樂天皇朝 (雅蘭中心)

營業中

休息中

樂天皇朝的旺角分店做了新裝修後空間更寬敞舒適。今次正好遇上食蟹的季節，餐廳推出了多款期間限定蟹料理。🍚蟹粉鍋貼外表煎的金黃，看上去小巧卻飽滿。一口咬下，外皮軟嫩，底下酥脆，肉汁四溢，味道十分甘甜。🍚蟹粉豆腐常見的家常豆腐，配上高檔的蟹粉，碰撞出美味的火花。滑順無味的豆腐與鹹香的蟹粉融合得很棒，配上一碗白飯最對味，喜歡吃蟹粉的朋友不要錯過。🍚鮮蝦豬肉雲吞豬骨湯拉麵碩大的雲吞一共有四個，外皮很薄口感滑順，裡面餡料很飽滿，蝦肉彈牙給得也很大方。麵條軟硬適中，湯頭清澈味道清新。

🗝️ 連鎖中菜館 - 特色八色小籠包💰人均 $195`✦ˑ ִֶ 𓂃⊹ ₊˚⊹ ₊˚⊹ ₊˚⊹ ₊˚⊹ ₊˚⊹ ₊˚⊹ ₊˚⊹今晚同老媽子食飯，佢鐘意食粵菜，就帶佢去樂天皇朝啦。旺角樂天皇朝喺雅蘭中心，都幾近地鐵站🥢特色皇朝小籠包 （8色） $148超級吸睛的招牌！8種顏色的小籠包，簡直色香味俱全。店內更貼心提醒吃小籠包的順序，確保從淡到濃慢慢品嚐。次序為原味、糟溜絲瓜、鵝肝、黑松露、芝士、蟹粉、蒜香及最後的川味。每一個小籠包都有其獨特的風味和特點，令人回味無窮🥢蟹粉豆腐 $148超美味嘅蟹粉豆腐。口感滑嫩，搭配鮮美的蟹粉，清淡中帶有豐富的海鮮風味。啱曬鍾意蟹粉嘅朋友🥢雪菜鹹肉炒年糕 $95年糕口感Q彈，搭配香醇雪菜以及鹹肉，帶來豐富鮮香同咸香。🥢揚州炒飯 $95粒粒分明嘅炒飯，搭配豐富配料，口感香糯，帶有淡淡炒香味以及蝦味。前菜小食 $15茶位 $12/1`✦ˑ ִֶ 𓂃⊹ ₊˚⊹ ₊˚⊹ ₊˚⊹ ₊˚⊹ ₊˚⊹ ₊˚⊹ ₊˚⊹🅕🅞🅛🅛🅞🅦 @jujubeeshare#eatwithJJB#JJB旺角#JJB九龍區⊹ ₊˚⊹ ₊樂天皇朝 (雅蘭中心) (旺角)旺角彌敦道625 & 639號雅蘭

樂天皇朝 (雅蘭中心) (旺角)旺角彌敦道625 & 639號雅蘭中心2樓203&205號舖蟹粉兩面皇一兩蟹粉，每一口都係濃郁嘅蟹香，外皮香脆，內餡鮮美，真係叫人一試難忘。🎉🎉🎉醋醬海蜇頭爽脆嘅海蜇頭，配上酸甜嘅醋醬，每一口都係味蕾嘅極致享受。👍🏻👍🏻👍🏻鮮蝦雲吞每一個雲吞都包裹住鮮甜嘅蝦肉，鮮美嘅味道令人食過返尋味。🫶🏻🫶🏻🫶🏻豬肉豬骨湯濃郁嘅豬骨湯底，配上嫩滑嘅豬肉，每一口都係滋補嘅享受。💯💯💯

