影片
營業時間
今日營業
11:30 - 22:00
星期一至五
11:30 - 22:00
星期六至日
11:00 - 22:00
公眾假期
11:00 - 22:00
以上資料只供參考, 請與餐廳確認詳情
優惠
85折
【樂天皇朝】$100現金券 **無限兌換**
$85
$100
2025年3月26日 星期三呢日喺啟德附近收工，打算一邊喺airside行吓街，一邊等老婆放工一齊食飯，餐廳就選擇咗商場4樓嘅樂天皇朝，因為都好耐冇食過上海菜餐廳樓底好高，而且好空曠，仲有落地大玻璃有足夠嘅自然光滲透，所以坐落去令人覺得好舒服餐牌有好多唔同種類嘅上海菜，最吸引嘅當然係特色皇朝小籠包，有八種唔同顏色，不過擔心兩個人會食唔晒，而且希望嘗試原味小籠包，應該更加食得出小籠包嘅味道，另外我哋再要咗前菜同點心，價錢都唔算太貴一點完餐，店員就立即送上開胃小菜，栗子花生，栗子同花生都煮得好入味，又夠晒腍，越食越開胃之後有前菜，陳皮五香牛肉，份量都唔少，起碼有十塊以上，全部都浸得好入味，食得到有陳皮香添，而且牛肉一啲都唔韌呢個係上海黑豚肉生煎包，每個包都好飽滿，而且咬落去皮薄餡靚，裏面嘅豬肉仍然有好多汁，加上外皮煎到脆卜卜，無論味道同賣相都一流！！呢一杯飲品係秘製小吊梨茶，飲落去甜甜地，幾清新，正好可以解去食物既油膩感，上面仲放左一片檸檬乾添之後有木樨肉炒拉麵，炒得好夠火候，拉麵炒到好乾身而且一條條無痴埋一齊，又夠彈牙，至於個肉就鹹鹹地幾惹味最後當然唔少得有黑豚肉小籠包啦，每隻小籠包都大小一樣，一咬落去湯汁即刻爆晒出嚟，唔需要再點其他醬汁都已經夠味，食到停唔到口埋單每人二百蚊左右連加一，食到正宗既上海菜都算抵食
繼續閱讀
🕌熊妹今日放假，特登帶阿豬媽去啟德周圍遊覽，當然去埋新商場「AIRSIDE」閒逛一下🛍️。📌黎到「AIRSIDE」，當然要坐低食下野。發現4樓有《樂天皇朝薈萃》，都好耐無食上海野，就食呢間喇！📌餐廳環境超大，兩大個廳，有卡位，有梳化位🛋️，有圓枱，有窗口位🖼️，大到可以搞宴會聚餐🪩。📌上海菜式林林總總，涼拌前菜、包點、糕點、擔擔麵、酸辣湯、招牌小籠包、炒年糕、甜品等等乜都有，花多眼亂樣樣都想食。特色皇朝小籠包，$148先點個招牌小籠包。《樂天皇朝》小籠包出名在出了好多新奇口味，一籠八色小籠包代表八款味道，包括招牌原味、糟溜絲瓜、鵝肝、黑松露、芝士、蟹粉、蒜香、川味，店員推介依著這個次序由啖味到濃味吃，會更吃出每款味道的滋味。就咁望落去七彩繽紛🎨，顏色鮮艷，真係睇到都流晒口水🤤。本身小籠包做到皮真係好薄，內裡嘅肉餡軟淋多汁，真係一個籠包入邊包住啲湯汁，食得出師傅嘅功架好細膩💪🏻，出名係有原因嘅！加入咗其他新奇嘅味道就大搞新意思！當中，熊妹試咗蒜香🧄同黑松露🍄🟫，真係好重味道。咁多款口味，真係想試完一件又一件，鍾意食小籠包嘅人可能自己都啪到一籠。雲吞雞，$168/半隻阿豬媽話食正宗上海嘢，除了包點小食，就要試一下主食，先可以體驗到係咪正宗嘅上海味道。一鍋砂鍋雲吞雞🐥，入邊放入半隻油雞去煮，雞肉煲到好嫩滑一啲都唔鞋口，雞髀位真係啖啖肉，啱晒熊妹，仲有好多根小棠菜同埋六大粒雲吞，雞湯味道好濃，濃得來又好清，感覺上好補身😌，兩個人清左呢鍋雲吞雞真係滋潤又🈵足！🥜茶介小食，$15🫖茶位，每位$12📌點咗兩個招牌上海菜，已經飽到頂着肚皮。《樂天皇朝》喺香港地立足都有🔟年以上，喺新商場「AIRSIDE」嘅環境就更加優美可觀，絕對適合一家人連埋親戚過來聚餐吃飯！
