朝實測｜小菜半價+最推薦沙拉排骨】✨🍚青衣城呢間分店坐得超舒服！枱與枱之間闊落到可以擺BB車都得👶餐廳而家仲做緊小菜半價優惠（晚市都有！），即刻覺得非常抵食😭.🍖沙拉排骨 $122 排骨全部用腩排部位，啖啖肉唔使啃骨🦴靈魂蛋黃醬多到淹沒成碟，奶滑中帶微酸，邪惡到每次食完都要舔手指🧡 （原價$122，半價$61抵到震）份量絕對夠三個人食！.🦀蟹粉豆腐 $148用真實蟹肉+蟹膏煮，唔係得色素同味精，豆腐嫩過BB肌👶最surprise係零油膩感，食到底都唔見油光，終於唔使浪費啲精華！一羹蟹粉豆腐扣落白飯，鮮味令你自動扒晒成碗🍚.💰人均消費：～$250.🍽味道: 4/5🏙環境: 4/5‍👨🏼‍🍳服務: 4/5💧衛生: 4/5💰價錢: 4/5…查看更多

🥢近近地我哋久唔久就會去青衣城行下食下野☺️今次經過見到呢間有個蟹粉生煎包好吸引🤩二話不說就決定入左去試吓嚕🥳🍘蟹粉生煎包：外皮口感好酥脆🔥底部煎得香脆又好食，加埋濃郁嘅蟹黃鮮香味同埋入邊鮑汁嘅豬肉餡🐽輕輕咬一啖入邊隻蟹肉同埋蟹黃即刻必晒出嚟😋幸福感滿滿💯🍜菜肉雲吞豬骨湯拉麵：皮薄餡靚嘅菜肉雲吞✅脹卜卜有結實👍真材實料💯拉麵配埋湯底味道香濃嘅豬骨湯底🥢食完好溫暖呢☺️🍜清燉雞湯拉麵：呢個拉麵好精緻好靚呀😍大大碗拉麵🍜另外再用一個盅仔裝住清燉雞湯一齊上枱😋清燉嘅鷄湯味道好清甜👅入面啲鷄件仲好滑添✅唔錯呀👍🍹自家製檸檬薏米水：好足料嘅薏米水❤唔會太甜味道啱啱好👍飲完感覺喉嚨都舒服咗😋…查看更多

今日叫咗幾個餸小籠包正正常常真係唔錯幾好食。講起嚟真係要多謝呢一間舖頭， 希望可以變得成鋼牙神功，無堅不摧。叫咗一個海蜇 ，調味真係一流，顏色非常靚仔 ，點知一咬落去... 『哎呀哎呀，真係好似中曬伏咁，根本咬唔到。😥, 畀咗錢㗎嘛，點可以嘥嘢，所以決定再大力係咁咬， 咬到出曬汗終於食到。 呢幾年真係好少好似今日咁樣有機會畀我練習鋼牙， 幾個人出盡哂力終於消滅咗佢。另外一個款式我每次都好喜歡叫， 係油炆筍，我貪佢香香地幾好食，而且 又幫助消化， 點知佢嘅形態 一樣係非常哽。我決定暫時唔會再嚟等我練成鋼牙神功之後先至再嚟食啦。…查看更多

間中就會好想食上海嘢😀樂天皇朝環境舒服，坐得闊落裝修企理，長輩會好鍾意蟹粉生煎包（三件）一如既往超好食，每一隻生煎包底部煎至金黃焦脆，餡料夠飽滿😁食落去有蟹肉香，湯汁豐富👍🏻京醬肉絲超級有鑊氣，用北方醬爆技法烹製而成，食嘅時候配上薄餅、蔥絲，口味鹹甜適中，醬香濃郁，勁鍾意啲肉絲有鑊氣嘅感覺！生炒油麥菜佢哋嘅油麥菜，可以自選軟硬，少鹽油，油麥菜都係10分有鑊氣食落去調味適中，勁香口！開陽蔥油拌麵看似簡單，實際都好考功夫㗎，麵條上面鋪滿咗炸蔥絲，將蔥油同麵條混合，每一啖都有炒熱嘅蔥油香氣，仲配香蔥清湯。幾個人share啱啱好。…查看更多