榮昌茶座

營業中

休息中

一間在行山界好出名，在上水鼎鼎大名嘅茶座。其實我自己都嚟食過幾次，不過就第一次寫食評。最出名的食物當然有煎雞尾包， 炸豬扒和乳鴿。特色飲品例如黑牛，抹茶紅豆冰等 亦都非常吸引。或者比較少人知道的是這裏的椒鹽鮮魷和霸王雞亦非常美味，但通常都要提早預訂。其實平時我在這裏吃湯飯的話，首選會是鴨腿湯飯。這個先到先得或需要預留的湯飯，今日忘記了預留，所以便吃不到。我退而求其次點了蠔仔肉碎湯飯，蠔仔新鮮不在話下，湯底亦淆得非常新鮮，最重要是添加了陳皮，令味道變得更加有層次。

帶娘親去榮昌茶座食乳鴿，竟然話係食過最好味嘅乳鴿，見到老媽子開心，我哋都高興得不得而，講番隻乳鴿熱辣辣，皮脆肉嫩有肉汁又真係識食喎🤤🤭⋯⋯齒甲留香回味無窮。😆平時少飲奶茶的我對杯奶茶有高度評價，紅茶香味突出淡奶份量剛好，兩者發揮自己所長一個字正。👍

去朋友屋企玩,甘岩大家都未食早餐甘就試下依間拉,朋友 食過話幾好味一去到有個車場,渣車黎食好方便,我地4個大人,1個小朋友,入去搵左個無甘凍既位揀野食,我睇左好耐個餐牌,都系好普通既野,但價錢一d都吾普通,地區黎講個人覺得貴甘我地叫左2隻乳鴿,1個炸雞脾沙律,煎雞尾包,滷水雞翼公仔麵,炸魚柳餐,豬柳漢堡包餐一擺低個炸魚柳餐,嗰塊魚柳好似人哋食剩下跟住拼埋俾我咁樣個餐都成$60冇諗過2塊魚柳細過我隻手板,系2塊啊你地無睇錯炸雞髀沙律就不過不失,叫做熱辣辣出晒油,而且都算大隻,佢只不過平魚柳餐兩蚊,所以如果想食炸魚柳嘅不如改做食炸雞脾,性價比高好多!滷水雞翼公仔麵,真係得雞翼同埋公仔麵,唔同平時嘅茶餐 廳有雞蛋半塊多士,性價比一樣係極底,但滷水雞翼真係吾錯滷得幾入味,依到抵讚既煎雞尾包無特色可言,就係一個雞尾包拎咗佢個鑊到煎..漢堡包都係一般般,如果用麥當勞來講嘅話我會揀返麥當勞,我覺得收得依個價錢係要有自己嘅特色野,但佢冇特色嘅配料,冇特色嘅醬汁,個人覺得失望 講咗咁耐終於到重點嘅乳鴿,新鮮熱辣,又脆又香,好多汁 好嫩,一d都唔柴,但比平時食既再細隻d,最好味既就系依樣

202211月週末--榮昌茶座地址位於:上水粉錦公路蓮塘尾村1號（近哥爾夫球場）有戶外位，也有冷氣位行山後到榮昌茶座用餐，時間約下午三時，想試鴨腿湯飯，已售罄，好像見有字樣寫著每天限量18份。食唔到限量版鴨腿湯飯，無左方向，見餐牌有廚師推介，就點榮昌五寶先叫了三寶:鄉郊BB鴿($68):乳鴿對半切開，皮脆肉嫩有肉汁，有水準豬扒包($43)豬扒有醃製過的味道，入味軟腍得來有咀勁，豬扒帶骨，配上炒過的洋蔥，惹味，烘脆了的麵包，外脆內軟，令人回味無窮綠茶紅豆冰($36)有很多大大粒軟腍紅豆在底部，好味濃，不會過甜，綠茶雪糕，有綠茶香，微甜不帶苦味後加了兩寶鮮菠蘿油($23)包很細件，牛油很薄，味道很普通香煎雞尾包($22)略為煎過的雞尾包，不會太油膩，外皮變得有點脆餡料有甜甜的椰絲，煎後的雞尾包也沒有驚豔的味道建議這兩款味道平平無奇的包不要列入榮昌五寶埋單: $186週末沒有套餐，訂價有點進取榮昌茶座可以一試，菠蘿包和雞尾包可以不試