適逢11黃金周，我就同屋企人去咗旺角嘅「樂天皇朝」飲吓茶啊。假期時段嚟到真係大排長龍。有別於傳統嘅中菜館，樂天皇朝設計相對上比較有高貴感，坐得特別舒適。招牌原味小籠包小籠包都係其中一個主打菜式。熱辣辣從蒸爐上面拎出嚟，輕輕咬開小籠包，可以品嚐到入面滿滿嘅肉汁。李白醉雞鮮黃色嘅醉雞充滿光澤，雞肉吸收晒料酒嘅味道，做到皮滑肉嫩。紅燒扣肉豬骨湯拉麵兩片大塊嘅紅燒肉，帶少少油脂同埋鹹香。拉麵口感有嚼勁軟硬適中。宮廷驢扛滾有淡淡嘅黃豆粉味道，香甜又唔膩。樂天皇朝 (雅蘭中心) (旺角)旺角彌敦道625 & 639號雅蘭中心2樓203&205號舖

今晚突然好想食小籠包第一時間就諗《樂天皇朝》佢係香港有多間分店開業多年水準依然好好😆今次黎依間旺角分店最近仲裝修左環境更舒適👍🏻裝修精緻而且店員都好friendly加分🫶🏻⭐️特式皇朝小籠包（八色）呢個必叫係這餐廳最出名及獲獎的特式菜😊有八款不同口味的小籠包餐廳有食法教路由原味逐個食到最濃味即原味～糟溜絲瓜～鵝肝～黑松露～芝士～蟹粉蒜香～川味令客人可以試灑唔同的口味設計非常貼心及有特色🤩賣相好吸引顏色夠鮮艷 好岩打卡🤙🏻一啲都唔使搶心色素問題小籠包的繽紛八色全部由天然食材提煉而成相當安心🥳每隻小籠包都熱辣辣湯汁好鮮味而且做到皮薄餡靚肉汁多😋我個人最喜歡係原味及鵝肝口味鵝肝的油分令到小籠包更甘香獨特⭐️肉絲年糕豬骨湯食上海菜點可以唔食年糕年糕煙煙韌韌😍好有口感肉絲嘅份量都多夠飽肚最後飲埋個湯真係大滿足😙⭐️秘製豬俐期間限定而且好少餐廳有得食即刻叫嚟食食落非常爽口令人食慾大增😆非常適合的前菜

喺旺角諗住食上海菜、聽個friend講呢間餐廳最近重新裝修過，我之前未嚟過咪試下食嘢感受新環境如果想有privacy，坐大枱可以有簾隔開都okay當日有段小插曲、商場警鐘誤鳴，職員們向每枱客人逐一解釋令大家安心繼續用膳，令人感到服務貼心♦️Fried Rice with Abalone 鮑魚炒飯～之前食過黃鱔炒飯，今舖點呢款試下個鮑魚汁同炒飯幾夾亦算香，鮑魚屬中型size偏重咬口，可以再炆腍dd♦️Pan-Fried Pork & Crab Roe Pastry蟹粉餡兒餅～入口尚香豬肉餡存在感多過蟹粉♦️Red Beans Glutinous Rice topped with Soy Bean Powder 宮廷驢打滾～次次都想嗌、今次卒之食到。比想像中好食，一夾起feeel到糯米皮軟棉棉、入口糯中帶啲似椰汁嘅香甜，紅豆餡都唔少，整體甜味適中外層係花生粉，唔係一般市面食嘅黃豆粉♦️Handmade Lemon Citron Tea with Pomegranate Juice 手打紅石榴香水檸檬茶～喺另一間店飲過百香果味，今次試埋石榴籽，覺得呢個味道幾清新啱我

