極上帝王水產

太耐冇食日式放題，今天到旺角兆萬九樓極上帝王水產。装修有日本居酒屋的特色，全場坐满人客，十分熱鬧。雜錦刺身拼盤新鮮度極高，三文魚油脂豐厚，甜蝦鮮甜滑嫩。鮑魚味道也很鮮味。海膽壽司，海膽入口即化，海味濃郁，搭配醋飯恰到好處。鵝肝則以炙燒方式呈現，內裡柔滑，油香四溢，與日式醬汁融合得宜。炸物方面，天婦羅炸得酥脆不油膩，蔬菜與蝦的原味被完美保留。至於肉類BBQ，肥牛，豬肉多汁，香氣撲鼻，令人食指大動。最後，還有各式各樣嘅雪條。…Read More

在兆萬行街行到攰去醫肚真係有好多選擇，層層都係食肆，放題任食都有幾間。在地下見到派傳單職員介紹，佢哋係可以任飲任食6小時，呢個賣點真係令我好驚訝同埋覺得好吸引，便決定食呢間。佢嘅放題係包括燒肉X火鍋X刺身，好多嘢食，任食任飲，仲要可以食6小時。😍😆坐低咗，職員都幾友善講解，協助下單。職員幫我哋set好個壽喜燒火鍋先。火鍋偏甜嘅壽喜燒湯底，都好多食材，有2盤美國牛菜，冬菇，紅蘿蔔，金菇，年糕福袋。由於好快索唒湯汁，所以建議呢個火鍋食咗先。啲牛肉好正，好香牛味仲要索哂湯汁。😍牛可以encore。食完啲牛可以加湯繼續食火鍋，出去自助火鍋區拎菜，丸，牛等食材返嚟煮個火鍋食。又或者叫牛肉整燒肉。枱中間有個燒肉爐。不過我同友人已經有少少飽。接住攻剌身喇。然後來個由三文魚帶子希靈魚油甘魚赤貝鮑魚甜蝦大蝦泰式生蝦螺肉組成嘅豐富刺身拼盤上枱。真係好有氣勢，好吸睛，適合打卡拍照😍。刺身嘅質素和味道都唔錯。我覺得最好食嘅係三文魚，帶子，赤貝及鮑魚。三文魚係好新鮮，入口好香油脂味，唔會有筋。帶子赤貝就鮮甜，鮑魚大隻，鮮味爽口。大蝦都幾大條，味道鮮甜爽口，好正。要encore ! 火灸三文魚壽司幾好味。叫嘅壽司味道都唔錯。鵝肝刺身都好好味，入口即溶。😍海膽新鮮清甜。蟹粥好棉，入面有好多料，都食到有幾多蟹肉和腳。雪糕雪條有好多款揀😍。可以坐咁耐，食咁耐，食物質素高質又有咁多嘢食選擇，呢度真係對得住佢個價錢。下次會想再嚟食過。…Read More

第一次試呢間放題，環境同氣氛真係好正！空間夠大，就算係閒日都幾乎坐滿，好彩搵到卡位坐，夠晒舒服。店員服務態度亦好好，全程都好有禮貌～ 開餐先狂掃一大盤刺身，新鮮度同味道都唔錯！仲試咗幾款小食，其中生蠔雖然唔腥，但就未夠甜，size亦偏細，有少少可惜。黑松露炒蛋嘅松露味比較淡，屬於清爽口感；反而芝麻雞翼好出色，香到入晒骨；鰻魚卷亦夠入味，鹹淡啱啱好，幾過癮。 之後轉戰打邊爐，揀咗壽喜燒湯底，略嫌偏鹹，要溝少少水調味。材料選擇好多，牛肉尤其肥美，款式夠多任揀。食完火鍋仲有燒肉續攤，一樣款式豐富，邊烤邊食超過癮，飲品選擇亦好夠，完全唔使擔心冇嘢配。 總體嚟講，加錢升級絕對值得，第一次體驗都幾滿意～…Read More

