楊記麻辣魚館 (金山樓)

今次我同2個friend過左黎大圍呢邊踩單車，踩完佢地話過黎呢邊食間抵食川菜，我本身運動完就冇預食辣，不過佢地想食就跟佢地食啦🚲呢間餐廳佢環境似茶餐廳，都好多人黎食，我地都要排左陣隊，要排隊既餐廳多數都好食，唔係真係唔會曬時間排😗酸菜魚飯（$88）呢個酸菜魚一人份量黎講算好多，我地3個人share都夠食，個湯比較油，要撈個底既湯先飲得，味道算係重口味，撈飯就好好食🐟酸辣肥腸飯（$70）個肥腸係有d酸菜加入一齊炒，但係唔太覺有酸味，辣味比較多，肥腸大大粒，同樣都係份量較多🐷鮮椒雪花肥牛飯（$81）呢個鮮椒雪花肥牛反而唔太辣，d椒炒得幾惹味，個肥牛唔算肥，似係牛肉片咁，份量相對係適量🐮跟餐送紙包飲品，可以加錢轉罐裝，比較特別既係呢度有天地壹號蘋果醋🧃甜品桂花冰粉老闆娘見我踩完單車食辣野食到身水身汗，送左碗冰粉比我消暑，甜品適中，咁熱食係幾爽，多謝老闆娘請我食✌🏻呢間川菜既一人客飯都幾抵食，個餸幾大碟，仲包埋野飲，就算share個餸都夠食，每份餐唔洗$90就食到我覺得係好抵👏🏻…查看更多

這間餐廳的麻婆豆腐味道突出，醬汁濃郁，豆腐細滑，適合配白飯享用。麻辣感明顯但不至於過火，入口有微麻和香辣的層次，能感受到四川菜系的地道風味。乾鍋雞翼使用的香料豐富，辣度和香氣都頗有特色，令整體口感突出且下飯。至於前菜，雞絲清爽，作為開胃一環相當合適，融入了微酸及微辣，令味覺有層次。小吃部分如木耳沙律，爽口解膩，配搭主菜十分適合。全桌菜式份量充足，價錢合理，配飯特別能平衡辣度，整體體驗值得推薦。用餐環境整潔，擺盤有心思，適合家人或朋友聚餐享用。若喜愛川菜，這裡的麻婆豆腐和乾鍋菜絕對值得一試。…查看更多

包括麻婆豆腐，牛肉麻辣香鍋，還有水煮魚，連上白飯，還有飲品先$200!之前去吃過土瓜灣分店，晚市都非常平，分量巨大的三道菜先$400結果發現有做午市套餐完全不是一碗麻辣香鍋裡只有幾片牛肉的份量份量很足，而且味道非常好，三個菜都點了中辣，如果不能吃辣的還是建議點微辣⭐麻婆豆腐豆瓣醬香味，還放了點豆豉，撈飯一絕⭐麻辣香鍋很香，不油，蓮藕多但是牛肉也多，一份有二十片⭐水煮魚的魚片品質幾好，而且非常入味，水煮魚的湯香辣濃鬱，但不鹹味道好吃之餘，一份套餐最低$52，包白飯，包飲料，分量也不少好想將我屋企搬來附近!…查看更多

大圍呢期真係成街都係隱世小店！今日試咗間街坊狂推嘅川菜館，份量大，味道相當唔錯 首推個酸菜魚，一上枱麻香撲鼻，魚片用咗新鮮鱸魚，嫩滑到夾親都散，湯底酸辣夠勁，仲落咗薯粉同芽菜索汁，個個爭住撈飯！鹽焗雞竟然有驚喜，雞皮鹹香脆口，肉質唔「鞋」仲有肉汁，沙薑味啱啱好，完勝連鎖店！蔥爆田雞就鑊氣沖天，田雞髀大隻到似雞髀，加埋洋蔥同蔥段爆炒，香到隔離枱望過嚟～環境係窄啲但夠熱鬧，伙記落單爽快，十分鐘就上齊菜。…查看更多

簡簡單單又一餐收工之後只係想舒舒服服搵個地方坐低食嘢～•第一次去咗呢度食環境正正常常，坐得都叫舒服本身鍾意食辣嘢～我見呢度有好多選擇夜晚食飯嘅話，叫小菜同埋簡單食•同屋企人坐低就叫咗兩個餐～一個酸菜魚、一個干鍋✔️干鍋就係我其中一個鍾意食嘅菜式至於酸菜魚，味道好入味，魚都幾滑不過我都係鍾意食佢嘅乾鍋，啲花椒味好香入面有啲雞翼蓮藕，辣辣地幾好味啱晒我鍾意食辣嘅人•餐前小食可以食住雲耳先上菜速度都算快～欣賞呢間店嘅職員服務態度幾好👍🏻…查看更多

