榮記粉麵

呢度嘅招牌係腩汁湯底，一上桌就被濃郁嘅香氣！湯底濃厚入味，，鍾意濃味嘅朋友一定大愛！（不過如果偏好清淡，可能會覺得稍為鹹咗啲，建議同店員講想要淡啲嘅湯底！）蘿蔔清甜爽口，吸收腩汁精華，墨魚頭彈牙鮮脆，咬落滿口海鮮香；豬紅嫩滑入味；魚肉春卷略為普通，下次就未必再點呢一樣！上菜速度都算快，午餐時段等咗一陣就有位要咩餸 $41x2 （兩碗雙拼）▫️蘿蔔▫️魚肉春卷▫️豬紅▫️墨魚頭.麵底🍜▫️米線▫️粗麵.湯底🥣▫️腩汁…查看更多

如果講銅鑼灣車仔麵，其實呢間都算出名，但我都係第一次食。餸嚟講係幾出色，但大扣分有一個位係，叫咗佢一份魚蛋，十粒左右，係我哋冇留意價錢，但居然要成$45？。？一粒成$4.5，味道係普通正常。但呢個價錢太誇張🥲🥲另外車仔麵如果加咖喱醬嘅話都要加$4🥲🥲🥲🍽️叫咗一個河粉一個油麵，麵質都係普通車仔麵質素啦，不過佢個湯係好濃味嘅，好食嘅。加咗個咖喱醬就冇乜咖喱味，都係唔辣嘅。🍽️餸方面，必叫係蘿蔔，真係好入味好腍，唔會食到有絲。之後個人認為如果魚肉春卷都幾好食！如果想食魚蛋記得喺個餸度加唔好散叫😮‍💨豬紅同雲吞都正常。🍽️另外加左個腐乳通菜，個人覺得個汁有啲奇怪唔太好食，本身個面都跟住啲通菜，其實唔使另外叫。…查看更多

有晚想食車仔麵係銅鑼灣行行下就入Lee間食基本上係full house 好多人食（雖然入面位置有啲逼，袋都要抱住😂）係銅鑼灣黎講，佢啲價錢都算係咁叫三餸我都覺得幾抵友人問職員啲幼麵爽唔爽，職員好直接話唔爽架😂叫佢揀油麵我自己係叫幼麵，的確唔係爽口個種，偏腍但又幾掛啲牛腩湯汁🤔當然，牛腩係好食嘅，大舊、多肉又夠味，唔算好韌～墨丸都OK，幾彈牙另外，我地叫左淨通菜～我覺得啲菜加埋佢啲腐乳，好好食😋…查看更多

其實呢間粉食過好多次，態度不嬲都好差，環境又迫，次次等碗麵至少20分鐘以上(未計排隊等候時間)，食佢真係為佢個湯底汁。不過今次真係俾一個操大陸鄉音有畫眼線嘅女侍應激到火都嚟，以後唔會再幫襯！星期日果日上左樓上，得果一個女侍應落單，咁因為朋友唔食牛所以叫唔到佢地個湯底，得清湯揀但又聽人講好淡無味，就問有無得加汁，咁就話有咖喱汁，但要加成4蚊，咁朋友中意食燶味，就照叫左。點知嚟到佢係就咁俾一細碟汁，唔好提個碟有幾細隻，佢個份量仲要裝唔滿（見圖）都算，我地望個色勁唔咖喱，就搵隻無食過嘅筷子試左少少個味，我地完全食唔到咖喱味，只食到超辣同好咸嘅味，難食過我就咁落佢枱面d辣醬。我於是同個女侍應講，呢個唔係咖喱，完全無咖喱味，個女侍應就只係不停講呢個就係咖喱，反問我係咪我講錯想要其他野，我話唔係，我就係要咖喱但呢個唔係我地認知嘅咖哩，我話我要cancel，個女人勁差態度咁話呢d就係咖哩，佢地果d咖哩就係呢d，話我地食過無得cancel，問題係我唔食過點知根本就唔似咖喱？結果就係要我地俾四蚊食d唔似咖喱嘅“咖哩"，仲要勁辣，根本就係辣醬，似好濃味嘅辣汁多d，講真本身佢個份量一小碟裝唔滿嘅汁要收四蚊已經好唔合理，佢仲要俾d咁貨不對版嘅野我，然後仲要個女人態度極度惡劣，話佢地嘅咖喱就係呢d，無得cancel都無得換，佢對客人嘅差劣態度唔知以為佢係老闆娘，但如果佢係老闆娘就認真是倒自己米，今時今日咁嘅服務態度係好失敗，如果佢以為靠佢d湯汁，就算咁嘅服務都仲可以留住人，就真係大錯特錯。事實上我都唔會打算再幫襯，再好食嘅野 (講真佢d送都唔係樣樣咁好食, 好多都好普通)，但要我貼錢受氣、食貨不對版嘅食物、等成20-30分鐘(未計排隊等候時間)，食一碗又唔係鑲金嘅麵，sorry不了，永無下次！…查看更多

