樂天冰室 (長利商業大廈)

我好少寫食評讚或者彈一間餐廳,真係人生第一次.昨晚點咗兩個晚餐,一個煲仔一個小炒,雖然一個雞一個牛,但味道都係一樣,非常之咁難食,食咗兩啖就放棄.另一半從來都慳家,入到口嘅佢都唔會嘥,今次連佢都頂唔順,叫我放低筷子個隔離食碗雲吞麵好過.近排喺尖沙咀/佐敦損食都食咗十幾二十間,雖然唔係十分好,但係至少唔會令我要揼低筷子走人.唔明點解呢間嘢仲可以生存,一定係做遊客生意,個個都一去冇回頭啦！一定唔會再去！ …查看更多

平時喺尖沙咀返工，一定等到下午茶嗌佢個魚柳包因為茶餐真係好抵40幾蚊嗰塊魚柳帶嗰隻手板仲要配埋即炸嘅番薯薯條同埋黑松露醬佢個包得非常之好脆卜卜，中間仲搽咗牛油雙面都煎咗所以兩邊都勁脆今次仲試埋佢個菠蘿包三文治原來堂食同外賣返公司食係真係爭勁遠佢間餐廳啲包真係好出色魚柳非常之脆個菠蘿包脆到不得了中間加埋雞蛋同火腿，成件事昇華咗10倍！個雞蛋一咬落去啲蛋汁溝埋個菠蘿包，極度邪惡佢嘅餡料十足，個包嘅size都係勁巨型同埋我想講佢餐廳嗰個墨西哥包都好出色每次經過我都一定會走入去嗌個外賣返公司淨係食條魚柳都覺得好抵❤️❤️❤️❤️❤️我係樂天冰室嘅忠實fans…查看更多

樂天冰室 (尖沙咀)📍：尖沙咀金巴利道25號長利商業大廈地舖🚗：尖沙咀B1地鐵出口 步行4分鐘📞：+852 9062-8338💲：~HKD70/head for dinnerFood quality✔️：芝士安格斯漢堡拼薯條、焗芝士咖哩豬扒飯、焗咖哩雞扒飯👌🏼：焗咖哩牛俐意粉、焗芝士鮮茄牛俐意粉總結：😋個人覺得呢間好食過紅茶 同埋大碟份量多價錢都算合理 佢招牌咖哩飯真係好食🤤😋佢啲焗飯都唔錯 至少好食過幾間龍頭快餐店 佢最出色一定係咖哩🍛系列 濃郁又夠香😋牛俐份量好多又厚切 飽肚之選😋芝士安格斯漢堡拼薯條🍟一上枱已經夠滿足 $70冇投訴又大份又抵食🤔意粉🍝都麻麻地 用嘅係超市賣嗰款包裝意粉 而且焗得唔透 食落硬身又唔夾😨衛生要講一樣嘢 喺尖沙咀分店食嗰陣 突然有隻黑影行過 但閃得極快 懷疑係老鼠 但又揾唔到佢去咗邊 最尾驚到全程Q腳坐 最尾頂唔順我哋自行轉位🫨…查看更多

我去到等位佢話未齊人要等齊人先入得，跟住佢哋話搭枱我都冇問題，剛剛座底就問我做嘜仲唔落單勁吹我，我覺得佢哋真係好煩，我話睇下先然後個帶位呀姐話你可以唔好係到食架，嘩我真係好嬲，咩事先食個飯姐使唔使咁chur呀？我以後都唔會再幫襯呢間樂天餐廳，完全不知所謂，又唔係得你一間餐廳，今時今日競爭咁大生意難做，你哋啲服務仲咁差睇吓幾時執笠…查看更多

我以前都算係長期顧客，過去對出品及服務態度一直覺得滿意。然而近期發現員工調動（據悉部分資深員工調職至新店）後，無論是服務品質同嘢食都大幅下降，令人失望到唔會再幫襯今朝點咗個「C餐雪菜肉絲麵」，當碗麵上枱後，發現碗入面只有雪菜同公仔麵，經仔細翻找確認並無任何肉絲。隨即舉手示意想問吓侍應，點知未問完問題，該名員工即轉身離去，過程中都無任何解釋或者唔好意啦，態度極其敷衍。邊到有肉絲我地決定唔會再俾機會佢…查看更多