榮發燒味茶餐廳

營業中

休息中

每次假日經過都要等位，難得呢日平日冇乜人，入去食返個下午茶～一向鍾意食燒味～而榮發啲燒味認真不錯～點左至愛既燒鴨米粉～仔要食通粉唯有叫個蕃茄湯扭扭粉同佢share~估唔到又幾好食，2歲人仔俾佢食左大半碗🤣

顯徑村的冬菇亭 ，真係好耐都冇黎過，依家已經全部耳目一新，見到呢間榮發茶餐廳，喺門外掛滿賣相吸引嘅燒味！剛好有時間，就食埋個午飯先至開工做野，哩嗰四寶飯真係唔同其他餐廳，唔會俾埋D頭頭尾尾，雞翼尖之類…… 抵讚！有燒鴨胸，紅腸，燒腩仔，咸蛋半隻，仲送上例湯，難怪到中午時間真係很多人排隊！

早兩日係呢個12月份最凍嘅一日，一個人唔知食乜好，見到呢間榮發燒味茶餐廳有新搞作？就係推出一人羊腩煲！天寒地凍食羊腩煲真係唔錯嘅選擇，底座仲有火爐保持羊腩煲嘅溫度， 我坐在室外，有暖暖嘅羊腩煲可取下暖！呢份羊腩煲一人分量，但係材料都算唔錯，羊腩都有六七舊，有支竹 、馬蹄……仲有一個蔬菜籃，有生菜同埋金菇菜！當然唔少得白飯及例湯。羊腩都唔係畀曬啲頭頭尾尾你，都有厚厚嘅羊腩肉 不過略肥一點，但係個羊腩煲醬汁，加入生菜加一腐乳， 又確係幾正！

今日和太太往顯徑榮發燒味茶餐廳食晚餐, 我們點了燒肉飯, 灼生菜、肉醬意粉和凍lemon tea。燒肉飯燒肉香脆, 肥瘦適中, 食落有油花, 飯食落軟綿, 芥茉醬能帶出燒肉的美味, 由於我喜歡食燒肉配薑蓉, 於是叫侍應取了一小碟薑蓉, 薑蓉味道惹味, 配白飯食美味可口, 整份燒肉飯好足料, 份量十足；灼生菜食落新鮮爽口；肉醬意粉上桌時熱辣辣, 蕃茄蓉鮮甜開胃, 肉醬味道香濃, 意粉食落爽口；最後凍lemon tea茶味香濃, 甜度適中。餐廳座位舒適, 食物美味, 高質美味的燒味餐廳。

大圍站轉小巴803k！榮發燒味茶餐廳！招牌燒腩非常一般，但是口水雞和咕嚕肉值得點讚！這三個都是飯set！有湯有飯，額外喝了一杯hkd 15的紅豆冰，兩個人吃，非常撐。很市民的一餐飯，hkd190。但是竟然看到菜裡有蒼蠅......

本人第一次寫評，話說今日行過大圍，見到一間幾多人既餐廳，咪同朋友入去試下囉 。點知叫完野食等佐成個鐘吹佐幾次都話整緊，最後原來無落單，垃圾服務，專耍客人，叫佢幾次都竟然可以無落單，分明無心做。叫佢寫菜都黑口黑面仲有好多野都無貨，大佬，食個飯都要睇你面色，點樣做生意架，仲要唔好意思都無声。價錢方面又貴，份量又少！味道方面還可以。但係真係無下次囉。唔係話味道可以就得，當我大陸人？最後嬲爆爆甘走。同朋友以後都會黎呢度食。

今日一家人喺顯徑試下呢間榮發茶餐廳， 畀佢門口掛出嚟嘅燒味吸引住，睇落去好似好新鮮於是入去試下， 裏面多以卡位為主，坐得都幾舒服！裝修似新派嘅冰室， 除咗有燒味之外，炒粉麵飯，各適其適！我覺得最抵係下午茶！下午茶叫了油雞米， 成隻雞髀上，雞肉新鮮不算太肥。四寶飯， 沒有失望，不是畀啲餸頭餸尾， 有燒腩仔， 鴨胸肉， 紅腸， 鹹蛋半隻！ 賣相已經好吸引， 食落口味道都好好！下午茶星洲炒米，味道不算太濃，及有小小米粉好似未上色， 較為差少少！

星期六晚飯時間，門口帶位阿姐態度極差。食物亦不見好。整碟咖哩牛腩飯只有一件牛腩。收費亦比一般茶餐廳高。受氣及受罪。差、差、差！若不是下雨天，及其他餐廳客滿， 一定不會來此晚飯！

好多人都話大圍美食多，對我呢個住咗係呢區十幾年的人來說，當然好多食肆都已食過哂。冬菇亭可以算係大圍一帶幾signature的食點，美林的冬菇亭大改革之後，食肆的轉變潮捲埋去顯徑，而呢一間餐廳是近來我常去食早餐的地方。呢度開咗幾個月，雖然係屋邨地方，但經數月的拆卸重建，呢度的裝修有偌大的玻璃窗，餐廳內仲有霓虹燈手寫字裝飾同香港區境漫畫，＂薪火相傳＂和里共濟的感覺好modern咁呈現咗我就淨係係度食過早餐，佢哋ge Jumbo set同鮮茄羅宋扭扭粉都係我ge至愛呢個鮮茄湯底好足料，＂畢＂落有紅蘿蔔同煲到溶唒ge洋蔥蕃茄，一D都唔味精，仲可以自由配搭2種配料，而今次我就揀咗餐肉同素鲍片。而且媽咪就食jumbo set,吉列魚柳大大塊，香脆可口，加埋大菇同炒蛋，好均衡！脆脆奶油豬更係不可不食，我覺得呢個外脆內軟的程度掌握得幾好，因為我自己好怕食D＂硬掘掘＂的多士，好似食玻璃，好＂慘＂口咁，呢度就一定唔會！不過呢間餐廳的飲品就有好大進步空間，因為佢ge奶茶咖啡仍未達到我滿意的水準，味道同滑度都麻麻地

