椰子媽 (良景廣場)

營業中

休息中

今日穿得太厚行到熱熱地諗住去食碗甜品涼涼地，一入到去成間店好暖和🥵，因為2部冷氣都冇開，洗唔洗節省到咁，全程係熱住食。一坐低叫左碗黑白 QQ 涼粉，食落凍凍地，味道都唔差的，店員嘅服務態度好好，我見其他客人要分單店員都好肯幫手。但問題黎了。。。。我未試過食完嘢未夠10分鐘就要去搵洗手間，我都唔知係唔係因為材料放咗係室溫所以變壞咗。本身想比差評的，但因為碗甜品其實唔差的，店員態度好，所以比一般就算。

之前幫襯過幾次， 覺得佢地出品唔錯，有質素。點知今日再去幫襯，一肚火🔥買了兩個甜品，付款時同職員講想用鄰住買$50 coupon。 點知個職員一句大聲話佢唔識用coupon，用唔到。 聽到後，當堂呆左。你公司賣得coupon俾人，竟然無train到個staff 點樣用? 你話我無俾錢，求你送俾我就話姐。其實佢如果好聲好氣同我解釋返，我都唔會咁嬲。今時今日咁ge服務態度點得？d 野點好食都無用，永遠不會再幫襯！

椰子媽 夜晚總有想食糖水嘅時候，有時都會去下椰子媽，果度有糖水都有小食，滿足晒想食甜同鹹點。 因為佢係用椰子做招牌，所以我就叫咗個椰汁西米露同雪糕，係榴連味！唔係個個中意，但我幾中意食。 男朋友就叫咗個楊枝甘露，大滿足。

芒果可能擺得耐，所以有小小怪怪地嘅味道，但都ok。不過個雪糕就融晒，建議下次唔好咁早擺入外賣袋住，加埋行返屋企嘅時間都足矣融晒所以唯有擺入雪櫃雪，冇得配住食總體黎講，都係好味的，因為試過堂食，所以都知外賣會差小小，但都keep到個水準，十分推薦，椰皇楊枝甘露

椰子媽嘅甜品價錢平民👍🏻👍🏻而且款式仲有好多✨✨所以會回頭的❤️❤️今次係第二次食我覺得熱食嘅甜品好食啲💕💕..............................今次點左椰皇黑白配 $43(椰皇凍、涼粉、椰汁涼粉、芋丸、小丸子、椰子雪糕)聽聞係店舖推薦嘅甜品🤤🤤黑白配係有黑白涼粉喺椰皇入面仲配埋啲煙韌嘅丸子啲料多到瀉🤣🤣🤣椰子雪糕好有椰子味不錯不錯

好少見有糖水鋪係用椰子🥥做賣點，見到menu二話不說決定要試下！✨✨❐ 椰皇黑白配🥥 $52評分 ▮ ▮ ▮ ▮ ▮ ▮ ▮ ▮ ▮ ▯ 💁🏻‍♀️推介❗⟰ 甜品係用成個椰皇做碗同一打開七彩顏色未食就咁睇都夠哂吸引✨⟰ 配料豐富有椰皇凍🍮涼粉椰子涼粉芋丸椰子雪糕🍨同小丸子🍡口感超豐富💦⟰ 椰皇凍充滿椰肉好特別好驚喜，第一次見有椰子涼粉🥥吾會太甜好香椰子味又夠彈牙夠爽口，芋丸有3款🍡好高質，吾會淨係得煙韌2個字，真係有紫薯/芋頭/蕃薯香🍠，椰子雪糕又香又滑🍨✨⟰ 整體全部配料口感味道都好夾每款份量適中好清新吾洗擔心會好濟好甜‼️絕對要Encore‼️❐ 白馬王子🤴🏼 $43評分 ▮ ▮ ▮ ▮ ▮ ▮ ▮ ▯ ▯ ▯ ⟰ 配料有雲呢拿雪糕🍨焦糖爆谷🍿小丸子🍡同椰奶芋香西米露，整體較上面甜同口感無咁豐富但都好味⟰ 爆谷加雪糕原來好夾，一軟一脆好特別💥⟰雲呢拿雪糕🍨味道較普通不及椰子雪糕出色⟰ 椰奶芋香西米露比較似椰汁西米露🥥略嫌芋香味不夠，如果有埋芋頭粒就更加分，西米粒粒煙韌幾好味✨🍚推介指數☻ ☻ ☻ ☻ ☻ ☻ ☻ ☻ ☹ ☹ (10為最高)

行完山諗住坐底休息下，又未到晚飯時間，就食碗糖水啦，黎左良景依間椰子媽，餐廳有6張4人檯左右，人少少都坐得幾舒服。叫左個狂爆伐木工，入面係有淮山同芋頭既西米露，味道唔會過甜，食完啲澱粉質好似食左兩碗飯咁，好飽肚，最後晚餐都冇食到。如果啲淮山同芋頭可以再粉啲或者淋啲就更夾，更岩我了。出街食飯對正個廚房都唔係件好事，見住佢啲唔太衛生既處理手法，個木盤上一手食完又放番上吧檯，抹都冇抹過就俾下手用，真係寧願佢唔好要個盤。

