樂園

營業中

休息中

已經唔係第一次嚟呢度朝聖，但始終未有機會見到發哥，哈哈。今日天氣都好熱，幸好這個熟食檔有冷氣。眼見有幾檔熟食，有魚旦粉、泰國菜，但客人9成都係幫襯呢檔，樂園~地道茶餐廳，但賣嘅野好有特色，味道又出色一坐低(基本上一定要搭枱)，阿姐就埋嚟問你食咩，我地做定功課，好快就可以叫野食。先嚟叫個雪菜肉絲豬扒飯，再嚟沙嗲牛肉西多士，之後我見餐牌有款咸牛肉蛋餅，作為蛋蛋控嘅我忍唔住叫嚟試吓，朋友就叫咗杯菠蘿紅茶，佢話菠蘿代替檸檬，可以一試。食完呢餐，只可以講，有時間一定要再嚟，因為呢間樂園，就算紅了，都沒有失水準，依然令人回味

樂園，我食了20年的地方，多年來食物選擇一樣，最正就係炸豬排同沙爹，時間飛逝，食物水準不變，卻無了人情味。可惜可惜。推薦大家飲奶茶紅豆冰，普通飲奶茶會唔夠滑，但加埋紅豆就啱啱好。

🤤咩都好似好好食咁🤤一入到去見到咁多人排隊，要有定心理準備都等得幾耐下。😅無套餐，單點都唔平。😩但食物絕對值呢個價！😬👍🏿首先必點既，一定係沙嗲牛肉西多士！但「講真心」，要有心理準備，真係要等好耐，除非你早到，又或者無咩人排隊等緊。但當你等到佢黎，你會覺得係值得等啦咁耐。睇個西多既色，就知到炸得好。糖漿同牛油，又香又甜，唔會膩口。中間既沙嗲牛肉係精髓。咸咸甜甜既感覺，好夾。牛既份量岩岩好，而且集中係西多的中間，如果唔中意又咸又甜既朋友，可以集中食西多個邊，一樣咁好食，而且炸到好酥軟。但重點中既重點都係沙嗲牛肉，唔嚡口又唔韌。食下食下，就食哂成個西多LU…🐮😋西多食完就到奶油豬，呢個奶油豬，不得了，可能係世界上最好食既奶油豬。係唔係世界上就唔知，但應該係我食過最好食既奶油豬！因為我本身就唔好食甜品，基本上甜既野我都唔太喜歡。但呢個奶油豬真係好正，一入口鬆化到啲包皮碎飛哂出黎，真係唔誇張，我食到成台都係皮碎。唔會好甜，岩岩好的感覺。可一更可再！！！🍞炸豬排，原本就無諗住叫既，因為本身我就中意食沙牛。但見到後面個個人話必食炸物，咁我就叫左個炸豬排公。好老實講，佢真係炸得好好，塊豬排台既時候仲

已經十幾年無上來嘆茶由於工作關係重回舊地嚟到就當然叫返樂園既沙嗲牛肉麵來食。果然仲保持到水準，牛肉仍處理得好保持有𡁻口唔會貪心「發過頭」令肉過軟身，至於自製沙嗲汁亦依舊足料，濃濃花生香氣、甜辣咸味配合得宜令我差尐想飲晒碗湯.即食麵亦爽身，掛到汁，老老實實，好多標榜自己餐廳香港風味既餐廳真係要來學下師，出面沙嗲牛肉真係唔少粗製得太緊要。.飲埋杯靚熱鴦，十分滿足。尐嘢有心機煮對品質有堅持，相對貴少少都值得（無餐叫，散叫而已）。.

又有一間我收藏已久還未光顧所以要趕着試食既食店🙆🏻‍♀️🙆🏻‍♀️就係「勝過鮑參翅肚」既樂園,見到店內呢句題字就覺得霸氣十足😎.對我黎講九龍城區又係一個美食既集中地✨今次嗯間有逼爆滿瀉的沙嗲牛西多、鮮油多、樂園炸豬扒包、全都是經典茶記❤️真係未食就先興奮!.坐低無耐就叫野食啦,唔洗點睇мenυ都已經決定到,因為心裡有數😛.第一樣最快到既係👉🏻鮮油多 $17•老闆話鮮油醬多好食!因為牛油相當講究,所少便叫了一試!多士烘到脆口!夾住厚厚的鮮牛油都幾難唔好食😂😂第二樣落枱既係👉🏻樂園炸豬扒包 30•包裡塗了牛油,豬扒炸得香脆!夾着蕃茄其酸味就可以解油膩🙆🏻‍♀️不過咁既配搭係會有罪疚感既最後一樣👉🏻沙嗲牛西多 $29•西多士即叫即製送到時熱辣辣,未切都香噴噴!一切開就可以聞到好香的沙嗲牛肉味🤤西多味道又咸又甜,舊牛肉就唔夠腍係個多士夠香罷了😌講左咁耐終於食到呢個西多! 好開心雖然間茶記係九龍城的熟食中心！這裡較殘舊但環境衛生是非常可接受的✌🏻😎繼續深信平民美食都可以有驚喜既💁🏻‍♀️🤩.我星期六去既，開7:15-14:00，比平時收早d架!

