榮基牛雜粉麵

營業中

休息中

此店嘅牛雜及魚旦粉面，揾食肥華同靚媽就食得多，但喺唻此店食早餐就未試過，不過凡事都有第一次5月15日早上肥華和靚媽就專誠到此店食佢哋$36一客嘅三餸即食麵及米粉早餐。肥華點咗碗即食湯麵配，豬扒，腸仔，煎旦，三樣餸再加一杯熱奶茶靚媽就柯打佢慣常食開嘅，雪菜肉絲湯米另加兩隻煎旦及一杯熱檸水兩個早餐水準用茶記水準衡量，都有中上水準，加上收費就更勝新派嘅茶餐廳一筹。順帶一題此店枱面食粉麵調味醬料充足，自家制辣椒油更為出色，配上任何粉麵嚟食真喺。👍🏻👍🏻👍🏻👍🏻

平時收工實在太晏，返到屋企都有啲晏了，但係呢一間粉麵店相對都開得比較夜啲，所以經開就試吓佢啦。佢本身有一個餐係連埋一碟菜同埋一杯嘢飲，通常我都係叫呢一個set嘅，而我自己就通常會食牛肚河粉嘅，但係我都會叫佢加腩汁，因為佢本身嘅湯底冇腩汁嘅話呢相對會比較淡啲，所以加咗腩汁就會相對比較濃味啲，都會比較惹味一啲。我自己就唔食蔥嘅，所以叫嘅時候一定要叫佢走蔥，但係其實佢都係用個匙羹不一堆蔥上嘅啫，所以如果唔記得咗走嘅話都好容易可以拎走佢嘅。菜嘅話呢佢有即場揀幾款唔同嘅菜嘅，我通常就會食通菜加腐乳，呢個組合呢都幾好食，而檸茶就不過不失啦。

同老公去鳳德街市買完餸，餓餓地見到有間乾淨企理嘅粉麵店咁就入去醫下肚仔先😉環境光猛，坐位闊落坐得舒服，進食期間亦都見姨姨不時清潔枱面坐位及調味料👍🏻店內姨姨同其他顧客有講有笑，仲留意到佢地落單時會記得部分客人食開咩，真係好難得💯粉面套餐有麵有菜有嘢飲先係50蚊左右勁抵食，🤭下午茶套餐仲抵🕝一到14:30好多老人家會去食👵🏻👴🏻另外佢地啲辣椒油夠辣多哂香🌶️食完買左一罐返屋企✌🏻豬手麵 超入味嘅豬手麵，而家夠哂淋，但又過淋💯食完會心思思返嚟再食👍🏻牛腩飯牛味好夠😋肉質剛剛好，唔會柴皮🪵肥瘦適中，生菜襯底索哂啲腩汁，加埋大大碗飯，夠哂飽肚😎

作為香港人梗係要試下牛雜，雖然係朝早10:00，但都好多人嚟食早午餐，客流量好高😯為咗試清楚每款內臟，我決定直接叫淨牛雜($100)，連姨姨都忍唔住問多幾次係咪唔要粉麵🤣牛雜嘅顏色非常吸引，但諗起以前中學劏豬肺嗰陣味就有啲驚驚😂首先試下擺喺表面嘅牛蒡，口感超級粉，好似麵粉溝咗啲水咁，但聽講呢個就係牛蒡嘅質感，鍾意食嘅人應該會好欣賞🙈我都係試試牛肺啱唔啱我，咬落好彈牙，氣管位就少少爽口👍🏻比較完整嘅應該就係牛小腸，呢款係最入味，咬入口feel到啲滷水汁湧出嚟，加埋本身嘅油脂真係超正😋牛大腸層次分明，但食落冇豬大腸咁肥膩或者彈牙，反而似食普通牛肉🤔老闆建議我加辣油落金錢肚食，雖然我從來冇掂過茶餐廳辣油，不過即管試試😆果然好夾！！尤其是食咗差唔多成碟，成個口都係滷水味，開始悶悶地😗好彩底下有幾條菜，如果幾個人嗌份share再加淨麵一定好滿足😎終此第一次食冇得同其他餐廳比較，但至少對我嚟講係唔錯嘅體驗👍🏻

今日早上諗住近近地就喺街市附近度食早餐，這是我第一次幫襯的，我叫了一個牛雜河粉加一杯奶茶。牛雜河來到的時候我覺得啲腸非常之肥，我就問服務員咁多肥膏怎樣吃呢？他的態度就非常惡劣同我講是這樣的。咁算啦我都冇辦法唔出聲啦只有放埋一邊不吃啦，杯奶茶淡如奶加水咁一啲都唔好飲，食完之後就買單俾錢啦，佢哋都仲黑口黑面好冇禮貌咁收錢，多謝都冇句，其實佢哋啲嘢食又唔好食質素又差，我真係完全諗唔到我點會有第二次嘅幫襯。

