影片
以上資料只供參考, 請與餐廳確認詳情
食家推介
🍢🥢 嚟到呢間店，真係一個字「正」！肚餓時過黎試吓，決定咗落單啦！鳳爪食落啱哂嘴，皮爽彈牙，佐料都夠晒林，食落微微辣辣非常開胃。再講下佢隔離嘅排骨，真係無得輸，肉嘅質感好嫩滑，啖啖肉嚟架！跟住大包先，係我心水揀既，個包蒸得軟綿綿，咬落去肉汁四溢，爽！🍚 叉燒包就另有一番風味，個皮軟綿包裹住咁濃嘅叉燒汁同肉，係咁一口接一口。叉燒夠味，好正！雞扎都係必試系列，雞肉嫩得滑，搭住火腿，足料足哂味！乾炒牛河就真係絕，河粉夠晒滑，牛肉嘅鮮香混埋鑊氣嘅醬香，真係滋味無窮！食完咁多，肚仔都圓滿咗。嚟呢度，不得唔提嗰份家常感，每樣點心都細心做好，每一啖都係滿足！總括嚟講，呢度嘅點心食落有種誠實嘅美味，值得嚟試下！下次仲要再嚟，試埋其他款！👍
繼續閱讀
今日一個人出嚟尖沙咀做facial，做完之後一個人食lunch，一個人最好就係去食food court我自己最鍾意食啲有菜嘅套餐，所以行咗一個圈就決定食呢間，臘味蒸雞、椰菜一碟、冬瓜湯蠟味蒸雞膽固醇好高所以少食多滋味，通常我只會係冬天先食一兩餐，蒸雞份量好多，雞肉幾滑，飯嘅份量如果可以再多啲就好啦，冬瓜湯冇加味精，飲落好清甜椰菜大大碟，其實我覺得香港好多餐廳嘅午餐都淨係有肉同飯冇咩菜，呢個配搭唔係好健康，之前喺日本旅行大部份餐廳佢哋嘅套餐都一定會配一個沙律或者菜，咁樣先至健康，飲食均衡香港人,生活節奏急促，樣嘢都好急，我最鍾意係食飯嘅時候放慢腳步慢慢嘆，所以一個人嘅時候最怕去餐廳，大部份人見到你一個人都希望你快啲走，每次我一個人嘅時候通常都會去快餐店或者food court,今次呢間真係健康又抵食
繼續閱讀
曾幾何時有來過這快餐點心專門店幫襯, 印象是不錯的, 以尖咀區來說,在四月中的一個晚上, 再同太座到此吃少少, 只係叫咗四様點心如下:蜜汁义燒飽(兩件) $17 兩個飽之中一個爆晒餡, 飽皮明顯稍乾咗dd,但尚可接受,义燒餡不多不過獻汁有點過杰,魚肚滑雞扎 $22滑雞扎是夠滑了, 但條蟹柳個色好鮮紅太人工, 味道就靠粗碌火腿,高湯鮮竹卷 $20 鮮竹卷只係鮮竹厚卷囉, 一大疊鮮竹一起咬下去的口感鵪鶉蛋燒賣 $22 鵪鶉蛋蛋白超硬因為受蒸太耐, 差一點變了鐵蛋, 燒賣則只是肉丸一粒!上一次來也是差不多是九點多鐘, 但點心質素並沒有這般差,下次同樣時間不考慮這點心專門店了
繼續閱讀
黎過幾次新港大代都無緣試試，今晚路過找緊機會。咁多間，就由樂也樓開始啦！遠望都大慨知道賣啲咩既，點心、蒸飯。行埋黎睇真啲，仲有炒粉麵飯、蒸餸飯餐添。夏天都未到已經出定冬瓜粒湯飯喇？果然要快人一步，早著先機！$38 蚊好經濟噃。用木牌展示點心名都幾古式古鄉幾吸引，比用膠牌更好，但係深啡色底配黑字睇得好辛苦。估唔到依間舖都幾大幾深喎，除左眼見樓面寬倘，另外右手邊入去仲有廚房添。調查完一大輪，到最階段要決定食咩喇。一向去酒樓飲茶都無留意點心賣幾錢，因為只係 mark 大中小點、超點特點，好少專登揀 menu 對價錢。不過依明碼實價、一目了然，原來一籠點心係咁貴架！