極尚叉燒

同阿女去完海洋公園夜夜地去屋企附近搵食，9:00經過第一城極尚叉燒仲未收鋪入去叫小菜晚飯。$180 有二款小菜白飯例湯糖水飲品都算扺食重點係幾口味喎👍膽粗粗叫咗酸菜魚諗住試吓有驚喜⋯⋯辣度可選小辣，味道同出面專食酸菜魚嘅店差唔多，魚片夠滑寛面煙韌酸菜芽葉雲耳樣樣足料，如果湯底再熱D更好通菜腐乳炒牛肉- 通菜炒得青綠牛肉入味唔過火魚香茄子- 用鑊仔上菜仍然熱辣辣。茄子有口味肉碎有魚香味，非常開胃阿女要再加飯😋值得一提係這裹嘅茶底好濃，叫左來茶記必叫嘅檸茶和奶茶都有濃郁茶味好飲😍最後埋單職員叫我做會員儲積分當錢洗新會員仲有5張$10 優惠券比你即時用👍📍 極尚叉燒 (沙田)沙田銀城街1-2號置富第一城地下G74-75號舖…查看更多

外賣叫左個差唔多$60既常餐叉燒湯粉，一開真係嚇死人，叉燒全部都係皮，幾乎冇肉，又硬又鞋，真係好嘔心。仲要無啦啦搭兩條白菜仔，真係第一次見常餐有白菜仔，勁奇怪，感覺完全係將d垃圾放埋一齊就出餐，令人冇胃口。呢個價錢俾d咁既叉燒，有冇良心？好似買咗啲殘餘皮嚟食咁，講真大家樂叉燒都仲好d，起碼都食到肉，間餐廳名仲要叫叉燒，係咪笑死人，見人地堂食都正正常常，叫外賣就博人冇得追究，真心癲，永不幫襯。大家小心唔好中招。…查看更多

睇佢個名就以為佢出名是叉燒，點知。。。我老公好中意食叉燒的於是我地兩個就黎試一試佢兩個人都叫左雙拼，我是燒肉拼油雞，我老公係叉燒拼油雞，燒肉同叉燒好飲煲湯瘦肉咁，又粗又嚡，完全咬唔開，極度失望。自從光顧了第一次後就不打算再光顧了。因為連招牌叉燒都不好吃，價錢又貴，質素太差🥲🥲服務態度都不是太好，原本以為第一城可以有間新燒味舖，滿心期待光顧，但是卻失落而回。我老公食到最後，叉燒吃了1塊便沒有再吃了。…查看更多

【沙田區】【極尚叉燒】始終我係住喺沙田第一城，第一城開新餐廳，我點都要講吓。開咗 1am第一城 呢個系列都好似冇郁過咁，我自己都會慚愧㗎嘛。我食咗呢間嘢兩次，兩次都係下午茶時段去，所以兩次都係食佢哋嘅「港式下午茶」。平得嚟又食多啲嘢，可以寫到畀大家睇。第一次去叫咗 $39 嘅「巨人西多士」，其實我都幾期待，個名吹到咁大。點知一上菜，巨？邊度巨？冇人識佢喎。不過花生醬都夾得幾足，食落其實唔差嘅。加 $22 要多三隻「牛油蒜蓉雞翼」，好細隻，冇乜感覺。不過要 QR Code 落單，先會見到啲小食。嘢飲我就加 $3 熱「招牌香滑奶茶」加大，加錢係因為佢真係好大杯，慢慢飲幾好嘅。埋單 $64，稍貴。第二次就叫咗 $45 嘅「叉燒皇湯瀨粉」，啲叉燒日日做 gym 咁，勁瘦，不過嘢飲有得配熱「玄米茶」又幾好。今次埋單 $45，都冇咩好挑剔，未必再食。。。（地址：沙田銀城街1-2號置富第一城地下G74-75號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #foodies #tasty #globaleats #tastyfood #foodpics #followforfollowback #love #eat #1am沙田區 #第一城 #1am第一城 #極尚叉燒 #巨人西多士 #牛油蒜蓉雞翼 #招牌香滑奶茶 #叉燒皇湯瀨粉 #玄米茶 #1am1725 #1ambackup…查看更多

已經差唔多8pm 對上嗰餐係早餐 忙碌咗成日 去所處附近嘅第一城搵食 行過呢一間燒臘舖已經畀櫥窗嘅燒臘吸引 好似幾好味喎 燒臘加例湯先至54蚊 真係非常抵 加三蚊仲有嘢飲 於是我就叫咗個叉燒飯 叉燒飯啲叉燒非常幼嫩肉汁充滿 例湯係西洋菜紅蘿蔔湯好好味 港式奶茶好正宗 食到底仲見到呢一句 [食飽很滿足] 五個字就形容曬我心情…查看更多