榕哥陳皮燒鵝

營業中

休息中

看食評這個榕哥陳皮燒鵝有讚好的亦有負評。專程去體會一下，叫了他們的鵝髀飯和凍檸茶。鵝髀份量可以接受不算少，皮脆油香十足，而鵝髀肉亦都很嫩滑。鵝髀飯的確是有點油膩，但就是由於鵝比較肥，所以才有這樣的油香。我覺得把皮內的肥膏刮去還是可以接受的。他們的酸梅醬就太甜了。以味道來說，鵝是很美味的，包括了陳皮香、油香和肉質嫩滑。我會給予他們好評！可能被批評得多我見他們的服務也不算差了，每次叫他們都是問你老闆要什麼，不覺得冇禮貌，可能人多情況下會比較有點忽略顧客要求。

今次第一次幫襯，一路以黎聽同事講話榕哥既燒鵝算得上好食同性價比高，原本充滿期待，但結果非常失望。上枱時見碟飯賣相不俗，以為有一餐好既食，點知掀開燒鵝後，全部得D骨/下欄位，搵一舊可以有啖肉咬下既都無，只能夠食皮，D部位似係賣淨既頭頭尾尾。燒鵝皮都算脆，但調味極咸，完全食唔出陳皮香味。叉燒亦比較燶同偏硬，整體燒味水準唔算特別好，同埋上燒鵝骨比客人食，真心唔會再幫襯。環境方面，店內冷氣不足，用餐期間感覺焗促。最不滿的是服務態度，詢問職員有什麼油菜選擇時，態度愛理不理，甚至見有食客進食時被要求換位，完全無尊重客人。餐廳本應有例湯附送，但落單職員並沒有主動提出，只有少數職員/食客主動提出才會送上，更令人留下惡劣印象。唔會再幫襯，亦唔會推薦俾朋友，只會建議各親朋好友及旅客避免中伏。

呢間容哥陳皮燒鵝喺尖沙咀嘅金馬倫道。 我見啲食評，話唔好叫燒鵝俾，於是我就叫咗個鵝叉飯，估唔到佢又俾咗個鵝俾我喎。 叉燒唔錯，肥瘦適中， 咬落都好香， 鵝髀都幾嫩滑，而且都算大隻，連埋個凍飲埋單74蚊。 尖沙咀喺呢個價錢我覺得都算合理嘅。

叫左文昌雞 同燒味雙拼（叉燒、燒鵝）下午茶飯底唔錯 下午茶份量都夠飽 唔係冧晒 都粒粒分明 亦唔乾文昌雞： 唔肥 有肉 雞味亦重燒鵝 ：皮香 肉一般 叉燒：半肥瘦 亦唔韌下午茶價錢都正路 唔算貴

千萬不要叫燒鵝脾飯之前食過幾次燒鵝都唔差，今日特登落去食燒鵝脾飯為免有咩爭拗，就叫左燒鵝脾免切點知一黎就出事隻脾冇左差唔多一半於是就搵左個斬料師傅出黎傾，我話平時食既燒鵝髀飯係成隻，你就得一半 師傅就話個間間切法唔同 佢地係咁切，話如果成隻脾切，下庄就冇哂肉大佬，比$143食碟燒鵝髀飯，梗係成隻脾架啦，就係咁先收咁貴，仲要燒鵝肉冇味呢間真係冇下次

地道港式燒味〜午餐一份$65起燒鵝當然配瀨粉，店家主動安排燒鵝髀，勁正；瀨粉湯頭很清淡，配上充滿鵝油的燒鵝實在是一絕；燒鵝皮脆，不是淋肉質，加埋梅子醬好食。男同事叫粉餐份量都夠。

