楊記麻辣魚館 (金山樓)

營業中

休息中

今日經過去咗食吓佢個午市套餐酸菜魚套餐配白飯，連紙包飲品$68酸菜魚份量都幾多魚好滑無骨，入邊有酸菜同埋萵筍萵筍比較偏硬酸菜魚湯熱辣辣好正不過湯底就比較偏油白飯都好大碗如果食量唔大可以揀少飯唔使+1食得再去食！

因為今日想食重口味既野 崇拜完咗就走左嚟食呢間✌🏻🩷牛肉麻辣香鍋配飯 （bb辣）因為男朋友食唔到辣，所以呢一個就叫BB辣😗雖然望落去好多辣椒，但係只要你唔揀啲辣椒食嘅話呢其實佢冇咩辣味🙌🏻反而有種大陸嘢會有嘅老乾媽味😗除咗牛肉之外仲有蓮藕同埋薯仔都幾大兜，分分鐘可以配兩碗飯都得🤣🩷酸菜魚配飯（小辣）我自己呢個就係做咗小辣，但係出到嚟個結果都唔算辣魚片多 無骨 嫩滑～入邊仲有好多萵筍🙌🏻不過就冇最經典嘅寬粉每個套餐都係包一個紙包飲品 + 細細碟前菜高性價比既午餐🥣

嘢食好味！！但千祈千祈唔好去佢哋洗手間🫠🫠一打開門就係洗手盤，隔離就係尿兜，再隔離就係馬桶。去完洗手，隔離尿兜會自己噴水🤦🏼‍♀️🤦🏼‍♀️🤦🏼‍♀️🤦🏼‍♀️🤦🏼‍♀️近距離到右腳濕晒😭😭😭😭真係好介意😭😭好核突。出到嚟同員工講，員工話好正常，冇得搞😵‍💫😵‍💫😵‍💫唔好意思都冇聲㗎😮‍💨老闆如果見到，可以貼張紙，提一提客人。或者搵師傅真係攪攪佢喇，，，就算噴到員工城身都係，再整野食畀客，都唔好喇，廁所水真係好唔衛生‼️‼️

平時食開既楊記都係荃灣同土瓜灣果2間多，今日因某啲原因嚟咗大圍食。我地大約7點左右到，仲有位可以直接入去食唔使等位，2個人，嗌咗三個餸，不過呢間既菜色就比另外果2間少。第一個係小炒肉穫氣同火喉都好足，配菜係蔥、辣椒同唐芹，因為本身很愛唐芹所以食到停唔到口。第二個係酸菜魚講真，食咗咁多次又真係未食過佢地既酸菜魚。魚質滑溜，酸度適中，配菜有萵筍、走過油既秀珍菇，同大量酸菜第三個係炒手撕包菜穫氣都同樣好夠，少少辣，好清甜

呢間入數成日經過但無入去多數星期六日同同事叫外賣男士食呢間都會好飽因為佢盒飯超滿第一次叫左小辣覺得無咩味湯底恰到好處唔會太酸太咸我呢度係叫左少飯都咁大盒（咁當然我都係食唔晒……下次叫佢比半盒就夠）跟住再下一次我叫左中辣個樣同味道都辣過上一次但好正～同事叫左bb辣魚片比出面多少少萵笋呀菇呀都比出面多亦有同事試左牛肉麻辣香鍋大讚佢d牛肉好食因為唔同部門所以無一齊食無影到相呢間我地會keep住幫襯～大推

一直好掛住大陸嘅酸菜魚，香港同樣份量又貴又有魚腥味。今次搵到呢一間特登去試，午市套餐$68連埋嘢飲價錢可以，味道都OK。牛肉麻辣鍋比較驚喜， $62 ，除咗有牛肉，入面有蓮藕、切片薯仔、木耳、油麥菜，絕對可以再encore。平時喺出面唔太敢叫牛肉，因為我成日都遇到煮出黎咬唔爛，仲有就係其他地方食麻辣鍋，佢哋好多時都係用肥牛，呢一個真心鍾意食。而且佢可以選擇多飯少飯，我見搭枱個位叫咗個麻婆豆腐，都係送飯系列，佢仲添左碗飯。有機會一定要試埋佢其他菜式，我見有熊貓外賣員嚟攞外賣，下次吾想出門就搵熊貓先

上次係lunch time黎，見質素唔錯，份量又足就encore，原來有咁多間分，店既，今次都係有驚喜既🤩大大份酸菜魚，辣椒種類多，令口感豐富，又麻又辣又刺激🤭，配料有篙筍，炸菇，大量酸菜，魚既份量都唔少嫁，魚湯酸辣味足小炒王，夠晒鍋氣，配菜都入哂味可以餸飯，五花肉好薄切，冇咁易鞋口👍🏻四季豆係先炸後乾炒，好香口，肉碎同豆比例岩岩好，份量真心大碟🤣三個人食唔晒再打包左兩盒走，總共都係$418，起抵食，如果有多啲飲品選擇就完美啦！

