楚撚記大排檔 (日富里百好大廈)

營業中

休息中

同男朋友想食好耐，有日5點幾去到問，睇下搏唔搏到walk in，店員話8點30先有位，可以留定位，即刻唔洗諗，留名！見到有新菜式餐牌，試咗個香辣椰菜花炒咸肉煲。一上枱勁香，隔離枱都即刻望過黎！好香口，好食！仲有小小花椒麻味，濃味人極愛！一定唔小得招牌嘅椒鹽嘢，今次叫咗九肚魚外脆內軟，入口即溶，正！仲叫咗拔絲咕嚕肉，夾埋啲糖絲食，會更加脆口男朋友仲嗌咗個豬油撈飯，佢話好香！唔怕肥真係想食多碗咁話！係可惜嗰晚最招牌嘅菜乾豬肺湯賣哂，之前試過外賣已經念念不忘，下次一定要再試！

好想食大排檔，忽然諗起有呢間。6:30去到，外賣竟然要等大概1小時，時間就剛剛好。叫咗相應嘅外賣，然後就周圍兜風，大概7:15去到，未有得拎，但侍應生嘅服務態度非常好，又叫廚房整咗我嘅先，但到7:30外賣竟然要等大概90分鐘。所以建議如果要叫外賣嘅話就可能要早啲去到。食物方便非常之好食，好夠鑊氣，徧濃味。拎到外賣返去，依然可以keep到脆口。10分推介

天時暑熱 又想食大排檔，我會話楚撚記大排檔係一個無措既選擇。尼間餐廳又係人山人海既，所以最好訂左位先去！ 今次我同一班好同事訂左1900，準時到就可以即刻入座，安排好好！一大班人去大排檔食野就可以叫好多個小菜開心share!雖然入座起計有限時90分鐘，但由於佢上菜時間好快，所以都無問題！ 尼間餐廳唔單止提供傳統既小菜，同時都有好幾款新式d 既小菜，適合有時想試下新野既朋友！我地果日叫既每款菜，無論係傳統既定新式既都好好食，全部都熱辣辣，夠鑊氣！我地果日貪新鮮叫左碟燕麥黃金蝦 ，結果係超好食！ 尼間餐廳我地絕對會再encore !

幾個同事一早約定嚟呢間食飯，因為此店實在太旺場，所以一定要預早訂位。😍同事極力推介話 楚撚記 啲嘢食好好味，淨係聽個名，我真係聯想唔到，究竟係乜style ？!🤔心想，以為係一班大叔開嘅老牌小菜館，原來錯曬!🙃就從門口嘅投影，我肯肯定呢間係潮嘢!果然冇估錯，店內報置極盡心思，由牆壁畫報至枱面餐牌，都係用心嘅設計。🖼🎨反而比我嘅感覺，係好有文青feel。🤓不過菜式真係好有大排檔火候，又大碟又惹味。😋加上全場爆滿，座上客都在高談濶論，又確實幾似大排檔。🤣餐牌菜式選擇實在太多，我個人認為嚟多幾次都未夠!🤭同事們實在太無情，手起🥢落，毫不留情，成餐晚飯，我祇成功影到半隻葱油雞! So sad! 🤣🤣🤣

