槟城海南雞飯專門店

今日同媽媽，工人姐姐去食lunch,叫咗3個餐，2個咖喱豬扒飯，1個肉骨茶，1個風山水起飯，這店是先買票的，當時店內沒有其他客既，只有我們1枱客，剛坐底未夠3分鐘同剛問緊姐姐食咩，已經俾人講2次話要先買票，我已回應我知道，想睇埋食咩先1次過出去買，好啦到出去買，講咗要咩，跟著到講話想要果個撈飯，佢問是否風山水起果個，我話我睇睇先，已經係5秒內覆佢係，就俾佢話啦，佢話都問你係唔係依個架啦，態度已經好差，到俾錢佢話202元，我俾500元，佢問我有冇2元，我話有呀，咁咪拎2元俾佢囉，咁又要俾佢話，拎2元出嚟咪完事囉，我龙返300元俾你，好啦，買完到行返埋位，我媽已經講個老細都好串喎，態度咁差，我話唔好理佢，最多下次唔幫襯。跟著先嚟2碗湯，姐姐碗湯俾咗我媽咪飲，姐姐碟飯嚟，因為冇匙羹，咁姐姐出去拎，店舖阿姐見到話每人只可以1枝匙羹，所以因為姐姐拎咗枝匙羹，所以到我碗湯嚟時，就唔俾匙羹我，叫我用我媽用過果枝匙羹，我果吓已經o咗咀，我已好平心静氣咁問，唔緊要，咁我想要多枝匙羹要幾多錢？店舖阿姐就話唔係錢既問題，係要洗多隻匙羹問題，跟著個老細男人即時開波爆哂粗口咁鬧我，叫我唔好有要求，好老實我嚟係食飯，唔係嚟俾你鬧，所以我都不甘示弱咁爆返佢，仲有佢話我都係做服務性行業的，食餐飯咁麻煩，我想講我只係要多枝匙羹就叫麻煩。最後想同依間店講，我絕對歡迎你放cctv片出嚟俾大家評評理，仲有如果唔想洗野，大可執咗去，又或者叫人自備碗筷先好去貴店幫襯。…查看更多

誤打誤撞比樓面招牌吸引咗入去，環境同餐牌design就係好街坊飯堂感覺～老闆落單爽手，唔會話佢好有禮貌當你貴賓，但就係有種好地嘅親呀叔親切感🤣不過人手唔係好夠，peak hour時段可能要等等。食左個雙拼雞飯，雖然唔係天花板，但呢個價錢覺得幾抵食！個飯仲有椰香味，同埋個飯唔會油林林都有雞油味，齋食飯都好好食！（建議再加豉油辣醬仲好食！）個湯都好好飲😭絕對唔係其他負評講咁差😔下次會試埋辣屎啦媽果啲🙂‍↕️🙂‍↕️…查看更多

為咗警世，特登dl openrice! 睇下文！本人去完馬來西亞之後，見檳城兩字就打算試吓。本身好鍾意食laksa ，以為laksa都好難出事。點知，未食過咁既laksa，用咗10分鐘食完火滾離開。佢上菜速度極快，因為，所有野都係鹽水煮完放面。個”laksa”湯，係辣油水味。 食物，係無味！嗰陣時有另外兩個人入黎，我差啲忍唔住叫佢哋搵過第二間，唔好中伏。浪費哂我嘅金錢、時間同期待。如此恐怖經歷一定要寫出嚟俾人知。…查看更多

槟城海南雞飯專門店，位於九龍灣宏照道25號源發工業大廈地下3A號舖。 門面裝修唔吸引，但因為這邊晚上冇地方食飯，所以都入去一試。 ▪️中式湯 ～ 味道好淡， 溫度微暖。   ▪️海南雞飯$55 ～ 不像平時吃的海南雞，有點像港式白切雞， 味道普通。 ▪️柱侯牛坑牛筋飯$56 ～ 只有牛腩沒有牛筋， 口感非常硬，支竹都是硬的。 ▪️豆漿$12 ～ 後期點多一支豆漿，淡而無味。 食完都好無言，唔會再有下一次。 🏷️溫馨提示～ 整個用餐體驗均屬個人分享意見， 只作參考😊。 …查看更多