酸菜魚$238+加寬粉$24 推推⭕️白飯$12 魚肉好大塊 仲幾滑！肉質幾彈牙 同埋新鮮 真係幾有驚喜！唔會有冰鮮味 份量都幾多個湯出色 夠酸夠濃！易入口 啲魚吸到到湯汁 一啲都唔油 唔會一浸辣油鋪面 送飯一流 一啖飯一啖湯 😋加寬粉！幾彈牙 份量多 唔會得幾條 四個人食都夠食 唔會爭食 酸菜又係會忍唔住一口接一口唔會好酸 炒得好香！嗌左小辣小麻 唔會好辣 避開咗啲花椒其實係BB辣 level 但一路食都feel 到麻麻地 係舒服啲麻！鍾意食辣嘅可能要嗌多d辣 一鍋4個人都夠食 都幾多魚同餸 再嗌d小食紅糖糍粑 $48 推⭕️外皮香脆 裹住d黃糖 裏面軟糯煙韌 配埋紅糖汁 一流🤤略嫌紅糖糍粑太細條 唔夠口感有八舊 $6/1 都少貴 酸辣木耳 $38 ⛔️開胃菜 正正常常P.s.晚市都冇加一！不過環境方面有d嘈 鍾意靜嘅話就要注意

本身係食辣初哥🥵 所以團友都就住叫，有兩三款食物叫咗「走辣」或者「BB辣」🤣 土豆絲、皮蛋同肥腸好味道👅 其他唔識評🤣🤣整體用餐🍽️經驗係OK有趣嘅👍🏼 最後6個人食，$1300埋單⋯⋯

呢間川菜我地已經第二次食啦🤩，兩次都係食lunch，60幾蚊嘅價錢就有大大碗酸菜魚➕白飯➕紙包飲品，重點仲要係好味的😋！邊度搵！推薦指數：🐷🐷🐷🐷（5分滿分）（原因：lunch抵食又好味！）🐟酸菜魚飯 𝐇𝐊𝐃 68一黎到就聞到濃濃嘅麻油香🥰，魚肉新鮮嫩滑又大塊，湯底夠酸夠辣🌶️（我叫中辣，食到後面有d太辣🥵），仲有萵筍同菇，魚肉真係好多，食晒成碗飯都仲有魚淨🤓🐂牛肉麻辣香鍋飯 𝐇𝐊𝐃 62呢個叫小辣就辣度剛剛好👌（唔太食得辣嘅仲有bb辣揀），比起麻辣，更似係香辣😋，牛肉幾嫩又入味，薯仔係綿綿地嘅口感，仲有蓮藕同木耳，配料真心唔少👍🆓包免費紙包飲品（維他無糖茶），+5汽水，+8加多寶/天地一號環境：QR code落單方便，座位闊落，但食飯時間預咗要搭枱～

今日得返兩條友食飯，行開大圍諗住walkin鍋X粥，點知冇位，唯有周圍睇下有咩啱食，離遠見到個招牌大大隻字寫住麻辣魚，條辣癮直線🆙️上升，去吧……🚶🚶‍♀️排隊吧❗️等咗十幾分鐘，店員安排我哋坐卡座，見隔離食緊酸菜魚，都幾大盤🍲，但我哋得兩個人🤔，叫幾個小菜算了小炒牛肉🟠炒得過火，變咗老牛，鮮味不夠辣子雞🟠超掂👍🏻👍🏻，炒得乾身，夠香夠辣，雞脆而嫩，呢味菜我好少由頭帶到尾，食到尾我仲要撩來撩去，睇吓仲有冇雞碎剩😋。不。得。了。❤️❤️❤️乾鍋肥腸🟠坊間好多用大腸頭整呢味菜，呢度用我最愛嘅豬腸，薄身帶少許肥高，簡直令我欲罷不能🤤，減肥❓️❓️ 食完再講✋🏻諗住叫一個飯share，最後仲要加多個🍚，越食越開胃，點算🤣 

之前食過荃灣嗰間，幾好食今日喺大圍見到新開，即刻試吓鋪頭好細，有啲迫，6點幾已經爆滿，勁多人，門口仲有幾檯等緊位，唯有買外賣返屋企食啦叫咗3個餸，酸菜魚，干鍋，花菜大盤花菜🥦份量有啲少，不過幾夠爆氣，唔錯👍🏻酸菜魚，一般般唔夠酸唔夠辣，又唔香，有啲失望干鍋，叫左必食午餐肉，闊粉，五花腩，鮮魷，腸粉夠味夠香，係闊粉痴埋一pat爭啲，可能外賣返到去凍咗下次試吓堂食😋整體唔錯，如果堂食要早d去攞位，因為間鋪都幾細，好早就爆哂，大圍區又多個食川菜嘅選擇🥳