榮記粉麵

營業中

休息中

這家車仔面香港人都知道，它可能不是最好吃的那一家，但每過一段時間總會想念這一口湯底和幼麵銅鑼灣的這家榮記粉面可以說是我的食堂了哈哈哈，因為物美價廉，還是陳奕迅也打卡過的！榮記的湯底鮮甜，醬汁濃郁，配上超多分量的魷魚腳，牛腩牛筋，吃下去真的很爽很好吃！牛腩牛筋也被煮的很軟爛，湯汁的味道也很好的溶了進去。此外我還很喜歡吃這家店的卤汁雞翼尖，每個都小小的，但是煮的很入味，和朋友點一盤一起吃真的很贊！

銅鑼灣行街是但入一間醫肚，唔知係咪有小紅書推介，店入面九成大陸人，未開始食已經知道唔會再食第二次。坐位安排差，細細張枱有幾滿坐幾滿。當你唔小心坐左張唔係佢expect你去坐既枱，個職員會用好串既語氣話你。員工態度差。眼見個個遲過我落單都已經食緊，就問下個職員，佢既回覆係：唔係黎先就有得食，我地係用落單順序。重點係我落單係早過哂佢地，然後個職員黑一黑面就頭也不回走左去。食物味道一般。唯一欣賞係個豬紅，其他都係一般。總括然而，唔係餓死都唔會再入去食。

雙拼車仔麵 $38******************************朋友推介嘅車仔麵中午過去食個fast lunch未行到門口已經聞到好香嘅腩汁味令人食指大動嗌咗一碗雙拼車仔麵一見到碗湯非常驚喜好深色好濃好香!!!😍即刻好後悔冇嗌到蘿蔔做餸😂anyway個湯底真係太正我相信無論嗌咩餸只要掛咗牛腩湯汁都會非常好食🤤***食麵期間不斷聽到有人嗌咖喱辣醬墨魚頭相信一定係榮記嘅招牌美食可惜我已經食飽咗唯有下次再嚟試🤭

又到左我中意嘅車仔麵環節，銅鑼灣數一數二嘅榮記點都要試一試佢! 今次嗌咗個兩餸麵加可樂。2️⃣一黎就見到個湯好深色，飲落好濃郁，有落最點精嘅蔥花。3️⃣今次揀左粗麵，個麵啱哂用黎掛湯，麵質遍軟，口感算可以。 4️⃣兩餸揀左韭菜餃，size算叫細粒，皮算薄，餡唔算多，有兩粒5️⃣另一樣嗌咗牛腩，質地幾軟淋幾入味，份量都算多食到尾都有幾多西洋菜係底，感覺都好似健康咗。總結出餐都幾快，職員都幾nice，味道性價比都高，幫襯多d有質素嘅小店，令大家可以繼續keep住香港地道美食文化! ------------------------------埋單 $39+ 可樂$9性價比 🧡🧡🧡🧡🖤辣醬✔

本人好喜歡食車仔麵🍜，越懷舊越地道就更加喜歡，喜歡它可自由選擇食物種類、粉麵類。榮記已食過幾次，每逢到銅鑼灣要食車仔麵的話，必推介食此店。今次三人行，午餐時間，可能是平日關係幸好不用等太耐就可以入坐。蘿蔔、牛丸、魚肉春卷、米粉🍜蘿蔔好甜，一次食比一次甜，雖然係當造季節，但那種甜味不太自然。牛丸肉質還可以，但好細粒，而且份量只有兩粒。魚肉春卷有點兒失望，份量少及內餡嘅魚肉少之又少。蘿蔔、魚片頭、豆卜、河粉🍜魚片頭正常水準豆卜反而有驚喜過魚肉春卷豬大腸、牛筋、雞翼尖、河粉🍜豬大腸係必點餸之一，夠入味，好好味牛筋就不過不失雞翼尖入味而且相當軟身每逢食車仔麵都必加腩汁，亦喜歡加枱上嘅辣椒油。可惜今次我覺得腩汁偏咸，以前比較好味，但榮記嘅辣椒油與別不同，不會單一辣味，味道層次多好豐富，果然係自家製。

