樂園魚蛋 (亞皆老街)

營業中

休息中

第一次試，的確唔差，特別係佢D辣油⋯ 😋😋😋佢嘅牛什米粉，真係比中環水記差唔多⋯佢個炸魚皮，清甜爽脆又香口，絕對值得一試！但係最為我驚喜，就係佢個辣椒油，絕對可以媲美權記，應記一功！

魚蛋河算係我既comfort food之一，平時夜晚屋企無煮飯又要自己獨自食飯嘅話，我必定選擇樓下嘅「樂園魚蛋」。- 樂園四寶丸一碗粉麵有齊墨魚丸、炸魚片、魚蛋、豬肉丸魚皮餃。魚片爽口彈牙，魚皮餃口感煙韌，魚味香濃，丸類以墨魚丸最令人印象深刻，食落完全唔粉。- 金牌牛三寶牛三寶指牛肚、牛筋同牛腩。牛筋非常入味而且有咬口，牛筋Q彈，牛腩亦好軟稔。樂園嘅熱奶茶相當有水準，口感香滑，奶香與茶香並重。價錢以「魚蛋粉」嚟講偏貴，不過食材的確高質。

香港本土真係好多好野食，香港文化又點少得魚蛋粉麵？自家打丸慶幸仲有店舖保留，當然留得住舊時美味，同時有合時新款，適合更多人口味！ 今次嚟到魚蛋樂園，試咗雙拼，崩沙牛腩係主打，再加墨丸米線，佢嘅辣椒油都係B必試㗎！首先講吓崩沙牛腩，今次是我第一次吃崩沙牛腩，雖然不知道有什麼不一樣，我自己覺得就肥瘦分明，又肥又瘦，但牛腩味不太濃！墨魚丸是我頗喜歡的，彈牙之餘亦有墨魚味！大大碗一個女生食，已經好飽啦！見到隔離枱有炸雲吞，下次都想試一試！

魚蛋粉一直係香港嘅平民美食 今晚就嚟咗呢間魚蛋粉嘅旗艦店食返碗粉😙餐廳裝修同一般茶餐廳相約 但舖面都幾大幾光猛 坐落都幾舒服 仲有個自助斟水區 方便攞水飲🤭 店員都幾helpful 而且安排坐位都好快樂園四寶丸河粉 嚟到呢間魚蛋專家 點可以唔試下佢個招牌魚蛋🐟 有黃金片頭 招牌魚蛋 爽滑魚餃 新鮮肉丸 仲有粒頂級墨丸 好似呢粒係餐牌冇寫會有既🙊 魚蛋幾彈牙 崩沙牛腩幼麵 牛腩都有好多嚿 肥瘦均勻 咬落口都幾結實同有口感 加咗羹秘製辣椒油調吓味 即刻變得再好食咗 辣椒油幾香 會為碗麵加咗唔少分😆 個人鍾意幼麵多過河粉飲品方面我哋嗌咗豆漿同埋凍奶茶 女朋友好麻煩 要嗌走甜多奶😅 店鋪都滿足到我地嘅要求 本身以為平平無奇嘅粉麵店 呢一餐都幾令我驚喜☺️ 可以好滿足咁返屋企