位於銅鑼灣嘅榮記 係細細個中學時候嘅飯堂今次就叫咗蘿蔔豬大腸魚皮餃米粉加底個人覺得佢嘅餸係偏多，但係面嘅份量比較少。蘿蔔炆得好腍超入味，豬大腸冇臊味 加埋辣油冇得頂👍🏻十分推介…查看更多

銅鑼灣 lunch 明明有好多選擇，但係唔知點解每次一去到銅鑼灣，對腳就會不期然行咗嚟榮記🤣🤣🤣計下計下呢間車仔麵一食就食咗十幾年，每次去到都情有獨鍾叫「豬紅➕蘿蔔➕牛筋➕魚肉春卷 河」。原因好簡單，因為 豬紅夠滑、蘿蔔夠甜、牛筋夠淋，至於春卷，其實無咩特別，純粹個人喜好🤣🤣🤣除咗啲餸之外，仲有個濃郁嘅湯底都係令我回味無窮。不過呢間店舖，除咗食物質素好得之外，環境衛生就只屬一般，至於服務方面，就見仁見智啦，我個人嚟講就覺得係可接受範圍之內。始終一間車仔麵檔，我唔會要求佢有5星級服務嘅😅😅😅…查看更多

由細個食到大，都係鍾意食榮記墨魚頭雞翼尖豬腸米粉好可惜最近去都比較味道有啲唔一樣！同以前有啲唔同，唔知點解個湯底有浸味真係好失望，近兩次去都唔係幾好食😞不過個墨魚頭呢都依然好好食嘅雞翼尖都唔錯嘅，呢兩樣嘢都係我必點…查看更多

每次行到銅鑼灣都會掛住榮記呢碗油麵！麵底選咗粗油麵，煮到剛剛好嘅韌度，拌勻豉油後油潤香口，每條麵都掛滿醬汁，咬落有陣麥香🤤 魚蛋必試！質感彈牙到「卜卜聲」，魚味濃郁唔腥，鹹淡啱啱好。雞翼尖煮到骨都軟，皮肉吸滿鹵汁，鹹中帶少少甜，輕輕一啜就骨肉分離，連骨邊肉都唔放過😋 湯底清鮮帶甘，飲落唔會膩。細細間舖頭充滿舊香港風味，坐低食碗粉麵，成日疲勞都消咗～…查看更多

#20250516 📍 榮記粉麵 銅鑼灣渣甸街43號地舖 🍽️銅鑼灣糖街27A號地舖➖➖➖➖➖➖➖➖➖➖➖➖➖➖➖➖➖#三拼麵 $50 🥢 #炸麵筋 #牛肚 #豬大腸 #米粉 💭 係條街度來回行左一陣都諗唔到食咩，見呢間入面唔多遊客，大部分都係啲香港人收工去食，就決定入去試下😎夜晚七點幾既時間已經有啲野賣晒😅本身麵筋以為係生根果隻口感，點知佢係好厚身紮實既，同碗麵唔係太夾，豬大腸肥得有啲過份，真係嗱喳麵既level🙈不過佢個牛肚係出色既，又淋又入味，唔錯🍜. #四拼麵 $58 🥢 #豬頸肉 #牛腩 #魚肉春卷 #蝦肉雲吞 #河粉 💭 呢間舖啲野既特色似係所有野都滷得好入味咁，其實唔使加錢要啲咩特別汁落個湯底度，就咁腩汁都已經夠晒味，牛腩同牛肚一樣好淋好入口🐮豬頸肉淋得尼但無咩味有啲奇怪，都係會想食返平時啲爽口彈牙既豬頸肉🐷個魚肉春卷同雲吞都好似煮左好耐，淋到有啲散散地既感覺，唔太接受到🙃.#咖喱辣醬墨魚頭 $45💭 發現呢度既鎮店之寶應該係佢個咖喱辣醬，見佢有幾款小食都用呢個醬，最正既係佢唔係將個醬就咁淋係面就算，佢係同啲墨魚頭一齊炒到乾晒身，所以非常入味，個墨魚頭爽口彈牙，係是日mvp，不過呢個醬都唔惹少，的確有啲辣，怕辣既朋友仔未必食到🦑.#銅鑼灣美食 #🐷在銅鑼灣 #🐷_食 …查看更多

得一款湯底,味道怪怪,唔甜唔鹹咁,最重要唔熱又杰身。叫咗菜底,湯唔熱已經敗筆！蘿蔔好甜,但唔係本身清甜嗰種,係後期加工嘅甜味魚蛋得嗰兩粒,小得可憐！墨魚頭唔新鮮,霉霉地唯一通菜尚算可以。因為拎住好多嘢,見到隔離有張圓凳,所以諗住放低,準備放低之際,已經聽到有個職員大嗌唔好放啦,唔好放啦！嚇到即刻唔敢放！原來有個客入緊嚟要用嗰張凳。之後有個職員另外拎張圓凳俾我放嘢,但就不忘加多句,呢度冇位擺嘢架,地方淺窄而家呢張凳,唔係必然要俾！一路放低一路吟吟沉沉。總之成個用餐感覺一啲都唔良好,唔使再俾機會,可以out…查看更多