[ 機會難得 | 相隔兩年半先再食到👅]••男朋友係呢間餐廳既熟客，佢成日去食影相比我😾成日想去食，但又無機會，因為佢星期日唔開，平時又收2pm🤷🏻‍♀️有時要男朋友買早餐過黎比我先食到，但當然要新鮮滾熱辣食先正架嘛😋🔥-🔹沙嗲牛肉西多士($29)⭐️9.5/10西多炸到金黃色，好靚😍而且炸得好挺身，唔會一切開就塌哂👍🏻沙嗲牛肉份量都好多，多到漏哂出黎🐮外層炸得好脆口，有輕微蛋香🐣沙嗲味相對突出，牛肉切成細細粒🐮(其他同類餐廳係大大塊 我覺得細粒比較合適)，配牛油煉奶，無咁甜，同沙嗲好配合🤤唔好又咸又甜得太極端，真係好好味啊❤️-▫️另外仲叫左樂園炒米粉($60)🍝有雪菜肉絲、餐肉、椰菜、蛋，聽落好似好普通，但又好食🤔炒得好乾身，味道剛剛好👍🏻▫️炸豬扒包($32)🐷樂園既炸豬扒雞扒不用多說，但係連個包都勁脆！牛油味勁濃，好好味呀🤤(因為假期唔做雞扒🐔我想食雞扒呀😩)-🔺以上係早餐份量🙊平時要返工，無機會食到，難得放假又早起身，緊係要食哂所有想食既野😈--更多食評ig: hungrykays 💁🏻‍♀️

臨近年終，今天是最後一天能悠閒逛街的一天，我亦選擇了用美食來總結這多姿多彩的一年。打響頭砲的是九龍城的樂園，位於熟食中心，環境算是企理。見是早上，我便不點奶茶紅豆冰，只點茶走。奶茶速速送到，香醇的味道亦迅速充滿口腔，不只是一味甜味，亦不是一陣苦澀，而真的沖出香醇的味道，叫人忍不住一口一口喝下去。碰巧今天是星期六，較多單，所以我的牛肉西多士需要20分鐘後才送到，但有著奶茶的陪襯，我仍耐心靜候。西多士終於送到，炸得黃金，賣相不錯，切開更有牛肉的香和熱滲出。但因牛肉是沙爹味，味道已滲入麵包裡，蓋過了西多的香甜，是否喧賓奪主實屬個人感覺，但這新鮮的配搭，亦不妨一試，說不定你認為西多的香甜能更被突顯呢！奶茶的餘香漸漸在口腔隱退，我亦繼續我的腳步，向下一美食進發。

今日黎到九龍城午餐突登黎搵依間出名食沙嗲牛肉西多既樂園佢係街市上面既熟食區去到樓下街市都有啲驚（因為係好舊式同有啲污糟嘅街市）驚間餐廳都會好污糟污但上到黎又唔係喎！都幾乾淨企理餐牌都幾乾淨啊（最怕啲餐牌污污糟糟痴痴立立）黎到考慮左好耐食乜因為個個都食唔同既野見OpenRice 又有好多不同食評推介唔同野雪菜米？朱扒？炒雪菜米？沙嗲牛麵？客飯都好多人叫喎！胃就得一個...最後我揀左第二度無得食既沙嗲牛肉西多士飲咩呢！飲咩呢？依度出名奶茶紅豆冰、咖啡紅豆冰但我怕西多甜，紅豆冰又點，都係叫反熱奶茶（順帶一提：呢度冇餐叫架，野飲分開叫）好靚呀好靚呀雖然我怕佢會凍但我都影左一輪先開動切左啦，好攪笑呀入面無乜大粒牛肉既係都好林好食呀我無估到佢地咁夾喎衰鬼！我個人都幾鍾意食啲又咸又甜既野出面啲楓糖漿甜入面啲沙嗲牛又咸出面炸到脆又面牛肉就軟好好好好快啲食啦因為啲牛肉汁雖然係就係杰身但係唔知係熱到佢淋定啲汁整淋個包食就後面會淋左但我食得超快，得一啖淋者所以你地都食快啲啦！奶茶黎講佢都上左香港幾大要飲既奶茶？定我記錯呢？茶底唔係太濃又不是太香但整體都係一般偏好因為我閒日去就無乜人去到啲姐姐好有禮貌叫我坐底