男朋友家住大圍顯徑，我亦見證了這一年的變化。先有新的顯徑站落成，顯徑商場亦來了個大翻新，不少大型連鎖店都進駐入去，不少小店都被趕走。顯徑有個冬菇亭，裡面的金城小廚亦結業了，幸好的是，換來的仍然是街坊茶餐廳，名字叫榮發。據說這家榮發與大圍田心那家榮發，是同一個老闆，但我覺得兩家主打的東西不太一樣，顯徑田心主力燒味，這晚和男友決心試試榮發的燒味。餐廳裝潢也很落本，光猛而且闊落，有點像一家連鎖茶記的格局。除了燒味，一般的晚飯小菜，榮發都很齊全。我們選了燒味之作($73)，套餐可選兩款燒味，亦包括一個中湯及白飯。最後選了招牌燒腩仔及燻蹄。好吃的燒腩仔不外乎是皮脆肉嫩，但一般的屋邨茶餐廳卻很少做到。榮發把燒肉皮燒得很香脆，咬落去沙沙聲，火候很足，但下面的肉又不會太老，蘸上芥末醬真的很好吃。燻蹄也不錯，爽口彈牙，不會很淋。感覺有點像港島區的馳名燒味店，搬來了屋邨一樣。

又到父親節食飯啦因為老公喉嚨痛，本身我哋諗住食泰國嘢，因為要就我老公，所以轉左食中餐咁佢哋諗黎諗去都諗唔到食咩中餐聽爸爸講樓下開咗間新野，咁我哋就去試一試啦門面同裝修都幾吸引人嘅不過好搞笑地，佢哋啲小菜我以為係好似大排檔咁，其實係一人份量嘅餐佢一個餸就配一碗白飯同一個例湯，而飲品要加錢妹子推介佢嘅朱古力好好飲，就算加＄15都要😅😅咁我就試一試佢啦朱古力味好濃郁上面仲要加個雪糕球其實將呢一杯野一開三再加水，都仲係好有朱古力味😱咁其實加＄15有三杯嘢飲幾扺呀🤣🤣講番啲食物，其實每一款都係唔錯，尤其是嘴刁的爸爸話小炒王值得推介👍🏻👍🏻👍🏻不過對我來講就覺得略嫌偏鹹左DDDD整體來講其實佢係啱兩三個人嚟食飯，一大棚人就好難share

金城執左之後 第一次黎幫襯冬菇亭 裝修真係靚左 同好似乾淨左好多.六點去到 可能時間尚早 未有太多客 落左單好快就有湯飲 都有少少湯渣 唔會太咸 鍾意個碗嘅設計 有個手把位 拎起個碗飲嘅時候希望唔會咁易係人地手拎過嘅位.飲緊湯嘅時候 啲餸都好快黎埋燒腩仔仲係脆皮 半肥瘦👍🏼苦瓜班腩啲魚好咸... 海鮮粉絲雜菜煲 變左係碟上😂 不過係我想要嘅清清地 ok la.整體上都不過不失 下次可以試返普通碟頭飯😀.不過問伙記拎杯水嘅時候 發現個杯係污糟嘅... 而一開頭問佢拎水嘅時候時 佢係努力維持笑容 唔想佢咁攰 飲少啖水啦😌

今日成班老友約去顯田泳池消消暑，中午時段真係好晒好熱，游黄昏時段就最好，有靚日光之餘，亦不怕太熱。不過講真游完水真係好累同肚餓，成班友即去叫小菜食飯，保充體力最緊要! 呢間榮發我地都幾鐘意去，尤其係坐外面，因為吹好耐水都唔會比人趕!切鷄燒煵仔 切鷄肉不太un，鷄胸啖啖肉，燒煵仔半肥瘦，皮很鬆脆，這裡的燒味確係有水準!通菜蝦醬炒鮮尤 蝦醬味很濃，鮮尤夠厚。我最欣賞係土尤蒸肉餅，土尤及肉餅很柔軟 送飯最佳拍擋。鼓汁蒸魚腩 魚腩冇乜腥味，鼓汁好開胃。

上星期去大圍顯徑邨同老同學攻打四方城，晚飯時間，發覺以前冬菇亭嘅位置已變成了酒樓及一家茶餐廳，經過呢間 榮發 門口，見佢餐牌選擇種類很多，有中式小菜之餘仲有多款燒味，而且睇環境都唔錯，門口位置仲坐滿幾台客人都是帶著小狗，我們四人點了三個小菜，當然係要有燒味啦。油雞燒腩仔，燒腩仔表皮很脆，肉質新鮮，入口一啲都唔奀。蝦醬西蘭花鮮魷，西蘭花爆油很爽口，鮮魷係用新鮮魷魚，蝦醬炒得好入味。章魚王蒸肉餅，肉餅一啲都唔乾，裏面好有水份，章魚大大粒，送飯一流。這些街坊小菜仲包老火例湯，當然可以加配我至愛嘅凍奶茶。

呢間野既食物水準係ok 的, 但唔知係唔係未上手既關係, 伙計全都是做到死死下, 黑哂面, 真係無辦法, 好似要  求佢比個位黎坐, 求佢埋黎落單, 求佢追單--->因為等左15分鐘以上都未有得食, 真係唔係新鮮事, 所以真係唔係好肚餓, 肯等先好去食, 唔係就食到一肚氣加黑哂口面出黎!