這間餐廳，如果開車經過都會過嚟食下，食咗好幾年質素無變，半露天茶座餐廳裏邊亦提供冷氣的，今日天氣太熱的情況下坐了裏邊.乳鴿我每次你都會食的,炸到脆卜卜即叫即炸，皮脆肉嫩又多汁.

星期日兩三點好彩都仲有位泊車因為茶座長期都full house已經唔洗睇menu都叫定個煎雞尾包食壓扁左嘅雞尾包切開左脆脆的麵包皮入而多到爆嘅椰茸碎而且底面麵有煎過真係每一啖麵食得出誠意架之後就叫左鹵水雞翼一共4隻雞翼入味多汁入面雞肉都呈淺啡色所以真係用左好長時間去鹵架主食叫左招牌豬扒一丁及牛仔骨一丁有埋生菜🥬係碗麵到其實全部麵整得好入味所以先會馳名咁多年雖然係有啲遠但係專程為美食前來好值得呀！仲有奶茶都係必選夏天坐室內都有好多座位架唔怕熱有寵物可坐室外

假日說一點甜食。因為工作嚟到呢度，講真如果唔係工作，作為九龍人嘅我大概呢世都未必會踏足呢度🤣呢間咁偏僻嘅茶座，估唔到都有驚喜❣️聽說呢度最出名係豬扒包，不過我冇牙力嘅關係，都係叫咗「軟餐」，炸雞尾包、花生醬西多士，多士食落唔太甜但有濃濃嘅奶香，好味❣️反而係炸雞尾包個外型令我有啲估唔到🤣因為好扁身比較小見，不過食落同一般嘅雞尾包冇咩分別，係脆口一啲。

係上水附近行完山有朋友推介呢間地道茶座一於試試佢呢間茶座位置唔算方便眼見大部人都揸車入去茶座亦有提供免費泊車位野食就叫左出名既香煎雞尾包，豬扒麵，冬瓜鴨脾湯飯，紅豆冰，熱奶茶老實講 所有食物都係正常水準喇熱奶茶口感香滑香煎雞尾包雖然係名物但其實都幻想到係咩味道由於去呢間茶座個陣係冬天戶外食個熱辣辣既鴨脾湯都幾正（印象中鴨脾湯飲是限量的）黎呢到 我諗最主要都係食個風味不過如果下次係附近行山 都會再選擇幫襯的

呢間茶座好有歷史，如果唔揸車就真係唔太方便。今次遇唔到發哥Again…天氣比較熱叫左個陳皮鴨腿湯飯，冬瓜鴨腿湯上先，入面有1/4隻鴨，1件好厚肉既冬菇，仲有冬瓜同至愛既芫茜！湯唔油易入口，鴨腿肉好軟熟，好岩夏天飲！配上簡單既生菜白飯，咁就係一個簡簡單單既假日午餐喇！

行完雞公嶺，沿馬路走到榮昌茶座，很多人在等候，要等15張票，大約等了20分鐘。想吃的食物都要單點，不能跟餐，訂價頗高，個人認為除了乳鴿，其他都對不起價格。➊ 煎雞尾包 \ $22 /大！中！伏！簡單來說就是扁的雞尾包，好像放在袋裡，回家發現忘記吃的那種，完全沒有煎過脆口的感覺。一想到家樓下新鮮出爐的雞尾包只售4元就更氣。➋ 鄉郊BB鴿 \ $62 /幸好乳鴿贏回一些分數。乳鴿油脂剛好，調味剛好，如果沾鹽巴就有點太鹹了，皮脆肉嫩，可以一試。➌ 澳門豬扒包 \ $43 /豬扒連骨上，吃起來不太方便，包烘得很脆，不過豬扒調味和肉質都普普通通，未至於必試。➍ 大大粒紅豆冰 \ $29 / 紅豆的確是大大粒的，不過感覺未煮熟透，而且冰超多，不划算。聽聞茶座是很不錯的，可能清明節客人太多，質素下降？不過除了一開始上雞尾包有附一隻叉子外，侍應沒有再給過其他餐具這點，個人覺得有點奇怪。

