極之拉麵

朋友介紹話呢度啲拉麵正，知我鍾意食日本嘢就一於捉我嚟試～果然冇介紹錯！🤤🦪極之真牡蠣櫻花蝦醬油湯底拉麵湯底真係濃到冇朋友！一上枱已經聞到超香櫻花蝦味，仲要鋪滿成碗麵，睇見都流口水～配料多到嚇親：叉燒軟淋、筍爽脆、溏心蛋流心正到爆！最驚喜係有成幾粒肥嘟嘟嘅牡蠣同埋磯煮鮑魚，鮮味十足，每啖都係享受！🐟真鯛魚白湯拉麵魚湯控必點！個湯又滑又濃，飲落完全冇腥味，仲有陣陣奶香。魚肉嫩滑到夾都夾唔起，入口即化～🍜追加彩蛋個湯底咁正，一份麵真係會唔夠喉！如果想加麵，碗邊會比個「叮叮掣」，㩒一㩒就有替玉送到，真係忍唔住encore多個麵，記住食完先好㩒，掛湯力一流！🍹飲品都要讚下提子同蜜瓜梳打都係日本直送，氣夠足又唔會太甜，同濃湯拉麵超夾～🎁每日驚喜叫一碗拉麵就有嘢送，今晚店家送咗杏仁奶凍同紅豆大判燒，奶凍滑溜溜，大判燒外脆內軟，為成餐飯畫上完美句號～總結：湯底贏晒！配料十足！麵質勁正！一定會再encore～👏🏻…查看更多

每逢放假，#小秘書 都會捐窿捐罅去搵好嘢食！今次特登走到過嚟 #長沙灣，就係為咗呢碗「湯底極致濃郁」嘅 #廣島牡蠣濃湯拉麵！餐廳「極之拉麵」地方唔算太大，不過擺設整整齊齊，仲周圍擺滿動漫嘅figure同掛畫，相當形格！因為我要試嘅 #廣島牡蠣濃湯拉麵 屬於《期間限定》項目，師傅用上大量嘅 #牡蠣🦪 熬製湯底，餐廳每日只能夠做到20碗😅 所以唔理咁多，我哋一坐底就馬上落單，體驗吓傳說中極致濃郁蠔湯嘅味道🤤✨拉麵🍜終極之 廣島牡蠣濃湯拉麵（配蠔湯）*期間限定 每日只售20碗* 食 #拉麵 當然要試吓個湯底先，師傅用上大量 #牡蠣🦪 熬製嘅湯底，蠔味濃郁相當鮮甜🤤 大大隻新鮮嘅 #廣島蠔 咬落去非常肉感！再配上特製嘅 #慢煮叉燒，而 #拉麵條 亦索晒蠔湯嘅精華，整個味道配合得天衣無縫😋🍜基礎 真鯛白湯拉麵（鯛魚白湯）朋友點嘅 #真鯛白湯拉麵 亦相當出色，#鯛魚白湯 掛晒上拉麵條，鮮味十足！滑滑嘅 #鯛魚片，同另外加配嘅 #醬漬飽魚 同 #溏心蛋，令整個口感更加豐富😋以上嘅 #拉麵套餐 仲會跟埋一件 #迷你芝心漢堡 或 #杏仁奶凍！呢次我哋就試咗個 #芝士漢堡，漢堡扒內藏流心芝士，非常有驚喜🥳✨小食最後店員介紹我哋一定要試吓佢哋嘅名物 #炸雞皮餃子！🥟餃子外皮煙煙韌韌，咬落去啖啖蔬菜同肉香... 果然冇介紹錯！#小秘書 鍾意幫襯小店，就係喜歡嗰種地道嘅人情味，而且各家都有佢哋獨特嘅味道🤤 今次探店，無諗過佢哋嘅 #蠔湯 可以咁出色，就係嗰種有after Taste嘅感覺... 一於比個like佢🫶🏻…查看更多

呢間日式小店裝潢超有特色，滿牆模型公仔勁吸睛～《鬼滅之刃》、《One Piece》等角色全部都有！一入門就感受到濃濃日本風情，好似走入秋葉原動漫世界。今次嚟試佢哋主打嘅 A4 終極之廣島牡蠣濃湯拉麵，湯底以大量廣島蠔同自家製牡蠣醬熬足9小時，味道極濃郁但唔會死鹹，入口滿滿海味香氣，飲得出蠔嘅精華同層次感～每碗仲有 三隻大牡蠣＋醬漬蠔仔＋溏心蛋＋叉燒，材料誠意十足！蠔味香濃鮮甜無腥，真係每啖都充滿驚喜🤤糖心蛋外層入味、蛋白滑嫩，切開瞬間金黃色蛋黃慢慢流出～鹹香中帶微甜，混埋濃郁湯底一齊食，完美融合，超治癒💛🍜 黑松露鯛魚白湯拉麵呢款意外咁出色！湯底香濃幼滑，帶少少似蘑菇忌廉海鮮湯嘅感覺，加入黑松露令香氣更突出～鯛魚片嫩滑、叉燒入味，飲到最後仲有啲魚蓉，層次感好豐富。🍔 迷你芝心漢堡扒切開瞬間芝士爆流，邪惡指數💯！外層煎得香脆，肉汁豐富；配埋拉麵食，滿足感up！🍮 日本杏仁奶凍杯＋半殼醬漬鮑魚甜品香滑清新，中和拉麵濃味；鮑魚則調味入味，口感爽彈。由湯底到配料都見到心機與創意，無論係廣島蠔湯定鯛魚白湯都各有特色。價錢合理、份量十足，加上氣氛滿滿嘅日系裝潢，絕對係一間值得回訪嘅拉麵小店…查看更多