晨早起身做運動，一班朋友柴娃娃跑完步諗緊食乜好，有人提議去九龍城食茶餐廳，我本身覺得咁辛苦跑完步想食好D喎，不過大家都話去，ok, 我係順得人所以跟啦環境係好似街市咁嘅，但眼見咁多人排隊，應該係非一般嘅，朋友推介沙嗲牛，就試一試啦，仲叫左西多share晤係講笑，都真係非一般沙嗲牛，牛肉質地有咬口，唔係個D勁滑勁淋好似落左好多梳打粉個種，而且又有牛味。我差D連個湯都清左。本來都想試出名的紅豆冰，不過跑完步就唔想白跑一朝，所以冇叫。但食左西多，西多一般冇乜特別好食咁，不過係ok嘅

這是我第二次食樂園, 因為太掛念沙爹牛肉西多士。於是要再戰肥仔食物! 記得上次是紅豆沙西多士, 但今次轉了阿華田厚西多士, 聽下去挻有意思的! 我心想: 其實有可能會咖啡西多士, 反正就是茶餐廳的食材, 具特色的創作! 只是阿華田厚西多士較甜, 吃下的脆脆感覺是由西多士上的白砂糖和內裡的阿華田粉粒而成, 有口感的! 重點是它真的很厚身, 吃下很豐富! 而沙爹牛肉西多士, 依舊的好吃, 有喊又有甜, 味道夾而令人滿足。牛肉份量足夠, 吃下沒有油膩感或油炸味, 卻充滿沙爹的香, 好味! 炸豬扒米粉的精髓在炸豬扒裡, 脆香而肉質軟, 份量十足。 唯一美中不足是它的湯沒有味道, 可說是水煮米粉上桌, 呆了! 最後要讚鴛鴦紅豆冰, 咖啡, 奶茶和紅豆比例良好, 而鴛鴦是香滑十足! 飲用時醒神愉快!

這個世界，越邪惡越吸引。友人介紹這個沙嗲牛肉西多士，一聽名字就知有多邪惡。西多外形，上面有鍊奶牛油，賣相吸引。切開多士，流出沙嗲牛肉。看見已流口水。香脆西多本就好吃，但估不到會和牛肉如此夾。不同口感的東西配合，令這西多很特別。再來一杯滑滑奶茶。香港人嘅口味。

星期天早上，行經九龍城街市，上去樂園食下招牌早餐，排隊比錢，叫左過出名嘅沙爹牛肉麵同埋杯鴛鴦醫肚，等左1陣間，食物送上，看上去就跟以前1樣，食物香味送上。當我吃沙爹牛肉就發現比以前的靱同埋冇咁滑law,係咪D牛肉貴左所以張貨就價，其實可以買貴D，等大家可以吃到好嘢呀，D麵就係同以前一樣，湯底好重沙爹味。鴛鴦也是一樣，茶味及咖啡味剛剛好，很平衡，沒有搶大家的味道。總括環觀周圍食物都是好吃的，希望他們繼續努力。謝謝！！

剛搬進九龍城，諗住应该好多野食，入了一間所謂老字号的餐厅，叫左喋炸兩，皮又厚，油炸鬼又林，個師傅重大聲話即刻整。又叫左個出前一丁面我個工人煑得重好食，真係越老越難食，香港茶餐廰食物已死。

九龍城一個不太就腳的地方，但又有很多食肆。很耐之前也很想去九龍城熟食中心3樓的樂園，但他們的營業時間較短，星期日會休息，擇過好日子和好友遠征一下。環境同一般熟食差不多，但整體面績較細。先來的奶茶紅豆冰，我要的口味系走甜。茶味香濃，紅豆不會硬，甜度由紅豆帶出來的清甜，剛剛好！雪菜肉絲米，囗味清新，肉絲也好吃！晨早要個樂園炒米，材料豐富，有雪菜，炒蛋，午餐肉，肉絲，椰菜及蔥。不會油淋淋，很乾身，但又不會沒有水份。不知下次何時才可以試埋西多等其它食物哩！

發財唔立品既其中一間「名」店！1. 收銀態度奇差！西多永遠暫停，但轉頭又會見到隔離檯叫到，爭唔夠15分鐘。最cheap一次試過問左2轉都冇，轉頭問個好fd既街坊「今日想食咩西多？」枉有食客山長水遠由新界慕名而黎，但好食嘅野就留哂俾街坊！真係好有「街坊人情味」！如果你係「暫停」，其實可以豎立個牌，唔好因爲俾人問得多唔耐煩就搵食客出氣！之後有供應就應該同返食客講！垃圾家庭式作業，最大問題其實係個女收銀！2. 沙嗲牛肉麵水準次次唔同，可以有次沙嗲冇沙嗲味，牛肉鞋過乜咁！但有時個沙嗲湯底又會有濃郁嘅花生味好好食。令人一次驚喜一次失望！