楚撚記大排檔 (日富里百好大廈)

營業中

休息中

實在已經很久沒有聽到朋友這麼強烈推薦一間餐廳， 一進餐廳感受到強烈的大排檔情懷， 但當然已經是有冷氣和舒適版本了， 食物本土得來又充滿特色， 說的正是楚撚記大排檔（ 西環店）。朋友話這裏有個飲品非常特別， 傳統的中式糖水， 卻又以新方式呈獻， 所以一定要嘗試這個腐竹雞蛋糖水沙冰。 再試試這裏的脆皮燒bb鴿， 麻辣韭菜鴨血煲同埋菠蘿拔絲咕嚕肉。腐竹雞蛋糖水沙冰賣相和傳統的糖水完全風馬牛不相及， 但喝下去就充滿了視覺和味覺的衝擊。 眼看完全是一杯西式沙冰， 但味道卻是傳統不過的腐竹蛋糖水， 而且雖然是幼滑沙冰， 但腐竹的味道香濃到不得了， 也不過甜， 實在美味。雖然沒有實體雞蛋， 但這杯飲品卻偏偏充滿蛋香， 相信製作過程下個不少苦工。 推薦！脆皮燒bb鴿不知道是否bb鴿比起坊間普遍的乳鴿更加bb， 吃起來是加倍的嫩滑， 同時鴿油充足， 外皮燒得非常酥脆， 配合淮鹽更加惹味。麻辣韭菜鴨血煲韭菜豬紅煲就吃得多, 這裏換上了鴨紅更有一份獨特的鴨鮮香味, 韭菜非常脆嫩,沒有渣, 配合濃香帶點麻辣的醬汁， 色香味俱全。菠蘿拔絲咕嚕肉表明用上梅頭肉， 亦的確零舍肉嫩多汁， 鬆脆的薄薄外皮掛上醒胃的甜酸

今日食呢間楚撚記真係幾時都咁人氣旺盛！一去到已經見到好多人排緊隊， 旺場到book咗位都要等一陣先有得入。夥計好有禮貌，係咁同我哋講唔好意思。  餐牌唔多講，大排檔有嘅嘢呢度都有多無少，仲有好多佢哋嘅招牌菜。今次同男朋友得兩個人，所以淨係叫佢一啲餐牌有推薦嘅：菠蘿拔絲咕嚕肉、避風塘鮮魷、飛天通菜煲、楚撚豬油撈飯同埋阿華田可力沙冰。  第一樣嚟嘅係避風塘鮮魷，見到個賣相都已經有驚喜。好多時出去食大排檔嘅椒鹽鮮魷啲料頭真係少得可憐。。但係今次呢個料頭同魷魚都畀足料，夠晒惹味之餘，魷魚都炸得幾好、外脆內爽口！  飛天通菜煲份量好多，好有鑊氣調味夠足！  菠蘿拔絲咕嚕肉係用咗梅頭，食落去啖啖肉，啱晒唔鍾意有骨嘅朋友。自己最欣賞就係呢度嘅咕嚕肉比較乾身，唔會太多芡汁濕立立，連埋拔絲一齊食口感仲幾特別。  豬油撈飯依家唔係好多地方食到，夥計拎上嚟嘅時候會俾埋香蔥、芫荽、豬油同豉油，我哋可以按自己嘅口味去撈。呢個咁邪惡嘅豬油撈飯，非常香口，真係會令人忍唔住一啖接一啖！  最後呢個阿華田可力沙冰，70幾蚊一大渣，好抵飲！阿華田味較濃，沙冰清爽，啱晒夏天飲。  今次食完都明白點解楚撚記可以keep住大排

