森林麵包

營業中

休息中

一直以黎好怕評價小店, 因為最怕講幾講多人食左, 唔係排晒長龍就質素走樣. 今次唔係見倒有人評擊忍唔住都要留下言.  自問唔係麵包/蛋糕控, 但試過都覺得點解會咁抵咁好食, 又再走去食下A1因為方便, 唔駛講小店win都開巷.再黎曲奇同杏仁酥, 一食真係好感動,  好味過貴族蛋榚同奇華多多聲,  杏仁酥仲要細細舊平時煲劇真係食唔停,  真係好羨慕住附近嘅爸絲, 暫時仲未試倒蛋tark, 有人食左請通知~

之前朋友請我食過唧花朱古力曲奇，我覺得好入口鬆化，加上傳統朱古力醬，好有童年的味道，決定去大量入貨屋企人鍾意食傳統拿破崙，又順便訂多2個，$138-168，咁大個，真係好抵食。店家話係6人份，切6份之後，我一人份量都食唔晒，唯有硬著頭皮食埋佢。酥皮超正，開心果口味好特別，出面食唔到。而中心層是合桃蛋糕，是不是合桃蛋白餅，兩樣都係正宗嘅，不過我鍾愛蛋白餅多d，如果之後推出就好了。另外仲買咗咖啡曲奇、合桃酥和吐司麵包，都係好食，抵食之選。而麵包口感有少少“煙韌”有西式麵包嘅口感，亦是不錯的選擇。點解我唔係住係樂華邨呢不過，佢有幫手call車服務，我買咁多，早知call車送貨

喺網上面聽聞呢一間街坊小店嘅拿破崙質素非常之高，所以今次就藉住侄仔嘅生日，訂咗一磅嘅士多啤梨拿破崙嚟試吓，一試果然並非浪得虛名，屋企大人細路都鍾意，簡直皆大歡喜！首先個酥皮係相當之香，用咗日本麵粉，咬落相當酥脆，充滿陣陣牛油香味。然後吉士相當之幼滑，唔會太甜，而且有一粒粒雲呢拿籽，配合埋新鮮酸酸甜甜嘅士多啤梨，成件事配合得非常之好，令人印象深刻。本人之前都試過係一間尖沙咀酒店訂過芒果拿破崙，但質素都冇呢一間咁好，吉士比較甜，而且價錢差唔多要成$400。以$258 一磅來講，呢一間嘅水平係絕對係物超所值，性價比冇得輸。而且呢間舖頭嘅位置位於觀塘嘅舊屋村裏面，服務街坊大眾，感覺上平易近人，令人陪感親切，我之後都會得閒過嚟買下曲奇、蛋撻、雞批，多D 幫襯呢啲非集團式嘅小店。

想請同事食蛋糕, 唔想食連鎖式果d,巧恰地發現森林麵包嘅網站, https://www.the-forest-bakery.store/?cat=all佢哋除左整港式傳統麵包外, 仲有好多款特式蛋糕。所以今次揀左法式芝士餅睇落有酒店級水準, 價錢又唔貴。我訂左三款味:士多啤梨、芒果、班蘭菠蘿colourful d 開心d, 味道方面: 清新唔膩, 一人食兩件都得, 好香cream cheese味, 唔會太甜, 同事們好欣賞下面個餅底,仲脆嘅。會再訂, 下次想試下拿破崙生日蛋糕!

由新開張到而家，已經多次睇到網上介紹依間麵包店，難得突然去牛頭角附近，所以專登搭小巴去樂華邨幫襯一下....因見網上，大部分都介紹芫荽麵包，所以就大膽嘗試一個...芫荽麵包 ($7.5)...一般的麵包，混合左芫荽蓉...味道一般，芫荽唔夠濃厚，似蔥味...完全唔覺得有芫荽質感都不錯，唔係一陣風的麵包咬了一口後，發現一條不知名的白色絲....究竟是頭髮，還是芫荽絲真係唔想知呀....應該都唔會再幫襯...

係社交平台上follow了森林麵包一段時間🌲🌳終於的起心肝訂購左朱古力曲奇同蝴蝶酥🍫🤪去到老闆娘非常熱情招呼係我最鍾意嘅家的感覺🥰去到又忍唔住買埋流心抹茶包同藍莓芝士蛋糕🍰我自己係嗜甜一族，對蛋糕甜品一向有要求好彩森林麵包真係冇令我失望，藍莓芝士蛋糕唔會好甜，藍莓同芝士味非常balance🤩後悔冇買多個曲奇同蝴蝶酥都非常酥脆，好香牛油味食唔停口😋😋第二朝食埋流心抹茶包，食得出麵包本身係用靚麵粉，裏流心抹茶都仲好creamy, 下次要試埋其他包款☺️👌🏻總括來講絕對值得再訪💯❤️

藍莓芝士🫐 德國芝士🍰 Tiramisu☕️藍莓芝士果個醬唔會好甜😚芝士係慕斯果種 唔係平時食開cheesecake好實果type👐🏿 個芝士都幾heavy🤤底會有海綿蛋糕🍰德國芝士就多左啲提子乾喺入面🍇Tiramisu果個純粹有啲咖啡粉喺面 入面都係海綿蛋糕 一般般🥲全部都$18件 買黎過下口癮都ok嘅😛

麵包店位於樂華商場地下當眼處，附近有樂華北邨停車場天台的拍照打卡位，只要乘坐任何前往樂華邨的交通工具如小巴22M, 巴士28, 2A, 23M都可輕鬆找到麵包店。麵包店的款式包羅萬有，口味老少咸宜。麵包口感豐富，蛋糕口味出色，更因為公共屋邨麵包店而令其性價比提高。今次買了一磅雜果拿破崙蛋糕為朋友慶生，價錢都只需208HKD，餅皮鬆脆，餅皮之間的吉士甜而不膩，雜果量適中，只是可能因季節關係，藍莓略為偏酸。個人感覺蛋糕媲美一些高水平的蛋糕專門店，值得推介。