森森食堂

營業中

休息中

優點：個沙牛面係北角區最有味既，可以配好多吾同小食，抵食。缺點：不知是租金問題，定一層捽一層，每個員工好似客爭佢錢感。菜單設計亦都好有問題，點配應該1，2，3。或主》加箭嘴，副食〉加箭嘴，再加飲品。而吾係雜亂無章寫曬一堆！就吾會洐生回答吾係熟客，新客的重覆問題；造成厭惡或不耐煩。都係果句，不同行業都係要答客重覆又重覆的問題。你的處理顯示出你的高低。我在openrice 的第一篇負皮，你值得擁有，眼鏡白髮叔🤓

今日去北角聽講座，想食好野，但老公想食茶記 男人係咁，飲少餐凍奶茶都唔得。於是行行行，見到呢間餐廳，睇下食評，我想試自選餐。流心蛋牛脷飯 - 我覺得細碗左啲，但擺盤好靚，牛脷有啲咸，但佢鐘意，汁少左啲，佢拎左我啲西蘭花白汁撈飯。白汁雞皇飯 + 炸流心奶皇包 + 芝士白汁西蘭花白汁雞皇飯普通，隻底唔係炒底飯，但雞皇竟然唔係雞絲，係炸過既雞球，好出色。炸流心奶皇包 - 炸左幾妙，真係流心奶皇，幾唔錯。芝士白汁西蘭花 - 通常白汁西蘭花焗完都會水水的，但足料。

呢個陣容嘅下午茶餐, 39蚊, 個人認為好抵👍👍, 味道不過不失.餐廳都有啲人, 但係卡位仲有位的食食下, 一名五六十女士走埋我度, 話要坐喺我對面, 嗰下有少少錯愕, 週圍仲有位你都要坐我對面？！佢二話不說坐低睇餐牌, 我諗諗下問佢, 其實卡位全部冇人喎..佢話因為係大枱, 我話四張大枱一個人都冇啊！跟住佢就發脾四掉啲餐牌落枱, 掀起一陣風, 起身坐咗去第二度（其實餐廳真係仲有位！！）只可以講而家越嚟越多人好騎呢, 又或者我魅力非凡🤣🤣🤣係咪啲人好寂寞要搵人襯下, 唔怪得知網絡情緣越騙越有..😌😌😌

一直都見到森森食堂都有唔少人介紹，咁北角返工既人今日就去試下啦。今次先試下佢個自選系列，可以選擇唔同既主食、前菜、小食，價錢大概50零60零蚊左右，適唔大食又或者細食既人，都幾貼心。今日我就唔算太肚餓，就叫左個A+B，個芝士厚切牛肉漢堡都唔錯，牛肉有肉味，並唔似雪左好耐既死肉，仲要讚揚一下個飽皮，鬆軟熱辣辣，絕對唔係MCD貨色。另外薯條炸得夠熱，夠粗，食到薯條內層既飽滿同濕潤，絕埋凍檸茶一絕。仲有一點要讚一下就下俾埋對即棄手套你，食完唔怕整到隻手油立立。下次會再試下其它既combinations。

好耐都冇食過沙嗲牛肉麵同奶醬豬😌常餐$49沙嗲牛肉麵+午餐肉煎蛋+奶醬豬+凍檸茶小甜小冰湯底吾算好濃，沙嗲味都算出，肉質方面不算粗糙，麵質正常水平👍🏻加左煎蛋同午餐肉撈埋好夾好好食，最中意係奶醬豬，好邪惡啊🫢

森森食堂我會形容佢係一間好少少既茶記，坐得舒服啲，位置闊落啲，而佢既出名亦都不錯。每一日都有唔同既午市套餐今日我就揀左佢既《美國安格斯牛肩扒》配意粉同紅湯。首先，佢既紅湯上枱夠熱，呢一點好重意。蕃茄味香濃，少少辣唔會過搶，酸味亦啱啱好。佢既意粉以茶餐廳既質素來講屬於優異，起馬佢令我去親都會揀意粉先，因為佢唔會太過淋，而且唔會水汪汪咁，因此好索汁。牛扒方面，當然唔會expect佢係頂級，但食落夠軟身唔會過熟，亦唔會有雪味同梳化粉既味。配合埋佢既黑椒汁都真係幾好食。飲埋凍飲，$61蚊，收貨了吧😆

今天星期日帶小朋友外出食早餐🥰😘叫了一份早餐豬扒公仔麵，配粟米粒，丹麥提子酥🫶🏻♥️環境舒服，有禮貌價錢是$40 ，小朋友很喜歡吃丹麥提子酥下次有時間會再帶小朋友過來😋🤓