中午來這家川菜館吃飯，套餐都好平，六十蚊就可以吃的好飽，而且味道好正！【酸菜魚飯】鮮嫩酸香，魚片厚度適中，口感滑嫩到入口即化，湯底酸爽夠味，酸菜的鹹香與湯汁的微辣完美融合，非常開胃！【雞翼麻辣香鍋飯】一端上桌，那股鍋氣十足的麻辣香氣就撲鼻而來，瞬間食慾大開。雞翼外皮香脆，非常入味。香鍋的配料豐富，麻辣過癮，各種香料的味道層次分明，越吃越上癮！【牛肉麻辣香鍋飯】香辣惹味，牛肉片切得大大片，口感軟嫩滑順，醃製得相當入味，香鍋的麻辣度調得剛剛好，麻香後勁十足，辣度溫和卻持久，讓人回味無窮！…查看更多

呢間餐廳環境闊落，主打川菜同酸菜魚。我地叫左一碟酸菜魚主食，酸菜魚可以自選辣度，小編揀左唔辣，酸菜魚既魚湯清甜，唔辣就會帶出左酸菜魚既酸味比較開胃，配白飯好夾，酸菜魚魚肉已切片無骨方便易食入面仲有菇同萵芛都好健康。份量比較大碟但食落都岩岩好，魚肉嫩滑。另外叫左一份小辣既羊肉串，羊肉串已用牙籤串好，一啖一口加左孜然粉同辣粉食落惹味配埋青辣椒炒食落辣得過癮，羊肉口感煙韌肉味濃郁粒粒彈牙。小食叫左一碟辣炒豬肚，豬肚切成絲，辣辣口感又爽口既豬肚絲配飯都好夾。…查看更多

大圍川菜抵食之選！兩個人三百蚊狂擦麻辣盛宴！今日同朋友專登去大圍，試吓人氣高企嘅「楊記麻辣魚館」。鋪頭細細但晚市座無虛席，好彩我哋早到唔使等位！我哋兩個人，膽粗粗叫咗三個餸，竟然食得晒，因為太惹味！酸菜魚係必點，份量比想像中多，魚片又薄又滑，食唔到一絲雪藏味。湯底酸香到位，酸菜爽脆，令人忍唔住一啖接一啖。麻辣手撕雞真心正！雞肉撕得幼細，入味得嚟肉質唔鞋口。麻辣味調得剛剛好，麻香同辣味層次分明，食到唔停口。個牛肉麻辣香鍋鑊氣十足，牛肉嫩滑，配料有薯仔、蓮藕等，索盡麻辣汁，香辣惹味，簡直係送飯神器！最後埋單，兩個人三百蚊有找，食到捧住個肚走，性價比爆燈！已經決定下次再嚟，挑戰其他菜式。地址：楊記麻辣魚館 (大圍道1-35號金山樓地下6號舖)…查看更多

今日收工唔想煮飯，專登搭兩個站車去楊記麻辣魚館。$68左右就食到晚餐，見到個招牌酸菜魚飯已經流晒口水，果然無令我失望～【酸菜魚飯(晚)】$90揀咗小辣版本啱啱好，魚片嫩滑充滿酸菜香。可以自由選擇辣度，個人口味少辣就可以，酸菜魚最緊要就係夠酸，加埋蘋果醋天地一號真係絕配。【大盆花菜飯(晚)】$70花菜炒到鑊氣十足，外層微微香脆，醬汁滲晒入菜中，完全唔會乾身。【手撕雞飯(晚)】$68可以見到雞絲都好多，食落都夠晒肉汁熟度剛好。…查看更多

作為一個麻辣控，今次終於嚟到呢間大圍川菜名店！環境乾淨企理，價錢實惠，無論一人食或同朋友聚餐都很合適！＜小炒牛肉＞雖然叫咗走辣，但一樣鑊氣十足！牛肉切得大大片，炒得啱啱好，好香口，絕對係唔食辣嘅朋友之選！😚＜牛肉麻辣香鍋＞呢個真係必點！牛肉份量夠多，超大片！仲有啲蓮藕、土豆做配料～麻辣味好正宗，食到嘴唇跳舞💃🏻 但又唔會太嗆喉，忍唔住一啖接一啖！🔥＜田鸡麻辣香鍋＞驚喜之選～ 田雞炸到超香脆，外脆肉嫩，麻味同辣味平衡得好好，食到停唔到口！😍…查看更多