今日去旺角食晚餐，揀咗兆萬中心9樓嘅帝王水產，果然冇揀錯！ 最正嘅係一個價錢可以同時食到壽喜燒、烤肉同放題，完全啱晒我呢個為食精！呢種「一價三食」嘅玩法，真係諗起都開心～ 鐘意食生蠔、鵝肝、海膽軍艦、榴槤蓉筒、甜蝦、磯煮冷鮑魚呢類靚餸嘅朋友，加少少錢叫個「公」套餐，仲可以任食唔使停，簡直抵到笑！ 肥牛、五花腩同滑雞最靈活，想打邊爐就放壽喜燒湯裡滾，想食香口嘅就擺上烤爐，一味兩食，做法隨心，正到痹！ 放題嘅刺身更是新鮮到閃光：帶子大隻爽嫩，三文魚厚切油潤，淨係蝦刺身就有四款——甜蝦、去頭赤蝦、有頭赤蝦，仲有泰式生蝦，連埋其他款一齊數，足足16款任你揀，刺身控簡直要原地起舞！…Read More

依餐放題真係有驚喜本身抱住冇咩期望嘅心態入去，因為壽星生日大晒，佢想食就無計，所以就放膽一試，由於我地訂座關係，可以享有到九折無限時及送芝士焗龍蝦一客，刺身真係好新鮮，好靚擺盤完全係日本級數，刺身款式夠多，厚度剛好之後，店員推介我們一個壽喜燒，湯底充滿醬油香味，蔬菜經壽喜燒湯底滾燙後,食落不會油膩，而且還相當開胃燒肉款式夠多夠齊其他炸物就中規中矩， 但勝在款式夠多個人比較喜歡芝麻雞翼同埋炸鮮奶而訂座送嘅芝士焗龍蝦，都有翻咁上下size，芝士香非常濃郁甜品方面，這放題店有相當多的日本韓國雪糕雪條，非常適合我這個甜品控總結這個我本人極力推薦🫰…Read More

呢度嘅壽司真係隱藏王牌！黑松露帶子壽司香到犯規，松露嘅濃郁包住帶子嘅鮮甜；油甘魚壽司脂香滑溜，入口滿是海洋嘅清鮮；連迷你花之戀都整得好精緻，一口一個啱啱好，creamy嘅蟹肉混住魚籽，一啲都唔覺膩，多食幾個都冇負擔～ 燒肉區仲正到痹！自助取餐台擺到滿晒，肉食控直接衝就得啦：豬腩肉烤到邊邊微焦，雞翼外皮香脆肉汁多，牛仔骨帶住骨香超入味，牛肉粒、雞扒、肥牛輪住烤，連多春魚同三文魚骨都有，海鮮黨都可以找到樂趣。哦對啦，仲有蜆同牛油帆立貝，烤到滋滋聲出油，鮮到舐殼！ 最驚喜嘅係居然有泰式風味！生泰式青口酸辣開胃，冬陰功湯更是靈魂，酸香帶住少少辣勁，飲一口即時解膩，一邊烤肉一邊嗦湯，正到跺腳～ 炸物區完全頂得住「必點」招牌：芝麻雞翼外皮裹住香芝麻，咬落去咔嚓脆；廣島蠔肥嘟嘟，炸到金黃唔覺油；榴槤炸彈一咬就爆漿，甜香衝擊味蕾；炸鮮奶同芝士年糕就係軟糯香甜，每款都香到上頭，根本停唔到筷子，淨係想再來一輪！ 飲品超過20款任揀，汽水、茶類、台灣飲品樣樣齊全，配燒肉炸物啱啱好。甜品區仲貼心，豆腐花、啫喱、芒果布甸、tiramisu都整成細份裝，一口一個啱啱好，食完仲可以去攞雪糕雪條，十幾款選擇，從傳統到進口口味都有，冰火兩重天嘅快樂直接拉滿～ 服務都要讚讚！服務員時不時主動換紙巾、收空碟、換燒爐紙，全程唔使多招呼，細心又貼心。對啦，社交平台like仲送movenpick雪糕，真係額外驚喜，呢波操作太圈粉啦！…Read More

