槾悠

營業中

休息中

落雨☔️一家人🧑‍🧑‍🧒‍🧒搵食，去咗荃灣，揀咗Sloth，有位，但要諗下泰國🇹🇭嘢乜嘢啱小朋友👧🏻食，睇咗menu就walk in, 7成滿，有卡位，坐得舒服😌。叫人落order，但冇乜人，要d時間，叫咗牛扒🥩札肉煎蛋🍳湯檬$74轉龍眼冰加$3，加小食蝦餅$32，另一個餐金不換蝦頭油豬頸肉炒飯$78，轉泰奶茶🥤加$8，加小食雞翼三隻$24。等咗5分鐘有嘢飲🧃，泰式奶茶🥤好入味，醒神，正。有前菜沙律，偏甜啱我。牛扒湯檬塊牛扒🥩夠厚夠腍正。炒飯皓香，有豬頸肉粒，正👍🏻，但冇乜金不換味。蝦餅夠彈牙，雞翼香口肉嫩，皓食。Download apps有迎新優惠，同埋單前記得用Asia miles儲分。過$200有天竺鼠🐹車車🚗postcard

❄️經過見到呢度個餐好似幾抵食，仲可以一次過打邊爐🍲同烤肉🍖見幾特別，所以就試吓嚕😍😋基本上呢個「泰式火山鍋」已經包左好多新鮮肉類🥩海鮮🦞同埋蔬菜添🥬樣樣都唔錯👍特別喜歡牛肉味夠濃嘅牛板腱🐂超滑嘅雞肉🐤新鮮嘅墨魚仔同埋鳳尾蝦🦐一次過又可以打邊爐又可以烤肉🍖真係好正呀💯▫️墨魚仔▫️鳳尾蝦▫️牛板腱▫️鮮牛肉片▫️牛柏葉▫️滑雞肉▫️豬腩片▫️豬肚▫️鮮豬膶▫️金針菇▫️杏鮑菇▫️鮮冬菇▫️靈芝菇▫️生菜▫️通菜▫️娃娃菜▫️豆卜🍹食呢個套餐可以加錢飲泰國象啤🍻或者飲Jumbo 冰冰🍹我地叫左兩杯冰冰🧊分別係Jumbo 愛玉龍眼冰同埋Jumbo 芒果乳酸梳打🍹兩杯都超級大杯✅入面仲有好多水果肉肉添🥭🍒啱曬食燒肉同埋打邊爐呀🔥

普通茶餐廳水準，下午茶粉麵大概$40～$60，豬頸肉撈檬正常發揮，豬頸肉味道偏淡但配上撈檬汁就還好，牛肉湯香料味重，牛肉算嫩，兩碗份量剛好，但唯一問題就是衛生不行，食到一半才留意到碗邊有透明包裝膠袋的殘骸…..同waiter反應後，對方有說不好意思的，不過不會再光顧就是了。

今天去食早餐,食物唔算特別,價錢又貴,最大問題係啲侍應態度差,問佢攞杯水佢就勁細聲好似死左半條命咁,指下後面,水已經唔使佢拎係自助,你問佢嘢好唔願意答你,好似未瞓醒咁!簡直都不知所謂,食客是無辜的,你心情不好不要拿客來發洩,其實有份工作已經好好,不但不感恩,仲以為自己有乜咁巴閉,水浸眼眉仲懵盛盛,而家勁多人北上消費,你再係咁樣遲早冇得你做！

荃灣間唔中都會黎行下同搵野食下, 呢邊都有D餐廳可以試下, 呢間好耐之前都試過下, 所以再黎食, 不過感覺比之前差左, 海南雞份量都唔多了, 之前都係點海南雞套餐, 今次就再想試下不過有D失望...海南雞套餐, 有沙律, 味道算係OK正常.海南雞份量就唔算多, 而且有D位置都係比較少肉同多肥皮, 整體食得既肉都係比較少...胡椒豬肚湯, 胡椒味仍然都係好重好重不過豬肚只係得一舊仔, 真係比較失望...飯既份量算多不過海南雞唔多... 凍檸檬茶, 味道正常.>>>總結<<<味道算係OK不過海南雞唔多同豬肚得一舊...太少了.

試咗叻沙海南雞檬粉同泰式奶茶🍜叻沙湯底唔辣亦唔太濃，冇乜椰香。檬粉分量頗多，但比較碎同易斷。海南雞小碟另上，雞皮薄同埋爽，雞肉唔算嫩滑但都唔柴，唔錯嘅。🧋泰式奶茶唔算太甜，但茶味唔夠濃。整體來說食物真係好一般，可取嘅係環境幾好，坐得舒服，人手足夠。

點左車仔麵，要油麵，湯底揀咗泰式船麵湯底。等左十幾分鐘，侍應上菜時先至同我哋講話冇油麵所以俾咗公仔麵我話點解唔問下我哋想改咩嘢麵先至去煮？ 由於我老公已經好肚餓，所以廢事換。然後我老公發現，原本佢要求嘅湯底變咗普通清湯底！ 一睇湯底顔色就知好明顯並非船麵湯底出餐速度亦較慢，我哋星期日下午茶時段去，只有一成枱有客，但我哋等左十幾分鐘至有野食。服務方面ok, 都算有禮貌。