去大圍揾朋友。揾到間食麻辣的~呢碟酸菜魚真是一個字——正！湯底酸酸辣辣，啱晒唔太食得辣嘅人。魚片新鮮嫩滑，入口即化，配上酸菜同粉絲，食落開胃又暖胃。不過份量略為細份，獨食OK😆手撕雞麻辣味手撕雞賣相好吸引，雞肉撕得細細條，淋上紅彤彤嘅辣油，加啲花椒同芝麻，麻辣到飛起！雞肉軟熟又有咬口，辣度有得揀😍牛肉麻辣香鍋麻辣香鍋真材實料，牛肉片薄身又嫩，吸晒辣汁，配搭蓮藕、木耳同薯條，口感好豐富。香料同孜然好出，雖然油咗啲，但味道夠濃，食落好過癮，重口味嘅必試😃飲品有加多寶同可樂。兩款飲品都好夾畀呢餐麻辣盛🤣…查看更多

鬧市之中既小店餐廳，佢有唔同嘅晚飯套餐，有個前菜，飲品同埋主食，仲有好大碗飯，牆上仲寫咗白飯任添🤣酸菜魚飯-小辣一人份量嚟講都幾多，配料好充足，有大量酸菜，萵筍，仲唔少白雪雪無骨既魚片，湯又唔會太油，酸酸地好下飯。雞翼麻辣香鍋+飯-小辣雞翼走油炸到好香，配料有薯仔，蓮藕等，又香又麻，惹味重口味之選。手撕雞飯-蔥油味相對較清新嘅手撕雞，肉質新鮮，配上青瓜絲，花生，芝麻加埋秘製蔥油撈，好香口又可當涼菜。…查看更多

大圍人氣麻辣魚館🔥餐廳逼滿人，可能因為套餐都唔係貴$63就有交易一個飯餐 。可能唯一缺點就係太多人。環境乾淨，入面香氣一陣陣傳出嚟，坐低就聞到麻辣香 🤤點咗個 酸菜魚飯，魚肉滑溜又入味，湯底酸辣夠勁，開胃得嚟唔嗆喉🔥另一個 四川扣肉飯 肥瘦分明，入口即化，帶甜香又唔膩，好有層次～配埋支凍凍嘅 可樂 🥤，中和返少少辣味，真係啱晒夜晚醫肚。成體驗親切快手，份量足，$200左右兩個人食有三個餸，得好滿足，好飽…查看更多

🩵酸菜魚飯揀左BB辣，feel到正常都有一定辣度，唔食得辣既朋友記得叫小辣🌶️ 魚肉處理得好完全無骨，肉質好滑唔鞋口，無腥味，湯底都調得幾惹味，送飯一流😛😛🩵大盆花菜飯椰菜花炒薄豬肉片，豬油好香口！椰菜花軟硬適中，爽口，炒得乾身，唔會好重油膩感～🩵鮮椒雪花牛肉飯牛肉用料唔錯！有牛味又有雪花，唔會一邊全肥一邊全瘦👍🏻 鮮椒脆身，牛肉同鮮椒既份量都唔少～ 仲要白飯任添，岩曬鍾意食飯既朋友仔🙈🙈…查看更多

最近去咗大圍「楊記麻辣魚館」食川菜，依度嘅菜式選擇多、高品質，上菜速度快，整體而言，高CP值。涼菜調味頗有自我風格，味道上與坊間其他餐廳稍有不同。乾鍋肥腸（單點$128），小辣表鋪有芝麻，豬大腸沖洗乾淨，已除去脂肪、異物，食落沒有異味，經過油炸處理，色澤金黃，口感外香脆內煙韌，食落帶有油脂香味，配以辣椒、蒜頭、芫荽、香蔥食用，味道香辣。爆炒黃喉（單點$98），中辣，黃喉口感爽脆，食落好惹味，配料包括有木耳、紫洋蔥、指天椒、蒜頭、芫荽、香蔥。青椒皮蛋（單點$38），表面鋪有芝麻、香蔥，採用黃金皮蛋製作，皮黃蛋白晶瑩剔透、蛋黃口感溏心，蛋香味濃，配以梅菜、自家製醬汁食用，味道鹹香，略嫌沒有青椒、辣味欠奉。酸辣木耳（單點$38），表面鋪有芫荽、蒜蓉、指天椒，味道酸辣，食落好開胃。白飯（兩碗$24），口感軟硬適中。桂花冰粉（單點$28），表面鋪有葡萄乾，冰粉口感滑溜，配以桂花糖漿食用，味道清甜。王老吉（單點$18），飲落帶有回甘。天地壹號（單點$18），蘋果醋味道酸甜。地址：香港大圍大圍道1-35號金山樓地下6號商舖…查看更多