椰林閣餐廳 (葵涌商場)

營業中

休息中

一份常餐加熱咖啡呀! 41元常餐，我點左滑炒蛋配牛油多士，個蛋老又油，食了 一半別委屈自己，食件牛油多士，多士厚身有烘底，只是唔夠脆啦，勝在有我最鐘意架牛油，塗左超多鹹香十足，我習慣灑d糖係多士面，鹹中帶甜更美味。湯面就要五香肉丁米粉，足料肉丁都有8~10粒不欺場，湯中淨住五香肉丁溶掉架辣油，份也惹味同香，米粉都大大碗甚是飽肚。至於杯咖啡呢，平時我飲齋啡都接受到陣苦味，我下了一包咖啡糖，飲一口苦過弟弟呀，仲有陣酸味，飲了一口真是難於接受，唔飲啦，忍到回去公司飲水解渴順便沖款陣苦澀。2年未光顧了，食物比以前有進步，一樣飽肚同叫抵食。

食下午茶餐  諗住沙嗲牛肉出前一丁,都唔會難食得去邊啦 30蚊一個麵加野飲 ,無任何野跟! 下午茶黎講都算貴黎到,咁一食,嘩! D麵仲係硬硬地, 咁當然同個侍應講,個侍應答我,碗麵唔係佢煮,唔關佢事!咁我話,我都係同你講聲,唔通我走入去同廚房講呀?咁侍應就同我講,你唔滿意既就轉個碗!我心諗連咁簡單既沙嗲牛肉出前一丁都可以煮衰,咪指意我食其他野啦....我決定30蚊豪俾佢............食過第間

位於葵涌村商場既一間西餐廳，主要都係做街坊生意，價錢比較實惠。早餐既選擇豐富，常餐組合亦都幾自由。正餐前既面包新鮮而唔會有番叮個種乾硬既食感。而豬扒烏冬既湯底味道雖然味精味重左少少但唔會太鹹搶曬豬扒既味，而豬扒調味唔錯，肥瘦均勻。另外仲有鹹牛肉炒蛋三文治加麥皮，麥皮比較甜同埋稀，味道普通。餐廳環境闊落，卡位亦都比較多，唯獨餐廳冷氣過冷，怕冷既人就需要帶定外套。

見今日係母親節就落左去樓下葵涌椰林閣食一個下午茶啦!一落去就有位既 坐底左冇耐就叫左個吉列魚柳沙律+炸雞脾薯條兩杯凍檸茶!!點知一食個吉列魚柳就腥到嘔 試埋個雞脾點知又炸到太過火 最最最重要係鹵水雞脾扮炸雞脾 d薯條又凍 個兩杯檸茶又勁甜 本人唔會再去多一次 埋單重要收我加一 成86蚊埋單 想笑死人咩!!!!!去d普通茶記都好食過佢啦 平均一個餐成43蚊 啖氣真係吞唔落

星期六,下午無節目....唯有近近哋喺屋企樓下食嘢啦!今次坐咗喺水吧附近位置,点了D餐~~XO醬海鮮炒鴛鴦粉及凍咖啡少甜 例行公事,有餐湯餐包跟埋 包~~暖冚冚湯~~夠熱,但唔夠滑,所以加咗少許牛油,即刻唔同哂牛油~~雖然獨立包裝,但.....溶哂咁滯喎!唔會有事呱 XO醬海鮮炒鴛鴦粉~~碟粉嚟到,第一個感覺......真係好粉囉啲海鮮呢?揾到啦!揾到啦!喺d鴛鴦粉下面呀!不過.....咁袖珍嘅???有冇攪錯呀!成碟嘢得嗰1粒蜆肉2隻蝦毛5嚿仔墨魚?仲要食落口啲所謂嘅XO醬得少少辣,完全唔似用XO醬去炒囉 凍咖啡少甜~~似超甜多啲囉想點呀???? 結果除咗餐包,餐湯食哂外,d乜粉乜啡全部有淨,其實每次幫襯之後都會有呢個諗法.........."明天會更好!"

下午早收工, 於是不吃午飯, 待二時才走去椰林閣吃下午茶, 食最鐘意的咖哩豬扒飯, 馬來西亞式的咖哩, 以椰汁奶調, 兩塊豬扒, 不太多的白飯, 剛剛好, 唯一是咖哩不夠辣, 薯仔不夠多. 另外最不喜歡椰林閣的卡位, 枱太高, 坐位略為低, 把手放在枱面食飯不太方便.

