樂園麵家

營業中

休息中

這間民生小店食物不至於驚艷，但係正正常常，食麵仲會加隻蛋。價錢合理。而且服務認真一流，分享下今日所見: 顧客阿姐: 我要牛腩河，加腩汁侍應比單阿姐: e ? 唔係下午茶時間開始咗咩？侍應: 係呀，牛腩河未$39阿姐: 我唔要牛腩河啊，我係要雲吞河啊，我都唔食牛腩嘅，我點會叫牛腩呢，你聽錯啦，我係要雲吞河。侍應: 好啦，你坐陣，我幫你改阿姐 3 mins later, 行咗出收銀: 我唔要牛腩河啊，我唔食牛腩㗎，我係要雲吞呀侍應: 知道啦，我一陣幫你改啦阿姐: 你知道又唔出聲？我點知你會幫我改呢？隔咗一陣阿姐老公: 咦？我個牛腩麵呢？阿姐: 係雲吞河呀！佢寫錯咗全程侍應都不愠不火。認真敬佩 🫡

樂園有茶餐廳常餐下午茶唔出奇，但厚多士真係完全估唔到話說同阿媽去食下午茶，常餐已經多野食，但估唔到西多士餐係咁大份！阿姐一拎出黎，在場既人都呆左，成舊磚頭🧱咁大舊唔好講笑，一個女士真係好難食得晒，要兩個女人先食到仲有，食西多士梗係鍾意佢既外脆內軟，唔駛多花款，入面既經典花生醬加頂上既syrup, 食完開心又滿足，已經夠成個下午都飽（我連夜晚都仲飽緊）至於常餐個雪菜肉絲米粉，米粉一如既往咁彈牙但唔太硬，大大碗，係唔太夠肉絲，希望多返少少啦

第一次食咁平既麵餐！本身聽媽媽講$25就有魚旦粉加熱飲，原來加$10已經有菜（仲要一大碗），十分驚喜！魚旦同魚片都好新鮮彈牙，我叫左少粉否則碗麵份量都幾多，食唔晒🤣呢度既格局令我諗返起細個時食既屋村港式麵家，好多選擇，豐儉由人。另外，佢除左港式雲吞麵魚旦河之外，亦有奶油豬果d下午茶。我本身想試奶醬多餐，但樂園魚旦出名，所以就試左魚旦粉麵先。有樣野想講既係，佢既湯飲完唔會口渴，好少味精，呢個係我幾欣賞既地方。

樂園粉麵常餐$38，性價比高，份量也不少，而且有多款選擇，加$5就可轉菠蘿油或奶油豬，加埋都係$43，賣相也靚靚哋仔，在場也有不少人叫常餐食，服務也ok，整體來講ok，下次試其他款.#常餐#午餐#蛋#午餐肉#牛油包#通粉#沙嗲牛肉#葵涌

在葵興地鐵站附近，第一次來食。感覺價錢很親民。服務也很好。42蚊非常多汁，份量也正常。可以選擇一種肉類和一種配料選了雞排和火腿。還有紅蘿蔔等配菜。肉比較小塊，對我來說剛剛好的份量。很豐盛，是平價好吃的午餐。38蚊。質素不錯的常餐。我見過最平又素質不俗的常餐。多士調味很足，但比想像中小塊。蛋很不錯，夠滑。雞排公仔麵，很多汁。肉有點小塊，這個價格來說還是很划算。跟餐熱飲不用錢，叫了熱奶茶，有點太甜。下次會再來的。

沙嗲牛肉三文治配熱鴛鴦少奶 💰2️⃣6️⃣三文治口感鬆軟沙嗲牛個醬汁偏濃稠偏多，如果配湯粉都OK，配麵包就略嫌多得滯有啲膩⋯牛肉帶少少蒜香同沙嗲味，口感都淋滑，無乜筋位唔韌，正正常常鴛鴦都算順滑，兩者平衡得幾好👍

開張以嚟經過多次， 在沒有期望下入去一試， 竟然有驚喜。叫了牛三寶河粉和一碗崩沙腩河， 首先牛嘅分量系多的， 湯底清甜不是死咸， 感覺沒味精，重要的是牛味濃郁， 炆得好腍， 加埋佢自家製的辣椒醬， 完全覺得今晚沒選擇錯誤。最重要係CP高, $45一碗高質的粉面, 會再回頭食。

呢間粉面算係新開，有一次諗住買外賣試吓，咁我就買咗個豬手河。因為係俾屋企老人家食嘅，我就問佢可唔可以俾啲少啲骨嘅，點知佢哋主動幫我將啲豬手起晒骨，真係好細心。而且員工都好有禮貌，態度好好。而且啲豬手食落肥瘦啱啱好，湯底都好唔錯，下次都會再嚟幫襯。