今日途經長沙灣，喺一個唔太起眼既位見到依間小店「極之拉麵」🫢，本來只是諗住試下，點知一試就愛上！湯底超好味🥣，拉麵彈牙🍜，食材新鮮，高度高到爆燈💥！強烈建議大家嚟支持呢間小店啦～🙌一入到去既感覺像去日本🇯🇵！四圍貼滿動漫海報🖼️、滿擺身材🎎，仲播住日文歌🎶，氣氛輕鬆😌。店員有禮🙇🏼‍♀️，座位雖然不多，但座得舒適🪑，絕對係放工後放鬆好地方🏮。今次試咗呢幾樣（兩碗麵+兩個小食）🍴：🍜 🦪終極之廣島牡蠣濃湯拉麵 $138 湯底用大量日本廣島牡蠣熬製而成，加上自家製日本廣島牡蠣醬，由大量廣島牡蠣熬煮，總製作約9小時，再結合日本複合醬油，鮮味層次超豐富，飲落超滿足。 (歡迎看圖5無言食評📸)配料：3粒廣島牡蠣🦪 + 溏心蛋🥚 + 醬漬牡蠣 + 3片慢煮叉燒🍖免費加配：迷你芝心漢堡 – 熱辣辣🔥、芝士拉絲🧀，咬落香口又滿足！ 😍（小提醒：湯底用真蠔熬煮，可能有少量碎殼，食時小心⚠️）🍜🌸極之真牡蠣櫻花醬油拉麵$99 同樣濃湯是自家製作，由大量日本廣島產牡蠣熬煮，總製作時間約9小時，屬於風味極濃，結合日本醬油及大量牡蠣熬煮出底湯，令湯底多一種層次複合感，最大限度提升湯的鮮香。這醬油湯底🍲，同樣用廣島牡蠣熬9小時，鮮突出香，帶少少櫻花蝦直接🍤，易入口👌。材料：溏心蛋🥚 +半殼醬漬鮑魚🦪 + 牡蠣 + 慢煮叉燒🍖免費加配：日本烤蟹柳 –烤得微脆🔥，蟹味香濃🦀，好正！ 👍（小提醒：湯底用真蠔熬煮，可能有少量碎殼，食時小心⚠️）🥟炸雞皮餃子 $28外脆內嫩，雞皮香口，味道正😋🍗唐揚炸雞 $29多汁入味，炸得剛剛好，超香口🔥湯底好好飲，一唔小心飲到見底🥣(圖5)，拉麵彈牙有嚼勁🍜，食材新鮮份量！ 依間小店值得支持，下次會再幫襯～👍…查看更多

上星期五中午飯同同事去附近長沙灣「極之拉麵」，食咗幾款超有創意嘅日式拉麵＋小食，呢間小店佈置得好日式，勁多模型公仔，近排最Hit嘅鬼滅都有，第一次到超濃蠔湯😍😋真係食到我哋眼界大開＋肚皮爆炸😋足料、湯底正之餘，埋單仲係唔洗加一·A4 終極之廣島牡蠣濃湯拉麵有成3大隻牡蠣🦪同一啲蠔仔🤤蠔湯湯底超濃郁，滿滿海味，唔會覺得鹹，飲到牡蠣嘅精華同好鮮味！牡蠣鮮甜好甘😋冇腥味，啖啖精華！配埋日本雲呢拿泡芙，飯後甜品·終極之多重貝汁湯拉麵🐚湯底層次豐富，貝味香濃，湯好鮮甜好飲🤤仲有鮑魚食🍔配料 迷你芝心漢堡扒，芝士餡邪惡～·炸雞皮餃子（4件）🥟幾特別，內餡有素菜同肉·凍日本蜜瓜梳打🍈罐裝蜜瓜味soda飲料，配拉麵幾好！創意滿分，味道有驚喜，值得再訪！🔥🏷️ 極之拉麵 (長沙灣)📍長沙灣元州街399號喜漾地下2號舖…查看更多