Waking up with the crave of peanut butter spread on cripsy bun, I decided to spend my breakfast at Sam Sam Canteen.We ordered fermented vegetables with vegan meat vermicelli served with two sunny eggs and peanut butter crispy bun and satay beef noodle served with a hamburger, a sunny egg and peanut butter condensed milk crispy bun. Their unique vegan fermented vegetables meat base would never disappoint you. Tender vegan meat stir fried with the fermented vegetables which made the whole toppings

📍森森食堂 （北角）呢頭翻工次次都想試吓唔同新餐廳 但有時又懶得行遠小小食 都係食翻公司附近果啲餐廳算😂經過見到呢間啲lunch都算係咁 $50幾蚊～有湯 熱飲 焗飯 就試下佢～餐廳都幾多野食 最尾都係叫翻佢啲是日午餐我叫左個咖喱牛腩焗飯 可惜佢唔係炒飯底 失色左啲 咖喱味可以濃啲～ 湯同野飲就正正常常 但眼見佢啲下午茶都幾抵食既 可以一試不過有位員工啲服務態度好搞笑 明明揮手佢應左我 但又走開左唔係幫我落單？？？？😂😂

呢個位置之前餐廳名叫新森林，曾經係我既飯堂，但因為搬咗屋，所以有一段時間無食，今次從返故地，發現餐廳變左森森食堂，見餐廳新裝修，門面都幾果光猛，就決定喺呢度食晚飯。首先我地睇完餐牌後，決定點兩個牛魔王芝士焗飯，有一個短頭髮既女職員過黎落單，估計佢應該係老闆/高級職員，埋到黎問食咩既時候，語氣無嘜禮貌，有d似審犯既感覺，心入面巳經火火地。牛魔王芝士焗飯：裝住食物兜深度比較淺，份量都係偏小。兜底唔係好平，一路食嗰兜會跟住轉，最後全程要另一隻手撳住兜邊黎食。牛魔王芝士焗飯有牛腩、牛仔骨、牛柳3款牛。賣相不錯，醬汁都算唔錯，小小辣，牛腩好冧但牛柳嘅根比較多，切起上嚟有些困難。整體食物ok，但服務態度有很大進步空間。

早晨40元 大大件豬扒面 你估都估唔到 仲有一杯野飲 仲有幾個唔同選擇 仲有一個包 仲有奶油豬 仲有漢堡扒 還有腸仔等等選擇。一個早餐 4樣嘢食 加一杯飲品 都係40元港元 你話超值嗎

晚飯時間係北角搵完朋友 見到森森食堂門面唔錯 入去試下先叫左個經典鮮茄大胃王芝士焗飯個飯唔係等左好耐就到一黎到個賣相唔吸引 芝士焗得唔夠色唔多香食落去啲飯都係唔夠熱 其他配料都普通 唔太好食叫得大胃王焗飯比唔到人滿足感果然圖片只供參考

If you are in a hurry, spending your breakfast here definitely save up much of your precious time.I went in quite early, so not much waiting was needed. Once I sat, waitress already came and asked what I wanted. I haven't managed to read the menu, anyway I knew what I wanted from my regular breakfast routine. I was going to order porridge but they changed menu. Sadly from now on porridge is replaced by corn flakes. I ordered ham macaroni with fried eggs and peanut butter bun. Food literally too

員工態度十分之差，入坐係坐卡位，有事離開坐位一陣，手袋同梳化都比湯整濕左，咁佢有 道歉，而且係冇心既咁都算數啦，但上錯野，就話係我落錯單，同我講“補返畀你囉”佢態度真係好差囉！ 再換嗰一份，碟冇洗乾淨囉， 同佢講個碟污染，黑晒臉囉，其實平時經常都黎食，員工態度愈來愈差，但今次之後真係唔會有下次

呢間垃圾食堂請埋d廢員工做野一係漏單一係行黎行去唔做野！今晚情人節黎食飯，等就預咗但唔係咁過份囉嗌咗四個字餐，之後走黎同我講唔見咗張單要重新再order。。。。垃圾服務做到咁，你間餐廳再做幾多次義工都無用啦！門面野，收一收皮先啦，垃圾！我地最後走咗，走之前有幾枱客都係等得耐，走哂單而好嬲咁走咗！正一垃圾飯堂！野好唔好食就見人見智啦。。。最基本顧客服務都無就真係唔執都無用。呢頭冰室已經少，因為有你呢間而拖底埋其他餐廳質素，垃圾飯堂！