森港客家菜

營業中

休息中

遠一遠都黎食，黃點，平，任食，任飲，有雞煲，有海鮮，乜都齊全仲要真係好平，198 無加一一住，我地仲要痴住有學生，學生仲要98, 這個價沒有人會不滿足，中途仲加兩隻大蟹比我地，食物質素真係唔差，雖然粉嶺真係好遠，離火車站又唔近，行過去都要15 分鐘，但食完今次感覺好好，即刻有衝動plan 下一次去食，我仲聽朋友講次次食都唔同，有時有任食瀨尿蝦，有時任食蟹，搞到次次都好有驚喜咁。呢間森港真係絕對值得推介，好食又底食，不得了。

呢度嘅邊爐都應該真係全香港最平嗰幾間本身成人去食嘅淨係需要$118一位之後學生$98一位就已經可以任飲任食真心抵到爛🥰🥰 最驚訝嘅係呢度有得揀芝士雞煲所以作為芝士Lover嘅人一定要食呢度仲要係炙燒嘅芝士😍😍之後就講返啲雞肉嘅質素啦我覺得都算幾唔錯嘅😋😋又唔會太鞋颯颯嘅感覺不過就偏向比較多骨而且出面都有幾多款可以拎嘅火鍋配料咁對我嚟講打邊爐就一定要食肥牛✅✅因為$98嘅關係就一定唔會有嗰啲好入口即溶嘅牛肉㗎啦但係我自己就覺得呢度提供嘅肥牛都算不過不失唔會全部都係肥膏口感都尚算唔錯嘅而且又有青口同埋豬頸肉嗰啲配料可以任拎😍😍如果鍾意打邊爐又唔想食咁貴嘅人不妨去粉嶺試吓呢間啦😋😋真心性價比好高

扶手電梯一上到熟食中心樓層，便會看到森港的廣告牌，最低可看到多種雞煲和烤魚任選，每位$118任飲任食，沒有加一外面可以自取各種響鈴魚皮、丸類、肥牛、菜類、海鮮，有蝦、青口、蜆、蟶子等，而且所有食物會不斷refill，即使一時被人取光，轉頭再出來便見到可以再拿還有各式各樣的汽水，之前有樽裝飲品例如檸檬茶等，可是今日沒有，不知道只是這次沒有還是成本問題取消了，飲品上面有公仔麵、烏冬等任取冬蔭公雞煲平時我們會選奇味雞煲，今次試下新野，冬蔭公雞煲酸酸辣辣，帶點冬蔭公香味，不錯的新口味另外推介韮菜餃，是他們自家製的，皮薄餡靚，我們吃了半打今時今日這個抗通漲的價錢，真的非常抵食

賤物鬥窮人， 而家疫情過後🤞🏽， 各大餐廳商舖都希望大眾市民出嚟消費。今日行完石澗，同班行山朋友一齊去食粉嶺食雞煲打邊爐。 森港客家菜位於粉嶺聯和墟熟食中心，大排檔型式， 主打雞煲/烤魚任飲任食兩個鐘， $118任包、任飲任食。7個人叫咗「奇味雞煲」， 再request阿姐整多個「麻辣烤魚」。🥢奇味雞煲 - 好味，雞肉亦都很嫩滑。 叫咗小辣， 唔太辣， 味道都唔會太多杰撻撻嘅醬， 食完唔會口渴。 🥢麻辣烤魚 - 正！ 夠辣！ 魚亦都大大條，但魚多骨， 食時要小心。 🥢 配料 - 食完雞煲同埋烤魚之後，可以加湯打邊爐，以國內配料，例如肥牛、聖子、蜆、肥牛、蟹仔、田雞腿、賴尿蝦和各樣丸類亦都係任食。 整體味道好好，價錢好平又唔會淨係得平價火鍋配料，如果唔介意位置係處於熟食中心內，呢間邊爐實在係強烈推介！

由於疫情持續，都好少出街食飯，就算出街都會幫襯下小店。前排見到某社交平台有推薦聯和墟街市哩間既雞煲，今晚就試左個豬肚雞煲。因為屋企人唔可以太夜食飯，落單時請司機7點前送到，司機勁準時！一拎野食仲發現好大份！每一盒都好大份，海鮮好新鮮，有蝦 青口 蜆 蟶子，肉同菜都好多，另外每個人都有2罐汽水啤酒送，5個人食4人份量都食唔哂另外必提佢既韭菜餃，好好食！！哩個份量同價錢，仲要送上門，真係好方便同抵食👍🏻

fb group 睇到有火鍋外賣，今晚食左，真係好抵食！兩人份食唔曬。唔係吹水，真係值得推薦。送貨時間準時，海鮮夠新鮮，其他味道都幾好。令我印象很好，忍唔住來寫幾句。