前幾天逛旺角，順道衝了心頭好——極上帝王水產放題，這家我刷了好幾次的店，每次來都能狂炫海鮮、燒肉和刺身，簡直過癮到飛起！ 刺身拼盤必須先亮相：厚切三文魚油潤閃光，帶子嫩得入口即化，北寄貝脆彈、大蝦鮮甜，連櫻花蝦都灑得毫不手軟，分量實在到感人。最貼心的是，吃到哪款特別愛，還能單點追加，完全不用擔心錯過心頭好～ 活海蝦也是驚喜，鮮得帶着海水的清甜味，跟刺身蝦比起來，一個彈牙一個柔嫩，風味截然不同，兩種都值得試個遍！ 烤物區更是藏着寶：牛油金針菇簡直是靈魂搭配，金針菇吸飽了融化的牛油香，咬下去汁水噴發，香到舔手指；牛舌得自己動手烤，看著它在鐵板上慢慢變色，烤到邊緣微焦，入口又嫩又帶着濃郁的牛香，肉食控絕對會瘋狂打call！ 軟殼蟹手卷也別錯過，算是這裡的經典款了。外層海苔脆爽，中間裹着沙拉醬的酸甜，軟殼蟹炸得外酥裡嫩，一口下去層次豐富到驚喜，在放題裡算相當出彩的存在。 為什麼每次吃放題都首選這家？性價比高是關鍵，加上款式多到眼花繚亂，每次都能吃到扶牆出，實在太滿足！ 好味指數：10/10性價比指數：9/10餐廳名稱：極上帝王水產餐廳地址：旺角西洋菜南街1N號兆萬中心9樓…Read More

旺角兆萬附近有間日式放題，集燒肉與火鍋於一體，最吸引的是有安格斯牛肉，鮮味十足。可燒的食材豐富，有菜、肉、海鮮，上來就有刺身船。升級後的生蠔set很抵，包含生蠔、海膽軍艦、燒鰻魚串等。 試了火鍋，強推壽喜燒鍋：先煎牛油，再加壽喜燒湯和配料，有牛肉、芝士竹輪、菜、蘿蔔、布袋豆腐等，味道濃郁，配烏冬絕佳，湯太濃還能加水。 這裡串燒、鍋物、燒物一應俱全，店員服務超讚，不斷關心是否漏單、更換骨碟，體驗很好。另外，泰國菜也不錯，總體很推薦！…Read More

成日網上都傳言兆萬勇者之塔成日見咁多kol推介，就鼓起勇氣試一試，一入門口，好有日式風格，裝修未說得上華麗，但勝在企企理理門口的雪糕櫃放滿咗各式各款的雪糕雪條值得一讚嘅係，全部都係日本韓國嘅名牌雪糕雪條，全部都是貴價雪糕，連movenpick🍦都有得食店員嘅推介竟然係最普通嘅A餐可能他見到我係學生，唔敢sell我太貴嘅套餐刺身款式都比較多，基本上諗得到地都有炸物我哋比較少叫，但係叫咗幾款比較特色啲嘅炸物炸鮮奶個人比較推介，食落唔會太油膩芝麻雞翼🍗，香口得來保持到肉汁其他小炒都還可以另外燒肉方面只可以講不過不失服務方面幾好，店員基本上會保持keep住問我哋有冇爭嘢食，見我哋坐望右望都會問吓有冇嘢幫到我哋手整體勝在性價比滿滿⭐️⭐️⭐️⭐️⭐️價錢對得住質素⭐️⭐️⭐️⭐️⭐️…Read More

帝王水產初體驗俾樓下招牌吸引左上黎只可以講款式真係多到睇唔晒全個餐牌超過200種嘢食有刺身，壽司，燒肉，打邊爐，日式西式泰式美食等等價錢方面中規中矩，319包哂，個人覺得可以接受性價比算高，因為始終款式夠多，都冇乜可以挑剔刺身款式多達20種，夠凍夠新鮮，而且份量很足燒肉訂座送嘅牛肩胛，肉味夠濃，大大片，而且油脂分佈平均泰式食物味道尚可以西式食物款式還可以服務方面值得一讚服務員會定時跟進嘢食沒有漏單嘅情況出現衞生環境，而且有人情味總結：值得再嚟⭐️記住問服務員攞隱藏版嘅mp雪糕…Read More