今日心血來潮突然想食牛腩河😆，係旺角遊左個大花園都唔知食邊間好😵，咁啱行到亞皆老街見到呢間粉面店，我地兩個都行到攰，決定比次機會佢，試下佢d牛腩粉。呢間餐廳原來觀塘、將軍澳同北角都有分店，而旺角呢間更加係旗艦店😳，而且開張無耐，餐廳光猛裝修企理，空間闊落，座位坐得舒適。餐牌有好多不同款式粉面選擇，餸有牛、丸類、餃，我地點左兩碗粉麵同兩杯飲品。🌟崩沙牛腩河嚟到呢度點可以唔試佢嘅崩沙牛腩，因為係限量供應，賣晒就冇㗎啦，好彩我哋今日黎得算早，仲食得到🤪牛腩炆得軟腍，唔會好鞋口同韌，口感十足。湯底唔咸，飲得出好足料去煲個湯底，食落無味精嘅味道。河粉係幼身河，煮得啱啱好，唔容易斷開。仲配左蔥花同炸蒜，食落好香口，加左佢地秘製辣椒醬，食落更惹味，好食👍🏻🌟樂園四寶丸河呢碗河粉有炸魚片、墨魚丸、豬肉丸、魚蛋同埋魚皮餃，魚片同魚旦食得出魚味，唔係出面果d用面粉扮魚片同魚旦，墨魚丸同豬肉丸都好香好彈牙，至於魚皮餃亦都好好食，食到濃濃嘅魚味。至於飲品我地就叫左凍檸樂同凍奶茶，凍檸樂比左成杯冰，飲落夠晒凍😜；凍奶茶茶夠濃，淡奶分量適中，飲落香滑。

📍旺角站D出口步行即至收工諗唔到食咩，就決定清清地食碗魚蛋粉！入到去鋪面都幾大，座位算寬敞，未到cafe咁但都坐得幾舒服～🔸樂園四寶丸 河粉 $45自己係選擇困難症人士，所以見到呢個有咁多嘢就即刻叫咗！有魚蛋、片頭、豬肉丸、墨演同魚皮餃！唔知點解叫四寶但比左5樣野😂清湯底黎既～魚蛋應該係招牌啦～佢係白魚蛋嚟嘅，但係形狀比較不規則，食落有少少胡椒味，味道有層次，而且好彈牙，一啲都唔粉～🔸崩沙牛腩 河粉 $52見佢係每日限量發售嘅所以就叫咗黎試試！好入味，唔痴牙，同埋肥瘦均勻～好好食！湯底應該有腩汁所以好香～🔹凍奶茶港式奶茶茶底～🔹凍蜂蜜柚子茶足料，唔會淡茂茂！晚市黎講，係旺角，絕對係抵食，我同同行朋友都覺得麵底好多，無論男定女食都絕對夠飽！😂

金牌豬手河粉$36 經過呢間餐廳門口見到佢同平時嘅嗰一啲魚蛋粉專門店餐廳唔一樣。睇落去好乾淨同埋好新，所以入咗去食晏晝。叫咗個金牌豬手河粉，一嚟到見到好大碗。同埋嗰度啲服務好好，俾埋隻空碟放豬骨。啲河粉唔會煮得太耐，所以咬落去唔係一pat pat。豬手煮咗好耐所以好淋。然後個湯底食得出唔係平時嗰啲魚蛋粉湯底，佢係有嗰啲豬手汁。利賓納+$11過嚟今日好「足料」，完全唔係加咗好多水所以唔係好淡。飲落去反而仲有覺得太甜😂。仲有個飲品杯好靚，完全唔似平時嗰一啲舊式魚蛋粉專門店銀色嗰一啲不鏽鋼嘅杯。整體來講覺得好抵食！$36就可以食一個好大碗嘅豬手河粉，仲要喺地鐵站一出嚟行3分鐘。

午餐嚟咗呢間平平哋食一餐平時食魚蛋粉嘅鋪頭通常都係衛生麻麻，又坐唔耐噉樣，但係呢間嘅環境好舒適。一入到去覺得好寬敞，同朋友坐咗喺卡位，舒服重要周圍都望落乾淨，有少少打破咗我對魚蛋粉舖既有嘅印象。同朋友每人叫咗一碗河粉同一杯嘢飲。大約每人50蚊。金牌豬手河粉（$36）份量好足，成個碗滿滿嘅河粉，湯底充滿住豬手汁嘅香味，豬手亦都好淋，河粉口感亦唔會太淋。加上芫茜、蔥等配料嘅香味，令到簡單一碗河粉充滿唔同嘅味覺享受😋樂園四寶丸河粉（$45）四寶丸包括咗：魚片頭、魚蛋、魚餃同貢丸，可以一次過試到四樣嘢～四種配料都好食，但個人覺得魚餃最特別，餃子皮好有咬口，咬落入面嘅餡仲有肉汁咇出嚟。如果中意食魚皮餃嘅朋友不妨叫單拼嘅魚餃試下～兩種飲品跟產各要加$11，但係兩杯都係太甜，加咗半杯水溝稀啲仍然係好甜。但嘢飲都唔係主打就無咩所謂嘅～呢間嘅價錢比起其他魚蛋粉鋪頭唔係特別平，但係佢嘅份量、味道同環境都係值得呢個價錢～所以大家平時普通食餐平平哋嘅都可以考慮嚟呢度～

