森禾泡飯

前排見元朗谷友力推森禾泡飯個蠔仔飯，bookmark左都未黎試，是晚正苦惱緊食咩好，諗起呢間泡飯，就黎試試吧😋小店只有四張枱，繁忙時段一位難求。餐牌除左泡飯，仲有唔少客飯、快餐等，價錢相當親民。學生餐仲三十蚊起，簡直係平到笑，點解我當年做學生個陣無呢啲抵食小店嘅？😂⭐蠔仔肉碎泡飯點了大熱嘅蠔仔肉碎泡飯加紫菜，賣相真係唔錯，蠔仔粒粒肥美飽滿，份量仲下得唔少，湯底係大地魚湯，加埋蠔仔認真鮮味，成碗食晒湯都無淨㗎，正😍⭐胡椒味菜豬肚雞湯飯另外仲叫左胡椒豬肚雞湯飯，湯飯個白飯係分開上嘅，份量仲大碗呀😳胡椒味菜豬肚雞滿滿一大碗，雞件鹹鮮，豬肚煮得淋身入味，個湯勁濃胡椒味，香香辣辣飲完出一身汗好舒服😝咁好味梗係一滴都飲晒啦！⭐瑞士雞翼仲加左份小食瑞士雞翼，一份有四隻，炆得軟腍入味，一咬就骨肉分離🤪連啲骨都入哂味。⭐凍鴛鴦 & ⭐凍檸賓跟飯熱餐飲加$2，凍飲$4，呢個價位合理吖。飲品大大杯夠冰凍，食完熱辣辣湯飯飲杯凍野確係爽😆哈哈，店員啲字好工整，一睇就知點左咩食😝…查看更多

又見到成日有人講依間泡飯，難得今日冇煮飯，決定過嚟試吓小店舖頭位置唔多，得10幾個座位，但人來人往無停手，而且不斷有人叫外賣蕃茄湯牛肉肉碎泡飯用上新鮮蕃茄口感比較清爽，牛肉偏向比較軟腍吾會難嚼，呢個天氣開始食泡飯確實暖笠笠，而且價錢都幾相宜胡椒豬肚湯飯熱辣辣咁上枱，湯頭奶白色帶陣陣胡椒香氣，豬肚份量亦吾少，而且無腥味，豬肚每件都厚切，而且口感軟硬適中，食完真係暖笠笠韭菜豬紅用清湯配上，豬紅大大件，而且都很滑溜，唔會一夾就散瑞士雞翼滷水汁非常之入味，肉質一咬即化生菜魚肉小食推介之一，魚肉質地彈牙，而且冇腥味，如果有菜脯加埋就會更加一絕😆…查看更多

今日入嚟元朗貨食，嚟到呢間位於雞地新開既森禾泡飯食個午餐。午餐時段到店，店舖細細已經坐滿8成食客，我就好幸運地揾到個空位坐低，不過要同人搭枱，坐低睇下個餐牌，最吸引我就係呢個蠔仔肉碎泡飯，我就一於點呢個同埋要麻辣湯底，廚房即煮，等咗一陣就有得食，份量適中，比相象中大份，湯底係麻辣既就正常，蠔仔份量幾多，係口入面爆汁好過癮，泡飯都算好食。整體滿意。[米饭]口味：🥚🥚🥚[薄荷]环境：🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多

朋友介紹話森禾佢哋嘅泡飯好出色，早前咁啱去元朗所以就食蠔仔肉碎泡飯 $50呢碗係由蠔仔、肉碎、飯同大地魚湯熬煮而成，風味鮮甜、香， 暖胃 又暖身重點係啲蠔仔清洗得好乾淨，數量又夠多，又大隻，配以芫荽，食落好香呢個泡飯好啱減肥人士食用，同時又可以補充豐富嘅蛋白質呢個價錢喺元朗食到咁高質嘅泡飯真係好抵食胡椒味菜豬肚雞湯飯 $80基本上秋天冬天就一定要食呢個，呢間第一次試味道都幾驚喜！佢嘅胡椒味唔算好重唔會太辣。湯亦都有非常多薑絲！所以亦非常驅寒！而佢湯頭雞湯嘅甜味非常突出！而且仲食到微微嘅酸菜味，味道層次相當豐富。雞件份量不少，而且肉質嫩滑好食！撈飯食非常飽肚滿足。…查看更多

🇭🇰元朗《森禾泡飯》🍲性價比超高的街坊美食😋🙌🏻🙌🏻本地人帶路搵到元朗隱世好嘢食！呢間喺鳳攸南街嘅「森禾泡飯」，完全係街坊先知嘅寶藏小店👍🏻開張幾個月，生意好旺門口長期排隊，問老細先知，原來係上水開咗二十幾年，味道真係🈶驚喜，排隊有道理❤️‍🔥呢啲街坊價、足料又好味嘅良心小店，當然要分享喇🤗🤗🌟胡椒味菜豬肚雞湯飯$80天气轉凍食呢碗湯飯真係暖到入心❤️湯飯個白飯和湯係分開上嘅，份量仲好大碗呀😍好香胡椒味，雞件鹹鮮，豬肚煮得淋身入味，個湯勁濃胡椒味，香香辣辣飲完真係會出汗，好舒服～🌟薑汁鮮牛肉豬膶湯米線$50呢碗勁足料，豬潤好新鮮大件，牛肉亦厚身十分有咬口，湯底薑味突出，飲落鮮美好回味，米線吸飽湯汁，爽口彈牙好過癮～🌟豬扒雙太陽蛋飯$50雙太陽蛋流心賣相好靚呀，蔥油豬排勁惹味，油香四溢，撈埋流心蛋好yummy喔，配上一口米飯超滿足～🌟瑞士雞翼$35瑞士雞翼係必叫！咬落啲雞肉嫩滑多汁，甜甜鹹鹹嘅醬汁好入味，香到停唔落口，食完一隻仲想再食！超人氣真係有原因～🌟蔥油太陽蛋撈麵$25撈面配上流心蛋勁Creamy咯，麵底煙靭🈶咬口，簡單個太陽蛋撈面都咁高質，唔怪得每日都人氣咁旺，夜晚9點就售罄，想食就明日請早喇～#元朗美食 #食森禾泡飯 #港式小食 #蠔仔泡飯 #紫菜湯 #豬潤泡飯 #蕃茄湯 #瑞士雞翼 #生菜魚肉 #韭菜豬紅 #香港美食 #元朗食肆 #平民美食 #性價比高 #港式滋味 #泡飯推介 #湯底靚 #新鮮食材 #暖胃美食 #街頭小食 #元朗好去處 #食評 #美食分享 #香港食記 #傳統味道 #小菜推介 #朋友聚餐 #元朗餐廳 #好味推介 #地道美食…查看更多