嚟咗九龍灣呢個鬼地方返工有幾個月， 行過見到呢間餐廳就試吓啦，食物質素可以。但態度就非常惡劣！ 其實我差唔多每一日都喺度食飯，幾個月裏邊已經唔係第一次見到佢同客人嗌交。平時都唔理佢，心諗自己食完就走啦，唔關我事。但係今次喺我身上所以冇辦法。都要評論一番。因為本身想要熱嘢飲，費事啲飲品嚟到攤凍晒,試過話之後先買，佢話好忙唔可以！搞唔到。之後我就叫佢「盡量」後上, 縱使之前佢都冇理過我，都係好早上咗，我都算。唔知今日佢做乜咁係咁鬧我，其實我已經將就。這是一間態度非常差的餐廳。食完好唔開心！…查看更多

女侍應/女老闆的態度超級惡劣，她的控制慾超強，指明你要坐係邊，逆她意思的就不停叫你坐返係佢安排的位置，見你友善啲就更加變本加厲，對唔同人有唔同的態度，但唯一相同的就係指明你的坐位，話要留返啲位俾2人，4人。事實上根本食客不多，那裏有客啊，因為佢嘅態度就係趕客，食到一肚氣。食物質素一般，不太新鮮。…查看更多

叫一份小食雞翼外賣自取，老闆態度極臭串極惡劣「叫一份雞翼炸？」，唔俾淨叫一份小食麻煩唔好寫係餐牌，幫襯仲要受氣，體驗極差，以後不會再幫襯，野又唔係特別好食，唔憂做嗎？…查看更多

香港最好吃的海南雞飯！ 老闆一個人親力親為。叫左海南雞 送靚湯 無味精。價錢質量很親民。環境樸素又乾淨 很舒適。The best Hainanese chicken rice in Hong Kong! The boss does everything himself. I ordered a Hainan Chicken Rice, it comes with complimentary delicious soup without MSG. The price and quality are very affordable. The environment is simple, clean and comfortable.…查看更多

一入去問佢三寶飯有乜，啲餸唔啱食，叫返海南雞飯。已經唔係好高興。俾完錢叫我坐埋便，有張吉枱，一行過去已經叫停我。我：你限左人坐邊㗎咩？佢老闆：你一個人坐咁大張枱我仲洗做生意嘅？我：咁我唔食啦，俾返錢我！佢老闆：唔做你生意好閒！我：你叫人坐埋邊㗎！唔該！##############################1. 你係無乜生意2. 你態度唔需要咁差3. 你唔好似老賣老##############################…查看更多

九龍灣檳城海南雞小店，主打一個平字。不過其實見到收銀枱老闆左手斬雞，右手收錢，都有少少驚，但有帶手套，服務態度亦算良好。店內位置唔多，一般都嗌外賣，但雞飯份量真係好少，雞肉得幾件，飯就一大碟，女仔都未必食得飽。…查看更多

中午高峰期已過去了 大概接近下午兩點鐘去吃飯。很多空位子就隨便坐了下來。服務員要我移位和別人搭枱。我問她反正很多空位子可否坐原位。她沒有回答。過了一分鐘就堅持我換位子。我問她是不是命令我換位子櫃檯老闆就破口大罵。不但問候娘親還叫我不坐可以不吃。我當然立即離開。幸虧戴了耳機聽不到他的謾罵。…查看更多