楚燃記呢間大排擋一向大排長龍，唔預約位置假日好難入座！我哋預約咗8點半時段，雖然我哋早咗20分鐘到，但店員都激力為我哋安排入坐，唔想我哋大熱天時等咁耐，非常友善貼心！先講講個楚燃招牌原隻豬手，香脆鹹豬手喺呢度嘅主打，鹹味同香氣十足，豬手外層嘅皮口感香脆可口，再配塔蜜糖芥茉醬或泰式甜辣醬，中和一下肥膩嘅豬手，兩款醬料嘅選擇更是增添層次感，非常推薦！燕麥金沙蝦球就食得出師傅嘅別出心裁，蝦球拌勻金沙後也沒有十分鹹，相信師傅細心地以細火慢炒鹹蛋黃，先之加入整好嘅蝦球再迅速炒勻，最後倒入燕麥微拌。食落嘅口感甜甜又帶鹹，蝦球肉質鮮甜軟嫩，深深地吸收濃郁嘅鹹蛋黃後香氣超逼人，三色蒸水蛋，滑流流的蒸蛋一下子就滑進喉嚨，嫩滑的蒸蛋有鹹蛋加持，令味道昇華，食到飽飽後，當然唔少得用甜品滿足胃嘅時間。餐廳附送免費甜品，清清地最啱消滯！

特別推薦大家✅香煎黑松露手打蓮藕墨魚餅✅老火菜乾煲豬肺湯✅楚撚豬油撈飯✅地道港式煎蠔餅✅豉椒鵝腸《香煎黑松露手打蓮藕墨魚餅》️超好食，一食有黑松露香味⚫️，蓮藕爽口、墨魚餅彈牙🦷，入面仲有墨魚粒更加有咬口🦑，食落有墨魚香味、鮮味🤤💰$96《老火菜乾煲豬肺湯》️湯好足料🍲，味道濃郁好甜🥰🥰，可以食埋湯渣，菜乾勁好食🥬，又入味又腍，瘦肉煲完湯都好腍😋💰$98小 3-4人(圖為this)💰$168大 6-9人《楚撚豬油撈飯》️豬油同豉油都係自己落🐽🤏🏻🍚，唔好怕唔健康，要落多d先夠香🤤，加埋蔥粒同芫荽更加香🟢，好完美💕，記得趁熱嗰陣撈，淨食飯都覺得好好飯😆💰$20(碗)《地道港式煎蠔餅》️蠔夠晒肥美🦪，唔腥又有蠔味，成個蠔餅唔會好油，而且炒粉做得好，有蛋味又唔會膩🍳👍🏻💰$78《豉椒鵝腸》️鵝腸去咗肥🦢，唔會好油好膩，炒到啱啱好🔥，好爽脆又唔會咬唔開，辣辣地，有回辣🌶，好開胃又好食😙💰$95*No need Service Charge😈**記得要online book位先📱，成日都好多人排隊，入座有90分鐘時間食⏰ ，土瓜灣、荃灣都有分店架🥢***我哋weekend dinner

今年第一次試大排檔美食，呢個香港特色就來可能變成歷史，以前冬菇亭，去到熟食中心，買少見少，今日行開西環，就去試吓好似呢個係搬遷了新舖位，裝修都好有特色，夠懷舊，店主都好親切，冇出面其他大排檔，態度咁差！竟然咁早就全場爆滿，即刻叫咗幾款大排檔小菜：西檸軟雞，外脆內軟，檸檬汁調校得好好，夠酸味，帶少少甜味，雖然雞件比較薄，不過都好過坊間好多👍黃金粟米🌽外面包着飽滿嘅鹹蛋黃，鮮味十足，十分惹味！唯獨粟米本身冇乜味！小炒王，主要係韭菜配鹹肉，充滿啖啖豬油味，風味十足，好有大排檔feel最後忍唔住嘆番支可樂，仲有糖水送，真係服務好好，香港食店越來越少有呢種人情味，通常出面見你差唔多食完，就即刻收碟，跟住逼你埋單