我在尖沙咀的榕哥陳皮燒鵝分店用餐。我們之前去過香港島灣仔的分店，印象深刻。之前我們點了鵝的下桩，加了燒肉和叉燒，味道都很好。這次我們點了燒鵝和叉燒的雙拼配麵，以及燒鵝腿（整隻腿）飯。雙拼的味道很好，但燒鵝腿質量令人質疑。注意到以下幾點：燒鵝腿温度很高，像剛微波爐加熱過一樣。肉質非常乾燥且堅韌，很材👎，吃的時候沒有通常肉類的油膩感，幾乎沒有味道。我們試圖引起店員的注意，但他們似乎在避開我們，沒有眼神接觸。最後一位員工叫來了店长。我們告訴店长關於燒鵝腿的質量問題，詢問是否不新鮮或者是微波過的？他向我們保證是新鮮的，他們不會提供過夜肉類，也不會使用微波爐。他進一步提到，有些時候，每十单烧鵝腿中會有一单有投訴，我們應該早點告訴他們。然而，對我們來說，其他的肉類都很好，除了烧鵝腿。我們無法理解為何其他的肉部位/菜都好，而鵝腿卻如此令人質疑。無論如何，我們全額付款後離開了店鋪。那是我們整天唯一的一餐，我因為這餐出現消化不良的情況，這通常是我吃到不新鮮的食物或被高溫微波的食物時會發生的。我真的很困惑為什麼我會有消化不良，而店經理堅持說他們不會供應過夜的肉類，也不會使用微波爐。然後我突然明白了，為什麼

今日過咗嚟尖沙咀做嘢，見有少少肚餓，出咗去食個下午茶。因為平時小麗呢頭，一時間都唔知食咩好，行吓行吓見到呢間有瀨粉（我童年最鍾意食嘅下午茶），決定入去試吓。😍啲姐姐幾好態度，雖然我係一個人，都唔使搭枱。😝我叫咗個燒鵝瀨粉加凍檸茶，下午茶價錢$52 。首先飲咗一啖湯底，覺得都算有誠意，唔係一啲冇乜味嘅清湯，個燒鵝都整得幾好食，塊皮好脆，肥瘦適中。不過如果可以比多一兩條菜會開心啲，哈哈。總結，呢個價錢，有呢個質素都算唔錯。😙😙😙

【油尖旺區】【榕哥陳皮燒鵝】奮力做好 1am紅館 嘅動力好強，但係我最近冇乜點見女同事，應該唔多關佢事。可能係自己忽然間唔知黐咗邊條筋就決定 chur 爆自己為止。行到嚟金馬倫道，見到呢間新開嘅餐廳，又係食住條「燒鵝水」嘅產物啦。不過既然我要寫，姑且會一會佢先啦。佢哋講到佢哋嘅燒鵝好勁，又講到榕哥有幾巴閉，我就叫咗碗 $98 嘅「燒鵝五寶飯」嚟睇吓。佢有燒鵝、叉燒、燒肉、油雞、鹹蛋，咁啱竟然畀燒鵝髀我，幾好彩，味道都唔錯。而佢哋嘅叉燒同燒肉口感都幾好，又爽又腍，攪到油雞同鹹蛋就好似失色咗啲喇。個飯加 $4 飲「凍檸茶」走甜，尖咀價，冇計，味道可以就算。叫多個特色小食嚟食吓，本身諗住叫魚皮但係佢哋冇晒，就叫咗 $78 嘅「意大利醋鵝肝」，唔好意思我真係接受唔到呢隻整法，我知係特登但真係酸到好難食。呢餐 $180，敗筆就喺個鵝肝度。。。（地址：尖沙咀金馬倫道48號中國保險大廈地下B號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #fo

因為夜晚肚餓，所以就買咗外賣燒鵝飯，本應諗住呢間咁多食評話好應該都好好，但係買咗外賣返屋企見到之後有少少失望你哋可以睇吓附圖張相佢未到OK嘅同埋份量都足嘅，但係即係斬到咁樣一坺嘢咁

我又黎食晚飯喇！呢到就黎變左我飯堂，因為又抵又好食！我地仲叫左個性價比最高嘅叫法😏我地4人有2個都唔好飯；所以我地分別叫咗：燒鵝飯 同 四寶飯 然後再加3碟小菜：鹹蛋蒸肉餅、潮式煎蠔餅、九菜花炒鹹肉 。咁樣叫法岩岩好，因為佢啲份量都幾大份，如果叫一碟燒鵝又食唔哂，叫燒鵝飯價錢平，又包野飲，又可以滿足大家食少飯；四寶飯又可以變多左餸，望落3小菜2燒味，但四寶飯變相3小菜，燒鵝、叉燒、燒肉、雞、咸蛋；又有飯share，呢2個飯又有野飲跟埋 。燒鵝又好食，雞又好食，燒肉皮又脆，所以呢到燒味係好食；而估唔到小炒都一樣咁正，尤其係煎蠔餅呢碟真係有驚喜，好食到不得了，連相都唔記得映。蠔算大粒，唔會好多炸粉，又脆又好味！仲唔駛點汁仲好食啲，因為個汁偏咸 。肉餅同九菜花就正正常常，下次可以叫其他 。但蠔餅同燒味飯下次可以再番單！每人晚飯均價$105，尖沙咀黎講真係好抵！