因為住就近都成日去食，最鍾意食黑白涼粉，一個清清地，一個少少甜味又有椰味，100個推介佢，今晚又一次食椰子媽，落左Uber eat（睇返信用卡比錢記錄是2047），一開始個單是2115到，點知佢個app推遲左n次個時間，最後2150先到，打開個外賣，好彩d熱糖水重有熱度，涼粉上面個雪糕都完整，品質完全冇失水準，會繼續支持，當然位爛app就唔會再用啦

同朋友食完飯仲想揾地方傾計,記得良景有間糖水店,所以同友人食碗糖水傾下計。黑白 QQ 涼粉涼粉+椰汁涼粉+十勝紅豆+芋圓+小丸子好喜歡呢款甜品有咁豐富嘅材料,芋圓有咬口,而且仲有紫薯餡、蕃薯餡和芋頭餡。配上紅豆、椰汁涼粉、小丸子食口感好好。芝麻綠豆芝麻糊滑而不過甜,濃濃芝麻香,再加上綠豆煲到起沙,清心潤肺之外,感覺養生又健康糖水都有好多可以揀,如果肚餓仲可加點小食

🍑🥭鮮雜果涼粉 🍋🍍🍈新鮮之選十二點鐘左右的宵夜時間，又唔想食得太多，又唔想食得大油膩，屋村內的唯一選擇，就只有椰子媽。入到店內，地方不算大，大約有六張枱左右已屋村糖水店來講，佢d糖水種類又真係好多好齊全，眼闊肚窄下要左個鮮雜果涼粉，本身重想加錢加埋芋圓既，點知佢已經賣哂啦，十分可惜。但個鮮雜果涼粉都要成39蚊。 d生果唔算非常多，有4分之一個芒果🥭，兩片菠蘿仔，兩個小球哈密瓜，小小西瓜，重有d桃，cp值有d不足，如果再多少少生果及種類就更好，而涼粉黎講就正常水準，不會太甜，冰冰Q彈口感。值得稱讚既係佢製作嘅時候見到佢新鮮切芒果及制作緊哈密瓜球，所以水果都算新鮮既👍

以椰子、中式糖水、西米露、涼粉等甜品為主的家庭式小店，今次選擇了一份涼粉，為這個炎炎夏日的天氣下消消暑。QQ涼粉 (十勝紅豆、芋圓、小丸子 | $29)• 涼粉類別有花奶或練奶供選擇，我選擇了相對清淡的花奶。• 份量頗多，不論是涼粉、小丸子或是芋圓。而紅豆的味道香甜、口感粉糯。• 芋圓大小比一般出面吃到的稍大，而口感亦較厚實煙韌，不過芋香味道感覺不算突出。• 小丸子佈滿了整碗涼粉之上，雖然有兩粒特別為藍色，但味道卻没有太大分別，主要是取其煙韌口感。• 加入花奶後令涼粉口感更滑溜，滲出淡淡奶香，既滋味又消暑！

上次試過雅都嗰間覺得麻麻地今次黎試試良景呢間鋪叫咗個楊枝甘露椰皇雪糕好滿意呀首先楊枝甘露唔太甜，好岩我口味入面好多芒果肉，仲有d透明嘅啫喱食落去好香椰子味，真心正基本上每一啖都有芒果同椰子下次再幫襯都會叫呢個

呢間糖水鋪裝修簡潔，環境幾好，成個感覺幾溫暖，類似家庭式經營咁，店員都好Nice，見到店內唔少都係街坊，有傾有講好有人情味。-嗌咗蜜糖雞翼同芒果西米露，好鍾意佢西米露同配料（雪糕、小太子）係分開放，雞翼同糖水好食價錢也不貴。

今晚食完晚飯唔夠飽好想食湯水屯門好似無乜甜品鋪突然醒起良景商場有間食糖水博下睇下關門未先去到好彩仲營業緊8點幾都幾多人食喎好彩有張卡位唔洗等位款式都算多款我地叫左紫米西米露 $23/碗（凍 & 熱）我仲加左4粒湯丸湯丸有芝麻&花生選擇 （$11/4粒）我叫左兩款味各兩位最後全部都係芝麻可能職員忘記了😅紫米露幾好味呀唔會太甜紫米好有咬口添另外仲叫左炸雪糕 （$13/1件）指定係雲尼拿味脆皮好脆細細件又唔錯又唔會食到好飽不過入面雪糕較少脆皮多 雪糕少下次再試下其他糖水先

晚餐後覺得意猶未盡，有點想心思思想吃甜品，在良景廣場行過好多次的椰子媽，今晚想嘗試下。入到去人不多，可能時間尚早，點了榴槤四重奏和淮山芋頭西米露，榴槤甜品好吸引，有榴槤雪糕連同一份西米露內有榴槤，另外的淮山芋頭西米露是很正常的，份量都幾大唔算細，不算好甜。下次再去，值得再吃。😃😃