椰林閣餐廳 (秀茂坪商場)

營業中

休息中

今次食左亁炒牛河+牛油花生醬厚多士+香草番茄焗豬扒飯，下午茶時段價錢合理分量足夠。⭐⭐⭐乾炒牛河味道ok唔會太咸，牛肉俾好多，河粉彈牙好食。⭐⭐厚多士烘得唔夠脆口感唔夠好，牛油味唔系好顯，花生醬好濃郁，整體都ok。❌❌❌番茄豬扒焗飯點解冇星因為超難食！！！！！忠告如果系食豬扒飯建議上一層去大家樂食一哥豬扒飯🙏🏻豬扒松肉粉落太多都可以忽略，但系個飯真系第一啖已經覺得超難食，本人焗飯愛好者第一次食唔晒成兜飯。焗飯唔系炒飯底都ok，但系飯一食落就超級腍，系比較適合俾冇牙老人家食嘅軟硬度，感覺加d水可以當米糊食！對焗飯黎講完全唔合格！！！未試過食咁難食嘅豬扒焗飯！

秀茂坪商場呢間舖，請d女服務員，落單食個早餐太陽蛋要熟蛋，佢話唔得，唔可以轉，你可以唔要雞蛋，太陽蛋要熟蛋咪篤穿隻蛋再煎耐d啫，個女服務員話唔可以唔得，部機落唔到單，我話咁你同廚房講聲要熟蛋，佢答我唔可以同廚房講嘢，有次食午餐焗豬扒飯，唔要炒飯要白飯，d女服務員又喺答你唔得，話機落唔到單，有次夜晚食乾炒牛河同佢講走蔥，又喺話唔得，仲唔喺同一個女服務員喎，每一個都答唔得，你要落單舉手無人理你，剩係見到三個女服務員企埋一齊吹水，見到一碟碟放喺出品個窗口度吹風，都無人去送餐，成間舖得收銀果個收銀員答我，要轉咩都得，其實呢間椰林閣有無總公司架，去幾次都見唔到有經理或者主管，果幾個女服務員態度差到無人有，問都未問過廚房做唔做到就話無，真喺唔做唔錯。

新開張期間，無論咩時段都特別多人光顧，還是午餐去湊下熱鬧😛😛。排隊期間等待入座時已睇定餐牌，揀完了食咩。選擇了濃湯喇沙系列：🍜豬頸肉喇沙麵$66手機落片刻後，好快就送上。整碗喇沙外型上係吸引的，豬頸肉都唔少，其他配料豆卜魚旦芽菜都有。名符其實係好濃湯，味道平衡各味覺，不偏辣，不偏奶，麵質軟熟程度係我好喜歡的。午餐A🥩香煎西冷牛扒配飯 羅宋湯送熱飲$76牛扒肉質唔錯喔！而且份量唔細，羅宋湯都好飲喔！

第一次幫襯，首要興趣係營業時間6:30，商場大部分開7:00；早餐價格公價，份量正常（考慮舖租）有自助落單，容易操作環境舒適，枱凳寬敞，不會有壓迫感食物質素，咖啡香醇，沙嗲牛唔咸，米粉幼條，好味😋多士有熱感，炒蛋嫩滑但是我選改煎蛋，廚房部無留意，幸好可試炒蛋，不錯👍🏻員工態度一般，收銀員周圍走，客人大叫先到位。其實早上時段除了收銀員，樓面有3位；大家喜歡聊天；我不為意。客人唔大叫，我都唔知樓面動作慢🤭我唔需要員工服務，但建議員工一眼關七，互相補位

最近到訪了秀茂坪新開張的椰林閣餐廳，晚市時段的用餐體驗讓人印象深刻！這間餐廳以熱帶風情為主題，環境設計充滿心思，木質天花板搭配溫暖燈光，牆面上的葉片圖案與綠植裝飾相得益彰，半私密的隔間設計讓人感到私密又不失活潑。服務員態度友善，效率不錯，晚市時段人流不少，但整體運作流暢，值得一讚。椰林閣作為一個擁有超過二十年歷史的品牌，以其正宗東南亞風味料理聞名，多年來憑藉穩定品質和創新菜式深得食客喜愛，這次新分店開張更為品牌注入現代活力。今次點了兩道招牌菜，首先是咖哩雞扒飯。雞扒煎得恰到好處，外皮金黃酥脆，內裡多汁，搭配粒粒分明的白飯和濃郁的咖哩醬，醬汁帶有椰奶的香甜與微辣，口感豐富。旁邊的小份咖哩湯濃稠滑順，香氣撲鼻，完美提升整道菜的層次感。接著試了海鮮叻沙，湯底濃郁橙黃，椰奶與香料的融合恰到好處，鮮蝦、貽貝和蛤蜊新鮮彈牙，半熟蛋滑嫩，粗麵底吸附湯汁，口感滑溜又有嚼勁，還有幾片炸豆腐增添層次。湯底微辣卻不霸道，連底都想喝光，十分滿足！當時天氣溫暖，店內氣氛輕鬆，環境與食物相得益彰，晚市人多時噪音略高是唯一小瑕疵，建議提早到場避開高峰。雖然沒有額外驚喜，但椰林閣憑藉品牌的口碑和出色菜式已足夠吸引人，

行開見新開去試下，一家三人晚飯消費295，坐落水都冇杯，叫三個小菜，牛腩煲過得去，炒河粉難食，沙拉京都肉排就經典，6舊豬扒頭頭尾尾加生洋蔥再加沙律醬兜亂，上枱都唔熱，跟住仲搞笑，叫個重鄉音阿姐拎隻碗仔比小朋友，佢拎黎隻碗好邋遢，佢竟然話俾杯水我自己洗洗，而唔係拎過隻新俾我，O晒咀…高手啊～可以直接blacklist ~冇下次香港生活30幾年，重來未試過有咁難食既野，我重來冇寫過食評，呢間真係忍唔住………

坐落什麼也沒有，桌面空空如也，除了一張很細小的落單QR code，問題是你不提供Wi-Fi啊，至少提供一張餐牌吧，坐了幾分鐘都沒有人招呼，還要主動問，你是新店開張啊，試食的人雖然多，但服務質素還是要有的吧，否則原址倒閉的可能就是你的未來，純粹食物好味，樓面非常趕客，雖然現在還未到這個程度，但以免你倒閉，純粹溫馨提示一下。一些統一的待客行動還是要有的。店主需要加強訓練相關員工。環境衛生方面：新開店，暫時是好的。食物方面：簡單概括中上水準。飲品方面：凍檸檬茶表面白色泡泡很多，賣相很不好，令人想到什麼你自己想。

椰林閣餐廳，相信唔少人求學時期都食過，我都係吖見到椰林閣重開多少都帶有一份懷舊情懷新開張分店裝修新穎卡位足夠坐得舒適手機掃碼落單，點了xo醬豬扒炒烏冬凍咖啡 ，上菜速度OK價錢份量味道屬中規中距簡單港式風味。暫時只試過下午茶而其實我最期待的還是當年常吃的鐵板餐🫶🏻下次有時間試過再評