12點放中午飯, 見咁耐冇嚟呢間餐廳就試下啦, 店內得幾位客人, 仲未坐滿半間鋪頭點知入座冇耐, 突然個男老闆面紅耳赤好大聲咁鬧個年輕女客人 [食個幾十蚊嘅飯多多要求, 唔好咁多要求... ] 又話[點樣交租呀?! 你幫我交租呀....... 凍就著褸.....................(下刪幾分鐘的字)]  最勁係個女食客好冷靜咁回覆, 佢自己細細聲問靚女(職員)問題, 使唔使咁大反應呢, 仲叫老闆唔好咁大聲鬧啲客  對話間得知呢個食客店開張冇耐幫襯架啦,  老闆即時好大聲講因為間店啲野好食啫........ 個女食客神回應啲嘢係好食(!), 但係你咁大聲鬧客, 而佢諗住開心食餐飯, 咁樣佢好難食得開心, 仲回覆老闆唔好有要求呀嘛...... 最後有個女職員叫老闆唔好再出聲...老闆靜左一陣跟住自言自語據前文下理和先到的朋友口中得知, 個食客唔想坐冷氣風扇位, 因為凍, 問可否坐後面, 就係咁小事  點知咁就俾老闆鬧, 相信如果唔係order時要俾錢, 佢應該會起身走人 (我諗我會係咁啦), 老闆喺舖頭咁大聲唔停口咁鬧個客始終唔係咁好嘅, 而個下我同個朋友都嚇左一跳, 都怕誤踏地雷坐多陣留意到老闆會要求啲客坐邊個位, 而我呢啲唔係經常黎嘅客,就應該唔會知5號枱1號枱其實係邊張枱~至於食物方面, 飯唔夠熱, 薑蔥油和豉油直接倒在淋在飯上, 好鹹, 我地點嘅雞雖然唔‘鞋’口,但未熟透, 部分雞肉有血紅色, 費事講啦，廢事老闆鬧我地，所以唔明點解嗰位食客話好食.... 坐坐下都發現幾涼,加上呢排天氣涼咗, 啲飯好快吹到凍, 一凍啲飯就好硬..... 餐廳只接受現金,老闆收完錢之後會斬雞,唔知個陣佢有冇帶手套, 冇再留意啦,食物質素再加上一件花生前菜, 應該都唔會再黎啦, 反正附近都有好多選擇建議前去嘅食客唔好有咁多要求,反正想飽腹, 食得夠鹹,唔肚痾，都可以嘅   …查看更多

本來想去九龍城買海南雞同朋友聚一聚,咁啱經過九龍灣,見到呢間舖頭, 就喺度買啦, 嘩 !!!  $190 ? 心諗, 咁貴嘅?? 是但啦, 試下啦, 上到去打開個盒之後覺得隻雞顏色有啲淡, 但份量ok, 有兩盒, 唔落醬就咁食覺得真係淡而且冇乜雞味, 蔥油, 辣醬, 豉油味道唔係咁好味, 因為淨係買雞所以試唔到佢啲油飯同埋例湯. 總括嚟講唔似海南雞, $190一隻唔值, 不過我都支持本地小舖, OK 啦 !!…查看更多

成日做錯order 、 味道又鹹、 同佢哋講返又態度惡劣。永遠唔會幫襯!次次都講咗話唔要蔥油，永遠都落一大劈落去。返去換又話係你冇講清楚！又話出咗街冇得換，浪費lunch time D 時間鹹到食唔到咁滯！…查看更多

落單叫海南雞跟白飯汁另上，落單條友竟然話「唔好咁多要求，我地會執比你」。結果外賣拎到番公司一開盒就已經有大大Pat蔥油直接放面，而且飯同雞既份量少得可憐。食落口滑就係滑既，不過係因為成口都係油，雞既脂肪連皮仲多過肉，成位飯食唔飽之餘仲要成口都係油，結果$50蚊食左一肚氣，永久Blacklist。叫得「海南雞飯專門店」，啲雞肉搞到同普通燒味鋪切雞無分別，完全唔知點解依間野係同區仲生存到，有選擇既情況下建議大家唔好浪費健康同金錢。…查看更多