經過旺角有啲肚餓試咗呢間餐廳嘅粉面❤️❤️❤️餐廳環境整齊👍🏻👍🏻有好多唔同款式嘅粉面可以選擇我試咗牛腩🐄🐄🐄牛腩好林好入味☺️河粉份量好多好大碗朋友試咗魚蛋🐟🐠🐋魚蛋都好爽口👍🏻普通粉面30幾蚊就有找！！可以加錢要飲品個人推介話梅冰💓真係有一粒粒話梅飲落喉嚨好舒服❣️又唔會太甜除咗粉面見到舖頭仲可以選擇唔同嘅飯下次都想試吓佢嘅咖喱整體性價比都幾高👍🏻👍🏻大家行過旺角都可以試吓

星期六一個人喺旺角唔知食乜好， 一個人最怕啲舖頭要等位因為一個人食唔得多嘢,就諗住去食碗魚蛋粉， 行過先達旁邊D粉麵感覺有點污糟， 想放棄之際 ，見到有這間樂園魚蛋， 外表睇落光猛， 感覺都好乾淨， 價錢同後面街又唔爭得遠就試一試原本想要崩沙牛腩，但崩沙牛腩已經賣曬我叫咗牛腩+牛筋河嚟到覺得正葱分開咗，唔使驚唔記得叫走葱牛筋同平時食嗰啲唔同唔係成條，係切開細細件，好易食同埋好淋 ， 牛腩唔似平時食開嗰啲 ，初頭以為一半肉一半肥， 食落發現透明嘅位系脆身，好成件食好正

旺角街坊1名，經過幾次見冇咩客人進食，就冇入過去，今日終於的起心肝諗住試下新店。點知真係伏到爆，怪不得晚市都係得幾丁友食。唔信就去試下或觀察下下面列出4項伏爆特點：1，係旺角食個68蚊咖哩崩沙腩都可以硬的，仲要硬過普通餐廳既牛腩，仲要寫限量供應，一試中伏。2，最接受唔到既係啲肉是冰冷的，你估口水雞咩。3，啲咖哩汁淡到水咁，完全冇放心機去煮。4，食完令本人情緒極度負面。有果句講果句裝修係幾靚，夠光猛。衛生都可以，起碼餐具和桌面冇污漬。但入餐廳最重要係食物質素，希望可以改善，不要提供劣食。

今日要去旺角購物，順便偷懶唔煮飯，喺附近搵個地方開餐。本來仲未諗到食乜嘢，點知有人好眼利，見到「麥當勞」隔離開左間「樂園魚蛋」。之前到訪過北角分店，食物水準唔錯，原來旺角都開左新舖，仲要係旗艦店，梗係要幫襯下！環境果然不俗，裝修新簇，用色和諧，加上樓底又夠高，座位寬敞闊落，坐得十分舒服。餐牌印刷得很精美，全部都附有食物相片，除了各式粉麵外，還有米飯類、酥炸小食、油菜及飲品等供應。點左樂園四寶丸粗麵 ($45) 同 崩沙牛腩拼鳳城水餃河 ($62) 各一碗。四寶丸有招牌魚蛋、黃金片頭、肉丸、墨魚丸及魚皮餃。嘩！竟然畀左五寶，有賺！餐廳自設廠房，魚蛋每日新鮮直送，不含防腐劑，肉質紮實又富魚味。黃金片頭彈牙味鮮。豬肉丸真材實料，爽彈又唔過實。墨魚丸用頂級墨魚打成，咬下啖啖墨魚鮮味，爽滑無比。魚皮餃味道亦唔錯，皮煙韌，肉香口，巧手又好食。湯底清澈鮮美，麵條質素亦不俗，爽身煙韌。至於碗崩沙腩河亦令人吃得十分滿意，牛腩肥瘦均勻又夠晒稔身，入口爽軟不硬。鳳城水餃用料實在，內有豬肉、蝦、筍同木耳等，咬落啖啖鮮香。河粉雪白，薄得嚟又夠爽滑，口感甚佳。湯底味道濃郁，絕對稱得上係一碗無味精嘅老火清湯。飲品點

