樂園魚旦專家 (電氣道)

營業中

休息中

我相信魚旦牛腩麵/河/米係香港人一項不可缺少的食物選擇。因為簡單好味又快捷。今日又係運動前，去快食左碗麵：金牌牛三寶少米$48拼肉丸$7牛腩肉好軟嫩，偏為瘦肉，但啲肉唔會zip係牙縫。牛筋係好腍身，但保留了少少口感，有咀嚼感。牛肚好爽口。肉丸食得出係自家制，因為味道唔係出面個啲咁淡而無味一式一樣。呢度肉丸好多人買返去打邊爐架！一定要提佢既辣椒醬！佢唔係紅當當既，色偏深紅，辣味都係好搶味個種，少少似低調辣，配落碗麵一流！有得一樽樽咁買堤架！店內環境乾淨企理，有啲牛腩河店一入門就聞到大陣騷味，但呢度係冇架！

星期日中午和另外3名朋友打完羽毛球，沒有太大胃口，最好不過食碗粉麵加杯凍飲，剛巧路經電氣道有一家號稱魚旦專家的粉麵店，外觀装修不錯，決定入去一試。店內還擺放很多已包裝好的辣椒油、魚皮等，相信是很受歡迎，很多客人進來外購的。看看餐牌，花多眼亂，樣樣都想吃，但我們最後都各自點了自己喜歡的。我自己選了牛雜加牛丸米另加凍檸樂，很久都沒吃牛雜了，紅醋配上辣椒油，再喝啖冰凍檸樂，正另外朋友也點了牛雜加墨魚丸，她不喜歡喝凍飲，她說這個熱菜蜜也相當不錯另外一朋友說這家既然是魚旦專家，當然要試試，結果他選了魚旦加墨魚丸米，他說魚旦非常彈牙，墨魚丸也很有鮮味。最後一位識食朋友點了崩沙腩加魚旦，他說這家崩沙腩是他近期吃過最好的。

港式粉麵梗係去樂園, 佢嘅魚蛋、牛丸真係由細識到大。而家佢嘅店舖都新裝修, 好有香港特色。牛筋拼牛丸河粉牛筋晶瑩剔透, 炆得淋身唔韌, 軟熟入味, 黏口啖啖骨膠原, 不油不膩, 每次嚟都食佢！崩沙腩拼牛丸河粉崩沙腩半肥瘦, 清甜爽脆, 軟熟煙韌有嚼勁。呢度嘅牛丸零舍唔同, 爽口彈牙咬落去好多肉汁！記得要落埋佢嘅潮州辣椒油, 就更加惹味！凍奶茶、熱朱古力一定唔少得要飲番杯港式凍奶茶, 奶香茶靚。熱朱古力都唔錯, 甜甜地暖笠笠！

北角電氣道食店林立，試左新開嘅粉麪店「樂園魚蛋專家」由於新店開張，店舖特別光猛，以新派粉麵店為藍本，裝修得很骨子，時代感十足。鳳城水餃、魚片頭河 $37自家出品水餃大大隻，漲卜卜，好吸引！一咬落去餡bid 曬出嚟，有蝦、荀、木耳絲，最正系蝦夠大隻又彈牙，質素吾錯。魚片頭爽口彈牙，魚味足，唯一缺點就係湯底淡口左啲。金牌牛三寶麵 $48一碗麵有齊牛魔王的要求，牛腩、牛根、牛磅和牛肚，夫復何求！牛根炆軟淋中帶小小咬口，膠質十足，我至愛。牛什夠淋入味，滷水香料突出；配粗面底，男仔友都話份量岩岩好。以套餐價點左飲品凍好立克$8熱檸蜜$11

今天放工後，過來北角吃晚餐。好久沒吃牛腩河粉了，聽說樂園不錯，又抵食，於是過來試試。沒想到北角的這條街上面，那麼多好吃😋😋的。之前經常路過，今天終於有機會過來堂食了，特別開心😄 餐廳環境整齊乾淨，燈光明亮，與傳統的老老舊舊的店舖完全不一樣。讓人覺得很放心，衛生有保障。 一看價錢，也是特別抵。40塊不到，就有一碗麵或者河粉，加一個飲品也在50塊以內。我點了牛莖加魚蛋河粉，配上一支鮮豆漿，一整天的營養都足夠了。 喜歡吃辣的朋友可以落油辣椒，很是香濃勁道。下次可以配一碟蔬菜，這樣會更加健康。如果我公司附近有這樣的小店，我一定天天中午光顧。份量剛剛好，價錢也剛剛好樂園魚旦專家 (電氣道)北角電氣道254號地舖