上次嚟食過晚飯覺得唔錯，今日再同屋企人去咗呢度食下午茶。今次叫咗個札肉豬扒葱油撈麵。嘩！嚟到嗰碗麵….一粒葱都冇，炸過嘅札肉「益」味。到底放咗幾多日？垃圾級食物！永不會返轉頭再食囉！

裝潢唔錯既泰國餐廳🇹🇭📍椰青美式咖啡☕️呢個好特別 濃濃既齋啡倒落去椰青到原來個味道係咁夾出面好小餐廳有呢個飲品 值得一試👍🏻📍生菜包🥬新鮮既生菜+豬肉碎炒乾蔥我地叫唔辣 都好好味如果鐘意食辣既話 加辣應該更出色👍🏻📍炭燒魷魚🦑好新鮮 明顯唔係隔夜個啲再加佢埋個泰式汁 野味😋📍牛肉炒無米飯呢個真係要推介一下營養豐富得黎有飽肚感新鮮滑牛肉加椰菜粒口感好似食緊飯咁但又唔係幾特別 而且又真係飽肚滿足到減肥人士需要👍🏻📍焦糖雪糕雞蛋仔🍦純粹諗住叫個甜品比小朋友食最後連大人都爭住食😂😂雞蛋仔好脆口 啖啖有口感唔會係空心 配埋雪糕 好好食😋

呢間其實根本就係一間港式茶餐廳，完全係冇任何越南或者泰國食品嘅味道。入到去點餐，用QR code。但同餐牌啲嘢係完全唔對。原來佢話因為冇檬粉冇得撈，所以凡有檬粉咩檬嘅嘢都顯示唔到，但係有啲係檬粉嘅嘢又點到。都唔緊要，因為可以轉湯粉我話冇所謂。點知嚟到又無啦啦俾咗個冬陰功唔知咩我，之後俾返一個正常嘅湯米線，但係我要嘅係豬扒，佢就落咗雞扒。朋友係食冬陰功雞扒，但係個冬陰功只係有少少酸味，其他香料嘅味係完全冇嘅。其實點餐又點錯，嘢食質素真係夠救命。餐廳嚟講煎嘢完全冇另上仲要成嚿就咁浸住喺湯入邊。仲有塊唔知係扎肉乜嘢，只係食到辣同酸。

槾悠您好！我和朋友於2024年11月2日下午兩點多光顧了位於荃灣中染大廈的槾悠餐廳，特此寫信表達我對貴店優質服務的嘉許。當天的用餐體驗非常愉快，所有店員都非常耐心有禮，讓我們感受到賓至如歸的服務。餐廳的環境也非常舒適，為我們提供了一個放鬆愉快的用餐氛圍。食物的味道也很不錯，讓我們享受了一頓美味的餐點。雖然甜品雞蛋仔雪糕的味道稍遜一籌，但這並不影響我們對整體用餐體驗的滿意度。總體來說，這次在槾悠的用餐經歷是非常不錯的。再次感謝槾悠全體員工的優質服務，期待未來能再次光臨。

見lunch好耐冇食過呢間就入嚟試試lunch 有set 可以揀選擇都幾多而且份量都好大依家仲新出左冇米飯，感覺好健康同枱嗌咗豬肚雞米線可惜食到一半發現有個疑似膠袋嘅物料係入邊職員都好幫得手，即刻收走碗嘢，主動比個9折添

真心超差！叫咗2個普通早餐等咗40分鐘仲要係催咗幾次先到員工解釋話出單部機壞咗叫我哋等吓跟都唔跟隔離枱遲嚟30分鐘送餐仲快過我哋張枱，只係order 咗2 個米粉加炒蛋，唔講以為係All Day Breakfast, 最過份個蛋嚟完食咗一陣間個員工輪流過嚟問仲要唔要超級趕客！

今日同個女經過中染大廈，見到餐廳出面好靚，所以就入去試吓，叫咗個海南雞飯同大蝦金邊粉，一個椰青同一杯手標奶茶，上菜速度好快大約等咗五至10分鐘就有，值得一提就係服務態度好好，環境舒服👍

今日因工作關係嚟到荃灣，天氣實在太熱，搵個商場涼下冷氣先，行行下見有D肚餓，搵間餐廳幾特別就去醫下肚先，見到槾悠餐廳門口D餐牌好靚，就入去坐低，環境幾舒服，播住音樂。睇下個下午茶餐牌，又幾多選擇喎，叫嗰啲員工幾後生，就問咗佢哋有咩推介，聽佢介紹咁吸引，佢哋介紹咗幾款甜品睇落去都好似幾正咁，嚟到真係好靚，打卡一流，絕對係hightea嘅好地方，下次再來荃灣，一定再試😻🫶🏻重點：餐廳幾乾淨、後生靚妹但服務又幾好，經理帶位好Nice ，佢哋幾熱情幾有禮貌，下次可以帶埋朋友仔嚟幫襯下。