襯住約左5位foodies，一於去大排檔可以嗌多啲餸。除咗荃灣，仲有分店喺土瓜灣，西環。裝修懷舊風，座位多，卡位/圓枱都有。✨味道76分，環境75分，服務75分。.🔸秘製辣酒煮花螺($128)⭐️推介⭐係荃灣旗艦店限定！鍋底有蠟燭keep住熱，辣度大概係二小既辣，白蘿蔔好入味，吸收哂辣酒，煮得夠稔。花螺有長竹籤比你吉出黎食，好香口，冇沙。.🔸菠蘿拔絲咕嚕肉($99)⭐️招牌菜，用梅頭肉整，啖啖肉唔會一大舊脂肪，剛炸起，外皮撈完汁都微脆，酸酸甜甜，汁既份量剛好黐住每舊肉，又唔會成碟都係汁。.🔸欖菜肉鬆四季豆($68)太鹹，食既時候要撈好多飯。四季豆都夠新鮮，唔會有渣。.🔸香煎黑松露手打蓮藕墨魚餅($96)⭐️招牌菜，大概7塊，好香黑松露味，咬落口感有蓮藕嘅爽，亦都有墨魚餅嘅彈牙。.🔸飛天通菜煲($78)招牌菜，熱辣辣，好夠鑊氣，微微辣，落左蝦乾整得香，食到底浸到啲汁就鹹左啲。.🔸楚撚豬油撈飯($20)⭐️豬油，豉油，葱，芫荽，自己落適當份量。砵仔飯，飯粒粒分明，豬油愈邪惡愈香口。.🔸番薯糖水送飯後甜品🥣竟然有驚喜，好足料，大大舊番薯，煲得夠稔，甜度剛好，亦都夠薑味。

#kopo西環#kopo💸💸#kopo有驚喜🤩 楚撚記😍高質撚手小菜呢間絕對係👉🏼 慕名而來 驚喜而歸😛朋友推介 Book完位等左一星期終於有得食！講講佢地3款熱門菜式😁燕麥金沙蝦球 $78 🔖4.6/5分- 賣相唔好🤣 但味道卻十分有驚喜‼️😍- 鹹蛋黃味道剛剛好 完全唔覺得膩- 蝦球加上燕麥片一齊食 脆得黎又彈牙👅- 醬汁微微的甜味 送飯🍚一流香煎黑松露手打蓮藕墨魚餅 $88 🔖4.3/5分- 有七塊 唔會太薄 食落有口感😛- 黑松露味算突出 但唔會太濃- 墨魚餅煎得夠香 加上蓮藕更爽口彈牙西楚霸王雞 半隻 $128 🔖4.0/5分- 雞算新鮮 肉質夠嫩- 炸蒜配上秘製醬油 好惹味😍- 鐘意食雞的可以一試🐼 餐廳長期都超多人 訂位要預早訂 價錢合理 味道出色🐨 Overall 成個experience 都好 環境乾淨 裝修走懷舊風 岩哂打卡📸 侍應反應快速 食完仲有免費甜品送🥰正📍 楚撚記大排檔 (日富里百好大廈) (西環)西環石塘咀皇后大道西554-560號日富里百好大廈地下1號舖#kopo港式#kopo西環

🥘楚撚記🧆以前細個唔識嘢最唔鐘意去大排檔覺得又熱又多數要去街市大個咗、麻甩咗先知大排檔係寶簡直係香港文化特色添依家多數都有裝冷氣無論係鑊氣同氣氛定菜式種類都係其他類型餐廳冇得比最開心係同班朋友好耐無見有得啤一啤佢(ﾟ(ﾟω(ﾟωﾟ(☆ω☆)ﾟωﾟ)ωﾟ)ﾟ)嗰種氣氛都無咩餐廳可以俾到今次第一次食楚撚記只可以講又令大排檔喺我心目中嘅地位昇華咗～呢到除咗有比較創新嘅菜式例如黑松露墨魚餅、菠蘿脆皮大腸、腐竹蛋糖水沙冰等黑松露墨魚餅彈牙鮮香得嚟又食到黑松露勁惹味⸜(ّᶿॕധّᶿॕ)⸝大腸果然皮好脆同菠蘿好夾腐竹蛋糖水沙冰真係好似食緊糖水咁仲要勁大榨好抵飲(ᗒᗨᗕ)大排檔傳統撚手小菜都唔少得好似避風塘炒鮮魷、豬油撈飯、咕嚕雞球、沙拉骨之類炒鮮魷唔會出現粉同鮮魷分離仲要好惹味唔會死鹹豬油撈飯我第一次食但原來都無想像中油膩仲要幾香口啵其他兩樣就正常發揮不過不失～聽講楚撚記都好難book下大家如果想食記得早啲打去留位！(☞ﾟヮﾟ)☞ ☜(ﾟヮﾟ☜)地址：西環石塘咀皇后大道西554-560號日富里百好大廈地下1號舖荃灣川龍街118號百悅坊地下-1樓土瓜灣馬頭圍道187號地下2及4號舖