有日放假去開鑽石山 就搵咗呢間位於鳳德街市嘅良心粉麵店試下 未到lunch time已經頗多人排緊隊 食過就知道原因 好味又抵食😙🍜雲吞牛腸河(雙拼+$10)🥬腐乳通菜🥤凍檸茶．🍜牛孖筋河🥬蠔油菜心🥛熱好立克．$40有粉有菜有飲品 真係好抵食！🤩食物份量合理 質素有驚喜😳牛腸好肥美 牛孖筋軟滑彈牙😋河粉質感唔錯 薄滑唔削👍🏻湯底清清哋 食完都無覺得口渴～而且店舖喺新街市入面 環境企理乾淨 值得去呀😙

我今個月食左3次外賣每一次都要我開口先講得問我要咩我都行到佢隔離都可以當我無到兩個女人掛住傾計間店又唔係忙小貓三四隻都可以傾計唔做野今日直情望住我行入去都可以另轉身傾計要我講hello 先肯停講真妳地咁鐘意傾一係關門傾飽佢一啲都唔專業基本態度都無我建議你汁左佢返屋企傾計

此店開設在，鳳德村一個新型街市内，所以環境比設在，舊型街市樓上的熟食中心，的食檔衛生環境較好，起碼無，米奇，米妮，陪你用餐，1月16日，和靚媽在此店，各自柯打咗一碗牛腩米跟熱檸水，及魚旦河跟熱奶茶，合共兩個$34元粉麵茶，若論味道，碗魚旦粉嘅魚片，及魚旦都吾合格，魚旦不但衹唔彈牙，仲同D魚片一樣，毫無兩者應有嘅味道，同類食品唻講，衹值E级評分，還幸個河粉尚算爽滑，令到此碗魚旦河，可以得到D级成绩，至於碗牛腩米，則是一個有水準之作，有B级評語，不過話分兩頭，以咁嘅價錢，食到兩碗連飲品粉麵，加上食店環境又比一般，街市食檔企理，仲想點呀，肥華

經常見到老闆娘鬧人，對長者更甚，服務態度極差，該區咁多長者，見到長者唔幫不特止，還加以為難。今天見到一位伯伯 ，好論盡，找不到單付款，老闆娘狂追猛迫長者務必搵到，嚇到長者手騰腳震，其實枱面都有幾碗麵，照計都得啫，何必要迫長者一定要搵到張單付款呢？幾好食都冇用啦！

【#肥波魚蛋米系列】臨訓前記錄多一間黃店💛 #肥波掃黃行動減肥期間，食得最多嘅就係魚蛋米，因為係營養師批准嘅😂係我地屋企附近就好好彩有間抵食質素又唔錯嘅粉麵舖。每次買外賣佢哋都會將湯同米粉都會分開裝，唔使返到屋企發哂脹，正正子💛魚旦魚片麵彈牙，湯唔重味精，食完唔會狂飲水🍜減完肥之後我好想試佢地嘅牛腩呀！！！每次去買魚蛋米麵聞到好香呀！！！💛💵一個餐包野飲同一碟菜唔使$50，去邊搵～📍榮基牛雜粉麵 📍鑽石山鳳德道111號鳳德街市地下CF9號舖

🇭🇰罕有潮州粉麵黃店💛平民價錢食餐好🤗潮州粉麵通常都係年紀比較大嘅人去幫襯同開，所以大家都會覺得全部係藍🌝不過近排搵到間黃嘅，仲要有成5間分店😛 之前我都食過幾次，份量一啲都唔少，仲要價錢非常之親民😗 唔少都係$50以下～-🐮 #原汁牛腩飯 🐮 （$40）（7/10）份量好多😈 我試過叫佢比肥啲🌝之後真係好肥😂 今次冇叫反而小瘦😂不過都浸得夠身，所以幾淋😉雖然一定冇八寶咁好，不過都有中上水平😂最重要真係好抵食，可以叫佢比多飯🍚.🍤 #招牌雲吞 🍤 （$40/打）（6.5/10）全部都手包嘅，包得好飽滿🤗落足料😂一咬就爆汁😗食完12粒都幾飽下😂佢身為一家潮州粉麵店，基礎野都做得幾好😈😂不過豬手就麻麻地，所以我都費事講總結來說 味道合格價錢親民嘅餐廳 住附近可以不停去食😂-🎈 鑽石山鳳德道111號鳳德街市地下CF9號舖平均傷害：$50好味值：6.5/10...