有feel既茶座行完山 見到有野食 就入左去咸魚雞粒炒飯 $55炒飯係粒粒分明 偏多油 但食落幾正雞粒一粒粒 幾香 配埋咸魚好好送飯豬扒包$40聽聞呢間既豬扒包值得一試豬扒有汁 唔係好乾果款奶茶都濃茶味 茶餐廳奶茶既味

又要帶 #小B 出去 #findtoeat，搵食真係唔容易呀！今次去咗上水一個露天茶座，揸車🚗去相當方便，有免費🆓泊車位🅿️，當然可以帶埋小狗🐶一齊坐，就最開心😃。港式嘅食品製作精美，有返咁上下水準😌———————————————————————————🥢炸雞髀🍗沙律🥗💬生炸雞髀皮脆肉嫩又夠大隻，沙律🥗係薯仔🥔比較多，寡咗少少🤏.🥢🅱️🅱️乳鴿💬真係幾好食😋，炸到香口又夠乾身唔油膩，好耐未食過咁正，睇相都見得到😌.🥢招牌豬扒包🥖💬無得去澳門🇲🇴咪就係要叫嚟頂下癮先，帶骨豬扒油脂滲透豬仔包中，炒過洋蔥🧅香口，夠滿足😌

行山行到中午個肚超級餓, 見到間茶餐廳, 而之前都有聽過人講呢到既豬扒包好好食！🤔咁我地三人行就入左去坐喇！坐低發覺原來價錢一的都唔平😅覺得有的擔心, 但都冇計入左黎就食啦, 估唔到非常有驚喜!! 食物盡對對得住個價錢!咸魚雞粒炒飯 - $55飯粒粒分明, 咸香味濃, 每一粒雞粒都有肉唔柴皮!😋😋紅燒豆腐飯包熱飲 - $57原本以為豆腐又係好似茶餐廳咁好厚皮既表面, 點知表面超薄, 而內裡豆腐十分香滑, 另外配菜係新鮮菜!!! 呢樣真係唔係間間餐廳都會咁做👍🏾👍🏾豬扒包 - $40表面包做到十分鬆脆, 一口咬落好容易, 內裡豬扒十分嫩滑!😋😋😋

今日親子行山樂，蝴蝶山至丙崗，行至榮昌茶座，將近下午一點，即入座嘆食，叫咗一客豬扒包，一客咸魚雞粒炒飯，一客紅燒豆腐飯，好味😋豬扒外脆內軟，兩客飯亦出奇炒工精細夠熱，感受到廚房真心出貨，雖然價錢略貴，但食物加分，值得再來👍👍

榮昌茶座是日天朗氣清嚟個郊遊，識食嘅朋友一定有聽過榮昌茶座。地點比較唔方便。揸車去就無呢個問題。星期六嘅下午一點鐘都要等位。而餐廳後面都有車位提供。等左大約五分鐘就坐低。嚟到榮昌一定要叫乳鴿。乳鴿皮脆肉嫩。乳鴿皮下面保留大量肉汁。美味可口炸豬扒包，豬扒有醃過。味道香濃。熱辣辣放入口到食。令人勁滿足。炸雞尾包。係店員推介。又真係幾好食。炸薯條正常發揮。兩杯紅豆冰都無咩特別。整體味道係好嘅。但價錢偏貴同埋如果唔係揸車入嚟真係好唔方便。但都值得大家嚟試吓。