很久沒有吃魚蛋粉了，原來旺角亞皆老街麥當勞隔離的粥店已經變了做樂園魚蛋，餐廳座位都幾多，而且好多都係卡位!餐牌上有多款粉麵可以選擇，而且也可以優惠價吃到炸雲吞、紫菜湯和菜，飲品也可以優惠價飲到!來到這間粉麵店當然要試試這裡的魚蛋!四寶米，這裡的四寶米包括有魚蛋、魚片頭、魚皮餃和豬肉丸。米粉的份量很多，魚蛋口感彈牙，魚片頭口感較結實，但也很爽口彈牙!豬肉丸的味道幾香，也很彈牙很好吃!加入他們的辣椒油，令味道更正!牛雜河，自從沒有返學已經好少食牛雜河粉，而這裡的牛雜河有牛肚、牛肺、牛膀、牛腸等，湯底是牛肉湯，有淡淡的牛肉味，味道香濃!牛什都好乾淨，不會有臭味!凍檸茶，檸茶好有茶餐廳風味，茶底好有茶的澀味，加上檸檬的酸味，解膩又解渴!

💛 樂園魚旦專家收工喺旺角揾嘢食，呢日想食清清哋唔想食太多嘢，就揀咗呢間粉麵☺️ 樂園魚旦有好多款嘅餸，麵底都可以任意選擇，仲有唔同嘅飯添😍😍~🍜 崩沙牛腩河粉 （$52）最後揀咗餐廳推介嘅崩沙牛腩，因為都好多人推介😍 果然啲牛腩好靚，肥瘦均勻，入口即化🤤🤤 而且碗麵好大碗，除咗河粉份量多，牛腩都好大件，我自己食唔晒一碗！全碗麵顏色好靚，食材新鮮，可以再食😋🍹 凍檸茶凍檸茶斟得好滿，檸檬都大大片🥳

今日去完旺中買袜後黎到呢間離旺中幾分鐘步程ge樂團魚蛋食個簡單lunch。我地兩個人各自點左1個麵同1杯/枝飲品share食。呢度環境比一般粉麵店都好啲，天花裝左啲復古風扇燈同現代感ge射燈，裝修都算有啲心思。我地兩個人都可以坐4人卡位，坐得好鬆動。金牌牛三寶河粉$52都好足料喎，4舊牛腩，4舊牛筋同2舊金錢肚，全部排得靚靚仔仔，另外仲有蔥mix芫茜。牛筋同金錢肚都好林，牛腩就係比較多肉少脂肪果種，三樣餸都好味。河粉亦淥得剛剛好唔會林晒。墨丸魚蛋雙拼幼麵$36+雙併$10兩隻丸都好彈牙，墨丸仲有少少墨魚粒增加口感。幼麵又係淥得剛剛好。凍奶茶(加$8) 唔記得叫少甜，不過甜度都好適中，幾好飲。豆漿(加$8) 係枝裝ge豆漿，仲係香港製造。食到差唔多尾聲加左一小羹辣椒醬試下，都幾辣喎，仲有啲好似茶葉咁ge味添，我都係第一次食到呢隻味ge辣椒醬。