看到這裏之前的食評，$98雞煲火鍋任飲任食，覺得都好抵，星期五晚上有空便和家人一起來食，不過價錢已經變咗$118，雞煲、烤魚或者火鍋，兩小時任食，價錢尚算合理。環境比較擠逼，但都是預計之內，星期五晚人較多，整個環境比較嘈雜，同枱吃飯都很難傾計。坐落之後我們點了奇味雞煲，但等了十五分鐘才上桌，可是上桌時雞肉仍未熟透，再煮多十分鐘才可以吃，兩小時任食已經去了四分之一的時間了。幸好我們都不是食量大的人，不用吃足兩小時已經飽了。本來說奇味雞煲是辣的，但我覺得一點辣味也沒有，反而整鍋雞都沒有什麼味道，雞肉也沒有醃得入味。火鍋材料的選擇也不少，我們主要是吃菇類、肉丸和肥牛，足以滿足我們的要求。

星期五去,以往去都可以,價錢底之如食材可以,仲有冰菜食,又有海鮮,啤酒任飲,不過2019年第一次去完全失望,唔知係咪轉左手?好在冇推介未試過既朋友去,價錢加價可以理解,首先叫左個豬肚雞煲,啲雞肉唔新鮮,跟本咬唔到,豬肚都一樣,到自己拎既食材,大部分唔新鮮,有部分放超過一日以上,栗米已經冇晒水份,魚皮餃有變質味道,有部分肉類色澤已變, 響玲冧晒,炸魚皮有冰的?食得落都係腸仔丸類果啲,海鮮都還好,好在還有服務態度,希望店鋪會改善食物質數。

粉嶺聯和墟熟食中心位於2001年建成的粉嶺政府綜合大樓二樓，中心內的食店大部份都是從舊墟街市搬過來，現在這些老店冷氣開放，無疑設備完善不少，衛生環境也比以前整潔得多。早前香港電視台製作的「街市遊樂園」節目內曾介紹過熟食中心內的一家食店「森港客家菜館」，該餐館前身在上水順欣花園 (惠州客家菜)，後來業主見他們生意好，便拼命加租，無奈之下唯有搬到聯和墟來。早前我曾來光顧過店家的「$29元自助素食早餐」，今天是來品嚐店家最為食客津津樂道的$98兩小時任食任飲雞煲火鍋 森港的任食任飲雞煲火鍋，用HK$98可以任食任飲兩小時，這個價錢可以稱得上性價比非常高。雞煲有4款湯底 (奇味雞煲、重慶雞煲、豬肚雞煲、養生雞煲) 可供選擇，食完雞煲後再用原煲湯汁進行下一輪任食火鍋。任食火鍋配料種類超過三十款，有肥牛、多款丸類、菜蔬，連海鮮如蟹、扇貝、蝦、蠔仔都有任食，再配啤酒汽水任飲，簡直超值得令人興奮啊！ 雞煲放題 HK$98 (6pm-11pm) 兩位起，入座計2小時任飲任食 任飲獅威罐裝啤酒及各式汽水 雞煲鍋底四選一 (奇味雞煲、重慶雞煲、豬肚雞

98元，任食雞煲兩小時。咁抵! 經過某大台的節目介紹後，今日我相約兩位同事，一行三人，進攻粉嶺聯和墟去。我們點了豬肚雞煲，豬肚新鮮，雖然雞不是採用新鮮雞，但都算肉質鮮，有雞味。湯底鮮甜，不會覺得熱氣。而食物方面，有多種選擇。完成雞煲後，便打邊爐，肥牛提供源源不絕 有新鮮蝦，有蟹，有蜆，有蠔，有田雞，有多款不同的丸類，更特別的是有魚卜，大大個，好新鮮。至於菜類，由於近街市，當然非常新鮮。加上職員的招呼週到，悉心介紹我們各種食材。有個小意外，個gas 爐特然起火，幸好，職員及時處理，無傷及任何人，好彩好彩。整體來說，都算滿意。可以 encore.