平時去開間salon喺銅鑼灣渣甸街附近💇🏻‍♀️有日準備染髮前見肚仔餓🤰🏻諗住搵間車仔麵店快吃一波🤓打開openrice見到呢間傳統港式粉麵餐廳印象中聽過個名幾出名一於過嚟試下🤔嗌咗個雙拼車仔麵$38牛腩 魚腐 油麵底😋加麻辣醬$4銅鑼灣嚟講一碗車仔麵價錢幾抵👍🏻本身招牌湯底腩汁濃郁👀加上麻辣醬汁特別惹味👅仲配上幾條通菜代替常見既芽菜/韭菜幾欣賞因為平時唔中意食米線、車仔麵時會配芽菜/韭菜可惜係餐廳飲品選擇只有罐裝汽水/支裝水/豆漿😩對於一日至少一杯凍奶茶嘅奶茶控嚟講略嫌失望😟唯有食完行去對面街買杯珍珠奶茶🧋

由中學食到依家嘅車仔麵🥺 銅鑼灣有兩間榮記，兩間都食過，但我始終鐘情渣甸街呢間！我最愛墨魚頭、雞翼尖、羅白，每次都必點。其他地方好多舖頭一係爽口冇味，一係就有味但係淋之之，而呢度墨魚頭爽口但係又有滷水嘅味道，幾正🙈 而雞翼尖同羅白都超級入味，羅白仲要好甜無渣！我好鐘意食呢度嘅油菜，次次都係搭腩汁，因為佢永遠撈埋腩汁，唔係水汪汪幾滴個隻，而係撈好每條都沾滿曬🥺 超重口味但我真心鐘意！另外，食得辣嘅朋友可以加啲佢哋嘅辣椒油，但係記得要少少少少咁樣加，因為本身都真係幾辣🤣 腩汁湯底加啲辣，真係超級惹味開胃！ps 如果唔鍾意腩汁嘅記得提前落order時講，因為每碗都係濃味腩汁湯底🤣

職員態度出名差，食物水準一般已經喺好多身邊嘅朋友聽過；今日親身感受到，真的覺得名不虛傳，真係……，如果唔係貪方便，真係唔會考慮食😭😭😭職員落單時已心不在焉，點餐後又過來再問；食左三分一嘅時間發生少了兩款餸，同落單職員講，佢先話其中一款冇落單😤😤😤之後比返有order的其中一款餸我，仲要教訓我話碗麵嚟嘅時候睇吓齊唔齊😡😡😡請問你落漏單，比左野，客人係最大責任嗎？？？真心唔會有下一次😤😤😤😤😤重點係……職員為

同朋友行街前決定食d 野醫肚先，諗緊米線定車仔麵，最後朋友揀咗車仔麵。係銅鑼灣如果想食車仔麵，一定會諗起榮記。今日都唔意外要搭枱，好耐冇食過，每次都係食墨魚頭牛腩蘿蔔呢三個餸。今日其實都係，不過墨魚頭決定叫個小食，咖哩辣醬墨魚頭 $42，牛腩蘿蔔油麵（走蔥）$38，另外叫支豆漿 $10。碗車仔麵其實佢會配少少通菜，個腩汁真係好正，夠晒味，蘿蔔冇渣夠甜夠淋，牛腩入晒味又唔會硬，碗麵睇落好似唔係好大碗咁，但食落其實個份量啱啱好。個咖哩墨魚頭夠惹味，食多幾舊仲會覺得有d 辣🤪，刺激下味蕾，朋友後尾要浸落湯先食😂，一碟兩個人share 啱啱好。p.s. 因為朋友同我叫一樣嘅餸，所以冇影佢個碗喇🤣🤣

呢間舖頭我由小學食到出身做嘢㗎喇！😎 開咗好多年係老字號！ 銅鑼灣嘅街坊一定識佢！ 腩汁個精華成碗都係！基本上每一啖都係 😆 個湯仲要係深啡色！其實佢每一碗都係Default有腩汁，如果你唔要嘅話記得同佢哋講 😆 我叫咗個牛筋牛腩雲吞河粉，牛筋固然就超級林啦！呢間舖頭由細食到大有品質保證😎 我亦都試咗朋友一粒墨魚丸，食得出係自家DIY 製😎😎 我就建議食河粉啦!! 因為每一條河粉都可以索晒好多腩汁，食到你哇一聲 ☺️