💛楚撚記大排檔·呢間我想食好耐㗎啦 但係次次都book唔到位 今次同朋友仔閒日黎食就終於book到位啦😍😍·菠蘿拔絲咕嚕肉$99 l 蜜椒薯仔牛柳粒$98佢個咕嚕肉都幾好食 佢係寫明用梅頭肉嘅 所以肉質幾好 不過我本身以為佢個拔絲係會好似拔絲香蕉咁樣成個咕嚕肉都有 但係原來係擺左係側邊姐🤭🤣🤣之後佢個密椒薯仔牛柳粒我自己就覺得一般般啦 因為佢個牛柳粒太細粒啦 所以食落冇乜口感咁 而且個薯仔都冇好軟糯🤔·啫啫唐生菜煲$75 l 黃金椒鹽粟米$65 l 七味黃金炸一口金磚豆腐$68佢個唐生菜煲超好食 佢係一放低已經好香 食落超惹味而且份量好夠🤤🤤之後個粟米都唔錯嘅 幾甜 而且上面既鹹蛋黃都包得幾好 不過我自己就鍾意避風塘嗰個整法多啲 我覺得個種載惹味啲😈最後個金磚豆腐都唔錯嘅 佢真係外脆內軟 好啱一路傾計一路啪😌·華田可力沙冰$77我哋其實本身係想嗌腐竹雞蛋糖水沙冰架 但係睇睇下見到呢個好似好搞笑咁 就嗌左 好彩無伏🤣🤣佢飲落其實似阿華田沙冰多啲 因為佢個holic味唔算話好出 不過佢呢個一渣係分到8/9杯既 所以都幾抵飲 而且佢個沙冰係好smooth既 飲落唔錯😎··📍西環石塘咀皇后大道

上次跟同事第一次來，成群餓狼跟足指示，“上枱即食”，手起🥢🥢落！整晚祇捕足到半隻🐔，害得我對住幾個菜牌空談。💭💭💬今次有圖有真相，菜色種類齊全，夠惹味，夠火候！🥳🥳🥳不用多說：“上枱即食”🥢🥢🥢🥢🥢☝七味黄金炸金磚豆腐 $68☝香煎黑松露手打蓮藕墨魚餅 $96☝脆皮炸大腸(鳳梨底) $88☝惹味豉油皇椒鹽海中蝦(6隻) $138☝楚撚沙拉骨 $85☝楚撚記小炒王 $92☝飛天通菜煲 $78☝敬送 老薑蕃薯糖水 $0免收加一服務費❗

在室內享受大排檔的樂趣，裝修、海報都採用大排檔風格食物亦十分懷舊，有豬油撈飯、鍋仔粥、各式鑊氣小炒等必試煎黑松露蓮藕墨魚餅及黃金栗米菜式包括 炒通菜, 黑松露蓮藕墨魚餅 超辣水魷片 豬油拌飯裝修懷舊風，座位多，卡位 圓枱招牌菜之一 每碟有6-7片睇size,入口食到好香黑松露味咬落口感有蓮藕嘅爽，亦都有墨魚餅嘅彈牙鮮甜飛天炒通菜,熱辣辣煲上,好夠鑊氣夠香辣 仲食到蝦乾同辣椒夠曬惹味豬油，豉油，葱，芫荽 砵仔飯飯粒粒分明落重豬油夠油香 拌埋一齊食非常滋味!平均消費$300評分8/10西環石塘咀皇后大道西554-560號日富里百好大廈地下1號舖

楚撚記開左咁耐我都係第一次食真係好羞家😳屋企人話長期唔訂枱就無位真係好誇張！地方好有香港味道，坐得舒服，適合朋友聚會啤一啤🍻小菜做得出色，好多款都想點，但奈何得兩個人食得唔多。先有燕麥金沙蝦球，蝦球比咸蛋黃包住好鮮甜爽口！另外楚撚記原隻脆皮炸豬手都無得輸，皮肉分開易食，連住筋位咬感十足。最後來個豆乳浸白菜，清新而且有好多腐竹呀🤩豆類控不要錯過！最後，唔好淨係叫白飯呀㊙️我覺得豬油撈飯都係必點！依家好少地方有得食，小店都算大方，比你自己加幾多就幾多！加完豬油、豉油和芫荽葱之後勁香口，一啖又一啖食到停唔到！最後有甜品好驚喜！蕃薯糖水是港式的味道啊！