路過見到＄98雞煲放題火鍋，便去試一下。星期日晚也很多人，幾乎滿座。雖然是熟食市場但是有冷氣。環境不算擠迫亦都很衛生。雞煲份量都好多，雞件大件有口感，點左重慶麻辣嘅小辣味道非常好。除此之外仲有汽水、啤酒任飲。另外有好多唔同嘅火鍋配料，亦都有好多海鮮嘅火鍋配料。這個價錢的話質素算是很好👍值得一試。如果唔想食雞煲嘅話可以淨係打邊爐也可以。有唔同嘅湯底供選擇。地方大有大枱亦有細枱。相信唔需要book位也可。

粉嶺聯和墟熟食中心位於2001年建成的粉嶺政府綜合大樓二樓，中心內的食店大部份均由舊墟街市搬上樓，現在這等老檔口冷氣開放，無疑設備完善，衛生環境確比以前整潔得多。早前香港電視台製作的「街市遊樂園」曾介紹過熟食中心內的一家食店「森港客家菜館」，該餐館前身在上水順欣花園 (惠州客家菜)，後來業主見他們生意好，便拼命加租，無奈之下唯有搬到聯和墟來。 森港最為食客津津樂道的是他們的$98兩小時任食任飲雞煲火鍋，這個價錢可以稱得上平通新界北區。店家最近更推出$29元自助素食早餐，由上午7:30起至11時供應，任食一小時兼免加一，食物雖然不是什麼貴價食材，但款式也不少及企理，值得一試啊！ $29元自助素食早餐，由上午7:30起至11時供應，任食一小時兼免加一 ▲自助烘焙多士 ▲豉油王炒麵及炒時蔬 ▲佐粥妙品 ▲南瓜粥 ▲烚蛋、粟米、蕃薯 ▲多款素包及蘿蔔糕 ▲蔬菜沙律 ▲奶茶、咖啡、豆漿無限任飲，可惜今天因為貨源關係沒有煎腸粉供應

早前街市遊樂園介紹過呢間森港雞煲今晚睇完戲九點幾決定上街市試下$98兩小時雞煲火鍋任食任飲性價比高雞煲有4款湯底可選開頭都擔心9點幾先去食會吾會已經收左點知去到間店坐滿客我們一行2人決定一試點選了奇味雞煲BB辣奇味雞煲超入味一打開已聞到蒜香雞煲味兩人一鍋都有半隻雞份量惟BB辣太輕不太覺雞肉入口嫰滑美味食完雞煲後便任食火鍋火鍋配料種類都有幾十款有海鮮如蟹、扇貝、蝦、蠔仔，仲有肥牛、多款丸、菜任食同酒樓選擇一樣多再配啤酒汽水任飲$98平靚正不錯之選！

琴晚終於試左啦!好味又低食$98，都幾多種類，又有蟹同田雞，東風螺、硯，嘢飲任飲，仲有啤酒，我估吾到有豆苖貴價菜，琴晚落雨又凍食雞最適合，第一次去感覺真不錯，下次一定再幫襯🖒🖒🖒

聯和墟熟食中心$98/任食任飲都幾抵揀左個重慶雞煲相都未影得切朋友已經起哂筷啦雞件好入味而且又夠嫩正正子呀！係平價任食黎講調味區種類都幾足料生蒜炸蒜蔥花芫荽辣椒樣樣齊配菜丸子又夠多又有芋絲響鈴魚皮···不過如果可以的話粟米可以切番厚身d唔洗咬得咁辛苦係菜方面佢地都幾重本有茼蒿西洋菜皇帝菜唔似平時果D舖路淨系得平價菜抵抵抵👍🏼👍🏼👍🏼值得一讀蔬菜洗得好乾淨食得好放心海鮮種類都唔惹小有蠔、青口、蟶子、扇貝、蜆、龍蝦仔最正嘅係有魚卜一出就比人搶哂朋友好辛苦先搶到4粒另外一個值得推薦嘅系手包雲吞食完覺得好正即刻問老板咩牌子點知原來系自家製不得了一盆盆嘅肥牛色水都唔錯幾好幾好任飲嘅種類略少汽水算齊另外有仲有鴻福堂嘅檸茶檸蜜菊蜜但啤酒就淨系得獅威想飲藍妹就要自己加錢啦⋯⋯總評哩間雞煲味道唔錯而且值錢平得黎食物種類又多又新鮮兩個人打都得下次都會再黎GATHERING