好耐冇去呢間樂天皇朝，今日同朋友過去發現旺角分店重新裝修，環境更摩登時尚又舒適👍餐廳而家慶祝鑼灣店開張優惠推廣🎉而家仲推出左猫山王榴槤小籠包 (8月21日至9月13日)，特價$48/6粒(原價$98/6粒) 全線分店供應，榴槤控不能錯過🤤🤤打卡上載指定食物送新加坡雙人來回機票🤩🤩八色小籠包每次去皇朝都俾佢地嘅八色小籠包吸引住，今次都無漏咗佢🤩好多上海餐廳都會有，不過最鍾意皇朝，原因係餐廳非常細心，有清晰指引話俾客人知點樣順序食係最好享受😎而且每款小籠包都各有特色，皮又夠薄👍貓山王榴槤小籠包第一次食，賣相小巧精緻，上到枱已經急不及待即刻食左粒😳超級濃烈嘅貓山王破皮而出，好正🤤🤤仲要做緊promtion 半價試食😍😍松花皮蛋豆腐呢個都係第一次食，賣相睇得出師傅刀工工架，豆腐切到非常薄又夠均勻，而且一啲爛都無☺️食落味道清新又吸引，加埋皮蛋口味更突出😋📍樂天皇朝 (雅蘭中心) (旺角)旺角彌敦道625 & 639號雅蘭中心2樓203&205號舖#樂天皇朝 #八色小籠包 #旺角美食 #貓山王小籠包 #上海菜 #必食推介 #環境舒適 #mkfood #yummy #relax #tea

真心鍾意食小籠包嘅你一定要試吓，我覺得比較市面上食到嘅小籠包好食，侍應一放低會提你最好趁熱食🤣佢籠底係用布墊住，首先就避免左痴底易整穿嘅情況，真係好貼心！咬開個頂，啲汁流晒出嚟，成隻匙羹都係湯汁，第一啖入口非常鮮甜，然後再成粒入口，並唔會覺得太熱（利申貓脷非常怕熱）形容唔到嘅滿足感，因為好少小籠包的汁係咁多，但又同時好好食，開始後悔冇叫到佢嘅八色小籠包🥹之後再試佢個生煎包，嘩…. 個底唔係話好煎炸個種，但係非常香，有種獨有嘅油香味。包入面有少少油汁，令你唔會覺得乾身，配合埋包嘅香味😋😋😋最推介佢呢個蟹粉炒飯，你係估唔到咁好食，外表真係平平無奇，有堆汁係飯上面咁，但當你食入口，並唔係濕飯咁，而係勁香嘅蟹粉味！你仲可以食到啖啖蟹肉連埋炒飯，成隻蟹嘅精華係哂碟飯度，大滿足❤️

應該一睇到籠小籠包已經知道係邊度黎。樂天皇朝最出名既八色小籠包，又啱打卡又好食！另外宜家佢地為左慶祝銅鑼灣店開張，推出左優惠價$48六粒貓山王榴蓮小籠包！全線分店都有得食，榴槤愛好者仲唔即刻衝！做到9月13號架咋！1️⃣ 特式皇朝小籠包（$148） 由淡味食到去濃味，順著由原味、糟溜絲瓜、鵝肝、黑松露、芝士、蟹粉、蒜香最後食到去川味。個人最鍾意黑松露味同埋蟹粉味！皮薄多汁，黑松露味連啲汁都有松露味～  2⃣️蟹粉餡兒餅（$68） 蟹粉餡餅外皮煎至香脆，入面食到淡淡蟹粉鮮味。  3️⃣蟹粉豆腐（$148） 呢款好好食！蟹粉份量好多而且好夠味！豆腐滑捊捊😚伴住蟹絲蟹粉食好正！  4️⃣紅油鮮蝦抄手拌麵（$78） 抄手有四粒，蝦肉係大大粒既係入面～辣味係有新鮮辣椒粒既，香辣惹味，拌麵乾爽有口感。  5️⃣貓山王榴蓮小籠包（$48） 呢款係期間限定既🤩朋友係榴槤super fans 所以一見到就要叫。期間限定做到13/9架咋！佢比正常小籠包細粒啲，皮又薄又滑，夾起既時候感覺零舍矜貴☺️咬落入面係滿既榴槤餡！帶少甜，榴蓮味好香，當甜品食啱晒～  