間唔時都會想食大排檔，但係夏天去都幾熱，於是今次就食好多人推介嘅楚撚記。我地第一時間就揀左鴨血煲，特別要求左bb辣，入面鴨血都好多舊，另外韭菜配d汁都好食，食得辣嘅朋友就一定要嗌，真係好好食，即食鴨血真係無得比。有時都要放肆下，於是叫左一個豬油撈飯。佢會擺低一樽豬油同豉油，再加啲蔥花，就算知道食完膽固醇超標都要死食啊。豬油撈飯真係買少見少啦。食完啲肥嘅嘢，叫咗個豆漿杞子先富足娃娃菜，我哋見佢用豆漿浸幾有趣，啲湯都可以飲㗎。黃金椒鹽粟米都幾特別，上面用鹹蛋黃炒過，鮮甜嘅粟米配鹹香嘅蛋黃醬，唔會好油好好食。大排檔唔可以唔識食嘅係蠔餅。相比起其他餸來講豪餅就冇咁出色啦，佢有個牌提大家上枱之後要即刻食，毫不入面嘅好數量都唔少，但係略嫌有啲油，我覺得就麻麻，好想食嘅都可以嗌嘅。之後再加咗個芝士琵琶豆腐同豉椒炒蜆。我本身以為琵琶豆腐係一個煎過嘅豆腐。但係佢係一嚿好似豆腐蓉咁嘅物體。炒蜆幾出色，好有鑊氣。當然唔少得用佢個戰鬥碗飲番幾杯啦！

又有朋友即將到外國讀書，打算在家附近找一間港式大排檔，讓她到外國前多享受港式美食。每次經過楚撚記大排檔都見到外邊很多人，今晚試過後就明白為何此新式大排檔如此受歡迎。楚撚記大排檔裝修比較新穎，環境乾淨，室內又有冷氣，對比傳統大排檔當然更勝一籌。另外全晚客人絡繹不絕，店員亦忙過不停，但值得欣賞的是店員服務態度一直都很好，保持微笑亦很有禮貌！上菜速度亦快，絕對大大加分。我跟朋友二人在網上見到不少很吸引人的菜式都很想試，今晚就點了乾炒牛河、避風塘炒鮮魷以及濃湯海鮮雜菜粉絲煲，另外甜品/飲品方面就選了人人都推薦的腐竹雞蛋糖水沙冰。首先上菜是乾炒牛河，碟上已經提供一小碗辣椒醬，十分細心。炒河上面亦灑上芝麻，香氣撲鼻，這一碟乾炒牛河鑊氣十足，而完全不會覺得油膩，碟底亦沒有油光氾濫的情況。牛肉份量多，口感腍身彈牙，調味亦不似得一般茶餐廳或大排檔般過鹹過濃。從一碟港式炒河已經感受到這大排檔的確高質。好戲在後頭，接着上菜的是避風塘鮮魷，魷魚炸得熱辣辣，炸槳不會過厚，魷魚十分彈牙，大小適中份量亦頗多。上面鋪滿了炸得香口脆身的炸蒜，完全香氣撲鼻，十分高質的一碟菜式！至於海鮮雜菜粉絲煲亦有驚喜，首先份量大，而且

楚撚記一向都好出名，好評如潮，所以都好難book😅 今次預早了兩星期book, 終於book到星期五的8:30pm (最後8:00pm去到，都安排到座位），但walk-in就有點難度了。兩個人來吃，不能試太多菜式，好彩這裡的portion都比較細份。點了4款也吃得完，不用打包取走。果然是招牌菜，黑松露味好出，食落唔會太熱氣或油膩。墨魚膠好彈牙，蓮藕增加了口感，每件細細份，好快就清晒一碟好有儀式感的豬油撈飯 豬油、蔥、芫茜、豉油另上，可以按口味隨意搭配，撈勻之後，每粒飯都充滿油香，邪惡又滋味。豉椒炒蜆同飛天通菜都比大排檔的口味淡一點，食落去無咁heavy但重口味人士要注意啦環境嚟講，冷氣充足，乾淨企理。風味當然唔及傳統大排檔，但如果想過口癮又想坐得舒服啲，可以一試