小編來到位於銅鑼灣的一間車仔麵店「榮記粉麵」，這家餐廳擁有超過二十年的歷史，老字號餐廳的裝潢保留傳統茶餐廳的風格，裝修風格簡單質樸，充滿人情和懷舊的氛圍，深受本地人和遊客的喜愛🙌🏻 必試招牌牛腩、蘿蔔、豬紅、雞翼尖，墨魚頭等配料🧡 多位明星推薦而在社交平台爆紅，而長期大排長龍🔥 香港必食的經典的車仔麵店👏🏼招牌「大雜粉麵」車仔麵超豐富，有豬紅、豬皮、蘿蔔、牛肚、魚蛋及牛丸等多種配料🥢 豬紅超級嫩滑，蘿蔔清甜夠入味，魚蛋爽口彈牙🐟，牛肚煮至軟帶爽身，豬皮吸滿湯底滋味🐷 重點是秘製腩汁湯底，香濃而且香而不膩，為每一口幼麵都注入牛腩的風味，餘香四溢，吃完整碗粉麵也不會口渴🙌🏻 額外加個招牌餸牛腩，牛腩燜至入味軟嫩不柴，肥瘦適中，為湯底倍添牛肉腩汁之風味🐮 🍽 ：大雜粉麵 （+ 牛腩）👅好味指數：8.25/10 💰消費：HK$56 （另+HK$10 牛腩）📍 地址：榮記粉麵 (銅鑼灣)銅鑼灣糖街27A號地舖…查看更多

最近去了位於銅鑼灣的榮記車仔面真是讓人回味無窮。選擇多樣的配料如牛腩、魚蛋、雞翼尖，羅白讓人眼花撩亂。湯底鮮美而不油膩，帶有濃郁的街頭風味。特別推薦他們的辣醬，辣度適中，為整碗面增添了不少活力。價格親民，可謂物有所值，是喜愛港式風味的必吃之選！…查看更多

今日經過銅鑼灣突然間諗起差唔多成10年冇食過榮記車仔麵所以特登唔肚餓都行去食返一碗我大約三點去到唔係好多人記得以前都要等位唔知係唔係食飯時間定係整體都少咗人我其實唔肚餓所以叫咗個三餸加菜底滿足吓自己我叫咗蘿蔔 墨魚頭 雞翼尖食物好快送到但印象中相比份量好似少咗好多三餸加菜底$50感覺好似冇乜加過價蘿蔔都算冇渣煮得夠入味幾甜墨魚頭夠爽有咬口雞翼尖就夠腍，都係我印象中嘅味道呢啲車仔麵店真係買少見少再唔食唔知捱唔捱到幾耐…查看更多

講真做咗咁耐香港人 對香港餐飲業嘅服務態度已經係幾包容（都可以講習慣咗🥲）但係呢個服務態度係真係幾差排緊隊嗰陣就要你落單然後有位啦 佢係唔會帶位 就咁同你講樓上唔知幾多號枱 但係佢上到樓係完全冇寫每一張嘅枱號 就會勁不知所措唔知坐喺邊又冇得亂咁坐 因為佢已經落咗單然後講返食物水平 個腩汁湯底比較甜 食完會口乾雲吞好一般 個餡完全食唔出係咩味 好似就咁食咗個雲吞皮咁牛丸都麻麻 好細粒 冇筋 冇汁 算係車仔麵舖嚟講用料比較差嘅牛丸比較好食嘅係蘿蔔-但係呢間嘅服務態度係真係唔值得去，佢甚至係對大陸遊客好過本地食客…查看更多

*銅鑼灣港式車仔麵——榮記粉麵*作為車仔麵愛好者，最開心係嚐到味美的車仔麵😍😍。這次到銅鑼灣，當然要到我其中一間喜歡的車仔麵店舖—《榮記粉麵》。雖然有評論指味道不及當年，但我仍然很喜愛。😙我倆點了兩碗雙拼車仔麵(每碗$41)和一款小食😛首先是「豬腸魚肉春卷油面」，魚肉春卷🌯配搭車仔麵這個組合十分適合。只是豬腸這道配菜比較普通，但整體吃下來還是十分美味。🍜接著是「魚腐豬頸肉油麵」，🐷豬頸肉相當出色，不乾柴。魚腐吸收了湯底，亦很入味。😋這家的油麵比外面幼身，湯底沒什麼味精，吃畢整碗麵沒有口乾呢！🤤最後必點的「小食咖喱墨魚頭」($45)也沒有令我失望。墨魚頭彈牙，而且咖喱汁雖然不算特別辣，襯托出了墨魚頭的口感。🐙總的來說，如果希望嚐到港式小食，這家港式車仔麵店非常適合。🫡只是座位較狹窄，要將就下啊！環境：🏅🏅🏅味道：🏅🏅🏅🏅性價比：🏅🏅🏅🏅📢銅鑼灣渣甸坊43號地舖…查看更多