繼續閱讀
啟德Airside驚喜發現！樂天皇朝新派點心實驗室 落地玻璃對正機場跑道睇啟德體育園食點心✈️，貴婦氣裝潢超好打卡！人均$200+歎精緻創意點心，水準拍得住酒店中菜～ 💫 必試金獎點心 鵝肝叉燒酥（$78） 酥皮輕脆一咬落就化開✨，鵝肝慕斯同蜜汁叉燒鹹甜交織，邪惡得嚟好滿足💥 黑松露雞肉帶子燒賣（$58） 松露香衝擊味蕾🌫️！帶子厚肉彈牙，馬蹄粒增加爽脆感🌟 龍井蝦仁蒸餃（$56） 透光翡翠皮包原隻蝦仁🦐，淡淡茶香好清新～ 🌶️ 川味彩蛋 紅油鮮蝦黑豚肉抄手拌麵（$80） 抄手爆肉汁，幼麵掛滿麻辣🔥 ✨ 隱藏實力派 黑豚肉小籠包（$83）皮薄餡靚湯汁足👌🏻 📌 貼士：晏晝1點前到免排隊，窗邊位瘋狂影相📸 📍 樂天皇朝 @啟德Airside 4樓L418鋪 ⏰#啟德美食 #樂天皇朝 #飛機景點心 #香港飲茶 #新派中菜 #八色小籠包---
繼續閱讀
來到AIRSIDE想食上海菜有兩間選擇，樂天集團的餐廳質素比較穩定，雖然味道沒什麼驚喜，不過餐廳環境、服務、食物選擇及質素四平八穩，沒什麼好挑剔。紅油黑豚肉抄手 ($72) ★★★★✰這裏的餃子類的外皮不會很厚，因此能食到很豐富的肉餡。紅油配合香港人口味而做得不太辣，是很惹味的一道紅油抄手。雪菜鹹肉炒年糕 ($95) ★★★★✰賣相一般，上海朋友説是很有家常味的一道菜，金華火腿雖然有點肥膩但令年糕充滿鹹鮮味。京醬肉絲 ($110) ★★★✰✰包皮有點太少，不足以包整碟肉絲。而且肉絲有點太多汁及鹹。龍華素鴨 ($78) ★★★★✰很標準的滷水汁，素鴨有很多層腐皮。招牌原味小籠包(黑豚肉) ($138) ★★★★✰樂天皇朝的特色菜是很多不同味道及不同色素的小籠包，不過我認為都是原味最好食。小籠包湯汁飽滿，外皮厚度均勻。雖然略嫌肉餡可以更滑口，不過已算挺具質素的小籠包。桃膠紅棗桂圓湯 ($46) ★★★★✰外面的糖水舖也差不多這個價錢，這裏的糖水材料十足，桃膠、紅棗、桂圓也不會只有一兩粒，而且甜度是香港人喜歡的"not too sweet"。整體而言，樂天集團旗下這間上海菜質素穩定，如果行開商場，不想找其他地舖上海菜小店的話，這間會是不錯的選擇。
繼續閱讀
呢度嘅特色皇朝小籠包真係太吸引總共八種口味由淡食到濃要慢慢品嚐先食得盡致原味、糟溜絲瓜、鵝肝、黑松露、芝士、蟹粉、蒜香同川味每款都有獨特風味 仲要皮薄餡靚蘿蔔絲酥餅酥脆外皮裹住清甜蘿蔔絲 層次豐富生煎牛肉餅有豐富肉汁 牛肉香濃惹味成都口水雞髀肉質嫩滑 麻辣得夠香夠麻上海炒年糕軟而有嚼勁 勁地道紅油鮮蝦黑豚肉抄手拌麵更係極級推介鮮蝦彈牙 紅油香麻惹味 拌麵入味又夠彈牙記住小籠包一定要由淡味食到濃味先能夠完美體驗每款獨特風味
繼續閱讀