講起現代化啲嘅大排檔🥢，「楚撚記」應該幾多人知！壽星女嘅生日飯想食小菜，專登去西環一探究竟🔍。裝飾富有香港特色，有霓虹燈又有壁畫，點少得標誌性嘅摺檯🇭🇰，安排坐係完全唔同格調嘅兵馬俑主題套房，不過食物先係重點啦。晚市滿座不在話下，所有餸份量好足🈵，飯後仲送清補涼，好有舊式酒樓送糖水嘅感覺~————————————————👅地道港式煎蠔餅（$78）👍🏻 西環分店限定當然要試吓！新鮮即炸即食好酥脆，又有空氣感，入面食到軟冧冧嘅粉漿同蠔仔🦪。但係凍咗就唔好食同油好多，魚露太鹹，豆瓣醬會鮮味啲，一大個夠4個人share👅生滾新鮮滑雞粥（細鍋$82）👍🏻 粥底偏綿，撈勻啲雞油同雞汁，簡直係精華所在🤤！雞件都幾多，細鍋都有四碗飯碗份量，會配埋油炸鬼，製作需時👅燕麥金沙蝦球（$98）👍🏻 蝦球幾彈，裹住起沙嘅金沙🍤，甜燕麥片增加咬口，價格就相對貴啲👅魚香茄子煲（$82）👍🏻茄子比平時食開嘅切得粗🍆，所以唔係軟爛 質感，食落仲有啲爽口添⋯夠多醬汁撈飯，鹹魚香再濃啲更好👅楚撚記秘製鳳爪（$58）👍🏻 餐前佐酒小菜，鳳爪唔係燜到好冧，麻辣度夠，食BB辣嘅我個嘴Keep住著火又食唔停口🔥，即席傳授食鳳爪秘笈

之前幫襯過土瓜灣店覺得好好味，唯一缺點係太難book位，walk-in又唔知等到幾時。有日諗起想食，就試下上網book西環分店，好好彩預早一個星期就book到。餐牌有好多選擇，其中有幾款係西環分店限定菜式。落咗單等咗幾分鐘就開始上菜，好有效率。首先上枱嘅係港式煎蠔餅，雖然寫住係煎，但其實係近乎炸嘅半煎炸。蠔餅非常酥脆，食落唔算油膩。蠔仔細細粒好甜好鮮味，而且份量都唔少黃金九肚魚表面沾滿鹹蛋黃，啖啖香濃鹹蛋黃味炸得夠乾身酥脆，魚肉嫩滑完全無腥味。食大排檔必點嘅黑椒薯仔牛柳粒，牛柳夠腍唔會太韌，黑椒味突出得嚟唔會太鹹。薯仔切到細細粒，似乎無乜炸過唔夠香口。黑椒薯仔牛柳粒始終都係始祖萬發最好味。拔絲咕嚕肉賣相比一般嘅特別，除咗有拔絲仲有一塊焦糖脆脆，但同咕嚕肉唔係好夾。咕嚕肉炸得酥脆，醬汁稍為甜咗少少。乾炒牛河好有鑊氣，河粉條條分明，牛肉同河粉份量都唔少見到有邪惡嘅豬油撈飯梗係要叫一碗，豉油同豬油另上，自己想落幾多都得。鍾意食蔥的話仲可以再加埋蔥花同芫茜，如果唔係要留肚食其他餸，我一個人食一碗都唔係問題整體嚟講楚撚記真係好味又抵食，次次幫襯都好滿意。四個人食到飽埋單只係$500，仲有蕃薯糖水

🍴地道港式煎蠔餅蠔餅煎得超級脆！啲蠔好新鮮完全無腥味，粉漿炸完無鬆散嘅感覺，再配埋佢嘅魚露同自家制嘅辣醬，真係食到一啖接一啖😋🍴楚撚記原隻脆皮炸豬手炸豬手又係超級鬆脆，啲肉好嫩😍，唔好過鹹，同埋睇得出佢切得好仔細，每一舊嘅size都啱啱好🤏🏻佢除咗一般會有嘅芥末醬之外，仲有泰式辣醬俾你沾嚟食👍🏻都幾特別🍴西楚霸王雞最估佢唔到好味嘅係霸王雞🤤🤤，呢個雞肉真係好嫩滑同好有口感，一啲雪味都無，再加埋啲炸蒜同啲葱絲同個醬汁真係佢嘅靈魂🥸好味！！🍴啫啫芥蘭煲個菜就正常發揮啦，份量都多嘅🧉腐竹雞蛋糖水沙冰腐竹雞蛋糖水沙冰聽個名就知有幾特別🤣本身以為伏伏地，但食落就真係變左冰嘅腐竹糖水，不過我就覺得有啲啲甜啦總括係推介推介👍🏻！下次都會想再嚟試埋其他菜式🤤如果冇book位嘅話都要等一陣，大概15-30分鐘到，唔想等嘅朋友記得要book位啦😌😌😌