講到車仔麵榮記一定係喺香港我最鍾意食車仔麵排行榜頭三甲之一湯底濃郁.d餸都好好食😋-墨魚頭牛筋米粉墨魚頭係必食.爽口彈牙牛筋炆到好淋.味道好濃郁好正🤪因為河粉.米線比較肥.但係好吸湯.唔怕肥絕對要試吓😜而我個人比較鍾意食米粉本身碗裏面會有埋通菜加埋一齊食好好食!仲有佢哋嘅豬紅.冬菇.牛肚.豬頸肉.豬皮都好好食今日唔算好肚餓所以食咗兩餸!總結：如果大食嘅朋友可能要加底.個麵唔算好多.而個湯底會比較濃味.食完都會略嫌有啲口渴.但可以接受.食得辣嘅要加埋枱面嘅辣椒油.超香好夠辣好惹味.價錢我覺得合理.已經識咗超過10次超級鍾意❤️

想食個快飯就匆匆回家記起哩條街有好多小店粉麵舖都有好幾間又想食下菜於是隨便揀一間坐低今天卻好運遇上好味的餐廳有好多特色餸如豬大腸我就揀咗墨魚頭雲吞都有兩款揀蝦仁同韭菜餸比米粉還要多也非常入味加埋通菜無諗過係一碗滿滿的食完飽到不行非常好味滿足叫埋汽水成餐$70有找都幾抵

.📍店舖：榮記粉麵📍#饅頭去銅鑼灣 #饅頭的港味道————————————————🥢墨魚頭豬大腸蘿蔔豬紅米線 ($52) ▫️咖哩辣汁 (＋$4)四餸車仔麵要成50幾蚊其實頗貴，但又真係幾好食😂。首先佢哋嘅腩汁湯底好有驚喜，湯頭油份偏多但入囗唔會過油，牛腩肉味、醬油同薑蔥三者味道互相平衡，香氣濃郁不過鹹，緊接著有白蘿蔔鮮甜散發於口腔，就咁加米線食已經好夠味，以至於個咖哩辣汁撈埋落去之後反而有啲失色，但依然惹味；另外呢度嘅湯底仲會加啲通菜畀大家，增加下爽脆嘅口感。米線雖然唔係今次嘅主角但質素都唔錯，滑身具彈性，唔會一夾就斷，而且都幾鎖湯汁，確保每一啖都唔會冇味。呢度嘅配餸好好食，特別係墨魚頭，大大嚿非常爽彈，煮嘅時間啱啱好，唔會搞到冇曬水份好似嚼硬膠咁，但又足夠入味；豬大腸亦係另一個好推薦嘅餸，清洗得好乾淨完全冇異味，冰糖鹵水同酒香成功滲入大腸肌肉纖維，外圍軟腍內裏組織緊密有彈性，大腸內部保留些小豬油脂，脂香夾雜鹵水香甜，非常香口；蘿蔔分量異常地多，每一嚿都冇渣但不過爛，充足吸入鹵水汁從而色澤變深， 又唔會畀鹵水完全蓋過原味清甜，豬紅其實都做得好出色，大塊得嚟似鴨紅軟滑，結合湯底唔會食到腥

Ooo老字號腩汁湯底車仔麵ooO成日食西餐有時我都好掛住中餐😀其實我係好鐘意食🚗車仔麵既😍銅鑼灣呢間車仔麵食左好多年，佢嘅濃汁湯底喜歡濃味既就岩曬😊仲有佢湯底既西洋菜食開既都會喜歡。OooooO三餸車仔麵一如既往蘿蔔入晒味😍濃濃既湯底好地道香港口味😄而家大家食嘢喜歡淡啲，可能覺得太濃，但係果隻味又真係會令人掛住😂久唔久食下好滿足，如果可以配到玻璃樽裝可樂就perfect 。唔知之後會唔會有🤨

食嘢欠佢全家，衰過澳牛錯野又唔換，走青變有青，清湯變腩汁，錯就錯左，換就唔換明明一個人又係坐半張圓枱，兩個人又坐圓枱，周圍都係位，紅雨都要你企係出面淋雨係都唔比人入