一班朋友一齊去食飯最好梗係叫小菜啦因為小菜可以迎合唔同人嘅口味非常適合一眾朋友聚餐所以就決定去咗食楚撚記啦.我地嗌左1. 拔絲咕嚕肉2. 小炒王3. 黃金椒鹽粟米4. 黑柏葉炒雞腎花5. 海鮮雜菜煲6. 豉椒炒蜆7. 梅菜蒸菜心8. 金沙蛋黃九肚魚9. 腐竹雞蛋糖水冰沙另外仲會送一人一兜糖水你可以揀清補涼或者番薯糖水.成晚最印象深刻嘅我覺得係個拔絲咕嚕肉非常之Juice但係佢啲肉又唔係全部都係肥肉可能我本身唔係太鍾意食肥肉啦所以覺得佢啖啖肉都係實肉好好食呀加上去外面都好脆成個味道非常惹味酸酸甜甜wohooo.佢個黃金九肚魚都非常之香脆加上佢嘅蛋黃都係鋪滿用了絕對唔會孤寒very 骨.令我去咗海鮮雜菜煲都令我有唔錯嘅印象頭先見到佢個煲白雪雪以為會係淡茂茂嘅點知佢個味道有幾出喎真係非常適合一班人去食但唔係個個都係食肉獸嘅時候呢一味就非常之啱.反而我想講一講佢嘅小炒王因為之前喺荃灣有食過我覺得反而今次有啲太濕唔係太夠鑊氣同埋唔夠乾身不過食小菜點少得小炒王我之後會再俾多次機會佢.其他嗰啲就冇特別多講啦不過不失而且我覺得基本上都過到幾大家不妨去試吓啦

由於一班人成日周圍食，生蟲都有之，之前訂左韓國的導蟲藥返到，葯到就當然又食飯交收啦平時都吾會去到咁遠食，但想試呢間野好耐，但其分店又卜吾到，咁啱呢間卜到（都要預兩星前），卜左20:30，仲話限食個半中，我六個人八點三齊晒通知佢，佢話未到要等等！等到另一班遲過我地班人都入得，吾對路咪問（四男二女，男仔吾知點解吾會主動問，我先出口，20:35問）佢先如夢初醒，佢搞錯左比左另一台，有say sorry同話請飲野，我心諗應該請汽水而已🤨🤨🤨🤨🤨🤨🤨🤨🤨🤨🤨🤨終於入得（21:00），一早已諗晒食咩即叫，T男話佢哋送野飲，雖然佢自己吾飲酒都話不如叫手工啤（貴），個老闆都好好人比我們叫，共叫左六支手工兩個阿华田冰沙！🤪🤪🤪🤪🤪🤪🤪🤪🤪🤪🤪食物名吾太記得，但記得蓮藕餅好好食，豬油勞飯好食，最吾好食係虾醬蒸豬頸肉同咩勝瓜😞😞😞😞😞😞😞😞😞😞😞😞菜乾豬肺湯好飲煎豪餅也很普通，多粉鵝腸都ok咸避風塘鮮魷好食小炒王都咸仲之，有吾知咩是汁嘅餸都好咸基本上有汁都好咸😩😩😩😩😩😩😩😩最後原本六個人要$1540，每人埋單$190因此佢請飲野就變左$1140（酒水$400）會再去

💛💛💛楚撚記幾餸菜真係好出色😍超有鑊氣 仲要環境舒服坐得好佢哋除咗例牌嘅大排檔餸菜之外仲有好多特色嘢野唔大家可以試吓佢哋嘅麻辣玻璃水魷辣辣地 個醬汁用嚟撈飯一流叫餸食飯嘅話見大家可以叫枝啤酒佢哋係用戰鬥碗去飲啤酒好有特色最後仲會送甜品😳 又凍同熱兩種簡性價比真係超高🤪

