樂園魚旦專家 (幸福商場)

我連續兩次光顧尼間粉麵都系個麵到見到頭髮第一次覺得係意外我就冇出聲到今日諗住俾個機會佢地再去一次點知依然有頭髮我同店員講，仲表達希望叫返個廚房師父帶帽佢仲話係牛嘅毛，唔肯認但係我上次食蝦餃，冇牛啵咁又邊到黎牛毛一說而我今日個位就咁啱見到個廚房師父佢啲頭髮同我系碗麵到見到嘅基本上係一致咁到底係頭髮定牛毛先？由頭到尾都冇一句唔好意思/對唔住？原來依家香港飲食業質素已經咁自問自己都做飲食業但係一定唔係咁處理先…查看更多

樂園有多間分店，食過幾間都唔錯～今次行過長沙灣見到舖頭中午時間好多人，但店員安排座位得宜，好快就已經有得坐～今次叫咗牛腩水餃河（$49）同墨丸豬手河（$49）價格經濟又大碗！牛腩好軟腍，水餃好大粒內餡豐富有口感，而且皮好滑～墨丸彈牙內裏更有墨魚肉，豬手顏色並不濃郁，但味道非常入味，而且炆得軟腍腍入口即化，豬皮更加係冇毛，非常乾淨！另外加$8有一杯凍飲，並唔會冇茶味作為快靚正之選，食粉面確係唔錯嘅選擇！…查看更多

間野寫左收11點，我10:22打定去嗌外賣，話10:45前會拎，佢話一定要而家拎，又問我係邊度黎。大佬，遲收工嗌定外賣啫。咁都唔得。。。。話要埋數喎👎🏻👎🏻👎🏻👎🏻👎🏻感覺真係好差…查看更多

諗住簡簡單單食個麵，去左樂園吃碗牛腩麵。呢到除左有招牌粉麵，麵類選擇都幾多，有魚旦粉、雲吞麵、牛腩河、豬手麵等叫左碗招牌牛三寶，有牛筋、牛腩、金錢肚，牛筋好爽口彈牙，滿滿骨膠原。牛腩幾軟腍，唔會太多肥膏，金錢肚炆得入味同軟腍👍🏻湯粉好滑好順，湯底唔會死咸，加埋蔥蔥炸蒜更好味！另一碗就叫左金錢牛肚河併牛丸，牛丸爽口彈牙，河粉煙韌唔易斷，仲吸晒湯底既精華🤤🤤粉麵加8蚊有飲品，加11蚊有特飲，叫左凍檸樂。成緊杯冰夠晒凍。…查看更多

其實平時都間唔中有食開樂園，覺得價錢都好抵食，同埋質素都唔錯👍🏼係比較少食長沙灣幸福商場呢一間分店，今日黃昏時間去到已經坐滿晒人，所以我就揀外賣崩沙牛腩河份量超多！而且好好食，每一啖都有肉有筋，而且牛腩好腍。我都幾鍾意食樂園嘅河粉唔會太腍，亦都唔會太韌。外賣仲可以揀分湯，而且湯嘅份量好多唔怕比河粉朔晒啲汁。牛三寶河粉另外叫咗一個餐廳比較出名嘅牛三寶，喺餐廳嘅招牌菜，入面包括牛筋牛腩同埋牛肚，配埋腩汁嘅湯河，味道非常之香，而且牛筋同牛肚嘅質素都好食😋…查看更多