楊記麻辣魚館 (元通樓)

同大家分享呢間隱世麻辣飯堂！每次行過大圍都會心思思想食佢哋嘅麻辣香鍋，今次試咗兩個飯，真心要同各位麻辣控分享下～首先係「雞翼麻辣香鍋飯」，一上枱已經聞到嗰陣霸氣花椒香！雞翼炸到金黃香脆，咬落去仲有肉汁滲出嚟，配合埋鑊氣十足嘅香鍋配料，辣得嚟夠晒惹味，送飯真係一流！朋友叫咗「水煮牛肉飯」小辣，牛肉片嫩滑得嚟唔會碎濕濕，湯底麻香十足，飲一啖湯個嘴脣已經有微微震動感，正到暈～最欣賞佢哋嘅麻辣湯底唔會死鹹，食完成個飯都唔會覺得口渴，師傅調味功力確實有料到！下次想試埋佢哋嘅招牌麻辣魚，見到隔離枱食到嗦嗦聲，搞到我都心郁郁～…查看更多

今次帶大家食元朗好食嘅酸菜魚，佢嘅午餐平平哋$60就可以食到！酸菜魚魚肉鮮嫩有咬口，每次其他酸菜魚咁，魚肉一咬就散,呢度每次都咁新鮮好食。酸菜酸度啱啱好，酸菜都好好食，撈埋啲汁送飯一流，白飯又煮得好香，如果堂食仲可以添返！唔食得辣嘅朋友都可以試試，大概係五少辣嘅程度，喺元朗呢間真係必試嘅川菜！…查看更多

假日前放工後特意入了元朗食晚飯酸菜魚 + 菜花兩個人食已經好足夠份量好足👍👍❤️酸菜魚（例）❤️魚片不算特別爽滑有少少細骨，食時要小心但份量好足，湯底酸辣味獨特如果內配薯粉，應該會加分不少❤️菜花❤️每次去必食！又香又辣鑊氣係呢道菜的精髓今次就係煮耐左少少淋咗少少，影響口感…查看更多

今日入元朗和友人再去食依度, 叫左個細酸菜魚, 干鍋土豆片, 大盆福花, 包心菜和炒水晶粉, 佢裝修完之後我第一次來, 轉晒好闊落的卡位👍, 環境座位比以前圓枱舒服好多😍, 等左一陣酸菜魚先到, 雖然叫左細, 但魚片份量都好多👍👍, 係酸菜同湯咸左少少, 魚片係真係無骨但無以前敢彈敢爽脆, 但無腥味, 再來干鍋土豆片, 有火爐熱住更加香更加好吃🥰, 再來大盆福花同包心菜都好好味, 不過忘了影相😅😅水晶粉加左好多菜炒都好好食😋😋, 不過我全部叫左少油, 所以食落感覺好d❤️, 但元朗味道確實比旺角好, 有機會試埋佐敦分店🥢…查看更多

話說今日放飯想食下d平時少食既餐廳試試，呢間麻辣魚館我都經常行過無試過，最近佢又擴充埋格黎鋪大左睇落幾好坐，就諗住試試。午餐時間有午市套餐，平均45-55左右，主要都係辣，本身想食宮寶雞丁但唔知點解最後點左個口水雞，惡夢就黎了。口水雞飯話說呢個飯我等左最少20分鐘，遲過我黎既客人點既即炒小菜都到左我碟雞都未到，好在吹單d阿姐都真係幫手睇，同埋d阿姐感覺唔多熟手係咁落錯單，最後碟雞黎到，雞肉有翼位同胸位，好凍唔滑有d雪味，仲話係走地雞，雞皮好白，皮下脂好奇怪好似薯蓉咁傑左，我試下挑走1舊油轉頭真係熔左，有d懷疑係雪雞未解凍夠，所以咁遲先上到菜，辣汁味道還可。食完埋單行左10分鐘街開始覺得個肚好唔舒服又暈，跟著去廁所又痾又嘔，返到公司坐左2個鐘先舒服d，有懷疑d食物有問題，下次唔敢食了。…查看更多