驚訝！炒粉麵飯、點心蒸飯定價都好合理，都未算貴得離譜，只係蒸飯 $33，咩質數開依個價呢？由細到大都非常迷戀大埔 No.1 排骨飯，都唔洗廿蚊，睇黎可以驗一驗咩料先！是日獨獨晚餐一盅兩件送例湯多謝 $79 蚊，係咪正常尖沙咀價呢？無紙巾、無水、無茶、無辣椒油、自助餐具、自助調味料，自己招呼自己。個拓盤乾唔乾淨架？我唔敢放筷子匙羹落盤度囉，都係自己揸住算喇。但最終匙羹放落湯度，但太順手將筷子掉反係盤，無奈囉。觀察一下，硬膠外賣碗蒸飯？膠碗仔例湯？膠硬雞紮？膠感燒賣三粒？好驚，怪怪的。例湯免費粉葛花生湯，單點要 $18 蚊架，應該唔會係白膠細碗掛。味道又幾好喎又夠熱，粉葛同花生味都好出，但點解咁甜既？蜜棗？豬肉燒賣，明明 menu 上面有冬菇燒賣、鮮蝦燒賣，但咁啱無晒。我當然係成粒燒賣啪入口啦！溫度都夠熱，肉味香濃而且咬落結實微彈，一籠有三大粒，滿意喎。試埋跟辣椒醬食先，個醬好咸！都係食原味啦。魚肚滑雞紮，係咪堅滑先？雞紮蒸到乾爭爭，腐皮硬晒、雞柳硬晒、火腿硬晒！魚肚屬爽口型，唔係棉滑型，質地免強合格。最討厭大陸假蟹柳，硬實又甜笠笠，顏色核突，膠感十足。整體味道唔難食，入得口既。鳳爪排骨飯，無淨排骨飯，無所謂。嘩！好硬膠喎！膠碗蒸飯？大開眼界啦，由幼稚園已經開始食排骨飯既的我，膠碗都係第一次，您係勁既！大代硬膠外賣碗排骨飯感覺勁 cheap，仲要 $33 蚊添！飯粒勁濕勁腍又爛，漿住個咀，但我真係肚餓格硬食左四五啖，最後都要放棄唔食。排骨偏肥，味道滿意既。鳳爪超咸，shit！唔想浪費唯有硬食。甜豉油其實調得唔錯架，清香不太甜，不嗆不濁。點心全部食晒，例湯偏甜飲剩半碗，鳳爪超咸、排骨偏肥都食晒，飯又濕又爛頂唔順留低大半碗，最後居然係食唔飽囉！算、返大埔飲酒。
繼續閱讀
星期日準備去high-tea前由於時間尚早又有點餓，就到附近搵點吃的打打底～喺尖沙咀要搵少少野食，又有得坐嘅的確不易，突然記起新港中心下的food court~正好適合～入到去見到食物種類繁多，但最為特別的買是見到一籠籠點心放於舖前供食客選取的「樂也樓」～食物款式比想像的多，除了有一般的點心、炸物外，還有一些中式粉麵飯類。但當我們想要點炸奶黃包及魚肚滑雞扎，當天也沒有提供呢. . .鵪鶉蛋燒賣 （$20） ［評分：7/10]一客3粒，賣相不錯～豬肉餡上放了一粒鵪鶉蛋，再以燒賣皮包好，大大粒的，十分可愛～薄薄的一層燒賣皮，吹彈即破似的，入口滑膩，而底下的豬肉餡入口嫩滑並帶點肉香，配上鵪鶉蛋的蛋黃香，感覺不錯糯米飯 ［評分：6/10］雖然不是生炒的，但一向愛吃糯米食，既喜歡臘腸臘肉又喜歡糯米飯的煙韌口感～小小的一碗糯米飯，上面放有花生粒、蛋絲及莞茜，份量頗多。可惜糯米飯的口感沒有想像中的煙韌，可能是因為放在蒸籠保溫的關係吧，而臘腸粒比想像的多，但缺少了油香，不過好處就是糯米飯不算太油膩吧～樂也樓 (尖沙咀)尖沙咀廣東道30號新港中心地庫～～～～～～～～～～～～～～～～味道：6.5/10環境：5.5/10服務：5/10衛生 : 5/10抵食 : 6/10
繼續閱讀