肚太餓，又唔想等位，於是走左入去。非常咁後悔看一看我碟野個賣相係 ok 的，但最大問題係唔好味鴨胸：用料問題，一咬入去啲肉勁硬，而且肉汁已經完全失去，相信係因為煮過龍。魚柳：睇佢金黃色，好似好靚仔咁，但係同樣問題，一食就知係煮好左，再放粉即炸，件魚既鮮味已經冇晒，有啲似啲街坊茶記炸起好耐既魚手指一樣西炒飯：飯好似米水過多咁，睇冇乜問題，一叉開中間好似啲糊仔咁........我敢用嘔心來影容。朋友後知後覺想起今天為星期三，唔應該入去............. (唔想講太明，要明就會明)按佢既經驗，但凡係星期三，食物就會係熟左加一啲汁.........完成的確當晚 7:50 - 8:30 不超過10位客人最慘係一啲都唔平

新春和同事食飯，諗住食好d，所以選擇椰林閣，結果是大失所望。可能是新春關係吧，加了價，一個set lunch 起碼40元，我點了一個豬排配珍寶腸飯，豬排得一塊，仲好似營養不良咁，條珍寶腸衰過我起街邊小販買果d，又細條，食落仲有d益味，又實。連加一46元。呢餐食完個肚好空虛，但食到一肚氣。服務方面，個個侍應都黑口黑面黑聲，唔知什麼事呢?

分量其實都幾多既宵夜餐，自己一個人食晒會飽，2個人share 岩岩好今日同朋友去左食，1人叫1個我自己揀左肉醬意粉啲肉醬既肉一粒粒好平均好有口感，而且味道亦好有鮮肉味加上焗到有少少燶，更香口更好味啲意粉有啲乾身，但係撈埋d 醬就唔會太有呢d 感覺整體上來講，我覺得已經好好味，$30都唔洗仲要包埋杯飲品我覺得已經值晒~~~~~

已經唔記得左個餐叫咩名啦大概係煎三文魚拼羊扒個餐好似五十幾蚊之嘛仲有餐包同餐湯真係幾唔錯份意粉跟左個黑椒汁個黑椒汁真係好足料未食已經聞到好重好重黑椒味一食就FEEL到黑椒既威力辣到我標哂汗羊扒太細份啦而且食一就知落左鬆肉粉D肉質好奇怪，如果唔係好重羊騷味，真係唔多似食緊羊至於件三文魚真係幾正好特別既做法，我從來都未試過包左層蛋漿，仲有一層好薄好薄好似薯蓉既野好特別,好香口!!不過意粉就好乾,,有點失望~跟餐飲品麻麻叫左濃D既凍朱古力,,但都係好淡不過椰林閣不嬲係咁算了PS. 有英式芥辣，GOOD JOB，用黎點羊扒、牛扒真係幾唔錯+分

今日天氣炎熱, 肚又餓, 本來想去五十嵐, 點知見店裡面只得小貓三四隻, 門口除了外賣的宣傳海報外, 沒有下午茶的資訊, 所以不宜冒險. 去了對面的椰林閣, 價錢都吸引, 亦有喜歡吃的, 就扑鎚入去. 點了吞拿魚野菌焗螺絲粉配熱咖啡. 等了幾分鐘, 熱咖啡到, 再等了約十分鐘, 等到頸都長, 才送上螺絲粉. 我和隔鄰食客都點了焗餐, 是不同時間落單的, 但卻是同一時間奉上, 所以我懷疑是幾張單一齊去焗.熱辣辣, 份量尚算正常, 感覺唔錯. 食第一啖, 咦! 螺絲粉太腍了, 好在廚房用上三色螺絲粉, 所以又加返D分. 再吃一啖, 咦! 似乎有落芝士喎, 又加了些分. 吞拿魚雖然不是很多, 但總算沒有隠了形, 大致亦充滿吞拿魚香味, 整體是惹味的. 不過最奇怪是見唔到有野菌, 總之是名稱沒有的就有, 名稱有的就沒有了. 熱咖啡是正常大杯, 雖不太香, 但亦算滑, 不過喝了一半, 開始覺得有點澀. 這裡是西餐廳裝修和格局, 坐得舒服, 有侍應招呼, 感覺是良好, 價錢是較隔鄰的大家樂貴一點, 不過貴都貴得有些少道理的.

　　　本人係一位學生, 放lunch經常到呢間野幫襯$30一個餐,同附近比下的確唔平　　事源今日一行５個人去果到食野啦~1:35p.m.到買單,但我受到一個女待應非常之唔合理, 冇禮貌既態度對待！佢對我呼渴仲有罵我　　俾錢果時,個女既話唔收一張缺角既$20,但我地幾個咁岩冇個有(用哂D錢), 咁我就同佢講左一陣佢都係唔制而我地再遲小小返學校就遲到　　咁我就'悔氣'咁同我友人細細聲講左巨 :唉~要就要,唔要都冇法 之後個女侍應就發爛炸大聲以parents/teacher既口吻咁罵我:i]嘩! 你點解可以咁講樣嫁下! 離哂譜既都! 我同你講你唔好再咁樣呀下次!　　　　之後我嬲嬲地, 但都問返佢應該點做, 佢冇俾返解決方法我, 仲用隻手指指住我話:算! 拿~~我講多次你以後唔好再咁樣! 　　之後我真係好火, 就一邊走一邊話: 咁都得? then個女既就一直罵罵到我行出個shopping mall　　　呢一次既經歷真係令到我對呢間餐應既印象大打折扣 我承認我講左D悔氣說話唔岩, 但係我真係唔覺得應該受到咁既對待, 佢只不過係一個普通女待應, 佢冇權力批判同人身攻擊佢既顧客因為投訴無門,