同老公行街，喺旺角無意中見到「極上帝王水產放題」，門面好吸睛，一於入去試試！🌟刺身篇：1：挪威厚切三文魚 ，厚切超有誠意，入口油潤，魚鮮味勁足，啖啖都好滿足2：迷你北寄貝刺身 ，貝肉爽彈，海水味淡淡哋，好正3：北海道帶子刺身 ，個頭大又飽滿，咬落軟滑中帶住脆，鮮甜到痹！🍢燒物&小食：榴槤炸彈 必食！外層脆卜卜，入面榴槤流心爆餡，香濃唔膩，榴槤控瘋狂愛！黃金蝦多士 ，蝦肉彈牙新鮮，多士金脆，蝦香同麵包香夾埋，口感超豐富～🥩燒肉推介：升級版安格斯牛肉 ，油花分佈均勻，烤到邊邊微焦，肉汁噴發，牛肉香濃到爆，燒肉迷千祈唔好錯過！厚切鰻魚串 都好正，鰻魚厚身，烤完外皮微脆、內裡嫩滑，醬汁入味，食到停唔到口～整間店食材新鮮度滿分，服務又貼心，補菜快手。味道可以畀10分，性價比超高！已經同老公約定下次再嚟～餐廳：極上帝王水產放題地址：旺角西洋菜南街1N號兆萬中心9樓電話：2111 1821#hkfoodie #香港美食 #旺角美食 #放題推薦 #刺身放題#極上帝王水產放題…Read More

對劣食之塔改觀一間充滿愛的放題刺身款式超過20多種一個價錢可以食齊刺身壽司，燒肉打邊爐，仲有日式西式泰式嘅嘢食只可以講性價比滿滿由最初而為款式多味道就會差嘅感覺到嘢食嚟到嘅時候，驚喜簡直係滿分有六成食物都不過不失其餘四成，只可以講呢個價錢系值晒炸物控制到啱啱好唔會太油刺身夠曬新鮮日式西式泰式嘅嘢食味道正而且服務更是滿分，全程有服務員為我跟進食物。 沒有漏單嘅情況真係放題之中嘅奇葩特別一提，一定一定一定要留肚食甜品佢哋嘅雪條雪糕款式超過20種加上有其他啫喱仔布甸和其他手工甜品只可以講人均消費319真係超值…Read More

充滿驚喜的放題體驗和女朋友慶祝生日，經電話訂座有全單九折優惠，一入店舖已經感覺到充滿日式的氣氛，個人覺得打卡一流先評論一下嘢食刺身方面，只可以講冇得輸刺身款式超過20幾種店員幫我們來了一個刺身拼盤🐟三文魚是腩部的位置，油香十足旁邊更有紫蘇葉配搭可以去掉嘴裏面的油膩感其他刺身只可以講不過不失但是溫度絕對夠晒冰凍熟食方面大概有二百幾種由於種類眾多，我只介紹我比較喜歡的四五種食物🐚辣椒膏炒青口完全係泰國風味一模一樣🐔芝麻雞翼外脆内嫩肉汁豐富，而且醃嘅味道剛剛好不會太鹹，亦不會太淡小朋友嘅至愛🥗飛天通菜經店員推介，初初以為普通一碟飛天通菜平平無奇，但是一試就喜愛了味道非常之好吃🫓鵝肝脆餅這個是店員送給我們的生日禮物充滿油香的鵝肝刺激味蕾亦不會好像其他餐廳的用厚厚的多士來填滿我的胃，只用脆餅感覺新鮮💗最後店員更給我一個生日驚喜送咗一個生日蛋糕俾我哋，全場一齊為我唱生日歌嘅感覺真係好💗整體來講服務態度一流👍食物無可挑剔性價比極高環境可能會狹窄一點，但可以接受唯一可以投訴嘅係冷氣比較細一點…Read More