今日同屋企人去咗呢一間餐廳飲茶，好耐都冇試過幫襯呢一個樂天王朝嘅餐廳，不過我覺得佢嘅座位都幾好錯，所以都非常適合兩老，而且佢哋本身鍾意食上海嘢，所以呢一間餐廳都係我哋成日幫襯嘅餐廳之一🙈🙈 當然推介佢嘅小籠包！有八隻唔同嘅口味，嚟到呢度點少得叫佢呢一個特色嘅小籠包！完美就冇乜特別我覺得同平時普通小籠包差唔多，反而其他我就覺得幾特別！我鍾意食松露味道，令到成個小籠包嘅味道更加突出，再加埋黑松露嘅味道非常高級🙈🙈 芝士味我都幾鍾意食，爸爸就鍾意食蟹粉，佢話味道都非常好食！整體賣單都唔算太貴，服務亦都非常好，最緊要屋企人開心🙈🙈

案發日期：31/8/2024案發時間：16:00-17:00案發經過：1:態度極之惡劣！我book咗2位（我同我媽）我15:55拎定位先，我媽想去洗手間⋯⋯門口女知客畀我入座！點知一知道我係半價就即時黑口黑面，我都算啦！我一路睇menu時突然間走嚟大聲話「喂！睇咩呀睇你要等埋另一個出現先可以入座！起身！聾㗎？」2：點菜至上菜唔知5分鐘，超高效率⋯⋯八色小籠包食落口凍嘅⋯⋯蘿蔔絲酥餅成陣油溢味都算⋯⋯最過分係個擔擔麵！成碗麵只有杯麵size，湯唔熱而且麵條發脹！3：埋單！我去到cashier講埋單，女收銀唔睬人，繼續玩手機！我講「唔該麻煩妳⋯⋯」女收銀員突然一本嘢埋嚟，然後話「麻x煩！」難道係半價同正價嘅分別？

平時好鐘意食小籠包之前一直bookmark好想試呢間「樂天皇朝」☺️佢地主打八隻色八款口味嘅小籠包，今次同朋友就去左旺角分店，餐廳岩岩裝修完，坐得舒服，位置係雅蘭中心，好方便上海生煎包（3個）生煎包外皮香脆，上枱既時候熱辣辣，肉餡多仲好juicy,記得襯熱食蘿蔔絲酥餅（3個）酥餅熱辣辣，外皮酥脆，蘿蔔絲軟熟帶鹹香刀切小饅頭（炸）（3個）可選蒸/炸,外皮香脆內裏軟熟，配上煉奶一齊食香甜滋味木樨肉炒拉麵好有鑊氣，拉麵入口順滑，加入醬油鹹甜開胃，木樨肉口感豐富紅油鮮蝦豬肉抄手拌麵賣相好吸引，辣度岩岩好，麵仲可以揀硬度好貼心，紅油鮮蝦豬肉抄手大大粒皮薄餡料豐富，超滿足

突登黎食8色小籠包😋😋8色小籠包上菜時，職員細心講解每款小籠包，由淡至濃口味去食。另外職員上菜時都會移好檯上的物件，把餸菜放好在檯中間。食物價錢合理，職員態度有禮。

我不嬲都好鍾意食樂天皇朝，近日就知道旺角分店翻新咗，就同朋友試吓，果然環境更有氣派座位，亦都更加舒服，平日夜晚都幾乎滿座楊州炒飯：火腿粒叉燒粒切得勻稱，蛋黃蛋白亦都非常講究咁樣分開炒，飯粒分明，食落會覺得好香蟹肉鍋貼：外皮係煎得夠脆，入面嘅豬肉唔錯，但係蟹肉嘅味道比較淡雲吞雞：問過職員，就知道係用咗清遠雞，雞都比較肥美，已經煮到肉容易脫出黎，比較腍，雞湯滋味補身，用左火腿吊味，雲吞嘅份量都多，而且飽滿，唔係用鹼水皮，推介要叫

食物水準良好 小籠包 非常特別 有不同的口味 當中的黑松露很好食 仲有佢個雲吞雞都好好食 雞肉都非常嫩滑 湯都好好飲 環境方面都好闊落 冷氣亦都充足 特別想標明 佢哋服務態度非常良好 本身我們遺忘了雨傘 但他們從樓上追到地下給我們雨傘 係難得態度良好嘅餐廳 值得一試