每次想食見到門外條人龍都卻步，打電話又成日book 唔到。終於今次朋友好有恆心訂到台，大家終於有機會黎食啦😁😁😁😁餐牌上每樣野食都想食，可惜胃口無咁多，如果唔係真係想再食多幾樣野！！！大排檔就緊係要試食蠔餅，食落睇下炸得香唔香口，有無油煙味，就知一家大掛檔有無水準。果然楚撚記既炸蠔餅無令我失望墨魚餅，裡面好多墨魚滑😋😋😋😋好正！沙拉骨，我最愛！椒鹽鮮魷，香口😄芝士琵琶豆腐！勁大碗芝士比你自己加料！超級正，鍾意有幾多芝士就淋幾多芝士！好幸福！！！總括來講佢嘅嘢食全部大件夾抵食仲要唔收加一！不過真係好難訂位或者等位😂😂😂😂如果有幸訂到枱或者排到隊一定要食啊！希望下次再訂到位有得再食

食過兩次，兩次都係過開黎西環，今次帶埋老公，佢覺得有驚喜，想得閒都食下，下次返荃灣食會近啲🤣，食物very good la，環境okay，不過啲檯可以再抹乾淨啲，可能有啲油未抹乾淨，我同我老公隻手墊係台上食飯，食完都有啲過敏，服務態度okay既，都好熱情，可能大家都好鍾意香港la🤣，希望香港人繼續支持咁好食既大排檔，懲罰到佢地冇收工，加人工喂⋯200字真係好難再打落去，我要講既嘢都講曬，得得得未算lor，食評食到寫論文咁，好食到返轉頭，6個字夠做la

相信呢間大排檔對大家來講一啲都唔陌生，去到而家已經有三間分店，而且唔係咁容易可以book到位，至少要早兩星期先book到靚時間😄嗰日8:30入座，我哋就叫咗四個餸：西環限定嘅黑柏葉爆炒雞腎花 $98入口有好濃既花生醬味，而且黑柏葉同埋雞腎都唔會煮到過老，啱啱好好爽口👍🏻成碟餸都好惹味好適合送飯菠蘿拔絲咕嚕肉 $98咕嚕肉係梅頭所以好軟淋，而且外皮炸得好脆，隔離有拔絲同埋幾粒焦糖脆脆，唔會過甜，整體都幾開胃燕麥金沙蝦球 $98 （掛住食唔記得影🤣)呢個餸喺香港嘅大排檔都好少有，呢個餸喺新加坡必食😍啲蝦好彈牙好爽口，麥片好香甜同埋炸得好酥脆，食到唔想停香煎黑松露手打蓮藕墨魚餅 $95佢係最驚喜嘅一個餸，上枱已經聞到淡淡的黑松露香，食落好香口，而且又有口感，食到一粒粒蓮藕😋唯一可以改善嘅地方就係有啲油甜品仲有番薯糖水👍🏻下次仲想試埋佢嘅椒鹽粟米，今次因為賣晒所以食唔到！大家快啲去支持呢一間良心店💛💛💛

今日同同事去左楚撚記食晚飯，知道出名難book，所以一早book定左。叫咗好多嘢食，但令我最深刻嘅係黃金炸粟米，估唔到呢個配搭係咁好食，粟米嘅清甜加上鹹蛋黃香令我一試難忘。另外呢度其他嘢都好出色，唔會油淋淋而且好脆，好似炸蠔餅同埋炸九肚魚都好好味。同埋呢度都好多特色嘢飲，唔飲酒嘅朋友可以有好多選擇。除咗炸嘢之外呢度嘅炒麵都唔錯。但唔鍾意食重口味嘅朋友可能會唔太啱，但我自己就覺得好OK。

次次外賣自取都比預訂時間至少遲半粒鐘，等到身水身汗。啲食物本來幾好味，特別個霸王雞，但係已經用OR app 訂講明幾點攞有哂 buffer 都要等咁耐，幾好食都冇用啦。