今日同朋友去左挑戰－個可以食足6⃣️個鐘既午市日式放題🤣呢個放題可以任食嘅項目同韓式燒肉選擇超過200品，呢個價位嚟講真係好抵食🫰🏻❗️🐟一坐低梗係要嗌返碟刺身開下胃💖三文魚、鯛魚、珍寶帶子、有頭赤蝦、北寄貝、赤貝、北海道角螺．．呢d大路嘢基本上都好齊，足足有成16款，搞到我地一唔小心就叫到好大盤🤣；食落口仲要全部都新鮮夠凍，質素唔錯，係值得encore嗰種👍🏻👍🏻🍣估你唔到呢度嘅壽司勁有驚喜❣️壽司飯酸度適中，鬆軟得梨又細嚿，上面塊刺身仲要係舊飯嘅兩倍，叫咗幾款都冇伏🫰🏻其中最推介－定係火灸左口魚邊壽司，左口魚邊又厚又嫩，火炙過後脂香濃郁，入口即溶，同單件都要幾十蚊個d居酒屋根本有過之而無不及👍🏻👍🏻👍🏻🍖燒烤方面，出面有2個大雪櫃放滿哂美國牛肉、韓國牛肉、汁燒牛肉、牛仔骨、梅花豚、五花腩等等既數十款肉類、海鮮同蔬菜；乾淨整齊、一眼睇晒、想食咩都可以出去自己拎🤟🏻小妹同朋友都覺得牛仔骨同蒜香雞翼嗰調味係最正，正到我哋係咁食💕🍘🥟小食方面仲有安格斯牛柳粒、避風塘炒蝦、天婦羅、白汁青口、肉醬意粉、芝士和牛手打漢堡、榴槤炸彈、炸鮮奶、冬陰功、手打蝦餅、飛天通菜、泰式生菜包等等…既大量特色野🥘🫔；幾乎日式、西式、泰式既口味都包辦晒，梗有一款啱到你🫶樣樣食少少都飽到我哋上心口😜🥤野飲個度除左有中日韓汽水、果汁、烏龍茶．．．仲有嘉士伯啤酒、韓國黑啤、日本麥啤可以揀，同朋友慢慢邊飲邊食邊吹水，終於有返d放假既感覺🥳🍨雖然已經食到勁飽，但係見到出面咁多款甜品（都有成十幾款日韓雪糕雪條、西式甜品杯、心太軟、泡芙、豆腐花等等），我地都忍唔住要出動埋第二個胃，幫今餐劃上一個完美嘅句號😋🛑極上帝王水產📍旺角西洋菜南街1N號兆萬中心9樓港鐵旺角東站B出口,港鐵油麻地站 A2出口#極上帝王水產 #兆萬放題 #旺角美食 #香港放題…Read More

早幾日同friend去咗間日韓燒肉放題，本身都抱不大期望，因為網上好多人講呢間，但朋友話之前親身嚟過食，係有刮目相看嘅感覺，所以就約我一齊再嚟食！食物質素真係無網上講的咁差，而且服務員態度勁nice食物款式多到眼都花，刺身係好有驚喜❤️- 北海道帶子：超厚身，啖啖鮮甜，入口即溶，唔係講笑，我Encore咗兩round！- 日本赤蝦刺身：蝦身爽口，鮮味爆燈，啲蝦膏仲要好creamy，真係正！- 炙燒左口魚 & 炙燒三文魚：燒得啱啱好，魚油香撲鼻，配埋少少醬油同芥辣，簡直係神級組合！生蠔好爽甜，幾新鮮仲有加拿大海膽壽司只要追蹤佢哋社交平台，即刻升級食物，有得食牛頸脊燒肉！牛味濃郁，油脂分佈靚到唔捨得燒太耐，燒到微焦即刻食，juicy到唔得了！除咗燒肉，仲有Shabu Shabu！想轉口味？冇問題！佢哋有Shabu Shabu任你打邊爐，湯底清甜，配埋啲靚肉靚菜，食完燒肉再嚟個暖笠笠嘅火鍋，完美！…Read More