星期天一家大小走到北角海旁近碼頭那邊，散步行下影下相，不知不覺就過了一個美好上午，午餐搵食時間，沿著電器道一直往天后方向行，那條街真係食肆林立，行行下不知不覺見到一間食魚蛋粉店，家中小孩喜歡食魚蛋，丸類等，就此便入店內幫襯下。店內空間感尚算充足，有四人卡位提供，這天亦好好彩剛剛有張空卡枱可坐。睇睇餐牌，除左有傳統魚蛋粉，牛腩麵等等食品可選外，還有咖喱飯類及各式小食可選自家制辣油墨魚丸魚蛋米，墨魚丸都幾彈牙，白魚蛋亦好鮮甜，兩款丸都是自家制作崩沙腩配白魚蛋河粉，崩沙腩是由店員姨姨極力推介，炆得都好淋，沒有太多渣，上面層有少少肥膏，食落比較滑身牛雜牛丸米，一上枱就聞到成陣‘牛’味，牛肺及牛蒡煮得好入味下午茶時段+5便有一杯野飲

今日咁岩行過北角，見到呢間樂園就想食返碗粉麵，因為真係好耐冇食平時我都有幫襯開樂園d魚蛋魚皮，佢地d魚蛋魚皮打邊爐堅正咁我今次就叫咗碗牛筋同墨魚丸河粉，再加返碟油菜啲牛筋煮得好軟好入味，份量都好多，一啲都唔孤寒墨魚丸就冇咩粉味，唔似一般出面普通急凍平價貨，好有墨魚味，粒粒都好大粒，又彈牙而河粉都好滑，佢呢間係幼河粉，湯底應該冇咩味精，好好味，我次次都連湯一齊食平心而論，好難得食到一間算平，而且牛筋都煮得咁好味嘅粉麵店

放完長假之後就係輪到博命番工嘅日子，日日都要OT無時停，放工果時已經好夜，所以想就咁食碗麵快快番屋企抖下。公司附近有間麵店，平平地一碗麵，就入左去食。.肚肺魚旦河 $41我叫左碗肚肺魚旦河，湯底加左腩汁，魚旦幾爽口彈牙，仲有啲魚肉鮮味，食落一啲都唔粉，似係落足料去整。牛肚煮得好入味，吸收哂腩汁嘅味道，幾易入口又唔會黐牙。牛肺就煙煙韌韌，三款整得幾出色。我就揀左河粉麵底，起碼唔會散收收，煮到淋哂，而且都幾掛湯，成碗麵$41 咁足料，都幾物超所值。要OT個人已經好灰，但起碼食左碗幾好食嘅河粉，算係安撫左我少少灰心嘅心情。

開業至今，一向打邊爐都買丸丸及外賣，經常消費超過$200，想不到第二次食崩沙腩河粉，好似比啲食剩嘅牛腩碎，只得幾件，價錢仲要$49 ，超唔抵食。作為一個長期街坊及支持者，大為失望。主管經理們，我建議你們最好檢測你們的大廚或經常到此店跟進食物的質素及份量。生意已經唔好，經常做推廣，點知食物質素每況愈下，所以越來越少人食啦。

知道附近開了新魚蛋粉 就去左買個崩沙腩魚蛋麵自取外賣 崩沙腩好味 但魚蛋就真係失望啦 越咬越唔對路 一啲都冇魚蛋嘅鮮味 又唔彈牙 佢唔喺圓形係一舊舊切嘅 最後仲有啲腥腥地以後都唔會再叫魚蛋啦

📌秘制牛雜飯$42食粉麵我成日都會叫牛雜，因為做工費時，淨係處理都要一日，如果自己煮要搞好耐，又唔可以煮太耐，要分批落！.今日食呢個牛雜就有牛肚，牛腸，牛膀同牛肺！仲有兩條菜心係底！牛雜煮得好冧好入味👍🏾 唯一做得欠佳既係腸！.客飯送紫菜湯一碗凍利賓納，跟餐加八蚊.秘製辣椒油🌶無得輸🤤👍🏾 加落牛雜汁入面，令牛雜既味道更上一層樓！雖然地方逼少少，但係食物質素唔錯！.埋單個陣以為可以每碗用coupon減$5點知只可以用一張，都唔緊要，得個知字！但如果個姐姐態度可以好少少就更好😂