四個人尖沙咀食晚飯，好食過茶記同酒樓，性價比超高，海鮮麵真係幾抵食 。我地4個人分別叫左4個小菜，加錢轉餐包湯、飯🍚同野飲，真係抵轉餐，因為淨係叫個飯都差唔多價 。四碟小菜評分最高嘅就一定係呢邊1️⃣蒜蓉開遊蒸蝦🦐 真係好新鮮，好鮮甜，好多蒜蓉油，令到啲粉絲好香又惹味，超正，一碟都有成8隻，無記錯好似百零蚊，真係好抵食 。另外就叫左個2️⃣豆腐海鮮煲，即時海鮮煲入面啲雪蝦比下去🤣 但啲豆腐好大粒份量都算多。3️⃣菠蘿咕嚕肉，呢個都唔差喎，唔會一大舊粉咁，真係有肉唔係淨炸粉🤣，配菜一樣多，份量岩岩好4個share4️⃣豆豉鯪魚炒菜，正常發揮～唔錯而又無乜特別 。另外順帶一題，如果鍾意食魚嘅朋友，就一定要黎食，我見枱枱都叫咁濟，即捉即蒸，都係百零蚊條，性格比非常高🥹🥹🥹尖沙咀夜晚諗唔到食乜就過黎啦，最後每人埋單平均$130 😎

係尖沙咀搵野食路過就入左黎本身無打算寫食評所以咩相都無影但食完覺得值得一讚$48 下午茶燒鵝飯 +$4 凍飲埋單總共$52味道唔錯同埋侍應服務幾好態度友善今時今日係香港係好難得

·榕哥陳皮燒鵝·最近喺尖沙咀多咗好多間食燒鵝/燒味嘅餐廳，有啲食過都覺得麻麻地。呢一間之前未開尖沙咀分店嘅時候，已經係佐敦食過幾次，以前食嘅時候覺得好神奇地真係有陳皮味。所以依家見佢喺尖沙咀開咗分店，搵日晚餐就試吓尖沙咀分店係咪都係咁好食。燒鵝瀨粉燒鵝嘅質素同以前喺佐敦食嘅差唔多，表皮咬落有少少脆脆地，而入邊都係保持到肉汁。但係唔知點解陳皮味好似冇佐敦食嘅時候咁重味，比較似普通燒味店好食嘅燒鵝。燒鵝叉燒雙拼飯同行朋友食嘅雙拼飯燒鵝同我嘅差唔多，而叉燒都係正常發揮，不過不失。服務質素以前喺佐敦食嘅時候，可能因為鋪面比較細嘅關係，同樓面嘅姐姐有時都會傾吓計。而尖沙咀分店可能因為鋪面比較大，樓面姐姐相對之下都比較忙碌，要照顧更加多嘅客人，所以冇咁有人情味。但係依然都係好有禮貌，值得欣賞呢

用二十多元便能堂食連飲品的早餐的茶餐廳，實在不多，這店還在尖沙咀區，怎能不試！酸辣肥牛湯米，轉為公仔麵。先試湯頭，微酸，辣度頗足，甚是醒胃，公仔麵的麵質也可以，不會煮得過軟，肥牛有七八片，而且有牛肉味，不錯！墨魚卷公仔麵，相對來說，湯頭比較清淡，幸好墨魚卷味道也算不錯。飲品都選了熱檸檬茶，沒什麼特別。這兩款特價早餐，我覺得酸辣肥牛比較突出，不過無論那一款，以這價錢來說，都是性價比夠高的了，值得回頭。