星期四本來只是想在「鑽石山」公共屋邨「鳳德邨」裡面的「鳳德商場」，光顧購買外賣自取的「咖喱牛腩飯」作為晚餐，但是因為我來臨時間尚早，距離「堂食時間」完結仍有距離，所以在街市光顧食店享用下午茶。是的，現在「領展」旗下的街市裡面，也有獨立私人經營的食肆，只是很多食肆想在「領展」街市商舖穩定發展下去，都發現原來不是一件容易的事。我單是在「將軍澳」「坑口」的「領展」街市「TKO Gateway」美食廣場裡面，已經看見很多嘗試在「TKO Gateway」美食廣場裡面大展拳腳的食店，最後都難逃結業關門的命運。我發現在「領展」旗下商場街市裡面經營生意，真的不是一件容易簡單的事，就算是大型連鎖集團旗下的商舖，都難免因為跟「領展」傾談租約事宜，而遇上不必要的阻滯跟問題。例如我在「鑽石山」「鳳德街市」裡面，也發現有些食店嘗試在「領展」「鳳德商場」裡面發展遇上諸事不順，最後難以經營下去，被迫丟下舖位結束營業。之前我也曾經嘗試光顧同屬「領展」旗下的「寶林街市」，和「何文田商場」裡面的食店，結果千里迢迢去到才發現食店支撐不到下去，靜悄悄結業收場，對我來說是很可惜的事。所以有時看見食店在「領展」旗下商場和街市裡面

平時食開明記，近排先知再行前少少既鳳德商場有間粉麵店，專誠去撐下場。其實鑽石山地鐵站行10零分鐘都到，算就腳，去開荷里活可以過去試下，好過成日幫襯連鎖店咁悶。單叫牛腩河是$32，外賣加$1，而再加$10就可以雙併，牛腩加牛什。分湯真係好好，同埋自動波俾埋辣椒油👍🏻👍🏻👍🏻我平時唔係好食牛什只會食牛肚唔係好識評價，但係連牛腸都完全無怪味，食得好安心，食落口唔會覺得太肥膩，但又有啲油脂，鐘意食既人應該會覺得好味。而佢既牛腩都易咬唔會"un "，我覺得同街外既味道差不多，其實所有牛腩河既牛腩對我來說都是稍為偏咸了一點點🙈湯底就唔會太味精，好好呀以後都會改為幫襯呢間！

我當時係企門口睇緊餐牌，待應姐姐會主動行過黎問你想食咩！咁我就揀左招牌牛腩（粗麵）$32，如果加左$8變$40 會有油菜同熱飲一杯！外賣加$1，招牌上面無寫。當時我專登帶左$32去買，點知外賣加$1，最後都要比多一張$10紙找番散銀。你會見到佢湯同牛腩麵會分開黎裝，呢D就係重視食物質素的表現！但同時其實又會覺得好浪費膠碗！所以話人係矛盾既生物！：）會有比膠匙羹、紙巾、木筷子同牙籤！同埋店員姐姐都會主動比一杯小辣油，值得一稱，因為吾係間間都會主動比你！個辣油份量吾算多，岩岩好成杯落入一碗野已經足夠！講番食物，個湯頭飲落有牛味之餘，係會比較清淡D，吾算太濃味！牛腩都算多，都有六、七嚿咁，有牛味，食落吾癡牙，滑得黎有口感，吾會太腍吾會硬，口感一流！個麵係正常，但可能我一番到屋企係先沖左個涼，個湯頭同麵都放左一陣，食落個麵會有少少難咬！所以大家買有湯既外賣，記得要儘快食，吾係就會放涼左嫁啦！

牛腩粉麵黃店！街市翻新之後都未食過呢間麵店，平時買餸經過都見到唔少人幫襯，見到牆上貼有文宣，決定要揾日支持下！原汁牛腩粗麵餐$40- 麵餐包埋油菜同飲品，份量足夠，都幾抵食。牛腩整得幾軟幾滑，唔錯，肉質唔會過瘦。泰式炸鮮蝦韮菜餃$36- 新鮮熱騰騰炸起，非常香脆可口，感覺熱氣不過又停唔到口。餃子餡料好足料，全部都係韮菜同蝦！我最中意點泰式雞醬一齊食，同人share就唔使怕太熱氣會生飛滋。淨米粉$12- 米粉超級大碗，口感爽滑。